ҚЎЛЛАШ БЎЙИЧА ЙЎРИҚНОМА

ЗОЛЕДРОНОВАЯ КИСЛОТА

 ZOLEDRONIC ACID

Препаратнинг савдо номи: Золедроновая кислота.

Таъсир этувчи модда (ХПН): золедрон кислотаси (zoledronic acid).

Дори шакли: инфузия учун эритма тайёрлаш учун лиофилизация қилинган кукун.

Таркиби:

1 флакон қуйидагиларни сақлайди:

фаол модда: 4 мг золедрон кислотаси (золедрон кислотаси моногидрати кўринишида);

ёрдамчи моддалар: маннит, натрий цитрати 5,5-сувли.

Таърифи: оқ рангли кукун ёки ғовак масса. Гигроскопик.

Фармакотерапевтик гуруҳи: Суяк касалликларини даволаш учун восита. Бисфосфонатлар.

АТХ коди: М05ВА08.

Фармакологик таъсири

Суяк резорбциясини сусайтиради. Суяк тўқимасига танлаб селектив таъсирга эга бўлган юқори фаол бисфосфонатларнинг янги синфига киради. Селектив таъсири минераллашган суяк тўқимасига юқори яқинлиги билан боғлиқ, лекин остеокластларнинг фаоллигини сусайтиришини таъминловчи аниқ молекуляр механизми хозирги вақтгача номаълумлигича қолмоқда. Золедрон кислотаси суякнинг шаклланиши, минерализацияси ва механик хусусиятларига нохуш таъсир кўрсатмасдан, суяк тўқимасининг резорбциясини сусайтиради. Суяк кўмигининг микромухитини ўзгартирувчи суяк тўқимасининг остеокластли резорбциясини сусайтириши, ўсма хужайраларининг ўсишини пасайишига олиб келади; антиангиоген ва оғриққа қарши фаоллик аниқланади. Золедрон кислотаси шунингдек одам эндотелий хужайраларининг пролиферациясини бостиради. Ўсма чақирган гиперкальциемияда, қон зардобида Са2+ концентрациясини пасайтиради. Золедрон кислотаси in vitro шароитда одам эндотелий хужайраларининг пролиферациясини сусайтиради, ҳайвонларда эса антиангиоген таъсир кўрсатади. In vitro шароитида золедрон кислотаси одам сут бези раки хужайраларини экстрацеллюляр матрикс орқали киришини пасайтиради, бу унда антиметастатик хусусиятлар борлигидан далолат беради.

Қўлланилиши

Хавфли ўсма билан боғлиқ бўлган гиперкальциемияни даволашда (альбуминнинг
> 12 мг/мл ёки 3 ммоль/л даражаси бўйича тўғрилаш билан қон зардобидаги кальцийнинг концентрациясида) қўлланади.

Хавфли катта ўсмалар ва кўп сонли миеломадаги суякда метастазлари бўлган пациентларни стандарт ўсмаларга қарши терапия билан мажмуада даволашда қўлланади.

Қўллаш усули ва дозалари

Золедрон кислотасини буюриш ва даволашни назоратини фақат бисфосфанатларни вена ичига қўллаш тажрибасига эга бўлган шифокорлар ўтказишлари керак. Дори воситасини кальций ёки Рингер лактат эритмаси каби бошқа икки валентли катионларни сақловчи инфузия учун эритмалар билан аралаштириш мумкин эмас ва алоҳида инфузион тизимни ишлатиш билан 15 минутдан кам бўлмаган бир марталик инфузия кўринишида юбориш керак. Препаратни юбориш олдидан ва кейин пациентни етарли гидратацияси таъминланиши керак.

Инъекцион эритмани тайёрлаш: эритма асептик шароитларда тайёрланади – 4 мг 5 мл инъекция учун сувда эритилади, бутунлай эригунича эҳтиёткорлик билан силкитилади. Олинган эритма 100 мл 0,9% ли натрий хлориди эритмасида ёки 5% ли глюкоза эритмасида суюлтирилади.

