ҚЎЛЛАШ БЎЙИЧА ЙЎРИҚНОМА

АВАТАК-250, 500

AVATAK-250, 500

Препаратнинг савдо номи: Аватак-250, 500

Таъсир этувчи модда (ХПН): левофлоксацин

Дори шакли: плёнка қобиқ билан қопланган таблеткалар

Таркиби:

Битта таблетка қуйидагиларни сақлайди:

фаол модда: левофлоксацинга эквивалент левофлоксацин гемигидрати – 250 ёки 500 мг,

ёрдамчи моддалар:

таблетка ядроси: АкваПолиш Д 099.08 (глицерин, тальк, микрокристалл целлюлоза, гипромеллоза), кросповидон, тальк, магний стеарати, стеарин кислотаси, сувсиз коллоид кремний диоксиди.

плёнка қобиғи: гипромеллоза тальк, Opadry 12F38203 (темир сариқ оксиди (Е172), титан диоксиди (Е171), макрогол 6000, полисорбат 80.

Таърифи: сариқ, узунчоқ, икки томонлама қавариқ, плёнка қобиқ билан қопланган рискали таблеткалар.

Фармакотерапевтик гуруҳи: антибактериал синтетик восита, фторхинолон.

АТХ коди: J01MA12.

Фармакологик хусусиятлари

Левофлоксацин – фаол модда сифтида офлоксациннинг чапга айланувчи изомерини сақловчи фторхинолонлар гуруҳидаги кенг таъсир даражасига эга синтетик антибактериал препаратдир. ДНК гираза (топоизомераза II) ва топоизомераза IV ни блоклайди, ДНК ни суперспирализация қилинишини ва узилишларини тиқилишини бузади, ДНК синтезини сусайтиради, цитоплазмада, хужайра деворида ва мембраналарда чуқур морфологик ўзгаришларни чақиради. In vitro шароитда ҳам, in vivo шароитида ҳам микроорганизмларнинг кўпчилик штаммларига нисбатан самаралидир. Препаратнинг таъсирига қуйидагилар сезувчан:

– аэроб граммусбат микроорганизмлар: Сorynebacterium diphtheriae, Enterococcus spp. (шу жумладан Enterococcus faecalis), Listeria monocytogenes, Staphylococcus spp. (коагулозаманфий метициллинга сезгир/ўртача сезувчан штаммлар), Staphylococcus aureus (метициллинга сезгир штаммлар), Staphylococcus epidermidis (метициллинга сезувчан штаммлар), Staphylococcus spp. (лейкотоксин сақловчи); Streptococcus spp. С ва G гуруҳлари, Streptococcus agalactiae, Streptococcus pneumoniaе (пенициллинга сезгир/ўртача сезгир/резистент штаммлар), Streptococcus pyogenes, Streptococcus viridans гуруҳи (пенициллин сезгир/резистент штаммлар);

– аэроб грамманфий микроорганизмлар: Acinetobacter spp. (шу жумладан Acinetobacter baumannii), Acinobacilus actinomycetemcomitans, Citrobacter freundii, Eikenella corrodens, Enterobacter aerogenes, Enterobacter agglomerans, Enterobacter spp. (шу жумладан Enterobacter cloacae), Escherichia coli, Gardenella vaginalis, Haemophilus ducrey, Haemophilus influenzae (ампициллинга сезгир/резистент штаммлар), Haemophilus parainfluenzae, Helicobacter pylori, Klebsiella spp. (шу жумладан  Klebsiella oxytoca, Klebsiella pneumonia), Moraxella catarrhalis, (бета-лактамаза ишлаб чиқарадиган ва ишлаб чиқармайдиган штаммлар), Morganella morganii, Heisseria gonorrhoeae (пенцициллиназани ишлаб чиқарадиган ва ишлаб чиқармайдиган штаммлар), Neisseria meningitides, Pasteurella spp. (шу жумладан Pasteurella canis, Pasteurella dаgmatis, Pasterella multocida), Proteus mirabilis, Proteus vulgaris, Providencia spp. (шу жумладан Providencia retgeri, Providencia stuartii), Pseudomonas spp. (шу жумладан Pseudomonas aeruginosa), Serratia spp. (шу жумладан Serratia marcescens), Salmonella spp.;

– анаэроб микроорганизмлар: Bacteroides fragillis, Bifidobacterium spp., Clostridium perfringens, Fusobacterium spp., Peptostreptococcus spp., Propionibacterium spp., Veillonella spp.;

– бошқа микроорганизмлар: Bartonella spp., Chlamydia pneumoniae, Chlamydia psittaci, Chlamydia trachomatis, Legionella pneumophila, Legionella spp., Mycobacterium spp. (шу жумладан Mycobacterium leprae, Mycobacterium tuberculosis, Mycoplasma hominis), Mycoplasma pneumonia, Rickettsia spp., Ureaplasma urealyticum.

