ҚЎЛЛАШ БЎЙИЧА ЙЎРИҚНОМА

МАЖЕЗИК-САНОВЕЛЬ СР

MAJEZİK-SANOVEL SR

Препаратнинг савдо номи: Мажезик-Сановель СР

Таъсир этувчи модда (ХПН): флурбипрофен

Дори шакли: таъсири узайтирилган микропеллетли капсулалар

Таркиби:

1 капсула қуйидагиларни сақлайди:

фаол модда: 200,0 мг флурбипрофен;

ёрдамчи моддалар: нейтрал пеллетлар, триэтил цитрат, аммоний метакрилатнинг сополимер аралашмаси [Эудрагит RL 30 D:Эудрагит RS 30 D(1:1)], силикон диоксиди, тозаланган сув.

Таърифи: “0” ўлчамли, кўк рангли корпуси “SR” белгили ва оқ рангли қалпоқчаси “Majezik” сўзи бўлган, оқ ёки деярли оқ микропеллетлар сақловчи қаттиқ желатин капсулалар.

Фармакотерапевтик гуруҳи: ностероид яллиғланишга қарши воситалар.

АТХ коди: М01АЕ09.

Фармакологик хусусиятлари

Фармакодинамикаси

Флурбипрофен – кучли НЯҚП, фенилпропион кислотасининг ҳосиласи бўлиб, оғриқ қолдирувчи, яллиғланишга қарши ва иситмани туширувчи таъсирларга эга. Таъсир механизми циклооксигеназа ферментини блоклаш орқали простагаландинлар синтезини сусайиши ва оғриқнинг периферик медиаторларидан тўқималарни сезгирлигини олдини олиш билан боғлиқ.

Фармакокинетикаси

Сўрилиши

Флурбипрофен меъда-ичак йўлларидан осон сўрилади, қон плазмасидаги чўққи концентрациясига қабул қилгандан кейин 4-6 соат ўтгач эришилади. Флурбипрофенни овқат ёки антацидлар билан бирга қабул қилиш препаратнинг сўрилиш тезлигини ўзгартириши мумкин, лекин сўрилиш даражасига таъсир кўрсатмайди. Флурбипрофен СР флурбипрофенни ажралиб чиқиши назоратланган дори шакли ҳисобланади. Плазмадаги ўртача даражаси 24 соат давомида барқарор концентрациядаги эквивалент дозада оддий таблетка қабул қилгандаги билан бир хил, лекин максимал ва минимал концентрация орасидаги фарқ камроқ. Флурбипрофенни узоқ вақт қабул қилиш организмда тўпланишига олиб келмайди.

Тақсимланиши

R-флурбипрофен ва S-флурбипрофеннинг тақсимланиш хажми (Vz/F)тахминан 0,12 л/кг ни ташкил қилади. Флурбипрофенннинг иккала энантиомери альбумин ва плазмадаги бошқа оқсиллар билан 99% боғланади. Плазма оқсиллари билан боғланиши ўртача мувоназат концентрацияси (≤10 мкг/мл) да нисбатан доимий ҳисобланади, тавсия этилган дозаларда эришилади.

Биотрансформацияси

Плазмада ва сийдикда флурбипрофеннинг кўп миқдордаги метаболитлари аниқланган: 4’-гидрокси-флурбипрофен, 3’,4’-дигидрокси-флурбипрофен, 3’-гидрокси-4’метокси-флурбипрофен, коньюгатлар. Арилпропион кислотасининг бошқа турлари (масалан ибупрофен) дан фарқ қилиб, R-флурбипрофенва S-флурбипрофеннинг метаболизми минимал даражада кечади. Ин-витро шароитда ўтказилган тадқиқотлар цитохром Р450 2С9 (CYP2C9) флурбипрофен ва унинг асосий метаболити 4’гидрокси-флурбипрофеннинг метаболизмида муҳим роль ўйнашини намойиш қилган. 4’гидрокси-флурбипрофен ҳайвонлардаги яллиғланиш моделларида кучсиз яллиғланишга қарши фаолликни намойиш қилган.

Флурбипрофен метаболизмга таъсир кўрсатувчи ферментларни индукция қилмайди. Эркин флурбипрофеннинг плазмадаги умумий клиренси стереоселектив эмас, терапевтик оралиқлар билан қўлланилганда флурбипрофеннинг клиренси дозага боғлиқ эмас. Флурбипрофеннинг биотрансформацияси асосан цитохром Р450 2С9 иштирокида амалга ошади. Флурбипрофенни аввал цитохром Р450 2С9 нинг бошқа субстратига таъсири туфайли цитохром Р450 2С9 нинг метаболизми секинлашган ёки мойиллиги бўлган пациентларда эҳтиёткорлик билан қўллаш керак. Бу пациентлар метаболик клиренсни пастлиги ҳисобига плазмада атипик даражага эга бўлишлари мумкин.

Чиқарилиши

Қабул қилгандан кейин флурбипрофеннинг тахминан 3% ўзгармаган кўринишда сийдик билан, бунда сийдик билан чиқарилган дозанинг тахминан 70% ни флурбипрофен ва метаболитлари ташкил этади. Буйрак метаболизми флурбипрофеннинг метаболитларини чиқарилишининг асосий йўли эканлиги туфайли, буйрак функциясини бузилишлари бўлган беморларда флурбипрофеннинг метаболитларини тўпланишини олдини олиш мақсадида флурбипрофеннинг дозасига тузатиш киритиш керак. R- ва S-флурбипрофен учун ўртача ярим парчаланиш давр (t½) мувофиқ равишда 4,7 соат ва 5,7 соатни ташкил қилади. Бир неча дозалар қабул қилгандан кейин флурбипрофенни бироз тўпланиши юз беради.

Пропорционаллик

Текширилмаган.