Катталар ва кекса ёшли пациентлардаги хавфли катта ўсмалар ва кўп сонли миеломадаги суяк метастазлари

Катталар ва кекса ёшли пациентлар учун тавсия этилган доза ҳар 3-4 ҳафтада инфузия кўринишидаги 4 мг ни ташкил қилади. Пациентларга шунингдек кальций препаратларини перорал суткада 500 мг дозада ва 400 ХБ D витаминини буюриш керак.

Хавфли ўсма билан боғлиқ бўлган гиперкальциемияни даволаш

Катталар ва кекса ёшли пациентлар учун препаратнинг тавсия этилган дозаси инфузия кўринишида 4 мг ни ташкил қилади. Дори воситасини юборишдан олдин ва кейин пациентни етарли гидратацияси таъминланиши керак.

Буйрак  фаолиятини бузилиши бўлган пациентлар:

Хавфли ўсма билан боғлиқ бўлган гиперкальциемия:

Буйрак фаолиятини оғир бузилишлари бўлган пациентлардаги гиперкальциемияни фақат даволашни хавфи ва фойдаси баҳоланганидан кейин ўтказиш мумкин. Зардобдаги креатининнинг даражаси > 400 мкмолль/л ёки > 4,4 мг/мл бўлган пациентларда препаратни қўллашнинг клиник тажрибаси йўқ. Зардобдаги креатининнинг даражаси
< 400 мкмолль/л ёки < 4,4 мг/мл бўлган пациентларда дозага тузатиш киритиш талаб қилинмайди.

Жигар фаолиятини бузилиши бўлган пациентлар:

Фақат чекланган клиник маълумотлар бўлганлиги туфайли, оғир жигар етишмовчилиги бўлган пациентлар учун маълум тавсиялар йўқ.

Хавфли ўсмалари бўлган пациентларда суяк тўқимасини шикастланиши билан боғлиқ бўлган симптомларни олдини олиш:

Препарат билан даволашни бошида зардобда креатинин даражаси ва креатинин клиренси аниқланиши керак. Креатинин клиренси қон зардобидаги креатининнинг даражасидан Кокрофт-Голт формуласи бўйича аниқланади. Даволаш бошлангунича буйрак фаолиятини оғир бузилишлари (креатинин клиренси < 30 мл/мин) бўлган пациентларга препарат тавсия этилмайди. Зардобдаги креатининнинг даражаси > 265 мкмолль/л ёки
> 3,0 мг/мл бўлган пациентларда препаратни қўллаш бўйича клиник тадқиқотлар ўтказилмаган.

Креатинин клиреси минутига 30-60 мл бўлган, хавфли ўсма билан боғлиқ бўлган гиперкальциемияли пациентлардан ташқари, даволаш бошлангунича буйрак фаолиятини енгил ёки ўртача бузилиши бўлган юқорида номланган гуруҳ пациентларига дори воситасини қуйидаги дозалари тавсия этилади:

Препаратнинг дозалари берилган AUC 0,66 (мг соат/л) (КК = 75 мл/мин) дан келиб чиқиб ҳисобланган. Буйрак фаолиятини бузилиши бўлган пациентлар учун, креатинин клиренси минутига 75 мл бўлган пациентлардаги каби AUC га эришиладиган шундай даражагача дозани камайтириш кўзда тутилади.

Даволаш бошланганидан кейин қон зардобидаги креатининнинг даражасини препаратнинг ҳар бир дозасини юбориш олдидан аниқлаш керак; буйрак фаолиятини бузилишида даволашни бекор қилиш керак. Клиник тадқиқотларда буйрак фаолиятини бузилиши қуйидаги тарзда аниқланган:

• зардобдаги креатинининг дастлабки даражаси нормал (<1,4 мг/мл) бўлган пациентлар учун – кўрсатгични 0,5 мг/мл га ошиши;
• зардобдаги креатинининг дастлабки даражаси ўзгарган (>1,4 мг/мл) бўлган пациентлар учун – кўрсатгични 1 мг/мл га ошиши.

Клиник тадқиқотларда препарат билан даволаш, креатинин клиренси дастлабки катталигида 10% чегараларидаги қийматларга қайтганидан кейин қайта тикланган. Препарат билан даволашни, даволаш тўхтатилгунигача бўлган дозада қайта тиклаш керак.

