ИЛОВА-ВАРАҚА: ПАЦИЕНТ УЧУН МАЪЛУМОТ

НОЛИПРЕЛ^® аргинин

периндоприл аргинин/индапамид – плёнка қобиқ билан қопланган таблеткалар

Препаратни қабул қилишни бошлашдан олдин ушбу илова-варақани охиригача диққат билан ўқиб чиқинг.

• Ушбу илова-варақани сақлаб қўйинг. У Сизга яна керак бўлиши мумкин.
• Агар Сизда қўшимча саволлар туғилса, ўз даволовчи шифокорингиз ёки фармацевтга мурожаат қилинг.
• Бу препарат шахсан Сизга қабул қилиш учун буюрилган. Уни бошқа шахсларга бериб юбориш мумкин эмас. Хаттоки уларнинг симптомлари сизникига ўхшаш бўлса ҳам, бу уларга зарар етказиши мумкин.
  • Агар ножўя самаралари жиддий тус олса ёки Сиз ушбу илова-варақада келтирилмаган нохуш таъсирларни аниқласангиз, бу ҳақида ўз шифокорингизга ёки фармацевтга хабар беринг.

Савдо номи: НОЛИПРЕЛ^® аргинин

Таъсир этувчи моддалар (ХПН): периндоприл ва индапамид

Дори шакли: плёнка қобиқ билан қопланган таблеткалар, 2,5 мг/0,625 мг.

НОЛИПРЕЛ аргинин – бу иккита фаол компонент периндоприл ва индапамиднинг мажмуасидир. Бу гипотензив препарат бўлиб, у юқори артериал босимни (гипертензияни) даволаш учун қўлланилади.

НОЛИПРЕЛ аргинин нима сақлайди?

• Таъсир этувчи моддалар – периндоприл аргинин ва индапамид. Плёнка қобиқ билан қопланган бир таблетка 2,5 мг периндоприл аргинин (1,6975 мг периндоприлга тўғри келади) ва 0,625 мг индапамид сақлайди.
• Таблетка ядросининг таркибига кирувчи бошқа ингредиентлар: лактоза моногидрати, магний стеарати (Е470В), мальтодекстрин, сувсиз коллоид кремний диоксиди (Е551), натрий крахмал гликоляти (А тури); плёнка қопламасининг таркиби: глицерин (Е422), гипромеллоза (Е464), макрогол 6000, магний стеарати (Е470В), титан диоксиди (Е171).

НОЛИПРЕЛ аргинин қандай кўринишга эга ва ўрам таркиби

НОЛИПРЕЛ аргинин – бу оқ узунчоқ шаклли, плёнка қобиқ билан қопланган ҳар томонида қавариқ чизиғи бўлган таблеткалар. Плёнка қобик билан қопланган бир таблетка 2,5 мг периндоприл аргинин ва 0,625 мг индапамид сақлайди.

Таблеткалар 14 ёки 30 таблетка сақловчи контейнерларда чиқарилади.

Сотувда барча қадоқдаги ўрамлари бўлмаслиги мумкин.

Фармакотерапевтик гуруҳи: Антигипертензив воситалар. Периндоприл ва диуретиклар.

АТХ коди: С09ВА04

Фармакологик хусусиятлари

Фармакодинамикаси

НОЛИПРЕЛ аргинин – ангиотензинга айлантирувчи ферментнинг ингибитори периндорилнинг аргинини тузи, ва хлорсульфамоил диуретик индапамиднинг, мажмуасидир. Препаратнинг фармакологик таъсири ҳар бир компонентининг фармакологик хусусиятлари ва улар бирга қўлланганда аддитив синергик самараси билан боғлиқдир.

Таъсир механизми

НОЛИПРЕЛ аргинин билан боғлиқ бўлган таъсир механизми:

НОЛИПРЕЛ аргинин иккита компонентнинг аддитив синергизми билан боғлиқ гипотензив таъсир кўрсатади.

Периндоприл билан боғлиқ бўлган таъсир механизми:

Периндоприл – ангиотензин I ни қон томирларни торайтирувчи модда бўлган ангиотензин II га айланишини чақирувчи – ангиотензинга айлантирувчи фермент ингибиторидир (ААФ ингибиторидир). Бундан ташқари, ААФ буйрак усти бези томонидан альдостерон секрециясини рағбатлантиради ва қон томирларни кенгайтирувчи бирикма брадикининни нофаол гептапептидларгача парчаланишини рағбатлантиради.