Ўртача сезгир микроорганизмлар (минимал бостирувчи концентрация 4 мг/л дан катта):

– аэроб граммусбат микроорганизмлар: Corynebacterium urealyticum, Corynebacterium xerosis, Enterococcus faecium, Staphylococcus epidermidis (метилциллинга резистент штаммлар), Staphylococcus haemolyticus (метилциллинга резистент штаммлар);

– аэроб граммусбат микроорганизмлар: Burkholderia cepacia, Campilobacter jejuni, Campilobacter coli;

– анаэроб микроорганизмлар: Bacteroides thetaiotaomicron, Bacteroides vulgatus, Bacteroides ovatus, Prevotella spp., Porphyromonas spp..

Ўртача сезгир микроорганизмлар (минимал бостирувчи концентрация 8 мг/л дан катта):

– аэроб граммусбат микроорганизмлар: Corynebacterium jeikeium, Staphylococcus aureus (метилциллинга резистент штаммлар), Staphylococcus haemolyticus (метилциллинга резистент штаммлар) бошқалар Staphylococcus spp. (коагулазоманфий метициллинга резизтент штаммлар);

– аэроб грамманфий микроорганизмлар: Alcaligenes xylosoxidans;

– бошқа микроорганизмлар: Mycobacterium avium.

Фармакокинетикаси

Ичга қабул қилинганда левофлоксацин тез ва деярли тўлиқ сўрилади (овқат қабул қилиш сўрилишни тезлигига ва тўлиқлигига кам таъсир қилади). Биокираолишлиги – 99%. Плазмада максимал концентрацияга эришиш вақти (ТС_max) – 1-2 соатни ташкил этади.
500 мг ни қабул қилинганда плазмада максимал концентрация (С_max) 5,2 мкг/мл ни ташкил қилади. Плазма оқсиллари билан боғланиши тахминан 30-40%. Препарат 500 мг дозада кунига 2 марта қабул қилинганда левофлоксациннинг ўртача кумуляцияси учинчи куниёқ кузатилади. Аъзо ва тўқималарга – ўпкага, бронхларнинг шиллиқ қаватига, балғамга, сийдик-жинсий тизими аъзоларига, полиморф–ядроли лейкоцитларга, альвеолар макрофагларга яхши киради. Препарат перорал қабул қилинганда бронхларнинг шиллиқ қаватида ва эпителиал қаватининг суюқлигида С_max, 500 мг мувофиқ равишда – 8,3 мкг/г ва 10,8 мкг/мл ни ташкил қилади. Қаварчиқларнинг суюқлигидаги левофлоксациннинг С_max – 4,0-6,7 мкг/мл, бундай ҳолатда ТС_max – 2-4 соат ни ташкил қилади. 500 мг препаратни перорал қабул қилингандан кейин ўпка тўқимасида С_max – 11,3 мкг/г, ТС_max эса-4-6 соатни ташкил этади. Левофлоксацин орқа мия суюқлигига кам миқдорда киради. Левофлоксацинни суткада 500 мг дан перорал қабул қилинганда даволашнинг учинчи куни препарат қабул қилингандан 2, 6 ва 24 соатдан кейин простата бези тўқимасидаги С_max– мувофиқ равишда 8,7 мкг/г, 8,1 мкг/г ва 2 мкг/г ни ташкил қилади. Простата бези/плазмадаги концентрациясининг нисбати ўртача – 1,84 га тенг. 500 мг препаратни қабул қилингандан кейин 8-12 соатдан сўнг сийдикдаги С_max ўртача қиймати – 200 мг/л. Препаратнинг оз миқдори жигарда оксидланади ва/ёки ацетилсизланади. Ярим чиқарилиш даври (Т_1/2) – 6-8 соат. Организмдан асосан буйрак орқали (қабул қилинган дозанинг 85%) буйрак калавалари фильтрацияси ва найчалар секрецияси йўли билан чиқарилади. Левофлоксациннинг ичга қабул қилинган дозасини 4% ичак орқали 72 соат давомида чиқарилади. Буйрак фаолиятини бузилишларида ва буйрак клиренси пасайгани Т_1/2 узаяди.

