ҚЎЛЛАШ БЎЙИЧА ЙЎРИҚНОМА

ФЛУЗОН 150 

FLUZON 150 

Препаратнинг савдо номи: Флузон 150 

Таъсир этувчи модда (ХПН): флуконазол

Дори шакли: плёнка қобиқ билан қопланган таблеткалар 

Таркиби: 

Плёнка қобиқ билан қопланган 1 таблетка қуйидагиларни сақлайди: 

фаол модда: флуконазол – 150 мг; 

ёрдамчи моддалар: кальций гидрофосфати, маккажўхори крахмали, маккажўхори крахмали (паста учун), тозаланган сув; 

экстрагрануляр ингредиентлар: магний стеарати, тозаланган талък, натрий кроскармеллоза; 

қобиғини таркиби: гидроксипропилметилцеллюлоза, титан диоксиди, полиэтиленгликоль 6000, изопропил спирти, метиленхлорид. 

Таърифи: думалоқ, икки томонлама қавариқ, оқ рангли, иккала томони силлиқ, плёнка қобиқ билан қопланган таблеткалар. 

Фармакотерапевтик гуруҳи: замбуруғларга қарши восита.

АТХ коди: J02AC01

Фармакологик хусусиятлари

Флуконазол замбуруғларга қарши воситаларнинг тиазол синфини вакили бўлиб, замбуруғлардаги 14-а­деметилаза ферментини кучли селектив ингибитори ҳисобланади. Препарат ланостеролни замбуруғларнинг ҳужайра мембраналарини асосий компоненти – эргостеролга ўтишига тўсқинлик қилади. 

Препарат оппортунистик микозларда, шу жумладан Candida spp. (Candida albicans, Candida tropicalis), Cryptococcus neoformans; Microsporum spp., Tychophyton spp чақирган микозларда самаралидир. Флуконазолнинг фаоллиги, шунингдек эндемик микозларнинг моделларида, жумладан Blastomyces dermatitides, Coccidioides immitis ва Histoplasma capsulatum чақирган инфекцияларда ҳам кўрсатилган. 

Фармакокинетикаси

Ичга қабул қилинганидан сўнг флуконазол яхши сўрилади, унинг биокираолишлиги 90% ни ташкил қилади. Оч қоринга 150 мг дозада қабул қилинганидан сўнг максимал концентрацияси (Сmax), вена ичига 2,5­3,5 мг/кг дозада юборилганида, плазмадаги миқдорининг 90% ни ташкил қилади. Бир вақтда овқат қабул қилиш, ичга қабул қилинган препаратнинг сўрилишига таъсир қилмайди. Плазмада чўққи концентрациясига (ТСmax) қабул қилинганидан сўнг 0,5­1,5 соатдан кейин эришади. Плазмадаги концентрацияси дозага нисбатан тўгри пропорционал бўлади. Мувозанат концентрациясининг 90% ли даражасига препарат билан даволашнинг 4-5 куни (суткада 1 марта қабул қилинганида) эришилади.

Биринчи куни одатдаги суткалик дозадан 2 баробар кўп дозада қўллаш плазмада препаратнинг даражаси иккинчи кунидаги мувозанатли концентрацияси қийматининг 90% тенг даражасига эришиш имконини беради. Ушбу тақсимланиш ҳажми организмдаги сувнинг умумий миқдорига яқинлашади. Плазма оқсиллари билан боғланиши 11-12% дан кўп эмас. 

Флуконазол организмнинг барча биологик суюқликларига, шу жумладан ликворга яхши ўтади. Препаратнинг сўлак ва балғамдаги концентрацияси плазмадаги даражасига ўхшаш бўлади. Замбуруғли менингити бўлган беморларда флуконазолнинг орқа мия суюқлигидаги миқдори, унинг плазмадаги даражасининг 80% га етади.

Шох парда, эпидермис, дерма ва тер суюқлигида зардобдаги концентрациясидан юқорироқ концентрацияларга эришилади. 

Флуконазолнинг 5% дан камроғи жигар орқали биринчи марта ўтишида метаболизмга учрайди. Флуконазолнинг ярим чиқарилиш даври (Т½) тахминан 30 соатни ташкил қилади. Узоқ муддатли Т½ қин кандидозини даволашда препаратни бир марта қабул қилиш ва бошқа касалликларда суткада бир марта қўллаш имконини беради. Флуконазол асосан буйрак орқали чиқарилади; юборилган дозанинг тахминан 80% буйрак орқали ўзгармаган ҳолда чиқарилади. Флуконазолнинг клиренси креатинин клиренсига пропорционал. Периферик қонда флуконазолнинг метаболитлари аниқланмаган.