Пациентларнинг алоҳида гуруҳлари

Жигар етишмовчилиги

Флурбипрофеннинг тахминан 90% жигарда метаболизмга учрайди, шунинг учун жигар етишмовчилиги бўлган беморларда перорал қўлланилганда флурбипрофеннинг дозасини камайтириш керак. Жигар касалликлари бўлган ва альбуминнинг концентрацияси 3,1 г/дл дан паст бўлган беморларда флурбипрофенни плазма оқсиллари билан боғланиши камаяди.

Буйрак етишмовчилиги

Буйрак клиренси флурбипрофеннинг метаболитларини чиқарилишининг асосий йўли эканлигига қарамасдан, эркин флурбипрофен учун бу чиқарилиш йўли асосий бўлиб ҳисобланмайди. Буйрак етишмовчилиги ва альбуминнинг концентрацияси 3,9 г/дл дан паст бўлган беморларда флурбипрофенни плазма оқсиллари билан боғланиш даражаси камаяди. Буйрак етишмовчилиги бўлган беморларда флурбипрофеннинг метаболитларини чиқарилиши камайиши мумкин.

Доимий амбулатор диализда бўлган амбулатор беморларда флурбипрофен қондан диализатга ўтмайди.

Болаларда

Болаларда флурбипрофеннинг фармакокинетикаси ўрганилмаган.

Кексаларда

Артрити бўлган кекса пациентларда флурбипрофеннинг 100 мг таблеткаларини бир марта ёки кшп марта қабул қилгандаги фармакокинетикаси артрити бўлган ёш беморларникидан фарқ қилмайди.

Қўлланилиши

Мажезик-сановель СР ревматоид артрит, остеоартрит, анкилозловчи спондилит симптомлари, ўткир мушак ва суяк-мушак оғриқлари, ўткир подагрик артрит ва дисменореяни даволаш учун қўлланади.

Қўллаш усули ва дозалари

Агар шифокор томонидан бошқа қабул қилиш тартиби тавсия этилмаган бўлса, тавсия этилган доза эрталаб, кечқурун овқатдан кейин 1 капсулани ташкил этади.

Капсулани овқатдан кейин, сув билан қабул қилинади.

Алоҳида клиник популяция

Педиатрияда қўлланиши

12 ёшгача бўлган болаларда қўллаш тавсия этилмайди.

Кексаларда қўлланиши

Кекса (65 ёш ва ундан катта) одамларни даволаганда эҳтиёткорликка риоя қилиш керак. Бошқа НЯҚП билан бўлгандаги каби флурбипрофенни қўллаш тажрибаси, кекса пациентларда меъда ва ўн икки бармоқ ичак яраси, қон кетиши, метеоризм, қоринни дам бўлиши ва қоринни дам бўлиши каби меъда-ичак йўллари томонидан шикоятлар даражаси ёш беморларга нисбатан юқорилигини кўрсатади.

Гарчи флурбипрофен одатда яхши ўзлаштирилсада, айрим пациентларда, айниқса буйрак функциясини бузилиши бўлган пациентларда НЯҚП ни чиқарилиши секинлашади. Бундай ҳолларда флурбипрофенни эҳтиёткорлик билан қўллаш ва дозалаш индивидуал равишда танланиши керак.

Жигар етишмовчилиги

Жигар дисфункцияси ёки жигар синамаларини бузилишларини кўрсатувчи симптомлари ва/ёки белгилари бўлган пациентлар Мажезик-сановель СР билан даволашга оғирроқ жигар реакциялари юзасидан текширилишлари керак. Оғир жигар етишмовчилиги бўлган беморларда Мажезик-сановель СР ни қўллаш мумкин эмас.

Буйрак етишмовчилиги

Буйрак флурбипрофеннинг метаболитларини чиқарилишининг асосий йўли ҳисобланганлиги туфайли, ўртача ёки оғир буйрак дисфункцияси бўлган пациентларда флурбипрофеннинг метаболитлари тўпланишидан сақланиш учун дозага тузатиш киритиш керак. Бу пациентларни синчковлик билан кузатиш керак.

Ножўя таъсирларии

Ножўя самаралар ривожланиши тез-тезлигининг таснифи: жуда тез-тез — 1/10 дан кўп; тез-тез — ≥1/100 ва <1/10; тез-тез эмас — ≥1/1000 ва <1/100; кам ҳолларда — ≥1/10000 ва <1/1000; жуда кам ҳолларда — <1/10000; номаълум (мавжуд маълумотлар асосида баҳолаб бўлмайди).

Флурбипрофен қабул қилаётган беморлардаги ножўя самаралар

Қуйида таърифланган ножўя самаралар постмаркетинг кузатувлар натижасида ёки адабиётлардан олинган. Тез-тезлигини баҳолаб бўлмайди.

Кутилмаган самаралар юзага келганда шифокорга мурожаат этинг.

Қўллаш мумкин бўлмаган ҳолатлар

Флурбипрофенга юқори сезувчанлиги бўлган пациентларда Мажезик-сановель СР ни қўллаш мумкин эмас.

Аспирин ёки бошқа ностероид яллиғланишга қарши препаратларни қабул қилгандан кейин астма хуружлари, эшакеми ёки бошқа аллергик реакциялар кузатилган пациентларга Мажезик-сановель СР ни буюриш мумкин эмас. Бундай пациентларда оғир, кам ҳолларда фатал, анафилаксия-симон реакциялар ҳақида хабар берилган. Аспиринли триадаси бўлган пациентларга Мажезик-сановель СР ни буюриш мумкин эмас. Бу симптомокомплекс асосан аспирин ёки бошқа НЯҚВ қабул қилгандан кейин астмаси ва полипоз ёки нополипоз ринити ёки оғир, потенциал фатал бронхоспазми бўлган пациентларда кузатилади.

Меъда ва ўн икки бармоқ ичак яра касаллиги (ўткир ёки анамнезида) бўлган пациентларда Мажезик-сановель СР ни қўллаш мумкин эмас.

Анамнезида НЯҚП билан даволаш билан боғлиқ меъда-ичакдан қон кетиши ёки перфорацияси бўлган пациентларда Мажезик-сановель СР ни қўллаш мумкин эмас.

