Чекли элементлар усули(ЧЭУ) мухандислик ва физикавий масалаларни ечишда энг самарали сонли усул ҳисобланади. Бу усулнинг қўлланиш соҳаси самолетларнинг ёки автомобилларнинг конструкцияларида кучланишлар таҳлилидан тортиб то атом электрстанциясига ўхшаган мураккаб системаларнинг ҳисобини олишгача бўлган кенгликни қамраб олган. Унинг ёрдамида суюқликнинг трубаларда, плотина орқали,пористик муҳитда оқиши, сиқиладиган газнинг оқими ўрганилади, электростатика ва смазка масалалари ечилади, тебраниш системалари тақлил қилинади.