ҚЎЛЛАШ БЎЙИЧА ЙЎРИҚНОМА
ЛЕВОДАН
LEVODAN
Препаратнинг савдо номи: Леводан
Таъсир этувчи модда (ХПН): левофлоксацин
Дори шакли: вена ичига юбориш учун эритма
Таркиби:
1 флакон қуйидагиларни сақлайди:
фаол модда: 0,5 мг левофлоксацин;
ёрдамчи моддалар: натрий хлориди – 0,9 г, натрий гидроксиди (0,1 моль/л) – q.s. (рН 4,0-6,0 гача), инъекция учун сув – 100 мл гача.
Таърифи: сарғимтир-яшил рангли, тиниқ эритма.
Фармакотерапевтик гуруҳи: Антибактериал синтетик воситалар. Фторхинолонлар.
АТХ коди: J01М A12.
Фармакологик хусусиятлари
Левофлоксацин – фторхинолонлар гуруҳи синтетик антибактериал восита. Кенг антибактериал таъсир доирасига эга. Тезкор бактерицид самара левофлоксацинни бактериянинг II тип топоизомерларига мансуб ДНК-гираза ферментини бостирилиши натижасида таъминланади. Натижада ДНК нинг ҳажмли тузилиши бузилади ва уларни бўлиниши блокланади. Левофлоксациннинг фаоллик доираси граммусбат ва грамманфий бактерияларни, шу жумладан, кўпинча нозокомиал инфекцияни чақирувчи ферментламайдиган бактериялар, шунингдек C. pneumoniae, C. trachomatis, M. pneumoniae, L. pneumophila, Ureaplasma каби атипик микроорганизмларни ўз ичига олади. Бундан ташқари левофлоксацинга микобактериялар, H. pylori ва анаэроблар каби қўзғатувчилар сезгир.
Фармакокинетикаси
Левофлоксацин вена ичига ва перорал юборилганидан кейинги фармакокинетикаси бўйича аҳамиятли фарқ йўқ.
| Қўллаш усули | Cmax (мкг/мл) | AUC0-24 (мкг×соат/мл) | T1/2 (соат) | Clr (мл/мин) |
| Вена ичига | 6,27 | 20,73 | 6,28 | 145,55 |
| Оғиз орқали | 4,07 | 22,62 | 6,48 | 162,80 |
Препарат вена ичига юборилганидан кейин бронхларнинг шиллиқ қавати ва ўпка тўқимасининг бронхиал секретида (ўпкадаги концентрацияси плазмадагидан юқори) сийдикда тўпланади. Орқа мия суюқлигига левофлоксацин ёмон киради. Левофлоксациннинг тахминан 30-40% зардоб протеини билан боғланади. Левофлоксацин терапевтик дозаларда қўлланганида тўпланиш самараси деярли йўқ. Левофлоксацин жуда оз даражада метаболизмга учрайди. Левофлоксацин вена ичига юборилганидан кейин плазмадан нисбатан секин чиқарилади (ярим чиқарилиш даври 68 соатни ташкил этади), асосан буйраклар орқали (юборилган дозанинг 85% дан кўпроғи) чиқарилади.
Қўлланилиши
Ўпкани яллиғланиши, сийдик чиқариш йўлларини асоратланган инфекциялари (шу жумладан пиелонефритлар), тери ва юмшоқ тўқималарнинг инфекциялари, септицемия/бактериемия, интраабдоминал инфекциялар, простатитда қўлланади.
Қўллаш усули ва дозалари
Вена ичига юбориш учун левофлоксацинни бактериал ифлосланишни олдини олиш мақсадида резина тиқинни перфорациясидан кейин дарҳол (3 соат давомида) ишлатиш керак. Ёруғликдан ҳимоялаш талаб қилинмайди. Хонанинг ёруғлигида вена ичига юбориш учун эритмани ёруғликдан ҳимоясиз максимал 3 сутка давомида сақлаш мумкин.
Дозалаш инфекциянинг тури ва оғирлигига боғлиқ.
