Скреперлар универсал тупроқ ковлаш-ташиш машиналаридан ҳисобланади. Улар гидротехник иншоотлар, темир ва автомобил йўллари, дамба, тўјон ва уйилма каналлар қурилишида, карьерларда тупроқларни ишлашда, мелиорация ишларида қўлланилади. Бу кўтармаларни тиклашда, тупроқ 100-150 м дан ортиқроқ ерга тўкиладиган йўл қурилишларида ҳам самарали ишлатилиши мумкин. Скреперлардан, айниқса, унча чуқур бўлмаган кенг канал ва хандакларда тупроқларни ковлаб 100-150 м дан то 2-3 км га ташишда фойдаланиш яхши самара беради.