Клиник синовларда эркак ва аёлларда препаратнинг фармакокинетикасида фарқлар аниқланмаган.

Қўлланилиши

Препаратга сезгир микроорганизмлар томонидан чақирилган қуйидаги инфекцияларни даволаш учун қўлланилади:

Қуйи нафас йўлларининг инфекциялари (пневмония, сурункали бронхитни зўрайиши), ўткир бактериал синусит, сийдик чиқариш йўлларининг ва буйрак инфекциялари (шу жумладан ўткир пиелонефрит); тери ва юмшоқ тўқималарининг инфекциялари (йирингланган атерома, абсцесс, фурункулёз); сурункали бактериал простатит; интрабдоминал инфекциялар (анаэроб микрофлорага таъсир қилувчи антибактериал препаратлар билан мажмуада), туберкулёз.

Қўллаш усули ва дозалари

Препаратни ичга, овқатланиш вақтида ёки овқат қабул қилиш орасидаги танаффусларда чайнамасдан, етарли миқдордаги суюқлик билан қабул қилиш лозим.

Препаратнинг дозалари инфекциянинг характери ва оғирлиги, шунингдек тахмин қилинадиган қўзғатувчининг сезувчанлигига қараб белгиланади.

Буйрак фаолияти нормал (креатинин клиренси (КК)>50 мл/мин) бўлган пациентлар учун препаратнинг тавсия қилинадиган дозаси:

Ўткир бактериал синуситда– 500 мг дан суткада 1 марта, 10-14 кун давомида ёки 750 мг дан суткада 1 марта 5 кун давомида;

Сурункали бронхитни зўрайишида – 500 мг дан суткада 1 марта, 7 кун давомида;

Касалхонадан ташқари пневмонияда – 500 мг дан суткада 1-2 марта, 7-14 кун давомида ёки 750 мг дан суткада 1 марта 7-14 кун давомида;

Госпитал пневмонияда– 750 мг дан суткада 1 марта, 7-14 кун давомида;

Сийдик-чиқариш йўлларининг ва буйракнинг асоратланмаган инфекцияларида – 250 мг дан суткада 1 марта 3 кун давомида;

Сийдик-чиқариш йўлларининг ва буйракнинг асоратланган инфекцияларда – 250 мг дан суткада 1 марта 10 кун давомида ёки 500 мг дан суткада 1 марта 5 кун давомида;

Бактериал простатитда – 500 мг дан суткада 1 марта, 28 кун давомида ёки 750 мг дан суткада 1 марта 10 кун давомида;

Тери ва юмшоқ тўқималарининг асоратланмаган инфекцияларида- 500 мг дан суткада 1 марта, 7-10 кун давомида;

Тери ва юмшоқ тўқималарининг асоратланган инфекцияларида– 750 мг дан суткада 1 марта, 7-14 кун давомида;

Интраабдоминал инфекцияларда – 500 мг дан суткада 1 марта, 7-14 кун давомида (анаэроб флорага таъсир қилувчи антибактериал препаратлар билан мажмуада);

Туберкулез – 750 мг дан суткада 1 марта, даволаш курси 3 ойгача;

Стоматологияда ва юз-жағ жарроҳлигида– 750 мг дан суткада 1 марта, 5 кун давомида

Буйрак фаолиятини бузилишлари (КК ≤ 50 мл/мин): бўлган пациентлар учун^

Жигар фаолиятини бузилишида дозани махсус танлаш талаб қилинмайди, чунки левофлоксацин жигарда сезиларсиз даражада метаболизмга учрайди ва асосан буйрак орқали чиқарилади

Агар препаратни қабул қилиш ўтказиб юборилган бўлса, навбатдаги қабул қилиш вақти яқинлашгунича таблеткаларни иложи борича тезроқ қабул қилиш керак. Кейинчалик левофлоксацинни схема бўйича қўллашни давом эттириш керак.

Даволаш давомийлиги касалликнинг турига боғлиқ (юқорига қаранг). Барча ҳолатларда даволашнинг касаллик симптомлари йўқолгандан кейин 48 соатдан 72 соатгача давом эттириш керак.