Препаратнинг камайтирилган дозаларини тайёрлаш бўйича йўриқнома:

Суюқ концентратнинг керакли мувофиқ ҳажмини олинг:

• 4,4 мл – 3,5 мг доза учун;
• 4,1 мл – 3,3 мг доза учун;
• 3,8 мл – 3,0 мг доза учун.

Концентратнинг олинган миқдорини 100 мл стерил 0,9% ли натрий хлориди эритмасида ёки 5% ли глюкоза эритмасида суюлтириш керак. Инфузия учун тайёр эритмани 15 минутдан кам бўлмаган вақт давомида бир марталик вена ичига инфузия кўринишида юбориш керак. Совутилган эритмани қўллаш олдидан у хона ҳароратига етгунича тутиб турилиши керак.

Ножўя таъсирлари

Тасдиқланган кўрсатмалар бўйича препарат қўлланганида энг жиддий ножўя самаралари қуйидагилар: анафилактик реакциялар, кўриш аъзолари томонидан ножўя самаралар, жағ остеонекрози, сон суягини атипик синиши, юрак бўлмачалари фибрилляцияси, буйрак етишмовчилиги, ўткир фазали реакция, гипокальциемия.

Препарат 4 мг дозада қўлланганида ножўя самараларининг тез-тезлиги ҳақидаги маълумот, асосан, давомли даволаш ўтказилганида олинган маълумотларга асосланган. Препаратни қўллаш билан боғлиқ бўлган ножўя самаралар, бошқа бисфосфанатларни қўллашда хабар берилганларга ўхшаш ва пациентларнинг тахминан учдан бирида ривожланиши мумкин. Препарат юборилганидан кейин уч кун давомида одатда, иситма, толиқиш, суякларда оғриқ, этни увишиши, гриппсимон касалликларни ўз ичига олган ўткир фазали реакция симптомлари ҳақида хабар берилган. Бу симптомлар одатда бир неча кун давомида ўтиб кетади.

Кальцийнинг буйрак экскрециясини пасайиши кўпинча зардобда фосфатнинг даражасини пасайиши билан бирга кечади, у симптомсиз бўлади ва даволашни талаб қилмайди. Одатда қон зардобида кальцийнинг даражаси симптомсиз гипокальциемия даражасигача камайиши мумкин.

Плацебо-назоратли тадқиқотларнинг умумлаштирилган таҳлили асосида препарат қабул қилган пациентларда кўпинча оғир анемия ҳақида хабар берилган.

Қуйида кўрсатилган ножўя реакциялар ҳақидаги маълумот клиник тадқиқотлардан тўпланган.

Ножўя реакциялар уларни намоён бўлиш тез-тезлиги бўйича таснифланган: жуда тез-тез (> 1/10), тез-тез (> 1/100, <1/10), баъзида (> 1/1000, < 1/100), кам ҳолларда (> 1/10000,     < 1/1000),  жуда кам ҳолларда (< 1/10000), шу жумладан алоҳида хабарлар.

Қон тизими ва лимфатик тизими томонидан: тез-тез – анемия; баъзида – тромбоцитопения, лейкопения; кам ҳолларда – панцитопения.

Нерв тизими томонидан: тез-тез – бош оғриғи, парестезия; баъзида – бош айланиши, таъмни бузилиши, гипостезия, гиперстезия, тремор.

Руҳий бузилишлар: тез-тез – уйқуни бузилиши; баъзида – безовталик; кам ҳолларда – онгни чалкашиши.

Кўриш аъзолари томонидан: тез-тез – конъюнктивит; баъзида – кўришни хиралашиши.

Меъда-ичак йўллари томонидан: тез-тез – кўнгил айниши, қусиш, анорексия, қабзият; баъзида –диарея, қорин оғриғи, диспепсия, стоматитлар, оғизни қуриши.

Нафас тизими томонидан: баъзида – диспноэ, йўтал.

Тери ва тери ости тўқималари томонидан: тез-тез – кўп терлаш; баъзида қичишиш, тошма (шу жумладан эритематоз ва макуляр тошма).

Скелет-мушак тизими ва бириктирувчи тўқима томонидан: тез-тез – суякларда оғриқ, миалгия, артралгия, ёйилган оғриқ, бўғимларнинг танглиги; баъзида – жағ остеонекрози, мушак тиришишлари.