Меъда-ичакдан қон кетишлар, цереброваскуляр қон кетишлар ва бошқа қон кетишларда Мажезик-сановель СР ни қўллаш мумкин эмас.

Оғир юрак етишмовчилиги, жигар етишмовчилиги ва буйрак етишмовчилиги бўлган пациентларда Мажезик-сановель СР ни қўллаш мумкин эмас.

Жаррохликда коронар артерияни шунтлашда (CABG) операциядан кейинги оғриқни даволаш учун Мажезик-сановель СР ни қўллаш мумкин эмас.

Ҳомиладорликнинг охирги уч ойлигида Мажезик-сановель СР ни қўллаш мумкин эмас.

Дориларнинг ўзаро таъсири

ААФ ингибиторлари ва ангиотензин II антагонистлари

Ҳисоботлар ностероид яллиғланишга қарши препаратлар ААФ ингибиторларининг антигипертензив самарасини пасайтириши мумкинлигини кўрсатади. Ностероид яллиғланишга қарши препаратлар билан ААФ ингибиторларини бир вақтда қабул қилаётган пациентларда бу ўзаро таъсирни эътиборга олиш керак.

Буйрак функциясини бузилиши бўлган пациентларда (масалан сувсизланган беморларда ёки буйрак функциясини бузилиши бўлган кекса пациентларда) ААФ ингибитори ёки ангиотензин II антагонистини ва циклооксигеназани ингибиция қилувчи препаратни бирга қўллаш буйрак функциясини кейинги ёмонлашиши, шу жумладан одатда қайтувчан ўткир буйрак етишмовчилигига олиб келиши мумкин. Флурбипрофенни ААФ ингибиторлари ёки ангиотензин II антагонистларини бир вақтда қабул қилаётган пациентларда бу ўзаро таъсирни эътиборга олиш керак. Шундай қилиб, мажмуавий даволаш эҳтиёткорлик билан олиб борилиши керак, айниқса кекса ёшдаги беморларда. Мажмуавий даволашдан олдин ва даволаш вақтида мунтазам пациентларда адекват гидратация ўтказиш ва буйрак функциясини мониторингига эътибор бериш керак.

Антикоагулянтлар

Варфарин ва НЯҚП меъда-ичак йўлларидан қон кетиш ривожланишига бир хил таъсир кўрсатади, шунинг учун бу препаратларни бир вақтда қўллаганда қон кетишлар ривожланиши хавфи бу препаратларни алоҳида қўллаганга нисбатан юқори. Шифокор варварин ёки бошқа антикоагулянтларни қабул қилаётган пациентларда Мажезик-сановель СР ни буюрганда эҳтиёткорликка риоя қилиши керак.

Аспирин

Аспирин билан бир вақтда қўллаганда қон зардобида флурбипрофеннинг концентрацияси пасайиши мумкин. Бу ўзаро таъсирнинг клиник аҳамияти номаълум; лекин бошқа НЯҚП билан бўлгандаги каби, ножўя кўринишлар ривожланиши хавфи юқорилиги туфайли, флурбипрофен ва аспиринни бир вақтда қабул қилиш тавсия этилмайди.

Бета-адреноблокаторлар

Флурбипрофен пропранололнинг гипотензив самарасини пасайтириши мумкин, лекин атенололга таъсир кўрсатмайди. Бу ўзаро таъсирнинг механизми номаълум. Флурбипрофен ва β-блокаторларни қабул қилаётган пациентлар адекват гипотензив самарага эришиш юзасидан кузатилишлари керак.

Диуретиклар

Клиник тадқиқотлар ва постмаркетинг кузатувлар натижалари айрим пациентларда НЯҚП фуросемид ва тиазид диуретикларнинг натрийуретик таъсирини камайтириши мумкинлигини намойиш қилган. Бу буйрак простагландинлар синтезини ингибиция қилиниши билан тушунтирилади. НЯҚП ни диуретиклар билан бир вақтда қўллаганда авж олиб борувчи буйрак етишмовчилиги белгилари ва диуретик самаралар юзасидан синчковлик билан кузатиш керак.

Литий

НЯҚП плазмада литийнинг даражасини ошиши ва литийнинг буйрак клиренсини пасайишини чақириши мумкин. Литийнинг ўртача минимал концентрацияси 15% га ошади, буйрак клиренси 20% га пасаяди. Бундай таъсир НЯҚП томонидан буйрак простагландинларини ингибиция қилиниши билан тушунтирилади. Шунинг учун литий препаратлари билан бир вақтда қўллаганда унинг токсик таъсири белгиларини синчковлик билан кузатиш керак.

Метотрексат

НЯҚП қуён буйрак пластинкаларида метотрексат тўпланишини рақобатли ингибиция қилади. НЯҚП метотрексатнинг токсик таъсирини ошириши мумкин. НЯҚП ва метотрексатни мажмуада эҳтиёткорлик билан қўллаш керак.

Кортикостероидлар

НЯҚП ни кортикостероидлар бир вақтда қўллаганда меъда-ичак йўлларида яра пайдо бўлиши ёки қон кетиши хавфи ошади.

Антиагрегантлар ва серотонинни қайта қамраб олинишининг селектив ингибиторлари

НЯҚП билан бир вақтда қўллаганда меъда-ичак йўлларидан қон кетиши хавфи ошади.

Циметидин, Ранитидин

Соғлом кўнгиллиларда циметидин ва ранитидин билан дастлабки даволаш флурбипрофеннинг фармакокинетикасига таъсир кўрсатмаган. Фақат циметидинни қўллаган ҳолатда флурбипрофеннинг зардобдаги концентрациясини катта бўлмаган, лекин аҳамияли ошиши кузатилган.

Дигоксин

Соғлом эркакларда флурбипрофен ва дигоксинни мажмуавий қўллаш бўйича ўтказилган тадқиқот бу препаратларнинг қон зардобидаги барқарор ҳолатдаги даражасини ўзгаришларини намойиш қилмаган. НЯҚП юрак етишмовчилигини кучайтириши, калавалар фильтрацияси тезлигини пасайтириши ва плазмада гликозидлар даражасини ошириши мумкин.

