Gibbs o`lchovlari nazariyasi statistik fizika va Evklid kvant nazariyasini o`rganishning asosiy ob`yekti bo`lishi bilan birga bu o`lchov, o`lchovlar nazariyasining nisbatan yangi sohasini tashkil qiladi. Gibbsning limit o`lchovlari umumiy harakteristikasi R.L.Dobrushin, O.Lenford va D.Ryuellarning ishlarida keltirilgan. Bu tushunchaning xususiy hollari avvalroq N.N.Bogolyubov va B.I.Xatsetlar tomonidan o`rganilgan. Yuqoridagi ishlarning kengaytirilgan va zamonaviylashtirilgan ko`rinishi N.N.Bogolyubov, D.Ya.Petrina va B.I.Xatsetlarning ilmiy maqolalarida tadqiq etilgan. Shuningdek, R.A.Minlos va D.Ryuellarning ilmiy ishlarini ham eslatib o`tamiz. Shu mavzu bo`yicha O`zbek olimlaridan professorlar N.N.G`aniho`jayev, U.A.Rozikov, F.Muhammedovlar, fan nomzodlari N.N.Xatamov, E.Normatov va boshqalar ilmiy ish olib borishmoqda.