ҚЎЛЛАШ БЎЙИЧА ЙЎРИҚНОМА
ГАСТРОСИДИН
GASTROSIDIN
Препаратнинг савдо номи: Гастросидин
Таъсир этувчи модда (ХПН): фамотидин
Дори шакли: плёнка қобиқ билан қопланган таблеткалар.
Таркиби
Плёнка қобиқ билан қопланган ҳар бир таблетка қуйидагиларни сақлайди:
фаол модда: 40 мг фамотидин
ёрдамчи моддалар: лактоза, маккажўхори крахмали, сувсиз коллоид кремний диоксиди, магний стеарати.
қобиқнинг таркиби: гидроксипропилметилцеллюлоза, гидроксипропилцеллюлоза, полиэтиленгликоль 6000, темир II оксиди, темир III оксиди, тальк, титан диоксиди.
Таърифи: оч-жигарранг рангли, думалоқ, икки томони қабариқ плёнка қобиқ билан қопланган, бир томонида бўлувчи рискаси бўлган таблеткалар.
Фармакотерапевтик гуруҳи: Меъда-ичак ярасига қарши гастроэзофагеал рефлюксда қўлланадиган воситалар ва препаратлар. Гистамин рецепторларининг блокатори.
АТХ коди: А02ВА03
Фармакологик хусусиятлари
40 мг гастросидин перорал қабул қилинганидан кейин плазмадаги максимал концентрацияси 1-3,5 соатдан кейин 78 мкг/л ни ташкил қилади, терапевтик даражаси эса 24 соат давомида сақланиб туради.
Препаратнинг биокираолишлиги тахминан 45% ни ташкил қилади. Плазма оқсиллари билан боғланиш даражаси – 15-22%.
Гастросидин организмдан асосан буйраклар орқали чиқарилади (65-70%), препаратнинг 30-35% ичак орқали чиқарилади. Қабул қилинган дозанинг 25-30% ўзгармаган ҳолда организмдан сийдик билан чиқарилади.
Буйрак фаолияти нормал бўлган пациентларда ярим чиқарилиш вақти – 2,5-4 соатни ташкил қилади.
Фармакокинетикаси
Гастросидин – Н-2 гистамин рецепторларининг 3-авлод узоқ таъсир қилувчи рақобатли антагонистидир. Гастросидин 10-20 мг дозада перорал қабул қилинганида, камида 12 соат давомида хлорид кислотасининг секрециясини 80% дан кўпроқ камайишига олиб келади. Меъдада кислота секрециясини 50% бостириш учун керак бўлган плазмадаги фамотидиннинг концентрацияси 13 мкг/л ни ташкил қилади.
40 мг гастросидин қабул қилинганидан кейин меъдада кислотанинг рН-5,0-6,4 ни ташкил қилади.
Гастросидин билан хлорид кислотаси секрециясини ингибиция қилади, қон зардобидаги гастрин концентрациясини нормал кўрсаткичларнинг юқори чегарасигача бироз ошириши мумкин.
Гастросидин ҳам асосий, ҳам пентагастрин билан рағбатлантирилган хлорид кислотасининг секрециясини бостиради.
Препарат кенг терапевтик индексга эга, бу юқори дозаларда узоқ вақт қабул қилинганида ҳам унинг самарадорлигини тутиб туриш имкониятини беради.
Золлингер-Эллисон синдроми бўлган беморларда гастросидин меъдада хлорид кислотасининг секрециясини назорат қилувчи антихолинэргик препаратлар билан мажмуада узоқ муддат қўлланганида, қоннинг биохимик кўрсаткичлари томонидан ўзгаришлар кузатилмаган.
Гастросидин беморлар томонидан яхши ўзлаштирилади.
Қўлланилиши
- меъда ва ўникки бармоқ ичакнинг яра касаллигини даволаш ва олдини олиш
- кислота секрециясини ошиши билан боғлиқ бўлган (Золлингер-Эллисон синдроми) патологик ҳолатлар
- рефлюкс-эзофагит
- ностероид яллиғланишга қарши воситаларни қабул қилиш фонидаги, меъда-ичак йўлларининг эрозив ярали шикастланишларини олдини олиш.
Қўллаш усули ва дозалари
Зўрайиш босқичидаги меъда ва ўникки бармоқ ичак яраси –
40 мг препарат кечасига. Даволашнинг давомийлиги яранинг битишини (чандиқланиш) динамикасига қараб 4-8 ҳафта.
Золлингер-Эллисон синдроми
Илгари секрецияни бостирадиган препаратларни олмаган беморларга гастросидинни 20 мг бошланғич доза ҳар 6 соатда қўллаш тавсия этилади. Дозани беморнинг ҳолатига қараб буюриш ва даволашни клиник кўрсаткичларга мувофиқ давом эттириш керак. Бунда ушбу беморларда препаратнинг суткалик дозаси ножўя самараларнинг пайдо бўлишисиз 400 мг га етиши мумкин.