Перорал гипогликемик воситалар

Гипогликемик препаратлар ва флурбипрофенни бир вақтда қўллаганда қонда қанд даражасини аҳамиятсиз пасайиши кузатилганлигига қарамасдан, гипогликемия белгилари

кузатилмаган.

Хинолонлар

НЯҚП хинолонлар билан боғлиқ тиришишлар хавфини ошириши мумкин.

НЯҚП ни зидовудин, тиклопидин, такролимус, циклоспорин билан эҳтиёткорлик билан қўллаш керак.

Такролимус

НЯҚП ни такролимус билан бир вақтда қўллаганда нефротоксиклик ривожланиши хавфи ошиши мумкин.

Циклоспорин

Буйрак простагландинларининг таъсири туфайли, нефротоксиклик хавфи ошиши мумкин.

Аҳолининг махсус гуруҳлари

Педиатрияда қўлланиши:

Маълумотлар йўқ.

Кексаларда қўлланиши:

Антацидлар қабул қилган кекса пациентларда флурбипрофеннинг сўрилиш тезлиги пасаяди, гарчи сўрилиш даражасига таъсир қилмайди.

Махсус кўрсатмалар

Мажезик-сановель СР ни НЯҚП, шу жумладан ЦОГ-2 ингибиторлари билан бир вақтда қўллашдан сақланиш керак.

Юрак-қон томир касалликлари хавфи

• НЯҚП ўлимга олиб келиши мумкин бўлган жиддий юрак-қон томир тромботик кўринишлар, миокард инфаркти ва инсульт хавфини ошишига олиб келиши мумкин.
• Жаррохликда коронар артерияни шунтлашда (CABG) операциядан кейинги оғриқни даволаш учун флурбипрофенни қўллаш мумкин эмас.

Меъда-ичак касалликлари хавфи

• НЯҚП меъда-ичак йўллари томонидан жиддий ножўя кўринишларнинг, шу жумладан ўлимга олиб келиши мумкин бўлган меъда-ичакдан қон кетишлар, яралар ва перфорация хавфини оширади. Бу асоратлар қўллагандан ҳар қандай вақтда ва даракчи-симптомларсиз юзага келиши мумкин. Кекса пациентлар меъда-ичак йўллари томонидан жиддий хавфга дучор бўладилар.

Огоҳлантиришлар

Юрак-қон томир тромботик кўринишлар:

Давомийлиги 3 йил бўлган бир неча НЯҚВ – ЦОГ-2 нинг селектив ва носелектив ингибиторларининг клиник тадқиқот натижалари жиддий юрак-қон томир тромботик кўринишлари, миокард инфаркти, инсультнинг хавфини ошишини намойиш қилган. Юрак-қон томир касалликлари ёки юрак-қон томир касалликларини ривожланиш хавф-омиллари бўлган пациентларда хавф юқори. Ножўя юрак-қон томир кўринишлари ривожланишини минималлаштириш учун энг паст самарали дозани энг қисма муддатда қўллаш керак. Аввал юрак-қон томир симптомлари йўқлигига қарамай, шифокор ва пациент бундай кўринишлар ривожланиши юзасидан эҳтиёткор бўлишлари керак. Пациентларни жиддий юрак-қон томир кўринишларининг белгилари ва/ёки симптомлари ва улар юзага келган ҳолларда кўриладиган чоралар ҳақида хабардор қилиш керак (“Қўллаш мумкин бўлмаган ҳолатлар” бўлимига қаранг).

Аспиринни бир вақтда қўллаш НЯҚВ ни қабул қилиш билан боғлиқ жиддий юрак-қон томир тромботик кўринишларини ривожланиши хавфини ошиши билан боғлиқлигини ишончли далиллари йўқ. Аспирин ва флурбипрофенни бир вақтда қўллаш жиддий меъда-ичак кўринишлари ривожланиши хавфини оширади (“Махсус кўрсатмалар, меъда-ичак кўринишлари – яра касаллиги, қон кетиши, перфорация ривожланиши хавфи” га қаранг).

Флурбипрофен учун бундай хавфи инкор этиш учун етарли маълумотлар йўқ. Назоратланмаган артериал гипертензия, димланган юрак етишмовчилиги, аниқланган юрак ишемик касаллиги, периферик артериялар касалликлари ва/ёки цереброваскуляр касалликлари бўлган пациентларда флурбипрофенни фақат синчковлик билан текширилгандан кейин эҳтиёткорлик билан буюриш керак. Шундай текширувларни юрак-қон томир касалликларининг хавф омиллари (масалан гипертензия, гиперлипидемия, қандли диабет, чекиш) бўлган пациентларда ҳам узоқ вақт даволашдан олдин ўтказиш керак.

Коронар артерияларни шунтлашдан кейин биринчи 10-14 кун давомида оғриқни даволаш учун НЯҚВ –ЦОГ-2 нинг селектив ингибиторларини қўллаш билан ўтказилган иккита катта, назоратланган клиник тадқиқот натижалари инсульт ва миокард инфаркти ривожланиши тез-тезлигини ошишини намойиш қилган (“Қўллаш мумкин бўлмаган ҳолатлар” бўлимига қаранг).

Артериал гипертензия:

НЯҚП, шу жумладан флурбипрофен ҳам мавжуд гипертензияни манифестацияси ёк ёмонлашишини чақириши мумкин ва юрак-қон томир кўринишларини тезлашишини чақириши мумкин. Тиазид ёки ҳалқали диуретикларни қабул қилаётган пациентларда НЯҚП қабул қилинганда даволашга жавоб пасаяди. Гипертонияси бўлган пациентларда НЯҚП, шу жумладан флурбипрофенни эҳтиёткорлик билан қўллаш керак. Флурбипрофен билан даволаш вақтида артериал босимни (АБ) ни назорат қилиш керак.