Бу:

• альдостерон секрециясини сусайишига,
• альдостерон билан акс боғлиқликни йўқолиши сабабли, плазмада ренин фаоллигини ошишига,
• узоқ муддат қўлланганда туз ва сувни тутиб қолиниши ёки рефлектор тахикардия билан кечмайдиган, асосан мушаклар ва буйракдаги қон томирларга таъсири туфайли қон томирларнинг умумий периферик қаршилигини пасайишига олиб келади.

Периндоприл шунингдек ренин концентрацияси нормал ёки паст бўлган беморларда ҳам гипотензив таъсир кўрсатади.

Периндоприлнинг таъсири унинг фаол метаболити периндоприлат билан боғлиқдир. Бошқа метаболитлари фаол эмас.

Периндоприл қуйидагилар ҳисобига:

• эҳтимол, простагландинларнинг метаболизмидаги ўзгаришлар билан боғлиқ бўлган веналарга қон томирларни кенгайтирувчи таъсири: юракка олд юкламани пасайиши ҳисобига;
• юрак қисқаришидан кейин қон томирларнинг умумий периферик қаршилигини пасайиши, юраккка кейинги юкламани пасайиши ҳисобига юрак фаолиятини енгиллаштиради.

Юрак етишмовчилиги бўлган пациентларда ўтказилган тадқиқотлар қуйидагиларни:

• юракнинг ўнг ва чап қоринчасида тўлиш босимни пасайиши,
• қон томирларнинг умумий периферик қаршилигини пасайиши,
• юракдан отилиб чиқаётган қон ҳажмини ошиши ва юрак индексини яхшиланиши,
• мушакларда регионар қон оқимини кучайиши юз беришини кўрсатади.

Жисмоний юклама билан ўтказилган синамалар хам натижаларни яхшиланганини кўрсатди.

Индапамид билан боғлиқ бўлган таъсир механизми:

Индапамид – бу индол халқасига эга бўлган, фармакологик жиҳатдан тиазид диуретикларига ўхшаш бўлган сульфонамид ҳосиласидир. Индапамид ҳалқанинг кортикал сегментида натрийни қайта сўрилишини ингибиция қилади. Препарат натрий ва хлоридларни, ва камроқ даражада калий, шунингдек магнийни сийдик билан чиқарилишини кучайтиради, ва шу йўл билан сийдик ҳосил бўлишини ошириб, гипотензив таъсир кўрсатади.

НОЛИПРЕЛ аргинин билан боғлиқ бўлган фармакодинамик самаралар

Гипертензияси бўлган пациентнинг ёшидан қатъий назар НОЛИПРЕЛ аргинин систолик ва диастолик артериал қон босимига ҳам ётган ҳолатда, ҳам турган ҳолатда дозага боғлиқ гипотензив таъсир кўрсатади. Гипотензив самара сутка давомида сақланиб қолади. Тахифилаксиясиз артериал босимни пасайишига камида бир ойдан кейин эришилади; даволашни тўхтатиш бекор қилиш синдромини чақирмайди. Клиник тадқиқотлар вақтида периндоприл ва индапамидни бирга қўллаш ҳар бир препарат алоҳида қўлланганидаги таъсирига нисбатан синергик гипотензив самарага олиб келган.

НОЛИПРИЛ аргининнинг кичик дозасини юрак-қон томир хасталиклари билан касалланиш ва юрак-қон томир касалликлари оқибатидаги ўлим кўрсаткичига таъсири ўрганилмаган.

Периндоприл билан боғлиқ бўлган фармакодинамик самаралари:

Периндоприл ҳар қандай даражадаги артериал гипертензияда: енгил ва ўртачадан оғир даражагача бўлган гипертензияда таъсир кўрсатади. Систолик ва диастолик артериал қон босимини пасайиши хам ётган ҳолатда, хам турган ҳолатда рўй беради.

Максимал гипотензив фаоллик бир марталик доза қабул қилинганидан кейин 4-6 соат ўтгач кузатилади ва камида 24 соат давомида сақланиб қолади.

Препарат қабул қилинганидан кейин 24 соатдан кейин ангиотензинга айлантирувчи фермент фаоллигини ингибиция қилишинининг юқори даражаси тахминан 80% таъсири сақланиб қолиши аниқланади.

