АМИЗОЛИД
дори препаратини тиббиётда қўллаш бўйича
ЙЎРИҚНОМА
Қайд этиш рақами:
Препаратнинг савдо номи: Амизолид
Дори препаратининг халқаро патентланмаган номи: линезолид
Дори шакли: плёнка қобиқ билан қопланган таблеткалар
Таркиби:
Таъсир этувчи модда:
Линезолид – 200 мг; 400 мг; 600 мг;
Ёрдамчи моддалар:
Плёнка қобиқ билан қопланган ҳар бир таблетка қуйидагиларни сақлайди:
Ядроси: бетадекс (бета-циклодекстрин) – 10,0 мг/20,0 мг/30,0 мг; коповидон – 9,0 мг/
18,0 мг/ 27,0 мг; ўта желатинланган крахмал – 18,0 мг/ 36,0 мг/ 54,0 мг; коллоид кремний диоксиди (А-300 маркали аэросил) – 3,0 мг/ 6,0 мг/ 9,0 мг; натрий стеарилфумарати –
5,0 мг/ 10,0 мг/ 15,0 мг; магний гидроксикарбонати – 28,0 мг/ 56,0 мг/ 84,0 мг.
Қобиғи: тайёр сувда эрувчан плёнка қобиғи – 7,0 мг/14,0 мг/21,0 мг.
(қобиғини таркиби: гидроксипропилметилцеллюлоза (гипромеллоза) – 74,2%, тальк – 2,3%, полиэтиленгликоль 6000 (Макрогол 6000) – 14,3%, титан диоксиди – 3,5%, темир (III) оксиди бўёвчиси – 1,4%, темир (II) оксиди бўёвчиси – 4,3%).
Таърифи:
200 мг ли доза учун: думалоқ, икки томонлама қавариқ, оч жигарранг рангдан тўқ жигарранг ранггача бўлган плёнка қобиқ билан қопланган таблеткалар.
400 мг ли доза учун: капсуласимон, икки томонлама қавариқ, оч жигарранг рангдан тўқ жигарранг ранггача бўлган плёнка қобиқ билан қопланган таблеткалар.
600 мг ли доза учун: овал, икки томонлама қавариқ, оч жигарранг рангдан тўқ жигарранг ранггача бўлган плёнка қобиқ билан қопланган таблеткалар.
Фармакотерапевтик гуруҳи: Оксазолидинлар гуруҳига мансуб антибиотик.
АТХ коди: [J01XX08]
Фармакологик таъсири
Фармакодинамикаси
Микробларга қарши восита бўлиб, оксазолидинлар синфига мансуб. Препаратнинг таъсир механизми бактериялардаги оқсил синтезини ингибиция қилиши билан боғлиқ. Линезолид бактерияларнинг рибосомаларидаги 30S- ва 50S-суббирликлари билан боғланади, натижада 70S-комплексни ҳосил бўлиши ва пептид занжирини шаклланиш жараёни бузилади. Линезолид in vitro шароитларида аэроб граммусбат бактериялар, баъзи грамманфий бактериялар ва анаэроб микроорганизмларга нисбатан фаолдир.
Препаратга сезгир: граммусбат аэроблар (Corynebacterium jeikeium, Enterococcus faecalis ва Enterococcus faecium (шу жумладан, гликопептид-резистент штаммлари), Enterococcus casseliflavus, Enterococcus gallinarum, Listeria monocytogenes, Staphylococcus aureus (шу жумладан, метициллинга чидамли штаммлари ва гликопептидларга нисбатан оралиқ сезувчанликка эга бўлган штаммлари), Staphylococcus epidermidis (шу жумладан, метициллинга чидамли штаммлари), Staphylococcus haemolyticus, Staphylococcus lugdunensis, Streptococcus agalactiae, Streptococcus intermedius, Streptococcus pneumoniae (шу жумладан, пенициллинга нисбатан оралиқ чидамлиликка эга бўлган штаммлари ва пенициллинга чидамли штаммлари), Streptococcus pyrogenes, (Viridans гуруҳи стрептококклари, С гуруҳи стрептококклари, G гуруҳи стрептококклари); грамманфий аэроблар (Pasteurella canis, Pasteurella multocida); граммусбат анаэроблар (Clostridium perfringens, Peptostreptococcus anaerobius, Peptostreptococcus spp.); грамманфий анаэроблар (Bacteroides fragilis, Prevotella spp.); Chlamydia pneumoniae.