Буйраклар фаолияти нормал бўлган (креатинин клиренси минутига 50 мл дан юқори) катталарни даволаш учун препаратнинг қуйидаги дозалари тавсия қилинади:
| Қўлланиши | Суткалик доза | Суткада юборишлар сони | Даволашнинг давомийлиги |
| Касалхонадан ташқари пневмония | 500-1000 мг | 1-2 марта | 7-14 кун |
| Сийдик чиқариш йўлларининг асоратланган инфекциялари, жумладан пиелонефрит | 250 мг* | 1 марта | 7-10 кун |
| Простатит | 500 мг** | 1 марта | 28 кун |
| Тери ва юмшоқ тўқималарнинг инфекциялари | 500-1000 мг | 1-2 марта | 7-14 кун |
| Септицемия/бактериемия | 500-1000 мг | 1-2 марта | 10-14 кун |
| Интраабдоминал инфекциялар*** | 500 мг | 1 марта | 7-14 кун |
* Оғир инфекцияларда дозани ошириш мақсадга мувофиқлигини кўриб чиқиш керак (бу фақат инфузия учун эритмалар учун тааллуқли).
** Пациентнинг ҳолатига қараб, бошланғич вена ичига юборишдан сўнг бир неча кундан кейин ҳудди шу дозада перорал қабул қилишга ўтиш мумкин.
*** Анаэроб қўзғатувчиларга таъсир қилувчи антибиотиклар билан мажмуада.
Левофлоксацинни асосан буйраклар орқали чиқарилиши туфайли, буйрак фаолияти сусайган беморлар учун дозаси камайтирилиши керак.
Креатинин клиренси минутига 50 мл дан камни ташкил қилган буйракларнинг фаолиятини бузилиши бўлган катта ёшдаги пациентлар учун дозалаш:
| Креатинин клиренси | Дозалаш тартиби (инфекциянинг оғирлигига қараб) | ||
| Минутига 50-20 мл | биринчи доза: 250 мг
кейингилари: 24 соатда 125 мг |
биринчи доза: 500 мг
кейингилари: 24 соатда 250 мг |
биринчи доза: 500 мг
кейингилари: 12 соатда 250 мг |
| Минутига 19-10 мл | биринчи доза: 250 мг
кейингилари: 48 соатда 125 мг |
биринчи доза: 500 мг
кейингилари: 24 соатда 125 мг |
биринчи доза: 500 мг
кейингилари: 12 соатда 125 мг |
| <10 мл/минут, (шунингдек гемодиализда ва САПД1) | биринчи доза: 250 мг
кейингилари: 48 соатда 125 мг |
биринчи доза: 500 мг
кейингилари: 24 соатда 125 мг |
биринчи доза: 500 мг
кейингилари: 24 соатда 125 мг |
1Гемодиализ ёки сурункали амбулатор перитонеал диализ (САПД) дан кейин қўшимча дозалар керак эмас.
Левофлоксацинни вена ичига юбориш учун эритмаси аста-секин, вена ичига томчилаб юборилади. Левофлоксациннинг битта флаконини юбориш давомийлиги (вена ичига юбориш учун 100 мл эритма 150 мг левофлоксацин билан) 60 минутдан кам бўлмаслиги керак. Пациентнинг ҳолатига қараб бошланғич вена ичига юборишдан сўнг бир неча кундан кейин худди шу дозада перорал қабул қилишга ўтиш мумкин.
Даволаш давомийлиги касалликни кечишига боғлиқ ва 14 кундан кўп бўлмаган муддатни ташкил этади. Бошқа антибактериал воситаларни қўллашдаги каби, левофлоксацин препарати (вена ичига юбориш учун эритма ёки таблеткалар) билан даволашни ҳеч бўлмаганда тана ҳарорати нормаллашганидан ёки микробиологик тестлар ёрдамида тасдиқланган қўзғатувчилар бартараф қилинганидан сўнг 48-72 соат давомида давом эттириш керак.
Ножўя таъсирлари
Тери томонидан ва юқори сезувчанликни умумий реакциялари: терини қичишиши ва қизариши; эшакеми, қон босимини пасайиши; Стивенс-Джонсон синдроми, токсик эпидермал некролиз (Лайелл синдроми) ва кўп шаклли экссудатив эритема.
