Ўзбекистонда аҳолининг асосий турдаги мева-сабзавот экинларига бўлган эҳтиёжини тўлиқ таъминлаш мақсадида 2015 йилда 9535,8 минг тонна сабзавот, 2606,3 минг тонна картошка, 1770 минг тонна полиз экинлари, 2703,1 минг тонна мева ва 1526 минг тонна узум маҳсулотлари етиштириш мўлжалланган эди. Бу мамлакат миқёсида ортиғи билан бажарилиб, яъни, 14 миллион 500 минг тоннага яқин сабзавот ва полиз, 4 миллион 300 минг тонна боғдорчилик маҳсулотлари етиштирилди. Бунинг асосий сабаби такрорий экин майдонларидан унумли фойдаланилганли бўлди десак муболаға бўлмайди.