Қўлланилиши

• Криптококкоз, шу жумладан, криптококкли менингит ва иммун жавоб реакцияси нормал бўлган беморларда, ҳам иммуносупрессияни турли шакллари бўлган беморларда (шунингдек, ОИТС билан хасталанган беморларда, аъзолар кўчириб ўтказилганида) ушбу инфекцияни бошқа локализациялари (шунингдек, ўпка, терида); препарат ОИТС билан хасталанган беморларда криптококкли инфекцияларини олдини олиш учун ҳам қўлланиши мумкин; 
• тарқоқ кандидоз, шу жумладан кандидемия, диссеминацияланган кандидоз ва бошқа инвазив кандидозли инфекциялар (қорин пардаси, эндокард, кўз, нафас ва сийдик йўлларининг инфекциялари). Даволаш хавфли ўсмалари бўлган беморларда, интенсив даволаш бўлимида даволанаётган беморларида, цитостатик ёки иммунсупрессив даволаш курсини ўтаётган беморларда, шунингдек кандидоз ривожланишига олиб келадиган бошқа омиллар бўлган ҳолларда ўтказилиши мумкин; 
• шиллиқ қаватлар кандидози, шунингдек оғиз ва халқум бўшлиғи (шунингдек, оғиз бўшлиғини тиш протезларини тақиш билан боғлиқ бўлган атрофик кандидози), қизилўнгач шиллиқ қавати кандидозлари, ноинвазив бронх­ўпка кандидози, кандидурия, тери кандидози; ОИТС билан хасталанган беморларда орофарингеал кандидозни қайталанишини олдини олиш;
• генитал кандидоз: қин кандидози (ўткир ва сурункали қайталанувчи), қин кандидозини қайталанишлари (йилда 3 ва ундан ортиқ эпизодлар) сонини камайтириш мақсадида олдини олиш учун; кандидозли баланит; 
• цитостатик кимётерапия ёки нур билан даволаш натижасида замбуруғли инфекцияларга мойиллиги бўлган хавфли ўсмалари бўлган беморларда инфекцияни олдини олиш ;
• тери микозлари, шунингдек оёқ панжаси, тана, чов соҳаси микозлари; тангали темиратки, онихомикоз; тери кандидози;
• иммунитети нормал бўлган беморларда чуқур эндемик микозлар, шу жумладан кокцидиомикоз, паракокцидиомикоз, споротрихоз ва гистоплазмозни даволаш учун қўлланади.

Қўллаш усули ва дозалари

Ичга буюрилади. Суткалик доза замбуруғли инфекциянинг характери ва оғирлигига боғлиқ. 

ОИТС билан хасталанган беморларда орофарингеал кандидозни қайталанишини олдини олиш учун дастлабки даволашнинг тўлиқ курси тугаганидан сўнг, препарат 150 мг дан ҳафтада 1 марта буюрилиши мумкин.

Вагинал кандидозда флуконазол 150 мг дозада ичга бир марта қабул қилинади. Вагинал кандидозни қайталанишини камайтириш учун препарат 150 мг дозада ойда 1 марта қўлланилиши мумкин. Даволаш давомийлиги индивидуал равишда белгиланади; у 4 ойдан 12 ойгача давом этиши мумкин. Баъзи беморларга тез­тез қўллаш талаб қилиниши мумкин.

Candida чақирган баланитда флуконазол 150 мг дозада ичга бир марта буюрилади. 

Тери микозларида, шу жумладан оёқ панжалари, тиззалар, чов соҳаси микозларида ва тери кандидозларида тавсия этилган доза ҳафтада бир марта 150 мг ни ёки суткада бир марта 50 мг ни ташкил этади. Даволаш давомийлиги одатдаги ҳолларда 2­4 ҳафтани ташкил этади, бироқ оёқ панжалари микозида узоқроқ вақт давомида (6 ҳафтагача) даволаш талаб қилиниши мумкин. 

Тангали темираткида ­ 300 мг ҳафтада бир марта 2 ҳафта давомида, баъзи беморларга ҳафтада 300 мг ли учинчи доза керак бўлади, бошқа холларда 300-400 мг дозада бир марта қабул қилиш етарли бўлади. 

