Бозор иқтисодиёти тизимида ишлашни истайдиганларнинг ҳаммасини тўлиқ иш билан таъминлаш жуда мушкул муаммо ҳисобланади. Давлатнинг бунга ҳам аралашиши, ишсизликни пасайтириш чораларини қўллаши талаб этилади. Шу билан бирга ишловчиларнинг даромадларини кафолатлаш ва минимал иш ҳақи чегарасини белгилаш зарурияти туғилади. Яна шундай муҳим томонлар борки, масалан, мураккаб минтақавий муаммолар мавжудлиги, булар тарихий, миллий, демографик ва бошқа хил нобозор омиллар таъсирида юзага келади, бу муаммоларни фақат давлат бартараф этиши мумкин.