Оралиқ сезувчанликка эга бўлган микроорганизмлар: Legionella spp., Moraxella catarrhalis, Mycoplasma spp.
Резистент микроорганизмлар: Haemophilus influenzae, Neisseria spp., Enterobacteriaceae, Pseudomonas spp.
Линезолид ва бошқа синфларга мансуб бўлган микробларга қарши препаратлар (аминогликозидлар, бета-лактам антибиотиклар, фолат кислотасини антагонистлари, гликопептидлар, линкозамидлар, хинолонлар, рифимицинлар, тетрациклинлар ва хлорамфеникол) ўртасида микроорганизмларнинг кесишган чидамлилиги кузатилмайди. Линезолид ушбу препаратларга ҳам сезгир, ҳам резистент микроорганизмларга нисбатан фаолдир. Линезолидга нисбатан резистентлик жуда секин, 23S-рибосомал РНК ни кўп босқичли мутацияси оқибатида ривожланади.
Асосий антимикроб таъсири билан бир қаторда моноаминооксидазани (МАО) А ва В турларини кучсиз носелектив ингибиторининг ҳусусиятларини намоён қилади.
Фармакокинетикаси
Ичга қабул қилинганидан сўнг линезолид меъда-ичак йўлларидан тез ва жадал равишда сўрилади. Овқатланиш препаратнинг сўрилишига таъсир қилмайди. Мутлоқ биокираолишлиги тахминан 100% ни ташкил этади. 400 мг дозали плёнка қобиқ билан қопланган таблетка ичга (суткада бир марта ва 2 марта) қабул қилинганида қонда максимал концентрацияси (Сmax) мувофиқ равишда – 8,1 ва 11 мкг/мл; максимал концентрациясига эришиш вақти (ТСmax) – 1,52 ва 1,12 соат; фармакокинетик эгри чизиғи остидаги майдони (AUC) – 55,1 ва 73,4 мкг*соат/мл; ярим чиқарилиш даври (Т1/2) – 5,2 ва 4,69 соат; клиренси минутига 146 ва 110 мл ни ташкил этади. 600 мг дозали плёнка қобиқ билан қопланган таблеткалар (суткада бир марта ёки 2 марта) қабул қилинганида Сmax мувофиқ равишда – 12,7 ва 21,2 мкг/мл; ТСmax – 1,28 ва 1,03 соат; AUC – 91,4 ва
138 мкг*соат/мл; Т1/2 – 4,26 ва 5,4 соат; клиренси минутига 127 ва 80 мл ни ташкил этади.
Қонда препарат мувозанатли концентрациясига (Сss) 2-3 кун давомида қўлланганида эришилади.
Перфузияси яхши бўлган тўқималарга тез тақсимланади. Катта ёшдаги соғлом одамда Сss эришилганида тақсимланиш ҳажми ўртача 40-50 л ни ташкил этади. Плазма оқсиллари билан боғланиши – 31% ни (концентрациясига боғлиқ эмас) ташкил этади.
Цитохром Р450 изоферментлари in vitro шароитларида линезолиднинг метаболизмида иштирок этмаслиги аниқланган. Линезолид шунингдек цитохром Р450 нинг клиник жиҳатдан муҳим бўлган изоферментлари (CYP1A2, CYP2C9, CYP2C19, CYP2D6, CYP2E1, CYP3A4) нинг фаоллигини ингибиция қилади. Метаболик оксидланиш 2 нофаол метаболитлар: гидроксиэтилглицин (одамда асосий метаболит ҳисобланади ва ноферментатив жараёнлар натижасида ҳосил бўлади) ва аминоэтоксисирка кислотаси (камроқ миқдорларда ҳосил бўлади) метаболитларини ҳосил бўлишига олиб келади. Шунингдек бошқа “кичик” нофаол метаболитлари ҳам таърифланган.
