Genetika fani faqat nazariy muammolarni emas, balki insoniyat oldida turgan nihoyatda muhim vazifalarni hal etishda ham faol ishtirok etmoqda. Odamlardagi iste’dod,qobiliyat, aql-idrok nasldan naslga beriluvchi belgilar qatoriga kiradi.Genetikaning markaziy muammolaridan biri, odamlar irsiyatini baholash va uning kelajagini oldindan rejalashtirib, sog’lom avlodlar dunyoga kelishini nazorat qilish lozimdir. Hozirgi vaqtda insoniyat genomi to’liq o’rganilib,genetika fani oldida turgan eng asosiy vazifalar quyidagilardir:
• inson tanasida ruy beradigan mutatsion jarayonlarni nazorat qilish;
• genlarda yangi nuqsonlar bo’lishiga yo’l qo’ymaslik;
• inson umrini uzaytirishning genetik yo’llarini kashf qilish;
• gen injenerligini rivojlantirishning eng maqbul yo’llarini topish;
• irsiy kasalliklarning paydo bo’lish sabablarini, ularning avloddan –avlodga berilish qonuniyatlarini aniqlash va mazkur holatlarni oldini olish va hokozolar.