📜 Инструкция по применению Кетотифен сироп
💊 Состав препарата Кетотифен сироп
✅ Применение препарата Кетотифен сироп
📅 Условия хранения Кетотифен сироп
⏳ Срок годности Кетотифен сироп

ҚЎЛЛАШ БЎЙИЧА ЙЎРИҚНОМА

КЕТОТИФЕН

KETOTIFEN

 

Препаратнинг савдо номи: Кетотифен

Таъсир этувчи модда (ХПН): кетотифен гидрофумарати

Дори шакли: сироп

Таркиби:

5 мл сироп қуйидагиларни сақлайди:

фаол модда: 1 мг кетотифен гидрофумарати (кетотифенга ва 100% қуруқ моддага қайта ҳисобланганда);

ёрдамчи моддалар: натрий бензоати (Е 211), суюқ мальтит, сахарин натрий, натрий гидрофосфати додекагидрати, лимон кислотаси моногидрати, фумарат кислотаси, глицерин, гидроксиэтилцеллюлоза, банан ароматизатори, тозаланган сув.

Таърифи: рангсиз ёки бироз сарғиш, тиниқ, ўзига ҳос хидли қовушқоқ суюқлик.

Фармакотерапевтик гуруҳи: тизимли қўллаш учун антигистамин воситалари.

АТХ коди: R06AX17.

Фармакологик хусусиятлари

Фармакодинамикаси

Кетотифен мембранани барқарорлаштирувчи, аллергияга қарши, гистаминга қарши таъсир кўрсатади. Кетотифеннинг таъсир механизми семиз хужайралар ва базофиллар томонидан биологик фаол моддалар (гистамин, лейкотриенлар ва бошқалар) ни ажралиб чиқишини сусайтирилиши, яллиғланиш ўчоқларида цитокининлар томонидан эозинофил гранулоцитларни миграциясини блоклаб, уларни сенсибилизациясини сусайтирилиши билан боғлиқ. Препарат тромбоцитларни фаоллаштирувчи омил (ТФО) ёки аллергенлар таъсири остида тромбоцитларни фаоллашиши билан боғлиқ нафас йўлларининг гиперреактивлигини ривожланишини тўхтатади. Препарат фосфодиэстеразани ингибиция қилади, хужайраларда цАМФ миқдорини оширади. Кетотифен Н1-гистамин рецепторларининг рақобатсиз блокадасини чақиради. Бронхоспазмни самарали олдини олади, кортикостероидлар, бронходилататорларни қўллашга бўлган эҳтиёжни камайтиради. Бронхолитик таъсирга эга эмас. Препаратни қабул қилгандан кейин терапевтик самара секин, 1-2 ой давомида ривожланади.

Фармакокинетикаси

Кетотифен ичга қабул қилинганидан кейин деярли тўлиқ сўрилади. Кетотифеннинг асосий метаболити N-глюкуронид деярли заҳарли эмас. Қон плазмасидаги максимал концентрациясига 2-4 соатдан кейин эришилади. Оқсиллар билан боғланиши тахминан 75% ни ташкил қилади. Кетотифенни организмдан чиқарилиш икки босқичли характерга эга: биринчи ярим чиқарилиш даври 3-5 соатни, иккинчиси – 21 соатни ташкил қилади. Препаратнинг 60-70% буйрак орқали чиқарилади ва 20-30% – жигар орқали метаболитлари шаклида, препаратнинг 10% ўзгармаган ҳолда чиқарилади. Препаратнинг қабул қилинган бир марталик дозасининг асосий қисми 48 соат давомида сийдик билан чиқарилади.

Қўлланилиши

Бронхиал астма, айниқса атопик астмани профилактик даволаш.

Аллергик холатларни, шу жумладан аллергик ринит ва конъюнктивитни даволашда қўлланади.

Қўллаш усули ва дозалари

6 ойликдан 3 ёшгача бўлган болаларга сироп 1 кг тана вазнига 0,25 мл (0,05 мг кетотифен) бир марталик дозада буюрилади; қабул қилишлар сони – суткада 2 марта (эрталаб ва кечқурун). Керак бўлган дозани дозаловчи қошиқ ёрдамида ўлчанади.

Масалан, тана вазни 10 кг бўлган болага 2,5 мл дан (дозаловчи қошиқдаги белгига қараб) сироп суткада 2 марта (эрталабки ва кечқурунги овқат қабул қилиш вақтига) буюрилади.

