ҚЎЛЛАШ БЎЙИЧА ЙЎРИҚНОМА
ФРАНГУЛА ПЎСТЛОҒИ
CORTEX FRANGULAE
Итжумрутдошлар – Rhamnaceae оиласига мансуб, ёввойи ўсадиган франгула – Frangula alnus Mill. (syn.: Rhamnus frangula L.) бутаси ёки дарахтчасининг эрта баҳорда гуллашгача бўлган даврда навдалари ва шохларидан йиғилган пўстлоғи.
Таркибида: камида 4,5 % антрацен унумлари бор.
Фармакотерапевтик гуруҳи: Сурги воситалари.
Фармакологик хусусиятлари
Ич келтирувчи таъсир кўрсатади.
Қўлланилиши
Ичак атонияси ва сурункали қабзиятларда юмшоқ таъсир қилувчи сурги восита сифатида қайнатма кўринишида ичиш учун қўлланади. Таъсири ичгандан 8-10 соат ўтгач намоён бўлади.
Қўллаш усули ва дозалари
10% қайнатма кўринишида қўлланилади. Қайнатма тайёрлаш учун 20 г (2 ош қошиқ) майдаланган пўстлоғ сирланган идишга солинади, устидан 225 мл (1 ва 1/8 стакан) иссиқ қайнатилган сув қуйилади, қопкоғи ёпилади ва қайнаб турган сувда (сув ҳаммомида), тез-тез аралаштириб турган ҳолда 30 минут давомида қиздирилади, хона ҳароратида 10 минут давомида совитилади, кейин докадан ўтказилади, қолган ҳом-ашё сиқилади ва олинган қайнатма ҳажми қайнатилган сув билан 200 мл (1 стакан) гача етказилади. Тайёр қайнатмани салқин жойда 2 сутка сақлаш мумкин.
Қайнатмани ётишдан олдин (кечаси) ва эрталаб ярим стакандан қабул қилинади.
Ножўя таъсирлари
Аниқланмаган.
Қўллаш мумкин бўлмаган ҳолатлар
Препаратга шахсий юқори сезувчанлик.
Махсус кўрсатмалар
Препаратни болалар олаолмайдиган жойда сақлаш ва уни яроқлилик муддати ўтгач ишлатмаслик лозим.
Чиқарилиш шакли
Қутилар ва пакетлар; қутиларга жойлаштирилган пакетларда 50, 100, 130, 150 ва 200 г дан.
Сақлаш шароити
Қуруқ, ёруғликдан ҳимояланган жойда, 250С дан юқори бўлмаган ҳароратда сақлансин.
Яроқлилик муддати
2 йил.
Дорихоналардан олиш тартиби
Рецептсиз.