Юрак-қон томир тизими томонидан: тез-тез – артериал гипертензия; баъзида – артериал гипотензия; кам ҳолларда – брадикардия.

Буйрак ва сийдик чиқариши тизими томонидан: тез-тез – буйрак етишмовчилиги; баъзида – ўткир буйрак етишмовчилиги, гематурия, протеинурия.

Иммун тизими томонидан: баъзида – ўта юқори сезувчанлик реакциялари; кам ҳолларда – ангионевротик шиш.

Умумий бузилишлар ва препарат юборилган жойдаги реакциялар: тез-тез – ўткир фазали реакция, иситма, гриппсимон ҳолат (шу жумладан, этни увишиши, лоҳаслик ва юзга қон оқиб келиши), периферик шиш, астения; баъзида – инъекция жойидаги реакциялар (шу жумладан оғриқ, таъсирланиш, шиш, зичлашиши, қизариш), кўкракда оғриқ, вазнни ошиши.

Лаборатория кўрсатгичларини оғиши: жуда тез-тез – гипофосфатемия; тез-тез – қонда креатинин ва мочевина даражасини ошиши, гипокальциемия; баъзида – гипомагниемия, гипокалиемия; кам ҳолларда – гиперкалиемия, гипернатриемия.

Постмаркетинг тадқиқотлар

Препаратни қўллашни постмаркетинг тажрибаси, спонтан хабарлар ва адабиёт маълумотларидан қуйидаги ножўя реакциялар маълум. Пациентлардаги бу реакциялар хақида сони номаълум популяциядан кўнгилли хабар берилиши туфайли, уларнинг тез-тезлиги ва сабаб-оқибат алоқасини ишончли баҳолашни имконияти йўқ.

Иммун тизими томонидан: анафилактик реакция/шок.

Нерв тизими томонидан: уйқучанлик.

Кўриш аъзолари томонидан: увеит, эписклерит, склерит ва кўз косаси соҳасида яллиғланиш жараёни.

Юрак-қон томир тизими томонидан: юрак бўлмачалари фибрилляцияси, артериал гипотензия, у авваламбор хавф омиллари бўлган пациентларда синкопе ёки циркулятор коллапсга олиб келади.

Нафас тизими томонидан: бронхоспазм, ўпкаларнинг интерстициал касалликлари.

Тери ва тери ости тўқималари томонидан: эшакеми.

Скелет-мушак тизими ва бириктирувчи тўқима томонидан: суяклар, бўғимларда ўткир, баъзида ногиронликка олиб келувчи оғриқ ва/ёки мушак оғриғи, атипик кўст ости синишлар ва сон суяги диафизининг синишлари.

Суяк тўқимасини шикастланиши билан боғлиқ бўлган симптомларни олдини олиш қайд этиш бўйича тадқиқотларидаги хавфсизлиги бўйича маълумотларни бирлаштирилган таҳлилида, суяк тўқимасининг хавфли ўсмалари бўлган пациентларда кечки босқичларда, тахминан Золедрон кислотасини қўллаш билан боғлиқ бўлган буйрак фаолиятини бузилишлари ҳақидаги хабарларни қуйидаги тез-тезлиги кузатилган: кўп сонли миелома (3,2%), простата раки (3,1%), сут безининг раки (4,3%), ўпкаларда ёки бошқа катта аъзоларда ўсма (3,2%). Буйрак фаолиятини ёмонлашиш эҳтимолини ошириши мумкин бўлган омиллар сувсизланиш, илгари мавжуд бўлган буйрак етишмовчилиги, препарат ёки бошқа бисфосфонатлар билан даволашнинг бир неча цикллари, шунингдек нефротоксик дори воситаларини ёндош қўллаш ёки тавсия этилган билан солиштирганда қисқартирилган инфузия вақтини ўз ичига олади. Препаратнинг бошланғич ёки бир марталик дозасидан кейин буйрак фаолиятини ёмонлашиши, буйрак етишмовчилиги ва диализгача ривожланиши хақида хабар берилган.