Димланган юрак етишмовчилиги

Простагландинлар синтезини сусайтирувчи бошқа дори воситалари каби НЯҚП, шу жумладан флурбипрофенни қабул қилаётган айрим пациентларда суюқликни тутилиши ва шиш кузатилган. Суюқликни тутилиши, гипертония ёки юрак етишмовчилиги бўлган пациентларда Мажезик-саговель СР ни эҳтиёткорлик билан қўллаш керак.

Меъда-ичак кўринишлари – яра, қон кетиши перфорация ривожланиши хавфи:

НЯҚП меъда-ичак йўллари томонидан жиддий ножўя кўринишларни, шу жумладан ўлимга олиб келиши мумкин бўлган меъда, ингичка ичак, йўғон ичакни яллиғланиши, қон кетиши, яра касаллиги ва перфорацияси ривожланишини чақириши мумкин. Кўрсатилган ножўя кўринишлар даракчи симптомлар билан ёки уларсиз ҳар қандай вақтда юзага келиши мумкин.

Диспепсия каби меъда-ичак йўлларининг юқори қисмлари томонидан жиддий ножўя таъсирлар даволаш вақтида ҳар қандай вақтда ривожланиши мумкин. НЯҚВ билан даволаш вақтида пациентлар ва шифокорлар меъда-ичакда яра пайдо бўлиши ва қон кетиши белгилари ва симптомлари юзасидан сергак бўлишлари ва агар жиддий меъда-ичак кўринишларига гумон бўлганда дарҳол қўшимча текширувни бошлашлари керак. Пациентлар меъда-ичак токсиклигининг даракчи белгилари ва симптомлари ҳақида огоҳлантирилишлари керак. Мунтазам лаборатор мониторинг афзалликлари исботланмаган, лекин етарли баҳолашлар йўқ.

НЯҚП билан даволаганда меъда-ичак йўлларининг юқори қисмлари томонидан жиддий ножўя таъсирлар ривожланган беш пациентларнинг фақат биттасида симптоматик ҳисобланади.

НЯҚП чақирган меъда-ичак йўлларининг юқори қисмларида яра, массив қон кетиши ёки перфорация ривожланган ҳолатлар 3-6 ой давомида даволанган беморларнинг тахминан1% да ва бир йил давомида даволанган беморларнинг 2-4% да кузатилган. Бу мойиллик меъда-ичак йўллари томонидан жиддий ножўя кўринишлар ривожланиши эҳтимолини ошириб, узоқ вақт қўлланилганда сақланиб қолади. Лекин ҳатто қисқа даволаш курси ҳам маълум хавф билан боғлиқ. Анамнезида меъда ва ўн икки бармоқ ичак яра касаллиги ёки меъда-ичакдан қон кетиши бўлган пациентларда НЯҚП ни жуда эҳтиёткорлик билан қўллаш керак. Меъда-ичакдан қон кетиши хавфини оширувчи бошқа омилларга қуйидагилар киради: перорал кортикостероидлар ёки антикоагулянтларни бир вақтда қабул қилиш, НЯҚП билан узоқ вақт даволаш, чекиш, алкоголь, кексалик ёши, қониқарсиз умимий ҳолат. Кўпгина фатал ҳолатлар кекса ва ҳолсизланган пациентларда таърифланган, шундай қилиб, пациентларнинг бу гуруҳи алоҳида эътиборни талаб этади.

Меъда-ичак йўллари томонидан нохуш кўринишлар ривожланиши хавфини минималлаштириш учун НЯҚП нинг минимал самарали дозасини энг қисқа вақт давомида қўллаш керак. Юқори хавф бўлган пациентлар учун НЯҚП сақламайдиган даволашнинг муқобил усулларини кўриб чиқиш керак.

Бу пациентлар, шунингдек ацетилсалицил кислотасининг паст дозалари ёки меъда-ичак касалликлари хавфини ошириши мумкин бўлган бошқа препаратлар билан бир вақтда даволашга муҳтож пациентларга ҳимояловчи воситалар (масалан мизопростол ёки протон насоси ингибиторлари) билан мажмуавий даволаш тавсия этилади. Мунтазам клиник текширув талаб этилади.

Анамнезида меъда-ичак касалликлари бўлган пациентлар, айниқса кекса одамлар ҳар қандай одатдаги бўлмаган абдоминал симптомлар (айниқса меъда-ичакдан қон кетиши) ҳақида хабар беришлари керак, айниқса даволашнинг бошида. Яра ҳосил бўлиши ёки қон кетиши хавфини ошириши мумкин бўлган перорал кортикостероидлар, антикоагулянтлар (варфарин), серотонинни қайта қамраб олинишининг селектив ингибиторлари ёки антиагрегантлар (ацетилсалицил кислотаси) ни бир вақтда қабул қилаётган пациентларда эҳтиёткорликка риоя қилиш керак. Флурбипрофен қабул қилаётган пациентларда меъда-ичакдан қон кетиши ёки яра пайдо бўлганда даволаш тўхтатилиши керак.

Анамнезида меъда-ичак касалликлари (носпецифик ярали колит, Крон касаллиги) бўлган пациентларда НЯҚП ни эҳтиёткорлик билан қўллаш керак, чунки улар касалликни зўрайишига олиб келиши мумкин.

Кекса одамларда НЯҚП ни қабул қилишга ножўя реакциялар, айниқса фатал бўлиши мумкин бўлган меъда-ичакдан қон кетиши ва перфорациянинг тез-тезлигини ошиши кузатилади.

Анамнезида меъда ва ўн икки бармоқ ичак яра касаллиги ва/ёки меъда-ичакдан қон кетиши бўлган пациентларда НЯҚП ни қўллаганда меъда-ичакдан қон кетиши хавфи хавф омиллари бўлмаган пациентларга нисбатан 10 марта юқори. Меъда-ичакдан қон кетиши ривожланиши хавфини оширувчи бошқа омилларга қуйидагилар киради: перорал кортикостероидлар ёки антикоагулянтларни бир вақтда қабул қилиш, НЯҚП билан узоқ вақт даволаш, чекиш, алкоголь, кексалик ёши, қониқарсиз умумий ҳолат.

