Házirgi ekologiyalıq jaǵdaylarda xalıqtı azıq-awqat qáwipsizligin támiyinlew, sonıń ishinde, sapalı balıq ónimlerin islep shıǵarıw kólemlerin kóbeyitiw boyınsha bir qansha baǵdarlamalıq ilajlar qabıl etildi. Ózbekstan Respublikası Prezidenti Shavkat Mirziyoev 2017-jıl 1-mayda «Balıqshılıq tarmaǵın basqarıw sistemasın jetilistiriw ilajları haqqındaǵı» qararı shıqtı. Bul qararda balıqshılıq tarmaǵın basqarıw sistemasın jetilistiriw, balıqshılıq hám balıq awlaw shólkemleriniń jumıs nátiyjelerin arttırıw, balıq ónimlerin qayta islew boyınsha óndiris quwatlıqların keńeytiw, tábiyǵıy jasalma suw saqlaǵıshlarınan aqılǵa muwapıq paydalanıw, sonday-aq balıq jetilistiriwdiń ilimiy tiykarlaǵan usılların hám intensiv texnologiyaların engiziw názerde tutılǵan.