Ўткир фазали реакция симптомлар йиғиндисидан иборат ва иситма, толиқиш, суякларда оғриқ, этни увишиши ва гриппсимон касалликларни ўз ичига олади. Реакция препарат юборилганидан кейин уч кунгача вақт давомида пайдо бўлади, реакцияни шунингдек кўпинча “гриппсимон” ёки “дозадан кейинги” симптомлар сифатида номлаш қабул қилинган.

Қўллаш мумкин бўлмаган ҳолатлар

Ўта юқори сезувчанлик (шу жумладан, бошқа бисфосфонатларга ҳам), ҳомиладорлик, лактация даври, болалар ва ўсмирларда қўллаш мумкин эмас.

Эҳтиёткорлик билан. Оғир буйрак (қон зардобидаги креатининнинг концентрацияси
400 мкмоль/л ёки 4,5 мг/дл дан кам эмас) ёки жигар етишмовчилиги, ”аспиринли” бронхиал астма.

Дориларнинг ўзаро таъсири

Ўсмаларга қарши воситалар, антибиотиклар, анальгетиклар билан бир вақтда қўлланганида, клиник аҳамиятли ўзаро таъсирлар аниқланмаган. Ҳалқали диуретиклар (гипокальциемия хавфи ошади), бошқа потенциал нефротоксик дори воситалари билан бирга эҳтиёткорлик билан буюрилади. Аминогликозидлар қон зардобидаги Са+ концентрациясига бир томонлама таъсир кўрсатади, шунинг учун улар бир вақтда буюрилганида гипокальциемия ва гипомагниемия ривожланишини хавфи ошади. Кўп сонли миеломаси бўлган пациентларда талидомид билан бир вақтда қўлланганида буйрак фаолиятини бузилиши хавфи ошади.

Махсус кўрсатмалар

Фақат янги тайёрланган эритмалар ишлатилсин. Са²⁺ сақловчи эритмалар, хусусан Рингер эритмаси ишлатилмасин. Ҳатто буйрак етишмовчилигигача бўлган буйраклар фолиятини клиник аҳамиятли ёмонлашиши мумкинлиги туфайли, бир марталик доза 4 мг дан ошмаслиги ва инфузиянинг давомийлиги 15 минутдан кам бўлмаслиги керак.

Золедрон кислотасининг эритмасини бир шприцда бошқа дори воситалари билан аралаштириш мумкин эмас.

Инфузия олдидан пациентнинг гидратацияси даражасини бахолаш, шунингдек юрак-қонтомир тизими томонидан асоратлар пайдо бўлиши хавфи туфайли гипергидратациядан сақланиш керак. Препарат юборилганидан кейин қон зардобидаги Ca²+, Mg²+, фосфор ва креатининнинг концентрациясини доимо назорат қилиш керак. Золедрон кислотасини қабул қилаётган пациентларда, ҳар бир юбориш олдидан зардоб креатинини даражасини аниқлаш керак. Суяк метастазлари бўлган пациентларда буйрак фаолиятини ёмонлашишида, навбатдаги дозани юборишни бекор қилиш керак. Хавфли гиперкальциемияли пациентларда буйрак фаолиятининг ёмонлашишини белгилари аниқланганида, золедрон кислотасини қўллашдан потенциал фойдани мумкин бўлган хавфдан юқорилиги масаласини хал қилиш учун синчиклаб текшириш керак.