Буйракка таъсири

НЯҚП ни узоқ вақт қабул қилиш папилляр некроз ва буйракнинг бошқа шикастланишлари ривожланишини чиқириши мумкин. Буйрак простагландинлари буйрак перфузиясини тутиб туришда компенсатор роль ўйновчи пациентларда буйрак токсиклиги кузатилган. Бундай ҳолларда НЯҚП простагландинлар ҳосил бўлишини дозага боғлиқ пасайишини чақириши ва шу орқали буйрак оқимини камайишини чақириши мумкин, бу буйрак декомпенсацияси ривожланишига олиб келиши мумкин. Юқори хавф гуруҳига буйрак функциясини бузилиши, юрак етишмовчилиги, жигар дисфункцияси бўлган пациентлар, кекса пациентлар, шунингдек диуретиклар, ААФ-ингибиторларини қабул қилаётган пациентлар киради. НЯҚП ни қабул қилиш тўхтатилгандан кейин аввалги ҳолат (даволашгача) тикланади.

Клиник тадқиқотларда буйрак дисфункцияси бўлган пациентларда флурбипрофеннинг ярим чиқарилиш даври ўзгармаган. Флурбипрофеннинг метаболитлари асосан буйраклар орқали чиқарилади. Ўртача-оғир буйрак дисфункцияси бўлган пациентларда 4’-гидрокси-флурбипрофенни чиқарилиши пасаяди. Шундай қилиб, сурункали буйрак етишмовчилиги бўлган беморларни флурбипрофен билан даволаш тавсия этилмайди. Флурбипрофенни қўллаш зарурати бўлганида буйрак функциясини синчковлик билан назорат қилиш керак.

Сурункали буйрак касалликлари

Сурункали буйрак касалликлари бўлган беморларни флурбипрофен билан даволаш тавсия этилмайди. Флурбипрофенни қўллаш зарурати бўлганида буйрак функциясини синчковлик билан назорат қилиш керак.

Анафилактоид реакциялар

Бошқа НЯҚП каби флурбипрофенни қўллаганда анафилактоид реакциялар ривожланиши мумкин. “Аспирин триадаси” (бронхиал астма, вазомотор ринит, ацетилсалицил кислотасини ўзлаштираолмаслик) бўлган пациентларда флурбипрофенни қўллаш мумкин эмас. Астмаси бўлган беморларда ушбу симптомокомплекс аспирин ёки бошқа НЯҚП ни қабул қилишга жавобан бурун полиплари билан кечувчи ёки кечмайдиган ринит ёки оғир потенциал фатал бронхоспазм билан намоён бўлади (“Қўллаш мумкин бўлмаган ҳолатлар ва Махсус кўрсатмалар, Аввалги астма” бўлимларига қаранг). Анафилактоид реакциялар ривожланган ҳолларда шошилинч ёрдам зарур.

Дерматологик реакциялар

НЯҚВ, шу жумладан флурбипрофен фатал бўлиши мумкин бўлган эксфолиатив дерматит, Стивенс-Джонсон синдроми (СДС), токсик эпидермал некролиз (ТЭН) каби тери томонидан жиддий ножўя кўринишларни чақириши мумкин. Кўрсатилган ножўя кўринишлар даракчи симптомларсиз юзага келиши мумкин. Пациентларни тери томонидан жиддий ножўя кўринишларнинг белгилари ва симптомлари ҳақида огоҳлантириш, тери тошмаси ёки ўта юқори сезувчанликнинг бошқа симптомларининг биринчи намоён бўлишида эса – препаратни қабул қилишни тўхтатиш керак.

Эҳтиёткорлик чоралари

Жигарга таъсири

НЯҚП, шу жумладан флурбипрофенни қабул қилаётган пациентларда (15%) жигар функцияси кўрсаткичларининг бирини ёки бир нечтасининг даражасини чегаравий ошиши кузатилиши мумкин. Кузатилган бузилишлар даволаш давом эттирилганда авж олиши ёки ўзгаришсиз қолиши ёки ўтувчан характерга эга бўлиши мумкин. НЯҚП билан ўтказилган клиник тадқиқотлар вақтида тахминан 1% пациентларда АЛТ ва АСТ даражасини ошиши (тахминан уч марта ва нормадан юқори) аниқланган. Юқоридагилардан ташқари, айрим ҳолларда ўлим билан якунланган оғир жигар реакциялари, шу жумладан сариқлик, яшин тезлигидаги гепатит, жигар некрози ва жигар етишмовчилигининг кам ҳолатлари кузатилган.

Жигар дисфункциясининг симптомлари ва/ёки белгилари бўлган ёки жигар функциясининг патологик кўрсаткичлари бўлган пациентлар жигар томонидан оғирроқ реакциялар ривожланишидан сақланиш учун текширишдан ўтишлари керак. Агар клиник белгилар ва симптомлар жигар касаллигини ривожланиши билан боғлиқ бўлса ёки тизимли кўринишлар (масалан эозинофилия, тошма ва бошқалар) намоён бўлса, флурбипрофенни бекор қилиш керак.

Сурункали буйрак касалликлари

Клиник тадқиқотларда буйрак дисфункцияси бўлган пациентларда флурбипрофеннинг ярим чиқарилиш даври ўзгармаган. Флурбипрофеннинг метаболитлари асосан буйраклар орқали чиқарилади. Ўртача-оғир буйрак дисфункцияси бўлган пациентларда 4’-гидрокси-флурбипрофенни чиқарилиши пасаяди. Шундай қилиб, сурункали буйрак етишмовчилиги бўлган беморларни флурбипрофен билан даволаш тавсия этилмайди. Флурбипрофенни қўллаш зарурати бўлганида буйрак функциясини синчковлик билан назорат қилиш керак.

