Ha`r bir insan o`z o`miri dawaminda baxitli jasawg`a tirisadi, ha`m bul jolda ha`reket etip, og`an erisiw jollarin izleydi.. Ha`m ol iske assa o`zin baxitli sezedi. Demek, kisinin` baxti tutiniwda g`ana emes, onin` o`niminde, do`retiwshiliginde. Bul du`n`yada o`mirin`nen iz qaldiriw, alg`a qoyg`an maqsetke jetiw, o`zin`nin` barliq quwatin`di ko`rsetiw, adamnin` turmisinin` o`mirlik murati. Demek, insan sol muratqa jetse haqiyqat baxitli boladi.
Adam qalay baxitli boladi? Bul sorawg`a ha`mme adamg`a ten`dey juwap tabiw qiyin ma`sele. Sebebi ha`r kimnin` ja`miyetlik awhali ha`r tu`rli du`n`yag`a ko`z-qarasi ha`r qiyli.