Панжарадаги махсус дисперсион (заррачанинг бир тугундан қўшни тугунга ўтишини тавсифловчи) функцияли қисқа масофаларда тортишувчи потенциал ёрдамида ўзаро таъсирлашувчи ихтиёрий икки квант заррачали системага мос баъзи модел операторларининг хос қийматлари сонини аниқлаш.

Икки ва уч ўлчамли панжарада харакатланувчи ва қисқа масофада ёки узоқ масофада кучсиз таъсирлашувчи икки заррачали системага мос Шредингер операторларининг муҳим спектридан ташқаридаги хос қийматларнинг қўзғалишларини аниқлаш.

Тадқиқотнинг мақсади дарёнинг ростланган ўзани учун оқим ва ўзаннинг гидравлик параметрларига ростланган сув оқими таъсирини ҳисобга олган ҳолда дарё ўзанининг гидравлик ҳисоблаш усулларини такомиллаштиришдан иборат.

Жаҳонда кимёвий жараёнларни назарий жиҳатдан, чуқур илмий тадқиқ қилишга бўлган талаб ортиб бормоқда. Кимёвий реакцияларнинг молекуляр жараёнлар эканлиги уларни тадқиқ этишда бир қатор қийинчиликларни юзага келтиради. Замонавий ахборот технологиялари ва квант кимё усулларидан унумли фойдаланиш ушбу муаммоларни ҳал этиш имконини яратади. Бугунги кунда биологик фаоллиги юқори, экологик жиҳатдан зарарсиз моддаларни синтез қилиш, уларни амалиётга тадбиқ этиш муҳим вазифалардан бири ҳисобланади.

Жаҳон мамлакатлари иқтисодиётининг барқарор суръатларда тараққий этиб бориши банк тизими ликвидлилигининг мустаҳкам даражада таъминланганлигига бевосита боғлиқдир. Бугунги кунда қатор мамлакатлар иқтисодиётида давом этаётган инқирозли вазиятлар хусусан, инвестицияларни жалб этишда миллий пул бозорлари фаолиятининг халқаро миқёсда интеграциялашуви кучайиши таъсирида мамлакат банк тизими ликвидлилик даражасининг заифлашуви, шунингдек, банкларнинг актив ва пассивлари номутаносиблиги натижасида миллий иқтисодиётларнинг рецессия томон юз тутиш ҳолатлари кузатилмоқда. Ҳозирда аксарият хорижий мамлакатлар банк тизимида инқирознинг салмоғи сезиларли даражада ортиб бормоқда. Хусусан, бундай салбий тенденциялар Греция, Ирландия, Португалия, Испания, Кипр каби мамлакатлар банк тизимида жиддий муаммоларни келтириб чиқармоқда.

Дунёда жиноятларни тез ва тўлиқ очиш, жиноят содир этган ҳар бир шахсни фош этиш, жиноятчиликка қарши курашиш, фуқароларнинг хавфсизлиги ва уларни ҳуқуқларини жиноий тажовузлардан ҳимоя қилишда ҳуқуқни муҳофаза қилиш органлари фаолиятини мувофиқлаштириш масаласи объектив заруратга айланди. Жиноятларни очиш, тергов қилиш ҳамда суд ва терговдан яшириниб юрган шахсларни қидириб топиш бўйича фаолиятни ташкил этилиши борасидаги эмпирик кузатувлар терговчиларнинг терговга қадар текширувни ёки тезкор-қидирув фаолиятини амалга оширувчи орган¬лар, хусусан, жиноят қидирув бўлинмалари билан ҳамкорлиги масалаларини алоҳида илмий таҳлил этишни талаб этади.

Бугунги кунда жисмоний тарбия ва спортни оммавийлаштириш жаҳон ҳамжамиятини ижти¬моий сиёсатнинг муҳим йўналишларидан бири этиб белгиланган. Инсоннинг жисмонан соғлом, ақлан етук, кучли, иродали, матонатли бўлиб тарбиялани¬шида спорт турларининг ўрни беқиёсдир. Шу ўринда енгил атлетика спорт турлари дунё миқёсида кенг оммавийлашиб, ривожланган спорт турларидан бири ҳисобланади. Айниқса, инсонлар енгил атлетика турлари билан доимий равишда шуғулланиб, унинг техникасини юқори даражада эгаллаш орқали алоҳида эътиборга сазовор бўлмоқда.

ХХI аср жаҳон, хусусан Европа ва Америка тилшунослигида когнитив лингвистика, антропоцентризм ва лингвомаданиятшунослик доирасида инсон - тил - борлиқ муносабатларига бағишланган илмий изланишларнинг натижалари турли халқ лар тафаккурида дунёни идрок этилиши ва тилда акс топишининг ноёб, ўзига хос - миллий усуллари билан боғлиқ бир қатор ўрганилмаган муаммоларни белгилаб берди. Шу боис, тилни ва унинг асосида яратилажак олам лисоний тасвири (кейинги ўринда – ОЛТ)ни инсоннинг атроф олам ҳақидаги тассаввурлар тизими сифатида ўрганиш мақсадида, тилнинг ўзига хос лексик бирлиги бўлган ўсимликлар номлари – фитонимларни 1 турли тизимли инглиз, рус ва ўзбек тиллари мисолида чоғиштирма тадқиқ этиш долзарб масала сифатида майдонга чиқди.