Онихомикозда тавсия қилинган доза ҳафтада бир марта 150 мг ни ташкил қилади. Даволашни инфекцияланган тирноқ алмашгунигача (инфекцияланмаган тирноқ ўсиб чиққунигача) давом эттириш керак. Қўл бармоқлари ва оёқ панжаларидаги тирноқлар қайта ўсиши учун одатда мувофиқ 3­6 ва 6­12 ой талаб этилади.

Болаларда катталарда кузатиладиган инфекциялар каби даволаш давомийлиги клиник ва микологик самарага боғлиқ. Болаларда препаратни катталарда қўлланадиган суткалик дозадан юқори бўлган дозаларда қўллаш мумкин эмас. Препарат ҳар куни суткада бир марта қабул қилинади.

Шиллиқ қават кандидозида флуконазолнинг тавсия этилган дозаси суткада 3 мг/кг ни ташкил этади. Биринчи куни доимий барқарор концентрацияга тез эришиш мақсадида тана вазнига 6 мг/кг ли зарб доза буюрилиши мумкин. 

Тарқоқ кандидоз ёки криптококкли инфекцияларни даволаш учун тавсия этилган доза касалликни оғирлигига қараб, суткада 6­12 мг/кг ни ташкил этади.

Инфекцияни ривожланиш хавфи цитотоксик кимётерапия ёки нур билан даволаш натижасида ривожланган нейтропения билан боғлиқ бўлган иммунитети пасайган болаларда замбуруғли инфекцияларни олдини олиш учун препарат индукцияланган нейтропениянинг яққоллиги ва сақланиш давомийлигига қараб суткада 3­12 мг/кг дан буюрилади.

Болалар учун максимал суткалик доза 12 мг/кг ни ташкил этади.

Буйрак етишмовчилиги бўлган пациентлар учун дозалаш

Флуконазол асосан буйраклар орқали ўзгармаган ҳолда чиқарилади. Бир марта қабул қилинганида дозани ўзгартириш шарт эмас.

Буйрак фаолиятини бузилиши бўлмаган кекса ёшдаги беморларда препаратни одатдаги дозалаш тартибига риоя қилиш керак. 

Ножўя таъсирлари

Овқат ҳазм қилиш тизими томонидан: кўнгил айниши, диарея, метеоризм, қусиш, қоринда оғриқ, таъм билишни ўзгариши, кам ҳолларда ­ ”жигар” ферментларининг фаоллигини ошиши ва жигар фаолиятини бузилиши (сариқлик, гипербилирубинемия, аланинаминотрансфераза (АЛТ), аспарагинаминотрансфераза (АСТ) ва ишқорий фосфатаза (ИФ) нинг фаолигини ошиши, гепатит, гепатоцеллюляр некроз), шу жумладан ўлим билан тугаши мумкин.

Нерв тизими томонидан: бош оғриғи, бош айланиши; кам ҳолларда ­ тиришишлар.

Қон яратиш аъзолари томонидан: кам ҳолларда – агранулоцитоз, нейтропения. Оғир даражадаги замбуруғли инфекциялари бўлган пациентларда гематологик ўзгаришлар (лейкопения ва тромбоцитопения) кузатилиши мумкин. 

Юрак–қон томир тизими томонидан: электрокардиограммада (ЭКГ) да QT оралиғининг давомийлигини узайиши, қоринчалар липиллаши/хилпиллаши.

Аллергик реакциялар: тери тошмаси, кўп шаклли экссудатив эритема (шунингдек Стивенс­Джонсон синдроми), токсик эпидермал некролиз (Лайелл синдроми), бронхиал астма (кўпинча ацетилсалицил кислотасини ўзлаштираолмасликда), анафилактоид реакциялар (шунингдек, ангионевротик шиш, юзни шиши, эшакеми, терини қичишиши).

Бошқалар: кам ҳолларда – буйрак фаолиятини бузилиши, алопеция, гиперхолестеринемия, гипертриглицеридемия, гипокалиемия. 

Қўллаш мумкин бўлмаган ҳолатлар

Флуконазолга, препаратнинг бошқа компонентларига ёки бошқа азол бирикмаларга юқори сезувчанлик; терфенадин (флуконазолни суткада 400 мг ва ундан ортиқ дозада доимий қабул қилиш фонида), цизаприд ёки астемизол ва QT оралиғини узайтирувчи ва юрак ритмини оғир даражадаги бузилишларини ривожланиш хавфини оширувчи бошқа препаратларни бир вақтда қўллаш; лактация даври; 3 ёшгача бўлган болалар (ушбу дори шакли учун) да қўллаш мумкин эмас. 