Препарат билан даволаб бўладиган пациентларда артериал босимни нормаллашишига бир ойдан кейин эришилади ва бу самара тахифилаксияни ривожланишисиз сақланиб қолади.

Даволашни тўхтатиш гипертензияни юз беришига олиб келмайди.

Периндоприл қон томирларини кенгайтириш хусусиятига эга, асосий артериал қон томирларнинг эластиклигини тиклайди, резистент артерияларда гистоморфометрик ўзгаришларни тузатади ва юракнинг чап қоринчаси гипертрофиясини камайтиради.

Зарурат туғилганида, тиазид диуретикни қўшилиши аддитив синергизмга олиб келади.

Ангиотензинга айлантирувчи фермент ингибиторини тиазид диуретик билан мажмуада буюрилиши, фақат диуретикнинг ўзини қабул қилганда юз берадиган гипокалиемия хавфини пасайтиради.

Индапамид билан боғлиқ бўлган фармакодинамик самарали

Индапамид монотерапияда 24 соат давомида сақланиб турувчи гипотензив таъсир кўрсатади. Бу самара, индапамиднинг диуретик таъсири минимал бўлган дозаларда намоён бўлади.

Индапамиднинг гипотензив самараси, уни артерияларнинг эластиклигини яхшилаш, қон томирларнинг умумий периферик қаршилигини ва артериола қон томир қаршилигини пасайтириш хусусияти билан пропорционалдир.

Индапамид чап қоринча гипертрофиясини камайтиришига олиб келади.

Тиазид ва тиазидсимон диуретикларнинг дозаси оширилганда, уларнинг гипотензив самараси платога (мувозанатли ҳолатга) етади, айни пайтда нохуш самаралари эса, янада яққол намоён бўла бошлайди. Агар даволаш самарасиз бўлса, унда дозани оширмаслик керак.

Бундан ташқари, гипертензия бўлган пациентларни қисқа муддатли, ўртача муддатли ва узоқ муддат даволашда, индапамид:

• липид алмашинувига, яъни триглицеридлар, ПЗЛП холестерини, ЮЗЛП холестерини миқдорига таъсир қилмайди;
• углеводлар алмашинувига, ҳатто гипертензияси бўлган диабетикларда ҳам таъсир қилмайди.

Фармакокинетикаси

НОЛИПРЕЛ АРГИНИН билан боғлиқ бўлган фармакокинетик хусусиятлари:

Периндоприл ва индапамидни мажмуада қўллангандаги фармакокинетик хусусиятлари уларни алоҳида қўллангандаги хусусиятларидан фарқ қилмайди.

Периндоприл билан боғлиқ бўлган фармакокинетик хусусиятлари:

Перорал қабул қилинганда периндоприлни сўрилиши тез юз беради, максимал концентрациясига 1 соат давомида эришилади. Периндоприлнинг плазмадан ярим чиқарилиш даври 1 соатни ташкил қилади.

Периндоприл олддори бўлиб, периндоприлнинг қабул қилинган дозасини йигирма етти фоиз фаол метаболит периндоприлат кўринишида қон оқимига тушади. Фаол метаболит периндоприлатдан ташқари организмда яна бешта нофаол метаболитлар ҳосил бўлади. Периндоприлнинг плазмадаги чўққи концентрациясига препарат қабул қилингандан кейин 3-4 соатдан сўнг эришилади.

Овқат қабул қилиш периндоприлни периндоприлатга айланишини, ва демак унинг биокираолишлигини ҳам камайтиради, шунинг учун периндоприл аргинин тузини суткада бир марта, перорал, эрталаб нонуштадан олдин қабул қилиш тавсия қилинади.

Периндоприлнинг дозаси ва унинг плазмадаги экспозицияси орасидаги боғлиқлик борлиги кўрсатилган.

Боғланган периндоприлатнинг тақсимланиш ҳажми тахминан 0,2 л/кг ни ташкил қилади. Периндоприлнинг плазма оқсиллари билан боғланиши 20% ни ташкил қилади, ва асосан ангиотензинга айлантирувчи фермент билан боғланади, лекин препаратнинг концентрациясига боғлиқ.

Периндоприлат сийдик билан чиқарилади, унинг эркин фракциясини якуний ярим чиқарилиш даври тахминан 17 соатни ташкил қилади, бу 4 кун давомида мувозанат ҳолатига эришишга имкон беради.