Жаҳонда дарѐ оқизиқларининг сув ҳўжалиги объектларига салбий таъсирини камайтириш, сув ресурсларидан комплекс фойдаланишнинг муҳим экологик масалаларидан бири бўлиб ҳисобланмоқда. Шу жиҳатдан, йирик очиқ ўзанларнинг (катта каналлар, оқим ҳаракати таъсирида бўлган сув омборлар ва кичик дарѐлар) стационар ва ностационар оқим шароитларидаги деформацияларини прогнозлашнинг ҳисоб усулларини ишлаб чиқиш алоҳида аҳамият касб этади. Бу борада, шу жумладан АҚШ, Нидерландия, Германия, Франция, Россия, Япония, Хитой, Жанубий Корея ва бошқа ривожланган мамлакатларда стационар ва ностационар ҳолатда ишлайдиган йирик очиқ ўзанларни лойиҳалашнинг самарали усулларини ишлаб чиқиш, уларда содир бўладиган деформацияларни олдини олиш ва уларнинг ишончли эксплуатациясини таъминлашга алоҳида эътибор қаратилмоқда. .

Жаҳонда қурилган 800 мингдан ортиқ грунтли тўғонлардан энергетика ва ирригация мақсадларида фойдаланилаётганлиги боис барча гидротехника иншоот-ларининг хавфсизлигини таъминловчи, уларнинг мустаҳкамлигини ҳисоблаш услубиятини ишлаб чиқиш ва такомиллаштиришга алоҳида эътибор қаратилган. Шу жихатдан, сув омборининг тўлдирилиш сатхига боғлиқ ҳолда грунтли тўғонларнинг кучланганлик деформация ва динамик ҳолатларини баҳолаш ва башорат қилишда иншоотнинг конструктив бир жинссизлиги, грунтнинг ноэластиклик хусусиятлари ва намликни нотекис тарқалиш-ларини ҳисоблаш усулларини ишлаб чиқиш муҳим масалалардан бири ҳисобланади.

Дунёда аҳолининг турли қатламлари орасида қандли диабет касаллиги кун сайин ортиб бормоқда. Жаҳон соғлиқни сақлаш ташкилоти (ЖССТ) маълумотларига кўра бугунги кунда дунё бўйича 177 миллион киши қандли диабет (ҚД) билан хасталанган, Халқаро диабет федерацияси (IDF) башоратларига кўра 2-типдаги ҚД билан хасталанган беморлар сони 2030 йилга келиб 552 млн гача кўпайиши мумкин. Кўз тўр пардасининг диабетик зарарланиши, диабетик ретинопатия (ДР) ва унинг асоратлари – ривожланган мамлакатлар аҳолиси орасида учрайдиган кўрликнинг асосий сабаби бўлиб, бугунги кунда 10–20% ни ташкил этади.

Тадқиқотнинг мақсади иқтисодиётни модернизациялаш шароитида қишлоқ хўжалигини давлат томонидан тартибга солишнинг иқтисодий механизмларини такомиллаштириш бўйича илмий-амалий тавсиялар ишлаб чиқишдан иборат

Жаҳоннинг ривожланган мамлакатларида кичик бизнес ва оилавий тадбиркорлик фаолиятини ривожлантиришга муҳим аҳамият берилмоқда. БМТ маълумотларига кўра, кичик корхона, микрофирма ва оилавий тадбиркорлик субъектлари дунёнинг 50 фоиз меҳнатга лаёқатли аҳолиси учун асосий иш берувчи ҳисобланади. Жумладан, АҚШ, Франция, Буюк Британияда ишлайдиган ходимларнинг тахминан ҳар ўн нафаридан, Японияда ҳар етти нафарининг ва Италияда ҳар беш нафаридан бири кичик бизнес ва тадбиркорлик билан шуғулланади.

Дилатацион кардиомиопатия касаллиги алоҳида шаклларининг клиник-функционал ўзига хос хусусиятларини иммунгенетик кесим билан ўзаро боғлиқлилигини аниқлаш ва сурункали юрак етишмов¬чилиги стандарт терапияси фонида касаллик динамикаси ҳамда ҳаёт прогнозини асослаш.

