Метрология – ўлчашлар, уни таъминлаш усуллари ва воситалари, ҳамда талаб қилинадиган аниқликка эришиш йўллари тўғрисидаги фан.
Замонавий жамият ҳаётида ўлчашлар жуда катта аҳамиятга эга бўлди. Ҳар куни саноат, илмий тадқиқот, қурилиш, савдо, тиббиёт, кундалик турмушда – фаолиятнинг деярли барча соҳаларида – инсон катта миқдорда ўлчашлар ўтказади. Ўлчашлар ҳаётимизнинг ажралмас қисмларидан бири бўлиб қолди.
Битирув-малакавий ишининг мавзуси масса ўлчаш воситаларининг аниқлигини таъминлаш йўллари ва унинг сифат талабларига мувофиқлигини синовлардан ўтказиш бўйича таҳлилларни кўриб чиқишга қаратилган.