Дори препаратини қўллашдан олдин албатта шифокор билан маслаҳатлашиш ва йўриқномани диққат билан ўқиб чиқиш керак!
АЛЛЕРГОЗАН® 1% суртма
ALLERGOSAN® 1% oinment
ДОРИ ВОСИТАСИНИ ИСЪТЕМОЛЧИЛАР УЧУН ҚЎЛЛАШ БЎЙИЧА ЙЎРИҚНОМА
(ИЛОВА ВАРАҚА)
Савдо номи
АЛЛЕРГОЗАН®
ALLERGOSAN®
Ҳалқаро патентланмаган номи
Хлоропирамин
Дори шакли
Суртма
Таркиби
1 г суртма қуйидагиларни сақлайди:
Фаол модда: хлоропирамин гидрохлориди (chloropyramine hydrochloride) 10 мг.
Ёрдамчи моддалар: цетил спирти, ланолин, оқ юмшоқ парафин.
Таърифи
Оч-сариқ рангли, ҳидсиз ёғсимон масса.
Фармакологик хусусиятлари
Фармакодинамик хусусиятлари
Аллергозан® суртма антигистамин препаратлари деб номланувчи гуруҳига мансуб хлоропирамин фаол моддасини сақлайди. У аллергияга қарши яққол таъсирга эга. Терига суртилганда қичишишни сусайтиради, қизариш, шиш ва тошмаларни бартараф этади.
Фармакокинетик хусусиятлари
Бутунлги бузилмаган терига маҳаллий қўлланилганда хлоропираминни тери орқали сўрилиши ёки плазмада клиник аҳамиятга эга концентрацияларга эришиши ҳақида маълумотлар йўқ.
Қўлланилиши
Аллергозан® суртма ҳашаротлар чаққанда; контакт дерматитда ва бошқа қичишувчи дерматозларда (терини яллиғланиши); терининг катта соҳаларини шикастламайдиган турли аллергик ҳолатлардаги тошмалар ва қичишишда қўлланади.
Қўллаш усули ва дозалари
Ушбу дори препаратини ҳар доим бу илова-варақада таърифланганидек ёки шифокорингиз, фармацевт ёки ҳамширанинг кўрсатмаларига қатъий риоя қилган холда қўлланг. Агар Сиз бирон-бир нарсада ишонч ҳосил қилмасангиз, шифокорингиз ёки фармацевтдан сўранг.
Тавсия этилган доза қуйидагиларни ташкил этади:
Катталар ва болалар (эмизикли болалар ва 18 ёшгача бўлган болалар) – суртманинг оз миқдори шикастланган юзага кунига 2-3 марта терига енгил ишқалаб суртилади.
Қўллаш усули
Аллергозан® суртма терида фақат маҳаллий қўллаш учун мўлжалланган. Гиперкератозли (қаттиқлашиш, терининг юза қаватини қалинлашиши) билан кечувчи терининг сурункали касалликларида қўллаш учун мос ҳисобланади.
Тери орқали яхши кириши ва тезроқ даволовчи самарага эришиш мақсадида боғлам остида ёки физиотерапевтик муолажалар ёрдамида қўлланиши мумкин.
Очиқ яралар, кўзлар, бурун ва оғиз бўшлиғининг шиллиқ қаватига суртиш мумкин эмас.
Даволаш давомийлиги – 5 кундан 7 кунгача.
Агар 5 кундан 7 кунгача Сизнинг холатингиз яхшиланмаса ёки ёмонлашса, Сиз шифокорга мурожаат этишингиз керак.
Агар Сиз Аллергозан® суртмани қўллашни унутган бўлсангиз
Ўтказиб юборилган дозани ўрнини қоплаш учун дори препаратининг кўп миқдорини қўлламанг.
Агар Сизда бу дори препаратини қўллаш билан боғлиқ қўшимча ҳар қандай саволлар бўлса, шифокорингиз, фармацевт ёки ҳамширадан сўранг.
Ножўя таъсирлари
Барча дори препаратлари каби ушбу дори препарати ҳар бир шахсда намоён бўлмаса ҳам, ножўя таъсирлар чақириши мумкин.
Аллергозан® суртма жуда кам холларда тери қичишиши ёки таъсирланишини чақириши мумкин.