Периндоприлатни чиқарилиши кекса пациентларда, шунингдек юрак ёки буйрак етишмовчилиги бўлган пациентларда секинлашиши мумкин. Буйрак етишмовчилиги бўлган пациентларда дозани тузатишни буйрак фаолиятини бузилиш даражасини (креатинин клиренсини) ҳисобга олиб ўтказиш тавсия қилинади.

Диализда периндоприлнинг клиренси минутига 70 мл ни ташкил қилади.

Периндоприлнинг кинетикаси жигар циррози бўлган пациентларда ўзгариши мумкин: дастлабки молекуланинг жигар клиренси ярмига камаяди. Бироқ, ҳосил бўладиган периндоприлатнинг миқдори камаймайди, шунинг учун дозани тузатиш талаб этилмайди.

Индапамид билан боғлиқ бўлган фармакокинетик хусусиятлари

Индапамид меъда-ичак йўлларидан тез ва тўлиқ сўрилади.

Одам плазмасидаги чўққи концентрациясига перорал қабул қилингандан кейин тахминан бир соатдан сўнг эришилади. Плазма оқсиллари билан боғланиши 79% ни ташкил қилади.

Ярим чиқарилиш даври 14 соатдан 24 соатгачани (ўртача тахминан 18 соатни) ташкил қилади. Препаратни такроран қабул қилиш уни организмда тўпланишига олиб келмайди. Асосан сийдик билан (дозанинг 70%) ва аҳлат билан (22%) нофаол метаболитлар шаклида чиқарилади.

Буйрак етишмовчилиги бўлган пациентларда фармакокинетикаси ўзгармайди.

Қўлланилиши

Эссенциал гипертензиясини даволаш учун қўлланади.

Артериал гипертензияси ва қандли диабети 2 типи бўлган пациентларда юрак-қон томир касалликлари томонидан чақирилган макроангиопатиялар ва микроангиопатиялар (буйрак томонидан келиб чиққан) хавфини пасайтириш учун қўлланади.

Қўллаш усули ва дозалалари

НОЛИПРЕЛ аргинин қабул қилишда доимо шифокорнинг кўрсатмаларига қатъий риоя қилинг. Агар Сиз нимагадир шубҳалансангиз, албатта  шифокорингизга  ёки фармацевтга  мурожаат қилинг. Одатдаги доза суткада бир таблеткани ташкил қилади. Агар Сиз буйрак етишмовчилигидан азият чексангиз, шифокорингиз қабул қилиш тартибини ўзгартириши мумкин. Таблеткаларни эрталаб, овқатдан олдин қабул қилган афзал. Таблеткани бир стакан сув билан қабул қилинг.

Таблеткадаги ўйиқча бўлиш учун мўлжалланмаган.

Агар Сиз НОЛИПРЕЛ аргинин қабул қилишни унутган бўлсангиз

Препаратни ҳар куни қабул қилиш муҳимдир, чунки мунтазам қабул қилиш даволашни янада самаралироқ қилади. Шундай бўлсада, агар Сиз НОЛИПРЕЛ аргинин дозасини қабул қилишни унутган бўлсангиз, кейинги дозани одатдаги вақтда қабул қилинг. Қабул қилишни унутган дозани ўрнини тўлдириш учун кейинги дозани икки баробарга оширманг.

Агар сиз НОЛИПРЕЛ аргинин қабул қилишни тўхтатсангиз

Гипотензив даволаш бутун умр давом этиши туфайли, препаратни қабул қилишни тўхтатишдан олдин, Сиз ўз шифокорингиз билан маслаҳатлашишингиз лозим.

Агар Сизда препаратни қабул қилиш бўйича қўшимча саволлар туғилган бўлса,  шифокорингиз ёки фармацевтга мурожаат қилинг.

Ножўя самаралари

Ҳар қандай бошқа дори препаратлари каби, НОЛИПРЕЛ аргинин ҳам, гарчи ҳар бир пациентда бўлмасада, ножўя таъсирларни чақириши мумкин.

Агар қуйидаги ҳолатлардан бирортаси пайдо бўлса, ушбу дори препаратини қабул қилишни дарҳол тўхтатинг ва шифокорингиз билан боғланинг:

• Сизда юз, лаблар, оғиз, тил ёки томоқ шишса, нафас олишингиз қийинлашса;
• агар Сизнинг бошингиз яққол айланса ёки хушингиздан кетсангиз;
• агар ғайри одий тез ёки номунтазам юрак уриши пайдо бўлса.