Ножўя таъсирлари

Овқат-ҳазм қилиш тизими томонидан: кўнгил айниши, қусиш, диарея (шу жумладан қон билан) овқат ҳазм бўлишини бузилиши, иштаҳани пасайиши, сохтамембраноз колит, қоринда оғриқ, “жигар трансаминазалари” фаоллигини ошиши, гипербилирубинемия, гепатит, дисбактериоз.

Юрак-қон томир тизими томонидан: артериал босимини пасайиши, қон томир коллапси, тахикардия, QT интервалини узайиши, хилпилловчи  аритмия.

Моддалар алмашинуви томонидан: гипогликемия, (иштаҳани ошиши, кўп терлаш, титроқ, асабийлик), гипергликемия (оғизни қуриши, чанқаш, сийишни кучайиши, чарчоқ, кўришни хиралашуви, терини қуриши ёки қичишиши, аритмия).

Нерв тизими томонидан: бош оғриғи, бош айланиши, ҳолсизлик, уйқучанлик, уйқусизлик, тремор, безовталик, парестезиялар, қўрқув, галлюцинациялар, онгни чалкашиши, депрессия, ҳаракат бузилишлари, тиришишлар.

Сезги аъзолари томонидан: кўришни, эшитишни, ҳид, таъм билишни ва тактил сезувчанликни бузилиши.

Таянч-ҳаракат аппарати томонидан: артралгия, мушак кучсизлаш, миалгия, пайларни узилиши, тендинит, рабдомиолиз.

Сийдик-чиқариш тизими томонидан: гиперкреатининемия, интерстициал нефрит, ўткир буйрак етишмовчилиги.

Қон-яратиш аъзолари томонидан: эозинофилия, гемолитик анемия, лейкопения, нейтропения, агранулоцитоз, тромбоцитопения, панцитопения, геморрагиялар

Аллергик рекциялар: терини қичишиши ва қизариши, тери ва шиллиқ қаватини шиши, эшакеми, хавфли экссудатив эритема (Стивенс-Джонсона синдроми), токсик эпидермал некролиз, (Лайелл синдроми), бронхоспазм, бўғилиш, анафилактик шок, аллергик пневмонит, васкулит.

Бошқалар: фотосенсибилизация, астения; порфирияни зўрайиши, турғун иситма, суперинфекцияни ривожланиши.

Қўллаш мумкин бўлмаган ҳолатлар

• Левофлоксацинга ёки бошқа хинолонларга юқори сезувчанлик
• 18 ёшгача бўлган болалар
• тутқаноқ
• анамнездаги хинолонларни қабул қилиш билан боғлиқ пайларни шикастланиши
• ҳомиладорлик ва лактация даврида қўллаш мумкин эмас.

Дориларнинг ўзаро таъсири

Хинолонлар ва ўз навбатида церебрал тиришишга тайёрлик бўсағасини пасайтириш хусусиятига эга моддалар бир вақтда қўлланганда тиришишга тайёрлик бўсағасини яққол пасайиши тўғрисида хабарлар мавжуд. Бу шунингдек тенг миқёсида хинолонларни ва теофиллинни, фенбуфен ва унга ўхшаш ностероид яллиғланишга қарши воситаларни (ревматик касалликларни даволаш учун воситалар) бир вақтда қўллангандагига ҳам таалуқлидир. Препаратни сукральфат (меъда шиллиқ қаватини ҳимоя қилиш учун восита) билан бир вақтда қўлланганда таъсири яққол пасаяди. Худди шундай ҳолат магний ёки алюминий сақловчи антацид воситалари (жиғилдонни қайнашини ва гастралгияни даволаш учун препаратлар), шунингдек темир тузлари (анемияни даволаш учун восита) билан бир вақтда қўлланганда юз беради.

Левофлоксацинни бу воситаларни қабул қилишдан 2 соат олдин ёки 2 соатдан кейин қабул қилиш лозим. Кальций карбонати билан ўзаро таъсири аниқланмаган.

Глюкокортикостероидларни қабул қилиш пайларни узилиш хавфини оширади.

К витамини антагонистлари (масалан, варфарин). К витамини антагонистларини бир вақтда ишлатилганда қон ивиши тизимини назорат қилиш зарур.