Болаларга 3 ёшдан бошлаб сироп 5 мл/1 мг кетотифендан (1 дозаловчи қошиқдан) суткада 2 марта (эрталаб ва кечқурун, овқатланиш вақтида) буюрилади.

Препаратнинг терапевтик таъсири аста-секин даволашни бошидан 2-4 ҳафтадан кейин ривожланади, шунинг учун даволаш курси узоқ бўлиши керак (2-3 ойдан). Препарат билан даволанишни 2-4 ҳафта давомида аста-секин тўхтатиш керак, лекин бу даврда астма белгилари қайтарилиши мумкин.

 

Ножўя таъсирлари

Терапевтик дозалар қўлланганда ножўя реакциялари кучсиз намоён бўлади, одатда даволашни бошида пайдо бўлади ва бир неча кун қабул қилингандан кейин ўтиб кетади.

Меъда-ичак йўллари томонидан: оғиз қуриши, кўнгил айниши, қусиш.

Нерв тизими томонидан: седатив самара (шу жумладан, уйқучанлик), бош айланиши, жуда кам – тиришишлар.

Руҳий бузилишлар: қўзғалиш, таъсирчанлик, уйқусизлик, асабийлик (кўпинча болаларда кузатилади) каби кам ҳолларда МНТ рағбатлантирувчи белгилар кузатилган.

Аллергик реакциялар: терида тошмалар бўлиши мумкин; жуда кам ҳолларда – кўп шаклли эритема, Стивенс-Джонсон синдроми ва тери томонидан оғир даражали реакциялар.

Лаборатор кўрсаткичлар: жигар ферментлари фаоллигини ошиши мумкин, тромбоцитопения.

Бошқалар: баъзида иштаҳани ошиши билан боғлиқ тана вазнини ошиши кузатилади, дизурия, цистит; гепатит.

Қўллаш мумкин бўлмаган ҳолатлар

  • Кетотифенга ёки препаратнинг бошқа компонентларига юқори сезувчанликда қўллаш мумкин эмас.
  • Кетотифен ва перорал диабетга қарши воситаларни (қайтувчан тромбоцитопенияни ривожланиш хавфи бор) бир вақтда қўллаш, бу феномен етарлича охиригача ўрганилмагунича мумкин эмас.

Дориларнинг ўзаро таъсири

Атропин (атропинга ўхшаш таъсирга эга воситалар): сийдик тутилиши, қабзият, оғиз қуриши каби ножўя таъсирларни пайдо бўлиш хавфи ошади.

Седатив, ухлатувчи воситалар: кетотифен марказий нерв тизимини сусайтирувчи бошқа дори воситаларнинг самарасини потенциаллаши мумкин.

Антигистамин воситалар: улар самарасини ўзаро потенциялашига олиб келиши мумкин.

Этанол: кетотифеннинг марказий нерв тизимига депрессив самараларини кучайтиради.

Перорал диабетга қарши воситалар: қайта тромбоцитопенияни чақириши мумкин.

Кетотифен қўллаганда бета-адреномиметик препаратлар, кортикостероидлар ва метилксантинни қўллашга эҳтиёжни камайтириши мумкин.

Махсус кўрсатмалар

Препарат бронхиал астма хуружини шошилинч даволаш учун мўлжалланмаган!

Кетотифен препаратини қабул қилинганда бронхиал астмаси бўлган беморларда глюкокортикостероидлар ва бронхолитикларга бўлган эҳтиёж камайиши мумкин.

Кетотифен препарати билан даволашни бошида, буйрак усти бези етишмовчилиги ривожланиши мумкинлиги сабабли, астмага қарши препаратларни, айниқса глюкокортикостероидларни тўсатдан бекор қилиш мумкин эмас. Бундай ҳолларда стрессга гипоталама-гипофизар буйрак усти безлари реакциясини нормага қайтиш даври 1 йилгача давом этиши мумкин.

Жигар фаолияти бузилишлари бўлган пациентларда кетотифенни қўллаганда эҳтиёткорликка риоя қилиш керак.

Препаратнинг терапевтик таъсири аста-секин, даволаш бошланганидан 2-4 ҳафтадан кейин бошланади, шунинг учун даволаш курси узоқ муддатли (2-3 ойдан ортиқ) бўлиши керак. Препарат билан даволашни аста-секин, 2-4 ҳафта давомида тўхтатиш керак, бунда бу даврда астма симптомлари қайталаниши мумкин.

Седатив самарани олдини олиш учун препаратни қабул қилишни биринчи кунлари ярим дозадан бошлаш мумкин.