Гематологик самаралар

НЯҚП, шу жумладан флурбипрофенни қабул қилган пациентларда анемия ривожланиши мумкин, бу суюқликни тутилиши, меъда-ичакдан қон кетиши ёки тўлиқ ўрганилмаган эритропоэзга таъсири билан боғлиқ бўлиши мумкин. НЯҚП узоқ вақт қўлланилганда пациентларда, ҳатто анемиянинг ҳар қандай белгилари ва симптомлари бўлмаганида ҳам гемоглобин ёки гематокритни мунтазам назорат қилиш керак.

НЯҚП айрим пациентларда тромбоцитлар агрегациясига тўсқинлик қилади ва қон кетиш вақтини узайтиради. Аспириндан фарқ қилиб, тромбоцитларнинг функциясига таъсири камроқ, қисқароқ ва қайтувчандир. Одатда флурбипрофен тромбоцитлар сони, протромбин вақти, қисман тромбопластин вақтига таъсир кўрсатмайди. Антикоагулянтларни қабул қилаётган, шу жумладан қон ивишини бузилишлари бўлган пациентларда синчков мониторинг зарур.

Олдиндан мавжуд бўлган астма

Астмаси бўлган пациентларда аспиринга қарам ҳолат кузатилиши мумкин. Бундай пациентларда аспиринни қўллаш фатал бўлиши мумкин бўлган оғир бронхоспазм ривожланиши билан боғлиқ бўлиши мумкин. Кесишган реактивлик туфайли, аспиринга юқори сезувчанлиги бўлган пациентлар флурбипрофенни қабул қилмасликлари ва анамнезида астмаси бўлган пациентлар эҳтиёткорлик билан қабул қилишлари керак.

Кўришни ўзгариши

Флурбипрофен ва бошқа НЯҚП қабул қилаётган пациентларда кўришни хиралашиши ва/ёки сусайиши ҳолатлари кузатилган. Кўриш юзасидан шикоятлари бўлган пациентлар офтальмологик текширувдан ўтишлари керак.

Ҳомиладорлик

Ҳомиладорликни учинчи уч ойлигида бошқа НЯҚП каби флурбипрофенни қабул қилиш мумкин эмас, чунки артериал йўлни муддатидан олдин беркилишини чақириши мумкин.

Умумий

Флурбипрофен кортикостероидлар ўрнини босмайди ёки кортикостероидлар етишмовчилигини даволаш учун ишлатилмайди. Кортикостероидларни қабул қилишни тўсатдан тўхтатиш касалликни зўрайишига олиб келиши мумкин. Кортикостероидларни узоқ вақт қабул қилаётган беморлар даволашни давом эттиришлари керак. Кортикостероидларни қабул қилишни тўхтатиш ҳақидаги қарорни қабул қилганда унинг дозасини аста-секин камайтириш керак. Кекса ёшдаги операциядан кейинги пациентларда алоҳида эътибор бериш керак. 65 ёш ва ундан катта пациентларда буйрак ва жигар функциясини назорат қилиш керак. Иситма ва яллиғланишни камайтиришдаги флурбипрофеннинг фаоллиги тахмин қилинаётган ноинфекцион, оғриқли ҳолатлар асоратлари аниқланган умумий диагностик бегиларни баҳолаш индексини камайтириши мумкин.

Аддитив самара кузатилиши мумкинлиги туфайли, флурбипрофенни НЯҚП, шу жумладан циклооксигеназа-2 нинг селектив ингибиторлари билан бир вақтда қўллашдан сақланиш керак. Флурбипрофенни қабул қилиш ҳомиладор бўлиш қобилиятини бузиши мумкин ва ҳомиладорликни режалаштирган аёлларда қўллаш тавсия этилмайди. Шунинг учун ҳомиладор бўлиш қобилияти бузилган ёки ушбу бузилишлар юзасидан текширувдан ўтаётган аёлларда флурбипрофенни бекор қилиш мақсадга мувофиқлигини эътиборга олиш керак.

Тизимли қизил югурик (ТҚЮ) ва бириктирувчи тўқиманинг аралаш касалликлари

Тизимли қизил югурик (ТҚЮ) ва бириктирувчи тўқиманинг аралаш касалликлари бўлган пациентларда асептик менингит ривожланиши хавфи ошиши мумкин.

Лаборатор маълумотлар

Меъда-ичак йўллари томонидан жиддий ножўя кўринишлар даракчи симптомларсиз намоён бўлиши мумкинлиги туфайли, меъда-ичакдан қон кетиши симптомлари юзасидан кузатиш керак. НЯҚП билан узоқ вақт даволаганда қоннинг клиник ва биокимёвий таҳлил кўрсаткичларини мунтазам назорат қилиш керак. Агар клиник белгилар ва симптомлар жигар ёки буйрак касаллигини ривожланиши билан боғлиқ бўлса, тизимли кўринишлар (масалан эозинофилия, тошма ва бошқалар) кузатилади, флурбипрофенни қабул қилишни тўхтатиш керак.

Аёлларда фертилликни бузилиши

Флурбипрофенни қўллаш аёлларда фертилликни пасайтириши мумкин ва ҳомиладор бўлишни режалаштирган аёлларда қўллаш тавсия этилмайди.

Аҳолининг махсус гуруҳлари

Болаларда қўлланиши:

12 ёшгача бўлган болаларда қўллаш учун тавсия этилмайди.

Кексаларда қўлланиши:

Бошқа НЯҚП каби флурбипрофен кекса ёшдаги (65 ёш ва ундан катта) пациентларда эҳтиёткорлик билан қўлланади. Бошқа НЯҚП каби меъда ва ўн икки бармоқ ичак яраси, қон кетиши, метеоризм, қоринда оғриқ каби меъда-ичак йўллари томонидан асоратлар ёш беморларга нисбатан кўпинча кекса ёшдаги беморларда кузатилади. Меъда-ичак йўллари томонидан ножўя кўринишларни ривожланиши хавфини минималлаштириш учун энг паст самарали дозани энг қисқа муддат давомида қўллаш керак. Шунингдек кекса пациентлар буйрак декомпенсациясининг юқори хавфига дучорлар.