Линезолид буйраклар орқали гидроксиэтилглицин (40%), ўзгармаган препарат (30-35%), ва аминоэтоксисирка кислотаси (10%) ҳолида чиқарилади. Ичак орқали гидроксиэтилглицин (6%) ва аминоэтоксисирка кислотаси (3%) ҳолида чиқарилади. Болаларда линезолиднинг клиренси юқори бўлади ва ёшга ошиб борган сари пасайиб боради.
Аёлларда тақсимланиш ҳажми эркакларга нисбатан пастроқ, клиренси (20% га кам) ва плазмадаги концентрацияси юқорироқ бўлади. Аёлларда ва эркакларда линезолиднинг Т1/2 аҳамиятли даражада фарқланмайди, дозалаш тартибига тузатиш киритиш зарурати йўқ.
Сурункали буйрак етишмовчилиги (СБЕ) бўлган пациентларда дозалаш тартибига тузатиш киритиш талаб этилмайди, чунки препаратни буйраклар орқали чиқарилиши ва креатинин клиренси ўртасида боғлиқлик йўқ. 3 соатлик диализ давомида препаратнинг 30% дозаси чиқарилганлиги сабабли, шундай даволаш олаётган пациентларда линезолидни диализ муолажасидан сўнг буюриш керак.
Енгил ва ўртача даражада жигар етишмовчилиги бўлган пациентларда линезолиднинг фармакокинетикаси ўзгармайди, шу сабабли, препаратнинг дозасига тузатиш киритиш зарурати йўқ.
Қўлланилиши
Пневмония (касалхонадан ташқари ва госпитал пневмония); тери ва юмшоқ тўқималарнинг инфекциялари (шу жумладан, ванкомицинга резистент штаммлари Enterococcus faecalis ва Enterococcus faecium чақирган инфекциялар), сезгир анаэроб ва аэроб граммусбат микроорганизмлар чақирган бошқа инфекцияларда қўлланади.
Қўллаш мумкин бўлмаган ҳолатлар
Ўта юқори сезувчанлик, 3 ёшгача болалар (ушбу дори шакли учун) да қўллаш мумкин эмас.
Эҳтиёткорлик билан
Ҳомиладорлик ва лактация даврида эҳтиёткорлик билан қўлланади.
Дозалаш тартиби
Катталарга препарат ичга суткада 2 марта буюрилади.
Пневмонияда 600 мг дан суткада 2 марта буюрилади; тери ва юмшоқ тўқималарнинг инфекцияларида – 400-600 мг дан суткада 2 марта буюрилади. Даволаш курси 10-14 кунни ташкил этади.
Энтерококкли инфекцияларда – 600 мг дан суткада 2 марта 14-28 кун давомида қабул қилинади.
5 ёш ва ундан ошган болаларга ичга, тана вазнига 10 мг дан суткада 2 марта буюрилади.
Катталар ва болалар учун максимал доза суткада 1,2 г ни ташкил этади.
Ножўя таъсири
Овқат ҳазм қилиш тизими томонидан: таъм билишни бузилиши, кўнгил айниши, қусиш, диарея, қоринда оғриқ, метеоризм.
Қон яратиш тизими томонидан: анемия, тромбоцитопения, лейкопения, панцитопения.
Лаборатор кўрсаткичлар: гипербилирубинемия, аланинаминотрансфераза, аспартатаминотрансфераза, ишқорий фосфатазанинг фаоллигини ошиши.
Бошқалар: аллергик реакциялар, бош оғриғи, кандидоз бўлиши мумкин.
Дозани ошириб юборилиши
Даволаш: зарурат бўлганида симптоматик даволаш (шу жумладан калавалар фильтрацияси даражасини тутиб туриш) керак. Дозанинг тахминан 30% гемодиализда 3 соат давомида чиқарилади.