Углеводларга толерантликни бузилишлари (масалан, глюкоза – галактоза мальабсорбцияси) бўлган одамларга қандли диабети бўлган беморлар препаратнинг таркибига углеводлар (1 мл сироп 0,06 г углевод сақлайди) сақланишини инобатга олишлари керак.

Сиропнинг таркибида суюқ сорбитол мавжуд. Кам учрайдиган наслий фруктозани ўзлаштираолмаслиги бўлган пациентлар бу препаратни қабул қилишлари мумкин эмас.

Сиропни тез-тез ва узоқ муддатли қўллаш тишлар учун зарарли (кариес ривожланиши) бўлиши мумкин.

Диабетга қарши дори воситалари билан бир вақтда қабул қилинганда периферик қонда тромбоцитлар сонини назорат қилиш керак (транзитор тромбоцитопения бўлиши мумкин).

Тиришишларга мойиллиги (масалан, тутқаноқда) бўлган шахслар кетотифенни эҳтиёткорлик билан қўллашлари керак, чунки препарат тиришишга тайёрлик бўсағасини пасайтириши мумкин.

Кетотифенни қўллаш тажрибаси кекса ёшли шахслар учун махсус тавсиялар талаб қилинмаслигидан далолат беради.

Клиник кузатишлар фармакокинетик хусусиятлари билан мос келади ва болаларда оптимал натижага эришиш учун катталарга нисбатан тана вазнининг 1 кг учун юқорироқ доза талаб қилинади. Бундай юқори дозалар минимал дозалар каби болалар томонидан яхши ўзлаштирилади.

Кетотифен билан даволаш вақтида алкоголни қабул қилишдан сақланиш керак!

Ҳомиладорлик ёки эмизиш даврида қўлланиши.

Препаратни ҳомиладорлик вақтида фақат кутилаётган фойда, ҳомила учун потенциал хавфдан юқори бўлгандагина қўллаш мумкин.

Кетотифен она сутига ажралиб чиқади, шунинг учун препаратни қабул қилиш вақтида эмизишни тўхтатиш керак.

Болалар.

Препарат болаларга 6 ойлигидан бошлаб қўлланади.

Автотранспортни бошқариш ёки бошқа механизмлар билан ишлашда реакция тезлигига таъсир қилиш хусусияти.

Препарат автотранспортни бошқариш ёки бошқа механизмлар билан ишлашда реакция тезлигига, айниқса қабул қилишнинг биринчи кунлари салбий таъсир қилиши мумкин.

Препарат болалар ололмайдиган жойда сақлансин ва яроқлилик муддати ўтгач ишлатилмасин.

Дозани ошириб юборилиши

Симптомлари. Оғир даражали седатив таъсир (шу жумладан, яққол уйқучанлик) лохаслик, онгни чалкашиши, дезориентация, нистагм, бош оғриғи, тахикардия, брадикардия, аритмия, нафас марказини сусайиши, артериал гипотензия, коматоз холат билан намоён бўлиши мумкин; марказий нерв тизимини рағбатланиши симптомлари (айниқса болаларда) бўлиши мумкин: юқори қўзғалувчанлик, тиришишлар.

Даволаш. Симптоматик даволаш амалга оширилади: меъдани ювиш (агар препарат яқинда қабул қилинган бўлса), фаоллаштирилган кўмирни қўллаш керак.

Зарурати бўлган ҳолларда юрак-қон томир тизими холатини назорат қилинади, қўзғалиш ёки тиришишларда қисқа таъсирга эга барбитуратлар ёки бензодиазепинлар буюрилади.

Чиқарилиш шакли

50 мл дан флаконларда, 100 мл дан флаконларда ва банкаларда дозаланган қошиқчаси билан бирга қутида.

Сақлаш шароити

Оригинал ўрамда, 25оС дан юқори бўлмаган ҳароратда сақлансин.

Яроқлилик муддати

3 йил.

Дорихоналардан бериш тартиби

Рецепт бўйича.

ИМЕЮТСЯ ПРОТИВОКАЗАНИЯ. НЕОБХОДИМО ОЗНАКОМИТЬСЯ С ИНСТРУКЦИЕЙ
ПО ПРИМЕНЕНИЮ ИЛИ ПОЛУЧИТЬ КОНСУЛЬТАЦИЮ СПЕЦИАЛИСТА

Лекарственные средства, информация о которых представлена на сайте, могут иметь противопоказания к их применению и использованию. Перед использованием необходимо ознакомиться с инструкцией по применению или получить консультацию у специалистов.