ҚЎЛЛАШ БЎЙИЧА ЙЎРИҚНОМА

ЛЕВИМИКОЛ-MR

LEVIMIСOL-MR

Препаратнинг савдо номи: Левимикол-MR

Таъсир этувчи модда (ХПН): Хлорамфеникол, метилурацил.

Дори шакли: Суртма

Таркиби

1 г суртма қуйидагиларни сақлайди:

Фаол моддалар: левомицетин (хлорамфеникол) – 7,5 мг, метилурацил (диоксометилтетрагидропиримидин) – 40 мг.

Ёрдамчи моддалар: макрогол 1500 (полиэтиленоксид 1500), макрогол 400 (полиэтиленоксид 400)

Таърифи: Оқ ёки оқ сарғиш тусли рангли суртма.

Фармакотерапевтик гурухи: Антибиотик (хлорамфеникол гуруҳи).

АТХ коди: D06АХ02

Фармакологик хусусиятлари

Хлорамфеникол (левомицетин) микробларга қарши таъсир кўрсатади. Микробларга қарши таъсир механизми микроорганизмларнинг оқсилларини синтезини бузилиши билан боғлиқ. Бактериостатик таъсир кўрсатади. Грамманфий (стафилококклар ва стрептококклар) ва граммусбат (гонококклар, менингококклар) коккларга, кўпчилик бактериялар (ичак, кўк йиринг ва гемофил таёқчалари, сальмонеллалар, шигеллалар, клебсиеллалар, серрациялар, иерсиниялар, протейлар), риккетсиялар, спирохеталар, айрим йирик вирусларга нисбатан фаол. Пенициллин, стрептомицин, сульфаниламидларга чидамли штаммларга нисбатан фаол. Биологик мембраналарни шикастламасдан тўқималарга осон ўтади. Йиринг ва некротик тўқималар мавжудлигида препаратнинг бактерияларга қарши таъсири сақланади.

Метилурацил ҳужайра регенерацияси жараёнларини тезлаштиради, яллиғланишга  қарши ва фотохимояловчи таъсир кўрсатади.

Полиэтиленгликоль ош тузининг гипертоник эритмасининг таъсирига қараганда ўнлаб марта кўп дегидратацион таъсирга эга.

Қўлланилиши

Инфекцияланган яралар (шикастланиш жараёнининг биринчи йирингли-некротик босқичида), фурункуллар ва бошқа йирингли тери жароҳатлари, узоқ муддат битмайдиган трофик яралар, II ва III даражадаги куйишларни даволашда қўлланади.

Қўллаш усули ва дозалари

Сиртга. Ярага стандарт ишлов берилгандан кейин (некротик тўқималарни механик олиб ташлаш, водород пероксиди билан ювиш) суртма билан шимдирилган стерил дока салфеткалар билан яра ғовакли тўлдирилади. Препарат катетер (дренаж трубка) орқали йиринг бўшлиғига шприц ёрдамида юборилиши мумкин. Бундай ҳолларда суртма олдиндан 35-36⁰ С-гача иситилади. Боғловларни ҳар куни яра йирингли-некротик массалардан тоза бўлгунча ўтказилади.

Ножўя таъсирлари

Тери тошмаси каби аллергик реакциялар. Бундай ҳолларда препаратни қўллаш тўхтатилади ва десенсибилизацияловчи даволаш ўтказилади.

Қўллаш мумкин бўлмаган ҳолатлар

Препарат компонентларига  шахсий юқори сезувчанлик.

Махсус кўрсатмалар

Препаратни болалар олаолмайдиган жойда сақлансин ва яроқлилик муддати ўтгандан кейин ишлатилмасин.

Передозировка

Аниқланмаган.

Чиқарилиш шакли

Суртма 30 г дан тубаларда. Ҳар бир туба қўллаш бўйича йўриқномаси билан бирга картон қутида.

Сақлаш шароити

Салқин, ёруғликдан химояланган жойда, 2^оС дан 15^оС гача ҳароратда сақлансин.

Яроқлилик муддати

3 йил.

Дорихоналардан бериш тартиби

Рецептсиз.