ҚЎЛЛАШ БЎЙИЧА ЙЎРИҚНОМА
ХЛОРГЕКСИДИН БИГЛЮКОНАТИ 0,05% ЛИ ЭРИТМА
CHLORHEXIDINE DIGLUCONATE SOLUTIO 0,05%
Препаратнинг савдо номи: Хлоргексидин биглюконати 0,05% ли эритма
Таъсир этувчи модда (ХПН): хлоргексидин
Дори шакли: сувли эритма
Таркиби:
фаол модда: хлоргексидин биглюконат эритмаси 20% – 25 мл;
ёрдамчи модда: тозаланган сув 1 л гача.
Таърифи: рангсиз, тиниқ ёки бироз товланувчи ҳидсиз суюқлик.
Фармакотерапевтик гуруҳи: Антисептик ва дезинфекцияловчи восита.
АТХ коди: D08AC02
Фармакологик хусусиятлари
Препарат бактерицид ва антисептик таъсир кўрсатади. Кўпгина граммусбат ва грамманфий бактерияларга, шунингдек таносил касаллик қўзғатувчиларига (трепонемалар, гонококклар, трихомонадалар) нисбатан фаол. Candida тури замбуруғларига, дерматофитларга ва трихофитонларга қарши фунгистатик фаолликка эга.
Қўлланилиши
Инфекцияланган яраларга ишлов бериш, циститда қовуқни ювиш, жарроҳлик асбобларини секинлашган стерилизация қилиш учун ва таносил касалликларини (сифилис, гонорея, трихомониаз) олдини олишда қўлланади.
Қўллаш усули ва дозалари
Маҳаллий буюрилади. Доза ва қўллаш усули кўрсатмаларга боғлиқ. Инфекцияланган яраларга ишлов бериш учун эритма билан намланган докали салфеткалар яра юзасига кунига 2 мартадан қўйилади.
Секин стерилизация қилиш учун жарроҳлик асбобларига эритма билан 30 минут давомида ишлов берилади. Қовуқни эритма билан ювиш эса (автоклавда 30 минут давомида стерилизация қилинган) кунига 1 марта амалга оширилади, даволаш муддати учун 4 дан 12 гача муолажа (бир муолажа учун 300-400 мл эритма) қилинади.
Ножўя таъсирлари
Терини қуриши ва қичишиш, дерматит бўлиши мумкин.
Қўллаш мумкин бўлмаган ҳолатлар
Аллергик касалликларда, дерматитда, препаратга юқори сезувчанликда қўллаш мумкин эмас.
Махсус кўрсатмалар
Совун билан, шунингдек анион гуруҳини сақловчи (сапонинлар, натрий лаурилсульфати, натрий карбоксиметилцеллюлоза) детергентлар билан номутаносиб.
Катион гуруҳини сақловчи препаратлар (цетримоний бромиди, бензалконий хлориди) билан мутаносиб.
Препарат болалар ололмайдиган жойда сақлансин ва яроқлилик муддати ўтгач ишлатилмасин.
Чиқарилиш шакли
40, 50, 90, 100 мл дан флаконларда.
Сақлаш шароити
Ёруғликдан ҳимояланган жойда, 25°С дан юқори бўлмаган ҳароратда сақлансин.
Яроқлилик муддати
3 йил.
Дорихоналардан бериш тартиби
Рецептсиз