Ushbu “Elektr energiyasini ishlab chiqarish (muqobil energiya manbalari)” mavzusidagi kurs ishi kirish, asosiy qism, xulosa, ilovalar va foydalanilgan adabiyotlar ro’yxatidan iborat. Asosiy qism oltita paragraflardan iborat bo’lib, ular O’zbekistonning muqobil energetika sohasidagi salohiyati,Qayta tiklanadigan energiya manbalari, Muqobil energiya – iqtisodiy barqarorlik omili,Quyosh energiyasidan foydalanish, Shamolni jilovlab elektr energiyasi ishlab chiqarish, “Muqobil energiya manbalarini yanada rivojlantirish chora- tadbirlari to’grisida”gi prezident farmoni mavzularini yoritishga qaratilgan. So`nggi yillarda quyosh elementlari ishlab chiqarishga va elektr energiyasi olishga sarmoya kirituvchi kompaniyalar soni ortib bormoqda. Ma’lumotlarga ko`ra, bir necha yil muqaddam jahon bo`yicha quyosh panellari yordamida olinayotgan umumiy energiya miqdori 4 GVt deb baholangan bo`lsa, hozir uning miqdori 15 GVtni tashkil etadi. Mutaxassislarning ta’kidlashicha, serquyosh o`lkalarda 2030-yilgacha muqobil energiya manbalari sifatida quyosh fotoenergetikasidan keng foydalanish imkoniyati yaratiladi.