ҚЎЛЛАШ БЎЙИЧА ЙЎРИҚНОМА
АМПИОКС-REMEDY
AMPIOXUM-REMEDY
Препаратнинг савдо номи: Ампиокс
Таъсир этувчи модда (ХПН): Ампициллин тригидрати ва оксациллинни натрийли тузи.
Дори шакли: Капсулалар.
Таркиби:
1 капсула қуйидагиларни сақлайди:
Фаол моддалар: Ампициллин 125 мг, оксациллин 125 мг.
Ёрдамчи моддалар: магний стеарати или кальций стеарати.
Таърифи: “2” ўлчамли, оқ рангли қаттиқ желатинли капсулалар.
Фармакотерапевтик гуруҳи: Антибиотиклар (пенициллинлар гуруҳи).
АТХ коди: J01CR50
Фармакологик хусусиятлари
Ампициллин ва оксациллин таъсир доираларини бирлаштирувчи мажмуавий антибиотик.
Ампициллин-пенициллин гуруҳига мансуб ярим синтетик антибиотик бўлиб, бактерицид таъсир кўрсатади, кислотага чидамли. Граммусбат (Staphylococcus spp., Streptococcus spp., Streptococcus pneumoniae) ва грамманфий (Neisseria gonorrhoeae, Neisseria meningitidis, Escherichia coli, Salmonella spp., Shigella spp., Proteus mirabilis, Haemophilus influenzae,) микроорганизмларга нисбатан фаолдир.
Оксациллин пенициллин гуруҳига мансуб ярим синтетик антибиотикдир. Унинг β-лактамазларга чидамлиги билан боғлиқ асосий хусусияти пенициллинга чидамли бўлган штаммларга нисбатан фаоллигидир. Граммусбат микроорганизмларга (Staphylococcus spp., Streptococcus spp., шу жумладан Streptococcus pneumoniae, Bacillus anthracis, Corynebacterium diphtheriae, анаэроб спора ҳосил қилувчи таёқчалар, шу жумладан Closridium), грамманфий коккларга (Neisseria gonorrhoeae, Neisseria meningitidis), Escherichia coli, Proteus mirabilis, Haemophilus influenzae, Clostridium pneumoniae, Actinomyces spp., Treponema spp., нисбатан бактерицид таъсирга эга. Препарат таъсирига Ps. aeroginosa, кўпчилик Proteus vulgaris, Pr. Rettgeri, Pr. Morgonii штаммлари чидамли.
Фармакокинетикаси
Ампициллин ичга қабул қилингандан кейин меъда-ичак йўлларидан яхши сўрилади, меъданинг кислотали муҳитида ўзгармайди. Кўпгина аъзо ва тўқималарда тақсимланади. Йўлдош орқали ўтади, ГЭБ орқали ёмон ўтади. Мия қобиқлари яллиғланишида ГЭБ ўтказувчанлик ампициллин учун кескин ортади. 30% ампициллин жигарда парчаланади. Сийдик ва сафро билан чиқарилади.
Оксациллин ичга қабул қилингандан кейин меъда-ичак йўлларида сўрилади. Меъданинг кислотали муҳитида фаоллигини сақлаб қолади. Овқат қабул қилиш оксациллин сўрилишини камайтиради. Қон плазмаси оқсиллари билан боғланиши 93% ни ташкил қилади. 20-30% атрофидагиси тез сийдик орқали, ҳамда сафро орқали чиқади.
Қўлланилиши
Сезгир микрофлора чақирган бактериал инфекциялар: синусит, тонзиллит, ўрта отит, бронхит, пневмония, холангит, холецистит, пиелонефрит, пиелит, цистит, уретрит, гонорея, цервицит, тери ва юмшоқ тўқима инфекциялари, сарамас, импетиго, иккиламчи инфекцияланган дерматозлар, дизентерия, сальмонеллез, сальмонелла ташувчи, жарроҳлик аралашувларидаги операциядан кейинги асоратларни (шу жумладан иммунтанқислик фонида) олдини олишда, чақалоқлар инфекциясида, оғир кечадиган инфекцияларда (сепсис, эндокардит, менингит, туғриқдан кейинги инфекциялар) қўлланилади.
Қўллаш усули ва дозаси
Ичга, капсулани бутунлигича сув билан ичилади.
