Нефт-газ ва нефт-кимё саноатида табиий газ ва газ конденцатини чуқур қайта ишлаш асосида юқори қўшимча қийматга эга маҳсулот ишлаб чиқариш ҳажмини ошириш ва турини кенгайтириш режалаштирилмоқда. Кимё саноатида ишлаб чиқариш ва экспортни мураккаб минерал ўғитлар, полимерлар, синтетик каучук, метанол ва кенг турдаги маиший-кимё товарлари ишлаб чиқариш бўйича замонавий технологияларни жорий этиш орқали диверсификация қилиш кўзда тутилган.
Умуман, геология,ёқилғи энергетика комплекси, кимё, нефт-кимё ва металлургия саноатида ишлаб чиқаришни модернизация қилиш,техник ва технологик янгилаш бўйича 124 инвестиция лойихаси,шунингдек,хорижий сармоядорларни жалб этган холда 48 истиқболли инвестиция лойихасини амалга ошириш режалаштирилмоқда.