Эҳтиёткорлик билан: жигар ва/ёки буйрак етишмовчилиги, юза замбуруғли инфекциялар ва инвазив/тизимли замбуруғли инфекциялари бўлган пациентларда флуконазолни қўллаш фонида тошмаларни пайдо бўлиши, терфенадин ва флуконазолни суткада 400 мг дан кам дозада бир вақтда қабул қилиш, кўп сонли хавф омиллари (юракни органик касалликлари, электролитлар мувозанатини бузилишлари, аритмияни чақирувчи дори воситаларини бир вақтда қабул қилиш) бўлган пациентларда потенциал проаритмоген ҳолатлар; ацетилсалицил кислотасини ўзлаштираолмайдиган пациентлар, ҳомиладорликда эҳтиёткорлик билан қўллаш керак. 

Дориларнинг ўзаро таъсири

Қин кандидозини даволашда флуконазолни бир марта қабул қилганда аҳамиятли ўзаро таъсирлар кузатилмайди. Шунга қарамай, препаратнинг бир қанча ёки анча юқори дозалари бошқа дори воситалари билан бир вақтда қўлланганида қуйидаги ўзаро таъсирлар кузатилиши мумкин: 

Флуконазолни терфенадин, цизаприд ва астемизол билан ўзаро таъсири бу препаратларни плазмадаги концентрациясини ошишига олиб келиши мумкин, бу ўз навбатида QT оралиғини узайишига сабаб бўлиши ва юрак ритмини жиддий бузилишларига олиб келиши мумкин. Флуконазол жигардаги Р450 ферментлар тизимини ингибиция қилади, шу йўл билан терфенадин, цизаприд ва астемизолнинг метаболизмини сусайтиради. Флуконазол ва ушбу препаратларни бир вақтда қўллаш мумкин эмас. 

Варфарин ва флуконазол бир вақтда буюрилганида протромбин вақтини узайиши кузатилади. Шу сабабли, флуконазол ва кумарин қатори антикоагулянтларини бир вақтда қабул қилаётган пациентларда протромбин вақтини назорат қилиш керак. 

Флуконазол перорал гипогликемик препаратлар (сульфонилмочевина хосилалари) нинг Т½ ни узайтиради. Қандли диабет билан хасталанган беморларга флуконазол ва сульфанилмочевина хосилаларини бир вақтда буюриш мумкин, бироқ гипогликемияни ривожланиш ҳавфи туғилиши мумкинлигини эътиборга олиш керак. 

Гидрохлортиазид ва флуконазол бир вақтда такроран буюрилганида плазмада флуконазолнинг концентрацияси ошиши мумкинлигини эътиборга олиш керак. 

Рифампицин флуконазолнинг метаболизмини тезлаштиради. Улар бир вақтда қўлланганида флуконазолнинг дозасини мос равишда ошириш керак. 

Буйрак трансплантациясини ўтказган пациентларда флуконазол плазмада циклоспориннинг концентрациясини ошириши мумкин. Шу сабабли, циклоспорин ва флуконазолни бир вақтда олаётган пациентларда циклоспориннинг концентрациясини мониторинг ўтказиш тавсия этилади. 

Флуконазол плазмада теофиллиннинг концентрациясини оширади. Шу сабабли, теофиллин ва флуконазолни бир вақтда олаётган пациентларда теофиллиннинг концентрациясини мониторинг ўтказиш тавсия этилади. 

Флуконазол плазмада индинавир ва мидазоламнинг концентрациясини ошириши мумкин. Ушбу препаратларни флуконазол билан бир вақтда буюрилганда уларнинг дозаси мос равишда камайтирилиши керак. 

Клиник тадқиқотлар зидовудин флуконазол билан бир вақтда буюрилганида зидовудиннинг метаболизми секинлашиши натижасида плазмадаги концентрацияси ошиши мумкинлигини кўрсатди. Бу иккала препаратларни бир вақтда олаётган пациентларни назорат қилиш керак, чунки бу холатда зидовудиннинг ножўя самараларини ривожланиш сони ошиши мумкин. 

Флуконазол фенитоиннинг зардобдаги концентрациясини оширади. Бир вақтда буюрилганда фенитоиннинг дозасини назорат қилиш ва уларни мос равишда тўғирлаш керак. 