Катталар ва 14 ёшдан катта болалар учун бир марталик доза 0,5-1,0 г, суткалик – 2-4 г,
3-7 ёшдаги болалар учун суткасига 100 мг/кг,
7-14 ёшдагиларга суткасига-50 мг/кг.
Даволаш давомийлиги 5-7 кундан 2 ҳафтагача.
Суткалик дозани 4-6 қабулга бўлинади.
Ножўя таъсирлари
Аллергик реакциялар: эшакем, терини қизариши, Квинке шиши, ринит, конъюнктивит, иситмалаш, артралгия, эозинофилия, анафилактик шок, суперинфекция, дисбактериоз, таъм билишни пасайиши, қусиш, кўнгил айниши, диарея, псевдомембраноз энтероколит, лейкопения, нейтропения ва анемия кузатилиши мумкин.
Қўллаш мумкин бўлмаган ҳолатлар
Препарат компонентларига юқори сезувчанликда, инфекцион мононуклеозда, лимфолейкозда, 3 ёшгача бўлган болаларда (кичкина болаларда капсула кўринишидаги препаратни тўғри дозалаш мумкин эмаслиги сабабли) қўлланилмайди.
Пенициллинга ўта сезувчан бўлган оналардан туғилган болаларга эҳтиёткорлик билан буюрилади.
Дориларнинг ўзаро таъсири
Антацидлар, глюкозамин, сурги воситалари, овқат, аминогликозидлар сўрилишини секинлаштиради ва камайтиради; аскорбин кислотаси сўрилишини оширади. Бактерицид антибиотиклар (шу жумладан аминогликозидлар, цефалоспоринлар, циклосерин, ванкомицин, рифампицин) синергик таъсир; бактериостатик препаратлар (макролидлар хлорамфеникол, линкозамидлар, тетрациклинлар, сульфаниламидлар) антагонистик таъсир кўрсатади. Билвосита антикоагулянтлар самарасини оширади (ичак микрофлорасини сусайтириб, витамин К синтезини ва протромбин кўрсаткичини камайтиради); перорал контрацептив дори воситалари самарасини камайтиради, метаболизм жараёнида ПАБК ҳосил бўлади. Этинилэстрадиол-қон кетиши ривожланиш ҳавфини туғдиради. Диуретиклар, аллопуринол, фенилбутазон, ностероид яллиғланишга қарши препаратлар пробенецид-найчалар секрециясини камайтириб, препаратни қон плазмасидаги концентрациясини оширади, бу эса токсик таъсир ривожланиши хавфини оширади. Аллопуринол тери тошмасини ривожланиш хавфини оширади.
Махсус кўрсатмалар
Курсий даволашда қон яратиш аъзолари, жигар ва буйрак фаолиятини назорат қилиш зарур. Суперинфекцияни ривожланиши (препаратга сезгир бўлмаган микрофлорани ўсиши ҳисобига) шунга мувофиқ равишда антибактериал даволашни ўзгартиришни талаб қилади. Пенициллинларга юқори сезувчанлиги бўлган касалларда, цефалоспорин антибиотикларига қарама -қарши аллергик реакциялар бўлиши мумкин. Ҳомиладорликда кўрсатмага мувофиқ қўллаш мумкин. Она сути билан кичик концентрацияда ажралади, шунинг учун эмизикли даврида препарат қўллашда эмизишни тўхтатиш масаласини ҳал қилиш лозим. Буйрак етишмовчилиги бўлган касалларда юқори дозаларни қўллаш, марказий нерв тизимига токсик таъсир кўрсатиши мумкин.
Препаратни болалар ололмайдиган жойда сақлаш ва яроқлилик муддати ўтгач ишлатмаслик керак.
Дозани ошириб юборилиши
Дозани ошириб юбориш ҳоллари кузатилмаган. Анафилактик шок белгилари пайдо бўлганда касални ушбу ҳолатдан чиқаришнинг тезкор чораларини кўриш керак: адреналинни (эпинефрин) юбориш, глюкокортикостероидлар (гидрокортизон ёки преднизолон) ва антигистамин воситаларни юбориш, зарур бўлганида ўпкани суъний вентиляция қилиш керак.
Чиқарилиш шакли
10 дона. 250 мг капсулалар контур-уяли ўрамда №10.
Сақлаш шароити
Қуруқ, ёруғликдан ҳимояланган жойда, 25°С дан юқори бўлмаган ҳароратда сақлансин.
Яроқлилик муддати
2 йил.
Дорихоналардан бериш тартиби
Рецепт бўйича.