2001 йил 11 сентябрь воқеаларидан сўнг Афғонистонда «Толибон» ҳаракатининг ҳокимиятдан четлатилиши билан бир неча йилдан буён давом этаётган афғон муаммоси ҳал бўлиб қолгани йўқ. Ушбу даврда Афғонистонда юзага келган ички сиёсий вазият, афғон жамиятини демократлаштиришнинг муҳим бўғини бўлиши назарда тутилган янги шаклдаги давлатчиликнинг шаклланиш жараёни афғон муаммосининг ижобий ҳал этилишидан манфаатдор бўлган минтақа давлатлари, қолаверса бутун дунё ҳамжамиятида катта қизиқиш уйғотди. Афғон давлати атрофида кейинги бир ярим аср давомида рўй берган воқеалар ва унга халқаро ҳамда минтақавий жараёнларнинг таъсири масаласи долзарб тадқиқот мавзуларидан бўлиб келмоқда.

Халқаро молия тизимининг такомиллашуви алоҳида мамлакатлар молия тизими ва унинг асосий бўғинларини мос равишда ривожлантириб боришни тақозо этмоқда. Мамлакатлар ўртасида халқаро капиталнинг ҳаракатланиши, йирик инвестицион лойиҳаларни биргаликда амалга ошириш, компания ва корпорацияларнинг ўзаро молиявий муносабатларини самарали ташкил этиш, молия бозорини ривожлантириш каби муҳим вазифаларни амалга оширишда замонавий молиявий бошқарув механизмини жорий этиш алоҳида аҳамиятга эга.

Глобаллашув жараёнлари тезлашиб бораётган ҳозирги даврда йирик инвестиция компаниялари ўз маблағларини ривожланган мамлакатларга нисбатан ривожланаётган мамлакатлар иқтисодиётига икки баробар кўпроқ йўналтирмоқда. Юқори суръатлар билан ривожланаётган мамлакатларда инвестиция оқимининг ўсишига қарамай, фонд бозорларини капиталлашуви, шаффофлик, ликвидлик, қимматли қоғозлар нархларининг ўзгарувчанлиги, транзакция ҳаражатларининг юқорилиги каби омиллар активларни баҳолашнинг оптимал усулидан фойдаланиш жараёнини қийинлаштирмоқда. Дунё фонд бозорларидаги активларнинг кескин тебраниши ривожланаётган мамлакатлар фонд бозорларининг капиталлашув даражасининг йилдан-йилга ошиб бораётганлиги билан изоҳланади.

Спорт гимнастикаси дунёнинг барча қитъалари вакилларини Халқаро федерацияда бирлаштирувчи Олимпиада дастурининг энг машҳур турларидан бири ҳисобланади. Кўплаб мамлакатларнинг ушбу спорт турини ривожлантиришга бўлган истаклари кўп жиҳатдан нафақат миллий жамоалар билан рақобатлашиш, балки халқаро гимнастика спорт мусобақаларида иштирок этишнинг ижтимоий сабаблари билан ҳам боғлиқдир. Ҳозирги кунда спорт гимнастикаси машқларнинг мураккаблиги, композицияларнинг мукаммаллиги ва, айниқса, машқларни ижро этиш маҳорати юксак даражага кўтарилган. Ижро маҳоратига бўлган талабларнинг кучайиши гимнастика кўпкурашларининг барча турларида гимнастикачиларнинг базавий ва махсус тайёргарлиги сифатига мураббийларнинг алоҳида эътибор қаратиши лозимлигини кўрсатмоқда.

Ҳозирги кунда дунёда талаба ёшларнинг ҳаракат фаолияти паст даражада ва бу уларнинг саломатлигини шакллантириш ва сақлаш учун етарли эмас. Хорижий давлатларнинг илмий-методик адабиётларидаги тадқиқот натижаларини умумлаштиришда шу нарса аниқландики, асосан, дарсдан ташқари пайтда жисмоний тарбия бўйича ўқув жараёнини ташкил қилиш ва амалга оширишни ёритиб берувчи сифатли материал ишлаб чиқилган. Олий ўқув юртларида кенг тарғиб қилинадиган кўп сонли спорт турлари орасида мини-футбол талабалар ўртасида янада кўпроқ оммалашиб бормоқда.

Дунёда нефть ва газ қазиб олишни ривожлантириш вазифаларининг бажарилиши, аксар ҳолларда, чуқур жойланган қатламларга қудуқлар бурғилаш ҳажмини ошириш ҳамда бурғилаш ишларини жадаллаштириш ҳисобига таъминланади. Жаҳон тажрибаси шуни кўрсатади-ки, бурғилаш тезлигини оширишнинг муҳим захираси, бу тартиб кўрсаткичларини мақбул бирлаштириш натижасида бурғилаш тезлигини максимал даража оширишдур. Жаҳон миқиёсида бурғилаш тезлигини жадаллаштириш, шунингдек, қудуқларни қазиш технологияларини такомиллаштириш ҳисобига қудуқ қурилиши муддатини қисқартириш масаласини ҳал қилиш катта аҳамият касб этмоқда.