📜 Инструкция по применению Мукосол
💊 Состав препарата Мукосол
✅ Применение препарата Мукосол
📅 Условия хранения Мукосол
⏳ Срок годности Мукосол

ҚЎЛЛАШ БЎЙИЧА ЙЎРИҚНОМА

МУКОСОЛ

MUCOSOL

 

Препаратнинг савдо номи: Мукосол

Таъсир этувчи модда (ХПН): амброксол (ambroxsol)

Дори шакли: инфузия учун эритма

Таркиби:

1 мл эритма қуйидагиларни сақлайди:

Фаол модда: 7,5 мг амброксол гидрохлориди:

Ёрдамчи моддалар: лимон кислотаси моногидрати (Е 330), натрий гидрофосфат дигидрати, натрий хлориди, инъекция учун сув.

Таърифи: тиниқ рангсиз суюқлик.

Фармакотерапевтик гуруҳи: Йўтал ва шамоллаш касалликларида қўлланувчи воситалар. Муколитик моддалар.

АТХ коди: R05CB06.

Фармакологик хусусиятлари

Таъсир этувчи модда амброксол нафас йўлларида шиллиқ секрециясини оширади. Амброксол ўпка сурфактанти синтезини оширади ва цилиар фаолликни рағбатлантиради. Бу самаралар шиллиқни ажралиб чиқишини ва унинг чиқарилишини яхшиланишига олиб келади (мукоцилиар клиренс). Суюқлик секрециясини фаоллашиши ва мукоцилиар клиренсни ошиши шиллиқнинг чиқарилишини енгиллаштиради ва йўтални камайтиради.

In vitro тадқиқотларда, препаратнинг таъсири остида цитокинларнинг миқдорини камайиши, шунингдек тўқима билан боғланган мононуклеарлар ва полиморфонуклеар хужайралар миқдорини ошиши намойиш қилинган.

Фармакокинетикаси

Амброксол плазма оқсиллари билан катталарда тахминан 90% га ва янги туғилган чақалоқларда – 60-70% га боғланади. Амброксол йўлдош тўсиғи орқали ўтади ва хомиланинг ўпкасига етиб боради. 6-7 л/кг юқори тақсимланиш хажми плазма билан солиштирганда, тўқимада тўпланишини кўрсатади; ўпка тўқималаридаги концентрацияси плазмадаги мувофиқ кўрсатгичдан >17 коэффициенти билан юқори бўлган.

Одам жигари микросомаларидаги тадқиқотлар, CYP3A4 амброксолнинг метаболизмига жавоб берувчи асосий изоформа эканлигини кўрсатади. Яъни амброксол аввало жигарда метаболизмни II фазаси (глюкуронидлар) йўли билан метаболизмга учрайди ва бир неча аҳамиятсиз метаболитларидан ташқари, дибромантранил кислотасигача (дозанинг 8-10%) парчаланади. Барча бу метаболитлари 80-90% гача сийдик билан чиқарилади. Препаратнинг вена ичига юборилган дозасининг 4,6% сийдикда таъсир қилувчи модда кўринишида аниқланади, айни пайтда конъюгацияланган метаболити сийдикда дозанинг 35,6% ни ташкил қилади.

Амброксолнинг плазмадан ярим чиқарилиш даври 10 соатни ташкил қилади.

Янги туғилган чақалоқларда такроран вена ичига юборилгандан кейин клиренсини камайиши оқибатида ярим чиқарилиш даври тахминан икки баробар узаяди.

 

Қўлланиши

Чала туғилган ва янги туғилган болаларда респиратор дистресс-синдромни (РДС) даволашда қўлланади.

Қўллаш усули ва дозалари

Суткалик доза – 4 юборишларга бўлинган тана вазнига 30 мг/кг ни ташкил қилади .

Эритмани вена ичига аста-секин, камида 5 минут давомида, инфузомат ёрдамида юбориш керак.