Ҳомиладорлик

Ҳомиладорик тоифаси 1 ва 2 уч ойлик: С; 3 уч ойлик: D.

Туғруқ ёшидаги аёллар/туғруқни назорат қилиш (контрацепция)

Маълумотлар йўқ.

Ҳомиладорлик

Каламушлар ва қуёнларда ўтказилган репродуктивлик тадқиқотлари ривожланишдаги оғишларни намойиш қилмаган. Шунга қармасдан, ҳайвонларда репродуктив тадқиқотлари билан одамдаги реакцияни ҳар доим ҳам олдиндан билиш мумкин эмас. Ҳомиладор аёлларда адекват ва яхши назоратланган тадқиқотлар ўтказилмаган. Флурбипрофенни ҳомиладорлик вақтда фақат, агар потенциал фойда ҳомила учун потенциал хавфдан юқори бўлгандагина қўллаш мумкин.

Простагландинлар синтезини ингибиция қилиниши ҳомиладорликка салбий таъсир кўрсатиши мумкин. Эпидемиологик тадқиқот маълумотлари ҳомиладорликнинг эрта муддатларида простагландинлар синтезининг ингибиторларини қўллагандан кейин ҳомилани тушишининг хавфи юқори эканлигини кўрсатади. Ҳайвонларда простагландинлар синтезининг ингибиторларини юбориш ҳомила тушиши миқдорини ва ҳомилани ўлимини ошишини кўрсатади.

Ностероид яллиғланишга қарши препаратларни ҳомиладанинг юрак-қон томир тизимига маълум ножўя самаралари (артериал йўлни беркилиши) туфайли, ҳомиладорликнинг охирида (6 ойдан бошлаб) қўллашдан сақланиш керак.

Ҳомиладорлик ва туғруқдан кейинги ривожланишга таъсири юзасидан ҳайвонлардаги тадқиқотлар етарли эмас. Одам учун потенциал хавфи номаълум.

Фертиллик

Простагландинлар синтезини ингибиция қилувчи бошқа препаратлар билан бўлгани каби НЯҚП билан каламушларда ўтказилган тадқиқотларда патологик туғруқларни ошиши, туғруқни кечикиши ва каламуш болаларининг яшаб қолиш қобилиятини пасайиши кузатилган. Ҳомиладор аёлларда тўлғоқ ва туғруққа Мажезик-санаволь СР нинг таъсири оқибатлари номаълум.

НЯҚП ни қабул қилиш қайтувчан бепуштлик билан боғлиқ тухумдон фолликуласининг ёрилишини кечиктириши ёки олдини олиши мумкин. Ҳомиладор бўлишда қийинчиликка дучор бўлаётган ёки бепуштлик юзасидан текширувдан ўтаётган аёлларда флурбипрофенни бекор қилишни кўриб чиқиш керак.

Лактация

Кўкрак сути ва эмизикли аёл плазмасидаги флурбипрофеннинг концентрацияси, бола кунига 200 мг қабул қилаётган аёлларнинг кўкрак сути билан тахминан 0,10 мг флурбипрофен қабул қилиши мумкинлигини тахмин қилиш имконини беради. Простагландин ингибиторларининг янги туғилган чақалоқларга ножўя самаралари туфайли ва она учун препаратнинг аҳамиятини эътиборга олиб, эмизишни тўхтатиш ёки препаратни қабул қилишдан воз кечиш ҳақидаги қарор қабул қилиш керак.

Автотранспортни ҳайдаш ва механизмларни бошқариш қобилиятига таъсири

НЯҚП қабул қилингандан кейин бош айланиши, уйқучанлик, толиқиш ва кўришни бузилиши каби нохуш самаралар кузатилиши мумкин. Агар салбий таъсир кузатилса, пациентлар автотранспортни ёки механизмларни бошқармасликлари керак.

Препарат болалар ололмайдиган жойда сақлансин ва яроқлилик муддати ўтгач препарат қўлланилмасин.

Дозани ошириб юборилиши

НЯҚП дозасини ошириб юборилиши симптомлари: летаргия, уйқучанлик, кўнгил айниши, кўнгил айниши, қусиш ва эпигастрал соҳада оғриқ. Тутиб турувчи даволаш йўли орқали бу симптомларни бартараф этиш мумкин. Меъдадан қон кетиши ривожланиши мумкин. Жуда кам ҳолларда артериал гипертензия, ўткир буйрак етишмовчилиги, нафасни сусайиши ва кома ривожланиши эҳтимоли мавжуд. Дозани ошириб юборилганда ҳам юзага келадиган НЯҚП ни қўллаш натижасида анафилактик реакциялар ривожланиши ҳолатлари аниқланган.

НЯҚП дозаси ошириб юборилганда симптоматик ва тутиб турувчи даволаш тавсия этилади. Специфик антидоти йўқ. Доза ошириб юборилганда (5 марта ёки 10 марта юқори дозани қабул қилиш) беморда кейинги 4 соатда қусишни чақирилади ёки фаоллаштирилган кўмир (катталарга 60 г дан 100 г гача, болаларга 1 ёки 2 г/кг), осмотик сурги воситалари буюрилади. Препарат қон плазмаси оқсиллари билан аҳамиятли даражада боғланганлиги туфайли – жадаллашган диурез, сийдикни ишқорийлаштириш,

гемодиализ ёки гемоперфузия самарасиз.

Чиқарилиш шакли

ПВХ/ПВДХ/алюмин блистерлар картон қутида. Микропеллетли 16 капсуладан блистерда.

Сақлаш шароити

25°С дан паст хона ҳароратида сақлансин.

Яроқлилик муддати

2 йил.

Дорихоналардан бериш тартиби

Препарат рецепт бўйича берилади.

• Шифокор билан маслаҳатлашмасдан қўлламанг,
• Қабул қилишдан олдин иловани диққат билан ўқиб чиқинг,