Inson ma’naviy ongi axloqiy his-tuyg’ulardan boshlanadi. Ya’ni insonda rahm-shafqat, burch, izzat-hurmat, xijolat bo’lish, uyat, g’urur, or-nomus, vijdon azobi, minnatdorchilik, yaxshilikdan qoniqish tuyg’usi, zavq - shavq, xursandchilik, baxtlilik, xafagarchilik, qurquv, johillik kabi his-tuyg’ulardan axloq boshlanadi. Axloqiy his-tuyg’ulardan tashqari, go’zallik, adolat, erkinlik, tenghuquqlilik hamda rang-barang halol-harom, gunoh-savob, insof, nafs, hirs, shayton vasvasasi va boshqa diniy tuyg’ular ham insonlarga xosdir.