Эритма шунингдек томчили инфузия кўринишида 5% ли глюкоза эритмаси, 5% ли левулоза эритмаси, физиологик эритма ёки Рингер эритмаси билан хам буюрилиши мумкин.

Ножўя таъсирлари

Овқат ҳазм қилиш тизими томонидан: жиғилдон қайнашини енгил кўринишлари, диспепсия, кўнгил айниши, қусиш, ич кетиши.

Иммун тизими томонидан: тошмалар, эшакеми, ангионевротик шиш, анафилактик реакциялар (шу жумладан анафилактик шок) ва бошқа аллергик реакциялар. Жуда кам ҳолларда Стивенс-Джонсон синдроми ва Лайелл синдроми каби терининг оғир шикастланишлари хақида хабар берилган. Асосан уларни асосий касалликнинг оғирлиги ёки ёндош препаратларни қабул қилиш билан тушунтириш мумкин.

Тери ёки шиллиқ қаватларнинг шикастланишини кўринишларида дарҳол даволашни қайта кўриб чиқиш ва амброксолни қўллашни тўхтатиш керак.

Қўллаш мумкин бўлмаган ҳолатлар

Амброксолга ва препаратнинг бошқа компонетларига маълум бўлган ўта юқори сезувчанлик.

Дориларнинг ўзаро таъсири

Амброксол билан бир вақтда қўлланганида бронхўпка секретида ва балғамда антибиотикларнинг (амоксициллин, цефуроксим, эритромициннинг) концентрацияси ошади.

Бошқа дори воситалари билан клиник нохуш ўзаро таъсирлар ҳақида хабарлар йўқ.

Номутаносиблик

Бошқа эритмалар билан аралаштириш мумкин эмас, бу рН 6,3 дан юқорироқ даражали аралашмалар хосил бўлишига олиб келади, чунки рН даражасини ошиши оқибатида амброксолни эркин ишқор кўринишидаги чўкмаси тушиши мумкин.

Махсус кўрсатмалар

Бир тавсия этилган дозада натрийнинг концентрацияси 1 ммоль (23 мг) дан камни ташкил қилади.

Ҳомиладорлик ёки эмизиш даврида қўлланиши

Препарат фақат болаларда қўллаш учун мўлжалланган.

Болалар. Янги туғилган ва чала туғилган болаларда қўлланади.

Автотранспортни бошқариш ёки бошқа механизмлар билан ишлашда реакция тезлигига таъсир қилиш хусусияти

Препарат фақат болаларда қўллаш учун мўлжалланган.

Препарат болалар олаолмайдиган жойда сақлансин ва яроқлилик муддати ўтгач қўлланилмасин.

 

Дозани ошириб юборилиши

Ҳозирги вақтгача дозани ошириб юборилишининг симптомлари ҳақида хабарлар йўқ. Тавсия этилганига қараганда катта дозалар қўлланган холда, симптоматик даволаш ўтказилади.

Чиқарилиш шакли

2 мл дан ампулаларда, 10 ампула қутида; ёки 5 ампуладан бир томонлама блистерда, 2 бир томонлама блистердан қутида.

Сақлаш шароити

Ёруғликдан ҳимояланган жойда, +25оС дан юқори бўлмаган ҳароратда сақлансин.

Яроқлилик муддати

2 йил.

Дорихоналардан бериш тартиби

Рецепт бўйича.

ИМЕЮТСЯ ПРОТИВОКАЗАНИЯ. НЕОБХОДИМО ОЗНАКОМИТЬСЯ С ИНСТРУКЦИЕЙ
ПО ПРИМЕНЕНИЮ ИЛИ ПОЛУЧИТЬ КОНСУЛЬТАЦИЮ СПЕЦИАЛИСТА

Лекарственные средства, информация о которых представлена на сайте, могут иметь противопоказания к их применению и использованию. Перед использованием необходимо ознакомиться с инструкцией по применению или получить консультацию у специалистов.