Циметидин ва пробенециднинг таъсири остида левофлоксацинни буйрак клиренси бироз секинлашади. Бу ўзаро таъсирлар деярли ҳеч қандай клиник аҳамиятга эга эмаслигини таъкидлаш лозим. Шундай бўлсада, айрим чиқарилиш йўлларини (найчалар секрецияси) блокловчи пробенцид ва циметидин каби дори воситалари бир вақтда қўлланганда, левофолоксацин билан даволашни эҳтиёткорлик билан ўтказиш лозим. Бу энг аввало буйрак фаолияти чекланган беморларга тааллуқлидир.

Циклоспорин. Левофлоксацин циклоспориннинг Т1/2 кўрсаткичини бироз узайтиради.

Антидиабетик препаратлар: хинолонлар ва диабетга қарши препаратларни бирга қўлланган пациентларда қонда глюкоза даражасини ўзгариши, жумладан гипергликемия ва гипогликемия тўғрисида хабарлар мавжуд. Шунинг учун бу препаратларни бирга қўллаганда глюкоза даражасини назоратини ўтказиш керак.

Ностероид яллиғланишга қарши препаратлар, фенбуфен: ностероид яллиғланишга қарши препаратларни хинолонлар билан, жумладан левофлоксацин билан бирга қўлланганда, МНТ ни қўзғалиш хавфини ошириши ва тиришишларга олиб келиши мумкин.

Теофиллин: теофиллин билан бирга қўлланилиши левофлоксацинни ярим чиқарилиш даврини узайишига, зардобда теофиллиннинг концентрациясини ошишига ва кейинчалик теофиллин билан боғлиқ хавфни ошишига олиб келиши мумкин.

Левофлоксацинни, бошқа фторхинолонлар каби, QT интервалини узайтириши маълум бўлган (масалан, IA ва III синфи аритмияга қарши препаратлари, трициклик антидепрессантлар, макролидлар) дори препаратларини қабул қилаётган пациентларда эҳтиёткорлик билан ишлатиш лозим (“Махсус кўрсатмалар”.QT интервалини узайишига қаранг).

Махсус кўрсатмалар

Препаратни бўғим тоғайларини шикастланиш эҳтимоли туфайли, болалар ва ўсмирларда даволаш учун қўллаш мумкин эмас. Кекса ёшдаги беморларни даволашда бу гуруҳи беморларини буйрак фаолиятини бузилиши билан кўпинча хасталанишини эътиборга олиш керак (“Қўллаш усули ва дозалари” га қаранг). Пневмококклар чақирган ўпканинг жуда оғир яллиғланишда левофлоксацин оптимал терапевтик самара бермаслиги мумкин. Айрим қўзғатувчилар (P.aeruginosa) томонидан чақирилган госпитал инфекциялар мажмуавий даволашни талаб қилади. Препарат билан даволаш вақтида олдинги инсульт ёки оғир жароҳат билан боғлиқ бош миянинг шикастланиши бўлган беморларда тиришиш хуружларини ривожланиши мумкин.

Тиришишга қарши тайёргарлик фенбуфенни шунга ўхшаш ностероид яллиғланишга қарши воситалари ёки теофиллин билан бир вақтда қўлланганда ошиши мумкин. (“Ўзаро таъсирлари” га қаранг). Левофлоксацин қўллаганда жуда кам ҳолларда фотосенсибилизация аниқланиши мумкинлигига қарамай, ундан сақланиш учун беморларга алоҳида эҳтиёжсиз кучли қуёш ёки суъний ультрабинафша нурлари остида бўлиш (масалан, қуёшда юқори тоғ жойларда бўлиш ёки солярийда қатнашиш) тавсия қилинмайди. Сохтамембраноз колитга шубҳа туғилганида препаратни дарҳол бекор қилиш ва тегишли даволашни бошлаш лозим. Бундай ҳолларда ичак моторикасини сусайтирувчи дори воситаларини қўллаш мумкин эмас.