Ўзаро таъсири
Фармацевтик жиҳатдан: 5% ли декстроза эритмаси, 0,9% ли натрий хлориди эритмаси, лактоза билан инъекция учун Рингер эритмаси билан мутаносибдир. Амфотерицин В, хлорпромазин, диазепам, пентамидин изетионат, фенитоин, эритромицин, ко-тримоксазол, цефтриаксон натрий билан номутаносибдир.
Фармакодинамик жиҳатдан: псевдоэфедрин ва фенилпропаноламин (МАО ни кучсиз, қайтувчан носелектив ингибитори ҳисобланади) нинг прессор таъсирини ўртача даражада қайтар кучайтириши мумкин.
Серотонинни қайта қамраб олинишини селектив ингибиторлари (СҚҚСИ) билан бир вақтда қабул қилиш – серотонин синдромини ривожланиш ҳавфи мавжуд; линезолидни буюришдан олдин камида 14 кун давомида СҚҚСИ қабул қилишдан сақланиш керак.
Бирга буюрилганида адренергик дори воситалар (допамин ёки унинг агонистлари) нинг бошланғич дозаларини камайтириш ва кейинчалик дозани титрлаш тавсия этилади.
Ҳомиладорлик ва лактация даврида қўлланиши
Ҳомиладорликда она учун даволашдан кутилган фойда ҳомила учун потенциал хавфдан устун бўлган ҳоллардагина линезолидни қўллаш мумкин. Линезолидни она сути билан ажралиб чиқиши номаълум, шунинг учун препарат оналарга эмизикла даврда буюрилганида алоҳида эҳтиёткорликка риоя қилиш керак.
Махсус кўрсатмалар
Даволаниш вақтида анамнезида қон кетиши, анемия ёки тромбоцитопенияни ривожланиш хавфи юқори бўлган пациентлар, шунингдек бир вақтда қонда гемоглобиннинг даражасини ёки тромбоцитларнинг сонини пасайтириши мумкин бўлган препаратларни олаётган пациентлар ёки линезолидни 2 ҳафтадан ортиқ вақт давомида олаётган пациентларнинг конидаги тромбоцитлар сонини ва гемоглобиннинг даражасини назорат қилиш керак.
Пациентда диарея ривожланганида сохта мембраноз колит ривожланиши мумкинлигини инобатга олиш керак.
Транспорт воситалари ва механизмларни бошқариш қобилиятига таъсири
Линезолид автотранспортни ҳайдаш ва механизмларни бошқариш қобилиятига таъсир кўрсатмайди.
Чиқарилиш шакли
Плёнка қобиқ билан қопланган таблеткалар, 200 мг, 400 мг ва 600 мг дан
10 таблеткадан полвинил плёнка ва лакланган босма алюмин фольгали контур уяли ўрамда.
10, 14, 20, 24, 30, 50 ёки 100 таблетка биринчи марта очиш назорати бўлган бураладиган қопқоқли полимер банкада. Банкада қолган бўшлиқ тиббий пахта билан тўлдирилади. Банкага ёрлиқли қоғоздан ёки полимер материаллардан тайёрланган, ўзи елимланадиган ёрлиқ елимланади.
1, 2, 3, 5, 6 ёки 10 контур уяли ўрам қўллаш бўйича йўриқномаси билан бирга картон қутига жойланади.
1 банка қўллаш бўйича йўриқномаси билан бирга картон қутига жойланаган.
Сақлаш шароити
Ишлаб чиқарувчининг оригинал ўрамида, 25оС дан юқори бўлмаган хароратда сақлансин.
Болалар ололмайдиган жойда сақлансин.
Яроқлилик муддати
3 йил. Ўрамида кўрсатилган яроқлилик муддати тугаганидан сўнг ишлатилмасин.
Дорихоналардан бериш тартиби
Шифокор рецепти бўйича берилади.