Ножўя самаралари қуйидагиларни ўз ичига олиши мумкин (тез-тезлигини пасайиши тартибида):

• Тез-тез (препаратни қабул қилаётган 10 одамдан 1 нафардан камида, лекин 100 одамдан 1 нафаридан ортиғида кузатилади): бош оғриғи, бош айланиши, вертиго, санчилиш ва чимчилаш ҳисси, кўришни бузилиши, қулоқларни шанғиллаши (қулоқларда шовқин ҳисси), артериал қон босимни пасайиши туфайли бош айланиши, йўтал, ҳансираш, меъда-ичак тизими томонидан бузилишлар (кўнгил айниши, эпигастрал соҳада оғриқ, анорексия, қусиш, қорин оғриғи, таъмни ўзгариши, оғизни қуриши, диспепсия ёки овқат ҳазм бўлишини бузилиши, диарея, қабзият), аллергик реакциялар (тери тошмаси, қичишиш каби), мушак тиришишлари, чарчоқлик хисси.
• Тез-тез эмас (препаратни қабул қилаётган 100 одамдан 1 нафардан камида, лекин 1000 одамдан 1 нафаридан ортиғида кузатилади); кайфиятни ўзгариши, уйқуни бузилиши, бронхоспазм (кўкрак соҳасида эзилиш ҳисси, хуштаксимон нафас ва хансираш), ангионевротик шиш (хуштаксимон нафас, юз ва тилни шиши каби симптомлар), эшакеми, пурпура (терида қизил нуқталар), буйрак фаолиятини бузилиши, импотенция, кўп терлаш.
• Жуда кам холларда (препаратни қабул қилаётган 10000 одамдан 1 нафардан камида ортиғида кузатилади): онгни чалкашиши, юрак-қон томир бузилишлари (юрак нотекис уриши, юрак хуружи), эозинофил пневмония (пневмонияни кам учрайдиган тури), ринит (бурунни битиши ёки тумов), кўп шаклли эритема каби оғир тери реакциялари. Агар Сиз тизимли қизил югурик билан хасталанган бўлсангиз (коллагенозли-томир касаллиги), унда у ёмонлашиш мумкин. Қуёшда ёки сунъий ультрабинафша нурларида бўлгандан кейин фотосезувчанлик реакциялари ҳоллари (терининг ташқи кўринишини ўзгариши) хақида хабарлар бор.
• Номаълум (мавжуд маълумотларга кўра тез-тезлигини аниқлашнинг иложи йўқ): ҳушдан кетиш, ҳаётга хавф солувчи номунтазам юрак ритми (“пируэт” турдаги пароксизмал юрак қоринчалари тахикардияси), ЭКГ ни аномал кўрсаткичлари, жигар ферментлари даражасини ошиши.

Қон, буйрак, жигар, меъда ости бези томонидан бузилишлар юз бериши ёки лаборатория кўрсаткичликлари (қон таҳлиллари) ўзгариши мумкин. Сизнинг ҳолатингизни текшириб кўриш учун шифокор сизга қон таҳлилини ўтказишни буюриши мумкин.

Жигар етишмовчилиги (жигар касаллигида), жигар энцефалопатияси (бош миянинг дегенератив касаллиги) юз бериши мумкин.

Агар ножўя таъсирлари жиддий тус олса ёки Сиз ушбу илова-варақада келтирилмаган ножўя таъсирларни аниқласангиз, бу ҳақида ўз шифокорингиз ёки фармацевтга хабар беринг.

Қўллаш мумкин бўлмаган ҳолатлар

Қуйидаги ҳолларда НОЛИПРЕЛ аргинин қабул қилманг:

• агар Сизда периндоприлга, ҳар қандай бошқа ААФ ингибиторига, индапамидга, хар қандай бошқа сульфаниламидга ёки НОЛИПРЕЛ аргинин препаратининг ҳар қандай бошқа компонентига аллергия бўлса;
• агар илгари бошқа ААФ ингибиторларини қабул қилинганда ёки бошқа вазиятларда Сизда ёки сизнинг қариндошларингиздан бирида хуштаксимон нафас, тил ёки юзни шишиши, кучли қичишиш ёки кўп тери тошмаси (ангионевротик шиш) каби симптомлар намоён бўлган бўлса;
• агар Сизда қандли диабет ёки буйрак фаолиятини бузилиши бўлса ёки Сиз алискерин сақловчи гипотензив воситалар қабул қилаётган бўлсангиз;
• агар Сизда жигарнинг оғир касаллиги ёки жигар энцефалопатияси (бош миянинг дегенератив касаллиги) бўлса;
• агар Сизда буйракнинг оғир касаллиги бўлса ёки Сиз диализ ўтаётган бўлсангиз;
• агар Сизда қонда калий миқдори хаддан ташқари юқори ёки паст бўлса;
• агар Сизда даволанмаган декомпенсацияланган юрак етишмовчилигига (тузларни жиддий тутилиб қолиши, нафасни қийинлашуви) шубха бўлса;
• агар Сиз ҳомиладор бўлсангиз ва ҳомиладорликнинг муддати 3 ойдан ортиқ бўлса (шунингдек НОЛИПРЕЛ аргинин ҳомиладорликнинг илк босқичларида қабул қилишдан сақланиш керак – “Ҳомиладорлик ва эмизиш даври” бўлимига қаранг);
• агар Сиз эмизаётган бўлсангиз қўллаш мумкин эмас.

Бошқа препаратлар билан ўзаро таъсири

Агар Сиз ҳар қандай бошқа дори восииталарини, шу жумладан рецептсиз олинган дори воситаларни қабул қилаётган ёки яқинда қабул қилган бўлсангиз, илтимос бу ҳақида шифокорга ёки фармацевтга хабар беринг.

НОЛИПРЕЛ аргинин қуйидаги препаратлар билан бир вақтда қўллашдан сақланинг:

• литий (депрессияни даволаш учун қўлланади);
• калийни тежовчи диуретиклар (спиронолактон, триамтерон), калий тузлари.

Бошқа препаратларни қабул қилиш НОЛИПРЕЛ аргинин билан даволашга таъсир қилиши мумкин. Эҳтимол, сизнинг шифокорингизга дозани ўзгартириш ва/ёки бошқа эҳтиёткорлик чораларни кўриш талаб этилар. Агар Сиз қуйидаги препаратларни қабул қилаётган бўлсангиз ўз даволовчи шифокорингизни албатта хабардор қилинг, чунки уларни қабул қилганда махсус эҳтиёткорликка риоя қилиш керак:

• артериал гипертензияни даволашда қўлланадиган бошқа препаратлар, шу жумладан ангиотензин II рецепторлар блокатори ёки алискерин (“НОЛИПРЕЛ аргинин қабул қилманг” ва “НОЛИПРЕЛ аргинин қабул қилишда жуда эҳтиёт бўлинг” сарлавҳадаги маълумотларни қаранг);
• прокаинамид (юракнинг ритмини бузилишини даволаш учун);
• аллопуринол (подаграни даволаш учун);
• терфенадин ёки астемизол (тошмали иситма ёки аллергияни даволаш учун антигистамин препаратлар);
• турли ҳолатлар, шу жумладан оғир астма ва ревматоид артритни даволаш учун қўлланадиган кортиқостероидлар;
• иммунодепрессив препаратлар аутоиммун бузилишларни даволаш учун ёки трансплантация операциялардан кейин кўчиб кетишни олдини олиш учун қўлланадидиган (масалан, циклоспорин);
• ракни даволаш учун буюриладиган препаратлар;
• эритромицин вена ичига инъекция кўринишида (антибиотик);
• галофантрин (безгакнинг айрим турларини даволаш учун қўлланади);
• пентамидин (пневмонияларни даволаш учун қўлланади);
• инъекцион олтин препаратлари (ревматоид полиартритни даволаш учун қўлланади);
• винкамин (кекса пациентларда когнитив бузилишларни шу жумладан, хотира йўқолишини симптоматик даволаш учун қўлланади);
• бепридил (стенокардияни даволаш учун қўлланади);
• сультоприд (психозларни даволаш учун);
• юрак ритми бузилишларини даволаш учун буюриладиган препаратлар (масалан, хинидин, гидрохинидин, дизопирамид, амиодарон, соталол);
• дигоксин ёки бошқа юрак гликозидлари (юрак касалликларини даволаш учун),
• баклофен (айрим касалликларда, масалан, тарқоқ склерозларда рўй берадиган мушакларнинг қаттиқлигини даволаш учун);
• инсулин ёки метформин каби қандли диабетни даволаш учун препаратлар;
• кальций, шу жумладан кальций сақловчи қўшимчалар;
• сурги воситалари (масалан, сано);
• ностероид яллигланишга қарши препаратлар (масалан, ибупрофен) ёки салицилатларнинг юқори дозалари (масалан, аспирин);
• амфотерицин В вена ичига инъекция кўринишида (жиддий замбуруғи касалликларни даволаш учун);
• депрессия, хавотирлик, шизофрения ва бошқалар каби ментал бузилишларни даволаш учун препаратлар (масалан, трициклик антидепрессантлар, нейролептиклар);
• тетракозактид (Крон касаллигини даволаш учун).