Ацетилсалицил кислотасига сезувчан бронхиал астмаси бўлган пациентларга бошқа бисфосфонатлар буюрилганда, бронхоспазм холлари аниқланганлигини кўзда тутиш керак, лекин золедрон кислотасини қўллашда бундай холлар хозиргача қайд қилинмаган. Жағ остеонекрози хақида кўпроқ даволаш бисфосфонатларни, шу жумладан Золедрон кислотасини ҳам ўз ичига олган онкологик пациентларда хабар берилган. Бу пациентлардан кўпчилиги шунингдек химиотерапия ва кортикостероидларни қабул қилган. Постмаркетинг тажриба ва адабиёт маълумотларига кўра, кўпчилик хабарлар онкологик касалликлари (кечки босқичдаги сут безининг раки, кўп сонли миелома) бўлган пациентларга, тиш олинганидан кейин, парадонт касалликлари бўлган, махаллий жароҳатлари бўлган, шу жумладан яхши қўйилмаган тиш протезлари чақирган жароҳати бўлган, пациентларга тааллуқли бўлган. Бисфосфонатлар билан даволашни бошлашгача пациентлар оғиз бўшлиғи гигиенасига риоя қилишлари ва мувофиқ профилактик ва даволаш тадбирларини ўтказилиши билан стоматологда оғиз бўшлиғини кўригидан ўтишлари керак. Даволаниш вақтида бундай пациентлар, иложи борича, инвазив стоматологик муолажалардан сақланишлари керак. Бисфосфонатлар билан даволаниш вақтида жағ остеонекрози ривожланган пациентларда, стоматологик операция холатни ёмонлаштириши мумкин. Бисфосфонатлар билан даволашни тўхтатиш жағ остеонекрози ривожланиши хавфини пасайтирадими, йўқми, буни тахмин қилиш учун стоматологик муолажаларга муҳтож бўлган пациентларга нисбатан маълумотлар йўқ. Шифокор, клиник баҳо бераётиб, фойда ва хавфни шахсий равишда баҳолашга асосланган ҳар бир пациент учун препаратни юбориш режасига амал қилиши керак.

Қалқонсимон безидаги операциядан кейин пациентлар нисбий гипопаратиреоз натижасида айниқса гипокальциемияга мойил бўлишлари мумкин.

Суякка остеокластик метастазлари ёки остеолизли ва гиперкальциемиясиз кўп сонли миеломаси бўлган пациентлар, кальций ва D витаминини адекват тўлдирилиши билан таъминланиши керак. Препарат Акласта препаратидаги каби таъсир этувчи моддани сақлаши туфайли, Золедрон кислотаси препарати билан даволанаётган пациентларга Акластани буюриш тавсия этилмайди. Золедрон кислотаси препарати билан даволанаётган пациентлар, шунингдек бир вақтда бошқа бисфосонатларни қўлламасликлари керак. Якунланмаган остеогенезни оғир шакли бўлган катта пациентларда препаратни қўллашни хавфсизлиги ва самарадорлиги аниқланмаган.

Хавфли ўсма билан боғлиқ гиперкальциемияси ва буйрак фаолиятини ёмонлашиш белгилари бўлган пациентлар, даволашдан потенциал фойда мумкин бўлган хавфдан юқорилиги ҳақида хулоса қилиш олдидан, синчиклаб текширилган бўлишлари керак.

Суяк тўқимасини шикастланиши билан боғлиқ симтомларни олдини олиш учун суяк метастазлари бўлган пациентларни даволаш хақида қарор қабул қилишда, даволашдан самарани бошланиши 2-3 ойдан кейин юз беришини ҳисобга олиш керак.

Бисфосфонатлар қўлланганида буйрак фаолиятини бузилиши хақида хабарлар бўлган.

Буйрак фаолиятини бузилиши эҳтимолини оширувчи омиллар, дегидратация, илгари мавжуд бўлган буйрак фаолиятини бузилиши, Золедрон кислотаси ёки бошқа бисфосфонатлар билан кўп мартали даволаш курслари, шунингдек нефротоксик воситаларни қўллаш ёки ҳозирги вақтда тавсия этилганга нисбатан қисқароқ вақтда инфузияни ўтказишни ўз ичига олади. Гарчи препаратнинг 4 мг дозаси камида 15 минут давомида юборилганида хавф камайсада, буйрак фаолияти ёмонлашиши мумкин. Препаратни бошланғич ёки бир марталик дозаси юборилганидан кейин пациентларда буйрак фаолиятини буйрак етишмовчилиги ва диализгача ривожланувчи ёмонлашиши хақида хабар берилган. Зардобда креатинин даражасини ошиши, шунингдек суяк тўқимасини шикастланиши билан боғлиқ бўлган симптомлар пайдо бўлишини олдини олиш учун тавсия этилган дозаларда доимо препаратни қабул қилаётган айрим пациентларда кузатилади, гарчи бу етарлича кам ҳолларда юз берса ҳам. Бисфосфонатлар билан даволашда асосан остеопорозда давомли даволанаётган пациентларда кўст ости синишлар ва сон суягининг диафизини синиш ҳоллари хақида хабар берилган. Қўндаланг ёки қисқа қийшиқ синишлар сон суягининг ҳар қандай соҳасида, бевосита кичик кўстдан паст нуқтадан бошлаб ва бўртиқусти кенгайишидан бевосита юқори нуқтада тугаб пайдо бўлиши мумкин. Бу синишлар минимал жароҳат таъсирлар натижасида ёки уларсиз пайдо бўлиши мумкин ва айрим пациентларда сон суягининг тўлиқ синиши ривожлангунича бир неча хафталар ёки ойлар олдин чаноқсон бўғими ёки чов соҳасида оғриқ ҳисси пайдо бўлиши мумкин.