Препаратни қўлланганда кам кузатиладиган тендинит (энг аввало ахиллова пайларини яллиғланиши) пайларни узилишига олиб келиши мумкин. Кекса ёшдаги беморлар тенидинитга кўпроқ мойил. Кортикостероидлар билан даволаш кўпинча пайларни узилиш хавфини оширади. Тендинитга шубҳа бўлганида Аватак препарати билан даволашни тўхтатиш ва шикастланган пайларни тегишли даволашни, масалан, уни тинч ҳолат таъминлабдаволашни ьошлаш керак (“Қўллаш мумкин бўлмаган ҳолатлар” ва “Ножўя таъсирлари” га қаранг). Глюкозо-6- фосфатдегидрогеназа етишмовчилиги (моддалар алмашинувини наслий бузилиши) бўлган беморлар фторхинолонлар билан даволашда эритроцитларни парчалаши (гемолиз) билан реакция қилишлари мумкин. Шу сабабли, бундай беморларни левофлоксацин билан даволашни катта эҳтиёткорлик билан ўтказиш лозим.

Одатда орал қўллаш учун гипогликемик воситалар (масалан, глибенкламид) ёки инсулин билан ёндош даволанаётган диабети бўлган пациентларда ҳамма хинолонлар учун хос бўлган гипогликемия ҳоллари аниқланган. Бундай пациентлар учун қонда глюкоза даражасини синчков кузатиш тавсия қилинади.

Фторхинолонларни, шу жумладан левофлоксацинни қабул қилган пациентларда QT интервалини узайишини жуда кам ҳоллари ҳақида хабар қилинган. QT интервалини узайишини маълум хавф омиллари, масалан:

• кекса ёшдаги пациентлар
• бузилган электролит мувозанати (масалан, гипокалиемия, гипомагниемия)
• туғма QT интервалини узайиш синдроми
• юрак касалликлари (масалан, юрак етишмовчилиги, миокард инфаркти, брадикардия).
• QT интервалини узайтириши маълум бўлган дори препаратларини (масалан, IA ва III синфи аритмияга қарши ва трициклик антидепрессантлар, макролидлар) (“Қўллаш усули ва дозалари” ва “Дориларнинг ўзаро таъсири” га қаранг) бир вақтда ишлатиш бўлган пациентларда фторхинолонларни, шу жумладан левофолоксацинни қўлланганда эҳтиёткорликни намоён этиш лозим.

Левофлоксацинни қабул қилаётган пациентларда сийдикда опиатларни аниқлаш сохтамусбат натижаларни бериши мумкин. Опиатларни борлигини янада специфик усуллар ёрдамида таҳлилларнинг ижобий натижаларини тасдиқлаш зарурати пайдо бўлиши мумкин.

Ҳомиладорлик ва лактацияда қўлланилиши

Ҳомиладорлик ва лактация даврида тавсия қилинмайди.

Автомобилни ҳайдаш ва механизмларни бошқариш қобилиятига таъсири

Препаратнинг бош айланиши ва/ёки қотиб қолиш, уйқучанлик ва кўришни бузилиши каби ножўя самаралари реакцион қобилиятни ва диққатни жамлашни ёмонлаштириши мумкин. Бу, бундай қобилиятлар алоҳида аҳамиятга эга бўлган ҳолатларда алоҳида хавф туғдириши мумкин. Бу айниқса препаратни алкогол билан ўзаро таъсир ҳоллатларига тааллуқлидир.

Препаратни яроқлилик муддати тугагандан кейин қўллаш мумкин эмас ва уни болалар ололмайдиган жойда сақлаш лозим.

Дозани ошириб юборилиши

Симптомлари: онгни чалкашиши, бош айланиши, онгни бузилиши, тиришишлар, кўнгил айниши, қусиш ва шиллиқ қаватларини эрозив шикастланиши. Текширишлар ўтказилганада левофлокацинни ўрта терапевтикдан ошадиган дозаларда қўлланганда QT интервалини узайиши кўрсатилган.

Даволаш: зарурат бўлганида симптоматик даволаш ўтказилади. Левофлоксацин гемодиализда, перитонеал диализда ва доимий перитонеал диализда чиқарилмайди. Махсус антидоти йўқ.

Чиқарилиш шакли

Аватак 250 мг ли плёнка қобиқ билан қопланган таблеткалар:

3,5 ёки 7 таблеткадан ПВХ/алюмин фольга тиниқ, рангсиз блистерларда қутида.

Аватак 500 мг ли плёнка қобиқ билан қопланган таблеткалар:

5 ёки 7 таблеткадан ПВХ/алюмин фольга тиниқ блистерларда қутида.

Сақлаш шароити

30⁰С дан юқори бўлмаган ҳароратда сақлансин.

Яроқлилик муддати

4 йил.

Дорихоналардан бериш тартиби

Рецепт бўйича.