Айрим холларда Аллергозан® суртма қўлланганда препаратнинг таркибига кирувчи ёрдамчи моддалар ланолин ва цетил спиртини мавжудлиги билан чақирилган ўта юқори сезувчанлик реакциялари (масалан, контакт дерматит) пайдо бўлиши мумкин.
Агар Сизда ҳар қандай ножўя таъсирлар пайдо бўлса, шифокорингиз, фармацевт ёки ҳамширага хабар беринг. Бу барча бўлиши мумкин бўлган, шу жумладан, ушбу илова-варақада таърифланмаган ножўя таъсирларга ҳам тааллуқли.
Қўллаш мумкин бўлмаган ҳолатлар
Аллергозан® суртмани қўлламанг
- Агар Сизда ушбу дори препаратининг фаол моддаси ёки ёрдамчи моддаларидан биронтасига аллергия бўлса.
Дориларнинг ўзаро таъсири
Агар Сиз бошқа дори препаратларини қабул қилаётган, яқинда қабул қилган ёки эҳтимол қабул қиладиган бўлсангиз, шифокорингиз ёки фармацевтга хабар беринг.
Бошқа дори воситалари Аллергозан® суртманинг самарасига таъсир қилиши номаълум.
Махсус кўрсатмалар
Аллергозан® суртмани қўллашдан олдин шифокорингиз ,фармацевт ёки ҳамшира билан суҳбатлашинг.
- Агар Сизда экссудат (секрет, яллиғланиш суюқлиги) ҳосил бўлиши билан кечувчи ўткир тери реакциялари бўлса, бошқа дори шаклини – Аллергозан® кремни қўллаш афзал ҳисобланади.
- Препаратни очиқ яралар ёки куйган соҳаларга суртиш тавсия этилмайди.
- Препаратнинг бир қисми кўзларга ёки бурун ва оғиз бўшлиғининг шиллиқ қаватига тушмаслиги учун эҳтиёт бўлинг.
Ҳомиладорлик ва эмизиш
Ушбу дори препаратини қўллашдан олдин шифокорингиз ёки фармацевт билан маслаҳатлашинг.
Шифокор Сизга Аллергозан® суртмани қўллаш мос келишини баҳолайди.
Дори воситасини транспорт воситаларини ёки потенциал хавфли механизмларни бошқариш қобилиятига таъсирининг ўзига хослиги
Аллергозан® суртма фаол диққатга таъсир қилмайди ва транспорт воситалари хайдовчилари ва машина операторлари томонидан қўлланиши мумкин.
Аллергозан® суртманинг айрим ёрдамчи моддалари ҳақида муҳим маълумот
Аллергозан® суртма ёрдамчи моддалар сифатида қўллаш жойида тери реакциялари (масалан, контакт дерматит) чақириши мумкин бўлган ланолин ва цетил спирти сақлайди.
Дозани ошириб юборилиши
Агар Сиз Аллергозан® суртманинг керагидан ортиқ дозасини қўллаган бўлсангиз
Препаратни терида маҳаллий қўлланилганлиги туфайли, дозани ошириб юборилиши эҳтимоли кам. Препаратнинг кўп миқдори беҳосдан ютиб юборилганда шифокорга мурожаат этинг.
Чиқарилиш шакли ва ўрами
Суртма
18 г суртма полипропилен пластмасса қалпоқча билан мембранали алюмин тубаларга жойланади.
Ҳар бир туба бир томонидан пигмент билан қопланган картондан тайёрланган якка букиладиган қутига жойланади. Ҳар бир қутига илова-варақа жойланади.
Сақлаш шароити
Оригинал ўрамида, қуруқ ва ёруғликдан ҳимояланган жойда, 25оС дан юқори бўлмаган ҳароратда сақлансин.
Болалар ололмайдиган жойда сақлансин.
Яроқлилик муддати
3 (уч) йил
Ўрамида кўрсатилган яроқлилик муддати ўтгач Аллергозан® суртмани ишлатманг. Яроқлилик муддати кўрсатилган ойнинг охирги кунига тўғри келади.
Ўрам очилгандан кейин ушбу дори препаратини 1 ойгача қўллашингиз мумкин.
Дорихоналардан бериш тартиби
Рецептсиз