Бир маромда сақлаб турувчи даволаш
Меъда ва ўникки бармоқ ичак ярасининг қайталанишларини олдини олиш учун гастросидинни 20 мг дозада қабул қилиш тавсия этилади.
Ножўя таъсирлари
Овқат ҳазм қилиш тизими томонидан: тез-тез – иштаҳанинг йўқолиши, оғизни қуриши, таъм сезгиларининг бузилишлари, кўнгил айниши, қусиш, қориннинг дам бўлиши, диарея ёки қабзият, кам – холестатик сариқликнинг ривожланиши, қон плазмасида трансаминазалар даражасининг ошиши.
Юрак-томир тизими томонидан: кам – аритмиялар.
Нерв тизими томонидан: тез-тез – бош оғриғи, бош айланиши, юқори толиқиш, қулоқларда шовқин, ўткинчи рухий бузилишлар.
Аллергик реакциялар: тез-тез – тери қичишиши, бронхоспазм, иситма бўлиши мумкин.
Бошқалар: тез-тез – мушак оғриқлари, бўғимларда оғриқлар, аллопеция, оддий хуснбузар, терининг қуриши; жуда кам – агранулоцитоз, панцитопения, лейкопения, тромбоцитопения бўлиши мумкин.
Қўллаш мумкин бўлмаган ҳолатлар
- фамотидинга ва препаратнинг бошқа компонентларига юқори сезувчанлик
- ҳомиладорлик ва лактация даври
- болаларда қўллаш мумкин эмас.
Дориларнинг ўзаро таъсири
Антикоагулянтлар билан бир вақтда қўлланганида протромбин вақтининг узайиши ва қон кетишлар ривожланиши мумкинлиги инкор этилмайди.
Магний гидроксиди ва алюминий гидроксидини сақловчи антацидлар билан бир вақтда қўлланганида, фамотидиннинг сўрилиши камайиши мумкин.
Итраконазол билан бир вақтда қўлланганида, қон плазмасида итраконазолнинг концентрациясини камайиши ва унинг самарадорлиги пасайиши мумкин.
Нифедипин билан бир вақтда қўлланганида, нифедипиннинг салбий инотроп таъсирини кучайиши мумкинлиги туфайли, юракнинг минутли ҳажми ва юракнинг зарб ҳажмини камайиш ҳоллари таърифланган.
Норфлоксацин билан бир вақтда қўлланганида, қон плазмасида норфлоксациннинг концентрацияси камаяди, пробеницид билан – қон плазмасида фамотидиннинг концентрацияси ошади.
Циклоспорин билан бир вақтда қўлланганида, қон плазмасида циклоспориннинг концентрацияси бироз ошиши мумкин.
Бир вақтда қўлланганида Гастросидин кетоконазолнинг сўрилишини камайтиради.
Махсус кўрсатмалар
Буйраклар ва жигар фаолияти бузилган пациентларда эҳтиёткорлик билан қўлланади. Даволашни бошлашдан олдин қизилўнгач, меъда ёки ўникки бармоқ ичакнинг хавфли касалликларининг бўлиши эҳтимолини истисно қилиш керак. Жигарнинг микросомал ферментлари фаоллигини ўзгартирмайди.
Антацидлар ва фамотидинни қабул қилиш орасида камида 1-2 соатлик интервалга риоя қилиш керак.
Болаларда фамотидинни қўллашнинг клиник тажрибаси чекланган. Юрак ритмининг бузилишлари бўлган пациентларга Гастросидин эҳтиёткорлик билан ва шифокор назорати остида буюрилади.
Узоқ муддат даволанишида бемор шифокор назорати остида бўлиши керак.
Дори воситасини транспорт воситаларини ёки потенциал хавфли механизмларни бошқариш қобилиятига таъсирининг ўзига хослиги.
Марказий нерв тизими (МНТ) томонидан ножўя самараларининг ривожланиши эҳтимолини ҳисобга олиб, юқори диққат ва тезкор психомотор реакцияларини талаб қиладиган потенциал хавфли фаолият турлари билан шуғулланиш масаласини, фақат пациентнинг препаратга бўлган шахсий реакциясини баҳолангандан кейин ҳал қилиш керак.
Препарат болалар олаолмайдиган жойда сақлансин ва яроқлилик муддати ўтгач қўлланилмасин.
Дозани ошириб юборилиши
Симптомлари – таърифланган ножўя самараларининг кўринишларини кучайиши.
Даволаш – меъдани ювиш, зарурати бўлганида симптоматик даволаш ўтказилади.
Чиқарилиш шакли
10 таблеткадан поливинилхлорид ва лакланган босма алюминли фольга контур уяли ўрамда. 3 контур уяли ўрам қўллаш бўйича йўриқномаси билан бирга картон қутига жойланган.
Сақлаш шароити
25оС дан паст бўлган ҳароратда сақлансин.
Яроқлилик муддати
3 йил
Дорихоналардан бериш тартиби
Рецепт бўйича