Ушбу битирув малакавий иши мавзуси “Марказий Осиё минтақасининг тарихий-этнографик тавсифи” деб танланиши бежиз эмас. Чунки, Тарих таълим йўналиши ўқув режасидаги “Археология ва этнология асослари” ва “Ўзбек халқи этногенези ва этник тарихи” сингари мутахассислик фанлари мазмунидан келиб чиқиб, Марказий Осиё минтақасида қадимдан истиқомат қилиб келаётган халқлар аждодлари, уларнинг турар-жойлари, урф-одат ва маросимларини ўрганиш жараёнида мазкур халқлар антропологияси, тиллари, хусусан, этногенезига мурожаат қилинади. Худди шу масалаларни батафсил ва яхлит ҳолда ёритиш мақсадида тадқиқотга қўл урилди.