Рифабутин (бир вақтда қўлланганида увеитни ривожланиш холлари таърифланган) ва фенитоиннинг (бирга қўлланганида фенитоиннинг плазмадаги концентрациясини назорат қилиш керак) самарадорлигини клиник аҳамиятли даражада оширади.

Такролимуснинг концентрациясини оширади ­ нефротоксиклик хавфи ошади. 

Махсус кўрсатмалар

Даволашни биоматериални экиш ёки бошқа лаборатор тахлилларсиз ҳам бошлаш мумкин, лекин улар мавжудлигида фунгицид терапияни мос равишда тўғрилаш тавсия этилади. 

Флуконазол асосан буйрак орқали чиқарилганлиги туфайли, буйрак етишмовчилиги бўлган пациентларда эҳтиёткорликка риоя қилиш керак. Флуконазолни кўп марталик дозалари билан даволашда, дозалаш креатинин клиренси (КК) ни ҳисобга олган ҳолда амалга оширилиши керак. 

Флуконазол жигар фаолиятини бузилиши бўлган беморларга буюрилганида эҳтиёткорликка риоя қилиш керак. Даволаниш вақтида юзага келувчи токсик самараларни аниқлаш мақсадида “жигар” ферментларининг даражасини мунтазам равишда маниторинг ўтказиш ва пациентларни кузатиш керак. “Жигар“ ферментларининг даражаси ошганида шифокор ўтказилаётган даволашдан кутилган фойда ва жигарни оғир даражада шикастланишини ривожланиш хавфини солиштириб кўриши керак. Флуконазолнинг гепатотоксик таъсири одатда қайтувчан бўлади; симптомлар даволаш тўхтатилганидан сўнг йўқолади. 

ОИТС билан хасталанган беморлар кўпчилик препаратлар қўлланганида оғир даражадаги тери реакцияларини ривожланишига мойилроқ бўладилар. Агар юза жойлашган замбуруғли инфекцияси бўлган беморларда тошма пайдо бўлса, ва уни флуконазолни қабул қилиш билан боғлаш мумкин бўлса, препаратни бекор қилиш лозим. Инвазив/тизимли замбуруғ инфекцияси бўлган беморларда тошмалар пайдо бўлганида, уларни диққат билан кузатиш ва буллёз шикастланишлар ёки кўп шаклли эритема пайдо бўлса, флуконазолни бекор қилиш керак. 

Кумарин антикоагулянтлари ва флуконазолни бир вақтда олаётган пациентларда протромбин вақтини назорат қилиш керак.

Даволашни клиник­гематологик ремиссия пайдо бўлгунигача давом эттириш керак.

Даволашни вақтидан олдин тўхтатиш рецидивларга олиб келиши мумкин.

Автомобил ва бошқа механик воситаларини бошқариш қобилиятига таъсири: автомобилни бошқариш ва бошқа механизмлар билан ишлаш қобилиятиги салбий таъсир қилиши ҳақида маълум эмас. 

Ҳомиладорлик ва эмизиш даври 

Агар даволашдан кутилаётган самара хомила учун кузатилиши мумкин бўлган хавфдан устун бўлса, фақат оғир даражадаги ёки ҳаёт учун хавф туғдирувчи замбуруғли инфекциялардан ташқари, препаратни ҳомиладорларда, қўллаш мақсадга мувофиқ эмас. 

Флуконазол сутда қондаги концентрацияси билан бир хил концентрацияда аниқланади, шунинг учун лактация даврида препаратни буюриш тавсия этилмайди. 

Препарат болалар ололмайдиган жойда сақлансин ва яроқлилик муддати ўтганидан сўнг ишлатилмасин. 

Дозани ошириб юбориш

Симптомлари: кўнгил айниши, қусиш, диарея, оғир холларда тиришишлар, галлюцинациялар, параноидал ҳулқ кузатилиши мумкин. 

Даволаш: симптоматик, меъдани ювиш; флуконазол буйрак орқали чиқарилганлиги сабабли, жадаллаштирилган диурез тавсия этилади. 3 соат давомида ўтказиладиган гемодиализ флуконазолнинг плазмадаги концентрациясини 2 марта камайтиради. 

Чиқарилиш шакли

2 таблетка блистерда тиббиётда қўллаш бўйича йўриқномаси билан бирга картон қутига жойланган.

Сақлаш шароити

25°С дан юқори бўлмаган ҳароратда сақлансин. 

Яроқлилик муддати

3 йил.

Дорихоналардан бериш тартиби

Рецепт бўйича.