📜 Инструкция по применению Фунготербин® НЕО
💊 Состав препарата Фунготербин® НЕО
✅ Применение препарата Фунготербин® НЕО
📅 Условия хранения Фунготербин® НЕО
⏳ Срок годности Фунготербин® НЕО

ФУНГОТЕРБИН® НЕО  

дори препаратини тиббиётда қўллаш бўйича 

ЙЎРИҚНОМА

 

Препаратнинг савдо номи: Фунготербин® НЕО

Халқаро патентланмаган ёки гуруҳланган номи: 

Тербинафин+(Мочевина)

Дори шакли: сиртга қўллаш учун гель

1 г таркиби:

Таъсир этувчи моддалар: тербинафин гидрохлориди – 10 мг, мочевина – 100 мг.

Ёрдамчи моддалар: бутилгидрокситолуол, карбомер, троламин, пропиленгликоль.

Таърифи 

Рангсиз, тиниқ ёки ярим тиниқ, билинар-билинмас ҳидли гель.

Фармакотерапевтик гуруҳи: 

Замбуруғларга қарши восита.

Код АТХ: D01AE

 

Фармакологиик хусусиятлари

Фармакодинамикаси

Сиртга қўллаш учун замбуруғларга қарши препарат. Тербинафин – Фунготербин® НЕО препаратнинг фаол моддаси бўлиб, аллиламин ҳисобланади ва замбуруғларга қарши кенг таъсир доирасига эга. 

Тербинафин замбуруғларда эргостерол биосинтезнинг эрта босқичларини бузади. Бу эргостеролни танқислигига ва ҳужайра ичида скваленни тўпланишига олиб келади, бу замбуруғ ҳужайрасини нобуд бўлишини чақиради. Тербинафинни таъсири, замбуруғ ҳужайрасининг мембранасида жойлашган скваленэпоксидаза ферментини сусайтириши йўли билан амалга оширилади. Ушбу фермент цитохром Р450 тизимига тааллуқли эмас, шунинг учун тербинафин гормонларни ёки бошқа дори препаратларининг метаболизмига таъсир қилмайди.

Тербинафин дерматофитлар, моғор ва айрим диморф замбуруғларга нисбатан фунгицид таъсир кўрсатади. Ачитқи замбуруғларига нисбатан, уларнинг турига қараб фунгицид ёки фунгистатик фаолликка эга бўлиши мумкин.

Мочевина – Фунготербин® НЕО нинг иккинчи фаол компоненти бўлиб, юмшатувчи, кўчирувчи ва намловчи самараларга эга, дерматопенетрантлигини (терига ўтиш) ни ошириш ва терида тербинафиннинг юқори концентрациясини ҳосил қилиш қобилиятига эга. Мочевина сувни боғлаш ва терининг шох пардасини юмшатиш қобилиятига эга.

Фармакокинетикаси

Гель маҳаллий қўлланганида тербинафиннинг камида 5% сўрилади, шу тарзда препаратнинг тизимли таъсири кам. Препарат терига тез ўтади ва ёғ безларида тўпланади.

 

Қўлланилиши

Замбуруғ касалликларини олдини олиш ва даволаш учун:

Trychophyton (масалан, T.rubrum, T.mentagrophytes, T.verrucosum, T.violaceum), Microsporum canis ва Epidermophyton flocсоesum каби дерматофитлар чақирган терининг замбуруғли инфекциялари. 

Candida тури (масалан, Candida albicans) ачитқисимон замбуруғлари чақирган тери инфекциялари.

Pityrosporum orbiculare (шу жумладан, маълум бўлган Malassezia furfur номи остида) томонидан чақирилган ранг-баранг темираткида (Pityrosporum versicolor) қўлланади.

 

Қўллаш мумкин бўлмаган ҳолатлар

Препарат компонентларига ўта юқори сезувчанлик, болаларда (2 ёшгача) қўллаш мумкин эмас.

 

Эҳтиёткорлик билан

Жигар ва/ёки буйрак етишмовчилиги, алкоголизм, қон касалликлари, ўсмалар, моддалар алмашинуви касалликлари, оёқ-қўллар қон томирларининг патологияси, ҳомиладорлик ва лактация даврида эҳтиёткорлик билан қўллаш лозим.

 

Ҳомиладорлик ва лактацияда қўлланиши

Экспериментал текширувларда тербинафиннинг тератоген хусусиятлари аниқланмаган. Препаратни ҳомиладорлик даврида она учун потенциал фойда ҳомила учун хавфдан юқори бўлган ҳоллардагина қўллаш мумкин.

