Жаҳон тилшунослигида лисоний имкониятлардан амалий фойдаланишга, тил бирликларининг нутқда қўлланиши ва маъно-вазифа хусусиятларини очиб беришга алоҳида эътибор қаратилмоқда. Мулоқот маданияти, ортология, нейролингвистика, юрислингвистика, амалий тилшунослик, лингвистик экспертиза каби амалий тилшунослик соҳалари салмоғи кун сайин ошиб бормоқда. Бу дунё миқёсида техник-технологик тараққиёт натижасида маънавият муаммоси олзарблашаётганлиги, мазкур муаммолар ечими марказида шахснинг нутқ маданияти, мулоқот салоҳиятини ривожлантириш турганлиги, тилга маънавиятни юксалтирувчи воситалардан бири сифатида муносабатда бўлиш кучайиб бораётганлиги билан изоҳланади. Тилнинг бой ва гўзал ифода имкониятларидан бири бўлган эвфемизмлар ролини кенгайтириш ижтимоий эҳтиёжга айланмоқда.