Mamlakatimiz taraqqiyotining muhim sharti kadrlarni tayyorlash tizimining mukammal bo`lishi, zamonaviy iqtisod, fan, madaniyat, texnika va texnologiyalar asosida rivojlanishi hisoblanadi. «Kadrlar tayyorlash milliy dasturi» ning asosiy maqsadi – yuqori malakali raqobatbardosh kadrlar tayyorlashning yaxlit tizimini barpo etish strategiyasi hamda asosiy yo`nalishlarini uning komponentlari: shaxs, jamiyat va davlat, uzluksiz ta`lim, fan, ishlab chiqarish vazifalarini hisobga olgan holda ishlab chiqish kabilardir. Milliy dasturni amalga oshirishda mavjud ta`lim va kadrlarni tayyorlash tizimlarini tubdan o`zgartirish zamonaviy ilmiy fikrlar yutuqlari va ijtimoiy tajribalarga, ta`lim jarayonini hamma bosqichlarida, uzluksiz ta`lim tizimi ta`lim muassasalarining hamma shakli va turlarida ilg`or-metodik ta`limlarga tayangan holda amalga oshiriladi. Hozirgi zamonaviy bosqichda pedagogik dolzarb vazifalarga fan, texnika, ilg`or texnologiyalar yutuqlaridan foydalanish asosida shaxsni tarbiyalash, o`qitish va rivojlantirish maqsadlari, mazmuni, metodlari, vositalari va tashkiliy shakllarini ilmiy ta`minlash kiradi. Kadrlar tayyorlash sohasidagi davlat siyosati uzluksiz ta`lim tizimi orqali har tomonlama rivojlangan shaxs – fuqaroning tashkil topishini ko`zda tutadi.