Махсус кўрсатмалар

НОЛИПРЕЛ аргинин қабул қилишда ўзига хос эҳтиёткорликка амал қилинг.

Агар қуйида келтирилганлардан бирортаси Сизга тааллуқли бўлса, НОЛИПРЕЛ аргининни қабул қилишдан олдин шифокор билан маслаҳатлашинг:

• агар Сизда аорта стенози (юракдан чиқадиган асосий қон томирни торайиши), гипертрофик кардиомиопатия (юрак мушагининг касаллиги) ёки буйрак артериясининг стенози (буйракни қон билан таъминловчи артерияни торайиши) бўлса;
• агар Сизда бошқа юрак ёки буйрак касалликлари бўлса;
• агар Сизда жигар касалликлари бўлса;
• агар Сизда тизимли қизил югурик ёки склеродермия туридаги бириктирувчи тўқималар касаллиги бўлса;
• агар Сизда атеросклероз (артерияларнинг ўтқазувчанлигини бузилиши) бўлса;
• агар Сизда гиперпаратиреоз (қалқонсимон бези олди безларининг фаоллиги ошган) бўлса;
• агар Сизда подагра бўлса;
• агар Сизда қандли диабет бўлса;
• агар Сиз тузни кам сақловчи парҳезга риоя қилаётган ёки калий сақловчи туз ўрнини босувчиларини қабул қилаётган бўлсангиз;
• агар Сиз литий ёки калийни тежовчи диуретикларни (спиронолактон, триамтерен) қабул қилаётган бўлсангиз, уларни НОЛИПРЕЛ аргинин билан бир вақтда қўллаш мумкин эмас (“Бошқа препаратларни қабул қилиш”) га қаранг;
• агар сиз юқори артериал қон босимни даволаш учун қуйидаги санаб ўтилган бирон бир кўрсатилган дори воситалар қабул қилсангиз:
• ангиотензин II рецепторлар блокаторлари (сартан каби маълум, масалан валсартан, телмисартан, ирберсартан), шу жумладан диабет билан боғлиқ бўлган буйрак фаолиятини бузилиши;
• алискирен.

Сизнинг шифорингиз буйрак фаолиятини, артериал қон босим ва қонда электролитлар даражасини (масалан калий) мунтазам вақт орасида текшириши мумкин.

“Қуйидаги ҳолларда НОЛИПРЕЛ аргинин қабул қилманг” бўлимини қаранг.

Агар Сиз ҳомиладорман деб ўйласангиз (ёки хомиладорликни режалаштираётган бўлсангиз), ўз шифокорингизни огоҳлантиришингиз керак. НОЛИПРЕЛ аргинин ни хомиладорликнинг илк муддатларида қабул қилиш тавсия этилмайди. Препарат 3 ойликдан катта муддатларда қабул қилинмаслиги лозим, чунки бу боланинг соғлиғига жиддий зарар келтириши мумкин (“Ҳомиладорлик ва эмизиш” қаранг).

Сиз НОЛИПРЕЛ аргинин қабул қилаётганингизда, Сиз шунингдек қуйидагилар ҳақида даволовчи шифокорингизни ёки тиббий ходимларни хабардор қилишингиз керак:

• агар Сизга анестезия ва/ёки жиддий жарроҳлик операцияси қилинадиган бўлса;
• агар Сизда яқинда диарея ёки қусиш кузатилган бўлса ёки организмингиз сувсизланган бўлса;
• агар Сиз диализ ёки ПЗЛП аферезини (қондан ҳолестеринни аппарат ёрдамида чиқариш) ўтаётган бўлсангиз;
• агар Сиз асалари ёки ариларни чақишига бўлган аллергик реакцияларни камайтириши керак бўлган десенсибилизациядан ўтаётган бўлсангиз;
• агар Сиз тиббий текширувдан ўтаётган бўлсангиз, унинг учун йод сақловчи контраст моддаларни (ички аъзолар, масалан, буйраклар ёки меъдани рентген нурлари ёрдамида текширишга имкон берадиган моддалар) юбориш талаб қилинса.