 

Қўллаш усули ва дозалари

Сиртга қўлланади. Препаратни терига суткада бир ёки икки марта суртилади. Гелни шикастланган терига юпқа қават қилиб қўйилади ва енгил суртилади. Даволаш самарасини ошириш учун окклюзион боғламларни қўллаш мумкин. Терлаш билан бирга кечадиган инфекцияларда (сут безлари остида, бармоқлар ораси соҳаларида, думбалар орасида, чов соҳасида) гель суртилган жойни дока билан беркитиш мумкин, айниқса кечқурун.

Даволашнинг ўртача давомийлиги ва муддати:

Тана, болдир дерматомикозлари: 1 ҳафта, кунига 1 марта.

Товон дерматомикози: 1 ҳафта, кунига 1 марта.

Тери кандидози: 1-2 ҳафта, кунига 1 ёки 2 марта.

Ранг-баранг темиратки: 1 ҳафта, кунига 1 ёки 2 марта.

 

Ножўя таъсири

Жуда кам ҳолларда гелни суртиш жойида терини қизариши, қичишиш ёки ачишиш ҳисси кузатилиши мумкин, аммо бу кўринишлар кам ҳолларда даволашни тўхтатиш заруратига олиб келган. 

Юқоридаги симптомларни аллергик реакциялардан фарқлаш керак, масалан кам холларда юзага келадиган эшакеми, аммо улар пайдо бўлганида даволашни тўхтатиш керак.

 

Дозани ошириб юборилиши

Дозани ошириб юборилиш ҳолатлари ҳақида маълумотлар йўқ. Фунготербин® таблеткаси билан дозани ошириб юбориш ҳолларидаги каби, шундай ножўя ҳолатлар ривожланишини кутиш мумкин: кўнгил айниши, иштаҳани бузилиши, қориннинг юқори ярмида оғриқлар, диарея, аммо бу кўринишлар пайдо бўлганида даволашни тўхтатиш зарур.

 

Бошқа дори воситалари билан ўзаро таъсири

Тербинафинни сиртга қўлланганда дориларнинг бирон-бир ўзаро таъсири маълум эмас.

 

Махсус кўрсатмалар

Клиник кўринишларининг яққоллиги одатда даволашнинг биринчи кунида аниқланади. Тартибсиз даволанишда ёки уни муддатидан аввал тўхтатилганида, инфекцияни қайталаниши хавфи мавжуд. Агар икки ҳафта даволашдан кейин, соғайиш белгилари аниқланмаса, ташҳиснинг верификациясини ўтказиш лозим.

Гель фақат сиртга қўллаш учун мўлжалланган. Препаратни кўзга ва шиллиқ қаватларга тушишидан сақланиш лозим, чунки препарат таъсирланишни чақириши мумкин. Тасодифан препарат кўзга тушса, уни дарҳол оқар сувда ювиш лозим, таъсирланишнинг турғун кўринишлари ривожланиш ҳолида эса, шифокор билан маслаҳатлашиш лозим.

 

Чиқарилиш шакли

Сиртга қўллаш учун гель. 10, 15, 20, 25, 30, 40, 50 ёки 100 г дан алюмин тубаларда ёки полиэтилен ламинат тубаларда. Ҳар бир туба препаратни тиббиётда қўллаш бўйича йўриқномаси билан бирга картон қутига жойланади.

 

Сақлаш шароити

20оС юқори бўлмаган ҳароратда сақлансин.

Болалар ололмайдиган жойда сақлансин.

 

Яроқлилик муддати

2 йил. Ўрамда кўрсатилган яроқлилик муддати ўтгач препарат қўлланилмасин.

 

Дорихоналардан бериш тартиби

Рецептсиз.

ИМЕЮТСЯ ПРОТИВОКАЗАНИЯ. НЕОБХОДИМО ОЗНАКОМИТЬСЯ С ИНСТРУКЦИЕЙ
ПО ПРИМЕНЕНИЮ ИЛИ ПОЛУЧИТЬ КОНСУЛЬТАЦИЮ СПЕЦИАЛИСТА

Лекарственные средства, информация о которых представлена на сайте, могут иметь противопоказания к их применению и использованию. Перед использованием необходимо ознакомиться с инструкцией по применению или получить консультацию у специалистов.