Matematik bilyard nazariyasi bizga fizika, mexanika va matematikaning turli xil masalalarini hal qilishda yordam beradi: suyuqliklarni ajratish masalalarida, yorug’likni qanday tushirish to’g’risidagi masalalarda, tibbiyotda buyrakdagi toshlarni parchalashda, gaz zarrachalarining to’qnashuvida va boshqa masalalarda.
Bilyard trayektoriyalarini tahlil qilish geometriya metodlarini, dinamik sistemalarni, ergodik nazariyalarni, shuningdek, nazariy fizika va mexanikaning masalalarini o’z ichiga oladi. Bilyard asosan dinamik sistemalar nazariyasida o’rganilgan. Xususan, matematik bilyardni elementar matematikada qo’llanishini suv ajratish masalalarida ko’rishimiz mumkin.