Овқат ҳазм қилиш йўллари: кўнгил айниши, ич кетиши; иштаҳани йўқлиги, қусиш, қорин оғриғи, овқат ҳазм бўлишни бузилиши; кам ҳолларда – қонли диарея.
Нерв тизими томонидан: бош оғриғи, бош айланиши/қотиб қолиш, уйқучанлик, уйқуни бузилиши; кам ҳолларда – ёқимсиз ҳислар, кафтларда парестезиялар, қалтираш, безовталик, қўрқув ҳолати, тутқаноқ хуружлари ва онгни чалкашиши; жуда кам ҳолларда – кўришни ва эшитишни бузилиши, таъм ва ҳид билишни бузилиши, сезишни пасайиши, галлюцинациялар ва кайфиятни депрессив ўзгаришлари, ўзи учун хавфли хулқ-атворли психотик реакциялар, шу жумладан ўз жонига қасд қилиш фикрлари ва ҳаракатлари. Ҳаракат жараёнларини, шунингдек юриш вақтида бузилишлари.
Суяк-мушак тизими томонидан: кам ҳолларда – пайларни шикастланиши, шу жумладан уларни яллиғланиши, бўғим ва мушакларда оғриқ; жуда кам ҳолларда – пайларни узилиши (масалан, ахиллов пайини узилиши). Ушбу ножўя таъсири даволаш бошланганидан 48 соат давомида намоён бўлиши мумкин ва иккала оёқларнинг ахилл пайларини шикастлаши мумкин.
Жигар томонидан: тез-тез – жигар энзимлари (АЛТ, АСТ) нинг кўрсаткичларини ошиши; айрим ҳолларда – қон зардобида билирубин ва креатининнинг кўрсаткичларини ошиши; жуда кам ҳолларда – жигарни яллиғланиши каби жигар реакциялари.
Буйраклар томонидан: буйрак фаолиятини ўткир буйрак етишмовчилигигача бузилиши, масалан, аллергик реакциялар (интерстициал нефрит) оқибатида.
Қон тизими томонидан: айрим ҳолларда – эозинофилия, лейкопения; нейтропения, тромбоцитопения, агранулоцитоз, гемолитик камқонлик, панцитопения.
Бошқалар: тез-тез – инфузия жойида оғриқ ва қизариш; веналарни яллиғланиши (флебит); айрим ҳолларда – умумий ҳолсизлик (астения); жуда кам – қизиш, ўпкалар (аллергик пневмонит) ёки кичик қон томирлар (васкулит) томонидан аллергик реакциялар.
Ҳар қандай антибактериал воситаларни қўллаш одам организмининг нормал микрофлорасига таъсири билан боғлиқ бузилишларга олиб келиши мумкин. Шу сабабли қўшимча даволашни талаб қилувчи иккиламчи инфекция ривожланиши мумкин.
Қўллаш мумкин бўлмаган ҳолатлар
Левофлоксацин ёки бошқа хинолонларга юқори сезувчанлик. Тутқаноқ. Анамнезида хинолонларни қўллашдан кейин пайлар томонидан ножўя таъсирларга шикоятлари бўлган беморлар. Ҳомиладорлик ва эмизиш даври. 18 ёшгача бўлган болаларда қўллаш мумкин эмас.
Дориларни ўзаро таъсири
Левофлоксацин ва теофиллин орасида ўзаро таъсир клиник тадқиқотларда аниқланмаган бўлсада, хинолонларни теофиллин, ностероид яллиғланишга қарши воситалар ва тиришиш бўсағасини пасайтирувчи бошқа агентлар билан бир вақтда қўллаш, тиришиш бўсағасини пасайтириши мумкин. Левофлоксациннинг концентрацияси фенбуфен мавжудлигида, фақат левофлоксацинни қабул қилишга қараганда тахминан 13% ортиқ бўлган. Пробеницид ва циметидин левофлоксацинни чиқарилишига статистик ишончли таъсир қилади. Левофлоксациннинг буйрак клиренси пробеницид мавжудлигида 34% га, циметидин мавжудлигида эса 24% га пасаяди. Шу сабабли иккала препарат левофлоксацинни найчалар орқали экскрециясини блоклаш қобилиятига эга. Циклоспоринни ярим парчаланиш даври левофлоксацин билан бир вақтда қабул қилинганида 33% га ошади.