Синишлар одатда икки томонлама бўлади, шунинг учун препарат билан даволанаётган ва сон суягининг диафизида синиш юз берган пациентларда, шунингдек қарама-қарши сон суягини баҳолашни ўтказиш керак. Шунингдек синишларни ёмон битиши хабар берилган. Сон суягини атипик синишига гумон қилинган пациентларда, хавф ва фойдани шахсий равишда бахолашга мўлжалланиб, препарат билан даволашни тўхтатиш имкониятини кўриб чиқиш керак. Дори воситасини қабул қилаётган пациентларда сон суягини атипик синишлари хақида хабар берилган, лекин препаратни қўллаш билан сабаб-оқибат алоқаси аниқланмаган. Препарат билан даволаш вақтида пациентларга сондаги, чаноқ-сон бўғимидаги ёки чотдаги ҳар қандай оғриқлар ҳақида хабар беришни тавсия қилиш керак, ва бундай симптомлари бўлган пациентларни сон суягини тўлиқ бўлмаган синиши борлигига текшириш керак.

Постмаркетинг текширишларда бисфосфонатларни, шу жумладан Золедрон кислотасини қабул қилган пациентларда суякларда, бўғимларда ўткир, баъзида ногиронликка олиб келувчи оғриқ ва/ёки мушак оғриғи хақида хабар берилган. Даволаш бошланганидан бошлаб симптомлар бошланишигача бўлган вақт бир кундан то бир неча ойгача ўзгаради. Даволаш тўхтатилганидан кейин кўпчилик пациентларда симптомларнинг яққоллигини камайиши юз берган. Ушбу гуруҳ пациентларда, агар даволаш ўша дори воситаси ёки бошқа бисфосфонат билан қайта тикланса, симптомларнинг қайталаниши аниқланган.

Болаларда қўлланиши. Болаларда препаратни қўллаш тажрибаси йўқ, шунинг учун препаратни педиатрия амалиётида қўллаш мумкин эмас.

Ҳомиладоролик ва лактация даврида қўлланиши. Ҳомиладорлик вақтида ва лактация даврида препаратни қўллаш мумкин эмас.

Автотранспортни ва бошқа потенциал хавфли механизмларни бошқариш қобилиятига таъсири. Препарат қўлланганида ножўя реакциялар ривожланиш хавфи туфайли, даволаниш вақтида автотранспортни бошқариш ва диққатни юқори жамлашни талаб қилувчи потенциал хавфли фаолият турлари билан шуғулланишдан сақланиш керак.

Препарат болалар олаолмайдиган жойда сақлансин ва яроқлилик муддати ўтгач қўлланилмасин.

Дозани ошириб юборилиши

Симптомлари: гипокальциемия, гипофосфатемия, гипомагниемия симптомларини кучайиши, буйрак фаолиятини бузилиши (шу жумладан, буйрак етишмовчилиги).

Даволаш: вена ичига кальций глюконатни, натрий/калий фосфатни, магний сульфатни юбориш.

Чиқарилиш шакли

4 мг дан фаол модда сиғими 10 мл шиша флаконларда. Флакон тиббиётда қўллаш бўйича йўриқномаси билан картон қутида.

Стационарлар учун ўрам: 40 флаконлар мувофиқ миқдордаги қўллаш бўйича йўриқномаси билан гурух қутида.

Сақлаш шароити

Ёруғликдан ҳимояланган жойда, 25^оС дан юқори бўлмаган ҳароратда.

Яроқлилик муддати

2 йил.

Дорихоналардан бериш тартиби

Шифокор рецепти бўйича.