Спортчилар НОЛИПРЕЛ аргинин допинг-назоратни ўтказишда ижобий реакция бериши мумкин бўлган фаол модда (индапамид) сақлашини билишлари керак.

НОЛИПРЕЛ аргинин болаларга буюриш мумкин эмас.

НОЛИПРЕЛ аргининни овқат ва суюқлик билан қабул қилиш

НОЛИПРЕЛ аргининни овқатдан олдин қабул қилиш авзалроқ.

Ҳомиладорлик ва эмизиш

Ҳомиладорлик

Агар Сиз ҳомиладорман деб ўйласангиз (ёки хомиладорликни режалаштираётган бўлсангиз), шифокорни хабардор қилиш керак.

Одатда, шифокор сизга НОЛИПРЕЛ аргининни қабул қилишни хомиладорликкача ёки хомиладорлик тасдиқлангандан кейин қабул қилишни дархол тўхтатишни маслаҳат бериши ва НОЛИПРЕЛ аргининнинг ўрнига бошқа препаратни буюриши мумкин. НОЛИПРЕЛ аргининни хомиладорликнинг илк муддатларида қабул қилиш тавсия этилмайди. Препарат 3 ойликдан катта муддатларда қабул қилинмаслиги лозим, чунки бу боланинг соғлиғига  жиддий зарар келтириши мумкин.

Эмизиш

НОЛИПРЕЛ аргининни эмизиш даврида қабул қилиш ман этилади.

Агар сиз эмизаётган бўлсангиз ёки эмизишни режалаштираётган бўлсангиз, бу ҳақида шифокорингизни ҳабардор қилинг.

Ўз даволовчи шифокорингизга дарҳол мурожаат қилинг.

Автотранспортни хайдаш ва механизмларни бошқариш қобилияти

НОЛИПРЕЛ аргинин одатда хушёрликка таъсир қилмайди, лекин айрим пациентларда артериал босимни пасайиши туфайли, турли реакциялар, масалан, бош айланиши ёки ҳолсизлик пайдо бўлиши мумкин. Натижада автомобилни ва бошқа механизмларни бошқариш қобилияти бузилиши мумкин.

НОЛИПРЕЛ аргинин таркибига кирувчи айрим ингредиентлар тўғрисида муҳим маълумот

НОЛИПРЕЛ аргинин лактоза сақлайди. Агар шифокор Сизда айрим қандларни ўзлаштираолмаслик борлигини айтган бўлса, унда бу препаратни қабул қилишни бошлашдан олдин ўз шифокорингиз билан маслаҳатлашинг.

Дозани ошириб юборилиши

Агар Сиз ҳаддан ташқари кўп таблетка қабул қилган бўлсангиз, яқиндаги тез ёрдам пункти билан боғланинг ёки дарҳол бу ҳақида ўз шифокорингизга хабар беринг. Доза ошириб юборилганида энг кўп учрайдиган самара артериал босимни пасайишидир. Агар Сизда артериал босим тушиб кетса (бош айланиши ёки хушдан кетиш каби симптомлар кузатилса), ётинг ва оёқларингизни кўтаринг, бу Сизнинг аҳволингизни енгиллаштириши мумкин.

Сақлаш бўйича тавсиялар

Болалар ололмайдиган ва кўрмайдиган жойда сақлансин.

НОЛИПРЕЛ аргинин картон қутида ва контейнерда кўрсатилган яроқлилик муддати ўтганидан сўнг қабул қилинмасин.

Яроқлилик муддати кўрсатилганида кўрсатилган ойнинг сўнгги куни назарда тутилади.

Нам тушишига йўл қўймаслик учун контейнерни зич ёпиш керак.

Дорини оқар сувларга ёки маиший чиқиндиларга ташлаш мумкин эмас. Сизга бошқа керак бўлмаган дорилардан қандай ҳоли бўлишни фармацевтдан сўранг. Бу чоралар атроф-муҳитни ҳимоялашга қаратилган.

Яроқлилик муддати

36 ой.

Дорихоналардан бериш тартиби

Шифокор рецепти бўйича.