К витаминининг антагонистлари, масалан варфарин билан бир вақтда қўлланганида коагуляцион тестлар (ПВ/халқаро нормаллаштирилган нисбат) ва/ёки яққол бўлиши мумкин бўлган қон кетишлари ошиши мумкин. Буни ҳисобга олиб, К витаминининг антагонистларини параллел қабул қилаётган пациентларда коагуляция кўрсаткичларини назорат қилиш керак.
Левофлоксацинни алкоголь билан бир вақтда қўллаш тавсия қилинмайди.
Номутаносиблик
Левофлоксацин 0,9% ли натрий хлориди эритмаси, 5% ли декстроза эритмаси, Рингер эритмаси, парентерал озиқланиш учун мажмуавий эритмалар (аминокислоталар, углеводлар, электролитлар) билан мутаносиб. Вена ичига юбориш учун левофлоксацинни гепарин ёки ишқорий реакцияга (масалан, натрий гидрокарбанати эритмаси) эга эритмалар билан аралаштириш мумкин эмас.
Махсус кўрсатмалар
Левофлоксацинни кекса ёшдаги пациентларда (буйрак фаолиятини сусайиши юқори эҳтимоли мавжудлиги) эҳтиёткорлик билан қўлланади. Тана ҳарорати нормаллашганидан кейин даволашни 48-72 соатдан кам бўлмаган муддатда давом эттириш тавсия этилади. Даволаниш вақтида тери қопламларини шикастланишларидан (фотосенсибилизация) сақланиш мақсадида қуёш ва сунъий УФ нурлардан сақланиш керак. Тендинит белгилари пайдо бўлиши билан левофлоксацин дарҳол бекор қилинади. Анамнезида бош мияни шикастланишлари (инсульт, оғир жароҳат) бўлган беморларда тиришишлар ривожланиши мумкинлигини, глюкоза-6-фосфатдегидрогеназа етишмовчилигида – гемолиз ривожланиши хавфини эътиборга олиш керак.
Ҳомиладорлик ва эмизиш даврида қўлланиши.
Препаратни ҳомиладорлик ва эмизиш даврида қўллаш мумкин эмас.
Педиатрияда қўлланиши
Препарат 18 ёшдан кичик болалар ва ўсмирларда қўлланмайди.
Автомобилни бошқариш ва бошқа механизмлар билан ишлашда реакция тезлигига таъсир қилиш қобилияти.
Транспорт воситасини бошқарувчи, машина ва механизмлар билан ишловчи пациентлар нерв тизимига ножўя таъсирлари (бош айланиши, уйқучанлик, онгни хиралашиши, кўришни ва эшитишни бузилиши, ҳаракат жараёнларини, шунингдек юриш вақтида бузилишлари) эҳтимолини эътиборга олишлари керак.
Препарат болалар ололмайдиган жойда сақлансин ва яроқлилик муддати ўтгач ишлатилмасин.
Дозани ошириб юборилиши
Симптомлари: онгни чалкашиши ва бузилиши, бош айланиши, тиришиш ҳуружлари. Терапевтик дозадан юқори дозаларда қўлланганида QT – интервали узайиши кузатилган.
Даволаш: симптоматик. Дозани ошириб юборилиши ҳолларида пациентни синчиклаб кузатиш, шу жумладан ЭКГ ўтказилади. Левофлоксацин диализ ёрдамида чиқарилмайди.
Специфик антидоти йўқ.
Чиқарилиш шакли
Эритма 100 мл дан шиша флаконда; ҳар бир флакон қўллаш бўйича йўриқномаси билан бирга картон қутида.
Сақлаш шароити
Қуруқ, ёруғликдан ҳимояланган жойда, +10оС – 25°С гача бўлган ҳароратда сақлансин.
Яроқлилик муддати
2 йил.
Дорихоналардан бериш тартиби
Рецепт бўйича.