ҚЎЛЛАШ БЎЙИЧА ЙЎРИҚНОМА

ЛОРАТАДИН–SEEM 

LORATADINUM-SEEM

Препаратнинг савдо номи: Лоратадин–SEEM

Таъсир этувчи модда (ХПН): лоратадин

Дори шакли: сироп

Таркиби

ҳар 5 мл эритма қуйидагиларни сақлайди:

фаол модда: лоратадин – 5 мг;

ёрдамчи моддалар: пропиленгликоль, глицерин, натрий метилпарабен, сахароза, лимон кислота моногидрати, натрий цитрати, қулупнай таъми №1, аччиқни сездирмайдиган таъм, динатрий ЭДТА, тозаланган сув.

Таркиби: тиниқ, рангсиз, ароматли, сиропсимон суюқлик.

Фармакотерапевтик гуруҳи: Антиаллергик восита.

АТХ коди: R06AX13

Фармакологик ҳусусиятлари

Лоратадин трициклик антигистамин бўлиб, периферик Н₁-гистамин рецепторларнинг селектив қайтар агонисти сифатида таъсир қилади. Лоратадин тавсия этилган дозаларда қўлланганида клиник аҳамиятли седатив ёки антихолинергик ҳусусиятларга эга эмас. Н₂-рецепторларга нисбатан аҳамиятли даражадаги фаолликка эга эмас. Бу норадреналинни ютилишига тўсқинлик қилмайди ва юрак қон-томир тизимининг фаолиятига деярли ҳеч қандай таъсир кўрсатмайди.

Фармакокинетикаси

Перорал қабул қилинганидан сўнг лоратадин тез ҳамда яхши сўрилади ва организмга биринчи марта тушганида CYP3A4 ва CYP2D6 ёрдамида тўлиқ метаболизмга учрайди. Асосий метаболити бўлиб фармакологик жиҳатдан фаол бўлган ва клиник самарасининг катта қисмига жавоб берадиган дезлоратадин ҳисобланади. Лоратадин ва дезлоратадин плазмада максимал концентрациясига (Т_max) юборилгандан сўнг мувофиқ 1-1,5 соатлар ва 1,5-3,7 соат ўртасида эришилади. Лоратадин плазма оқсиллари етарли юқори даражада (97% дан 99% гача), унинг фаол метаболити эса ўртача даражада (73% дан 76% гача) боғланган. Қабул қилинган дозанинг тахминан 40% сийдик билан, 42% ахлат билан 10 кундик давр давомида, асосан боғланган метаболитлар кўринишида чиқарилади.

Қўлланилиши

Аллергик ринит, сурункали идиопатик эшакеми, қичишиш, тумов, ёшланадиган кўз ёшлари, аксираш, пичан иситмаси ва бошқа аллергияни даволаш учун қўлланади. Препарат шунингдек сувчечакда қичишишни енгиллаштириш учун ишлатилади.

Қўллаш усули ва дозалари

Катталар ва 12 ёшдан катта болалар: 10 мл (10 мг) эритма кунига бир марта қабул қилинади.

2 дан 12 ёшгача бўлган болалар:

• тана вазни 30 кг дан ортиқ бўлган болалар: 10 мл (10 мг) эритма кунига бир марта қабул қилинади;
• тана вазни 30 кг ва ундан кам бўлган болалар: 5 мл (5 мг) эритма кунига бир марта қабул қилинади.

Ножўя таъсирлари

Бош оғриғи, кўнгил айниши, асабийлик ва толиқиш бўлиши мумкин. Дори воситасини қабул қилиш тўхтатилганидан сўнг ножўя самараларнинг симптомлари енгиллашади. Агар симптомлар сақланиб турса, шифокор билан маслаҳатлашиш керак.

Қўллаш мумкин бўлмаган ҳолатлар

Лоратадин ва препаратнинг ёрдамчи моддаларидан бирортасига ўта юқори сезувчанликда қўллаш мумкин эмас.

Дориларнинг ўзаро таъсири

CYP3A4 ферменти ингибиторлари, масалан, кетоконазол, эритромицин, циметидин ва фуранокумаринлар лоратадиннинг плазмадаги миқдорини оширади.

Махсус кўрсатмалар

Оғир даражадаги жигар етишмовчилиги бўлган беморлар Лоратадин – SEEM сиропини эҳтиёткорлик билан қабул қилишлари керак. Фруктозани кам учрайдиган наслий ўзлаштиролмаслиги, глюкоза-галактозани сўрилишида бузилиш бўлган пациентлар ёки сахараза-изомальтаза етишмовчилигида ушбу дори воситасини қўллаш мумкин эмас.

Ҳомиладорлик ва лактация даврида қўлланиши

Ҳомиладор ва эмизадиган аёллар ушбу препаратни қабул қилишдан олдин шифокор билан маслаҳатлашишлари керак.

Препарат болалар ололмайдиган жойда сақлансин ва яроқлилик муддати тугаганидан сўнг ишлатилмасин.

Дозани ошириб юборилиши

Дозаси ошириб юборилганида даволаш симптоматик ва самарасини тутиб турувчи бўлиши керак.

Чиқарилиш шакли

Сироп 60 мл дан жигарранг рангли шиша флаконда, ўлчов қалпоқчаси ва тиббиётда қўллаш бўйича йўриқномаси билан бирга картон қутига жойланган.

Сақлаш широити

Қуруқ, ёруғликдан ҳимояланган жойда, 25°С дан юқори бўлмаган ҳароратда сақлансин.

Яроқлилик муддати

2 йил.

Дорихоналардан бериш тартиби

Рецептсиз.