ҚЎЛЛАШ БЎЙИЧА ЙЎРИҚНОМА
ЛОПЕРАМ
LOPERAMUM
Препаратнинг савдо номи: Лоперам
Таъсир этувчи модда (ХПН): лоперамид
Дори шакли: капсулалар
Таркиби:
бир капсула қуйидагиларни сақлайди:
фаол модда: лоперамид гидрохлориди – 2 мг;
ёрдамчи моддалар: маккажўхори крахмали, микрокристалл целлюлоза, магний стеарати.
Таърифи: №3 ўлчамдаги, оқ рангли қаттиқ желатин капсулалар. Капсула ичидагиси – оқ ёки сарғиш тусли оқ рангли кукун.
Фармакотерапевтик гуруҳи: Диареяга қарши восита.
Код АТХ: А07DА03
Фармакологик ҳусусиятлари
Ичакнинг силлиқ мушакларини тонуси ва ҳаракатини пасайтиради. Ичакнинг опиат рецепторлари билан боғланиши ва ацетилхолин ва простагландинларнинг ажралиб чиқишини сусайтириши ҳисобига, перистальтикани секинлаштиради ва ичакнинг ичидагисини ўтиш вақтини оширади. Анал сфинктерининг тонусини оширади.
Аҳлат массаларини тутиб турилишига ва ич келишига қистовларни камайишига ёрдам беради.
Фармакокинетикаси
Ичакдан осон сўрилади. Сўрилиш кўрсаткичи – 40% ни ташкил қилади. Максимал концентрацияга эришиш вақти – 2,5 соатни ташкил қилади. Таъсири тез бошланади ва 4-6 соат давом этади. Плазма оқсиллари билан боғланиши – 97% ни ташкил қилади. Жигарда конъюгация йўли билан деярли тўлиқ метаболизмга учрайди.
Ярим чиқарилиш даври (Т1/2) 9-14 соатни ташкил қилади. Асосан аҳлат билан чиқарилади. Препарат гематоэнцефалик тўсиқ орқали ўтмайди.
Қўлланилиши
Турли генезли (аллергик, эмоционал, дори, нурланиш; овқатланиш тартиби ва овқатнинг сифат таркибини ўзгариши, метаболизм ва сўрилишни бузилишида; инфекцион генезли диареяда ёрдамчи восита сифатида) ўткир ва сурункали диареяни симптоматик даволашда қўлланади. Илеостомаси бўлган беморларда ич келишини (аҳлатнинг миқдори ва ҳажмини камайтириш, ҳамда уни қаттиқроқ консистенцияда бўлишини) бошқариш учун қўлланади.
Қўллаш усули ва дозалари
Ичга, капсулалар чайнамасдан 100 мл сув билан бирга ютилади. Катталарга ўткир ва сурункали диареяда биринчи марта 4 мг буюрилади, сўнгра ҳар бир ични суюқ келиши ҳолда 2 мг дан; максимал суткалик доза – 16 мг ни ташкил қилади. Сурункали диареяда суткада 4 мг бошланғич дозада буюрилади, сўнгра доза ич келишини сонини суткада 1-2 мартагача камайтириш учун шахсий равишда танланади (одатда кунига 2 мг дан 12 мг гача). 6 ёшдан катта болаларга ўткир диареяда дастлаб 2 мг буюрилади; сўнгра ҳар бир суюқ ич келишидан кейин 2 мг дан; сурункали диареяда – суткада 2 мг дан, сўнгра доза суткада 4-6 мг гача оширилиши мумкин. Болалар учун максимал суткалик доза – 5 мг. Ич келиши нормаланганида, 12 соатдан ортиқ ич келмаганида ёки қорин дам бўлганида препаратни бекор қилиш керак.
Ножўя таъсирлари
Ножўя таъсирлари, одатда препарат узоқ муддат қабул қилинганида кузатилади. Бош оғриғи, эпигастрия соҳасида оғриқлар ва дискомфорт, оғизни қуриши, аллергик реакциялар (тери тошмалари) бўлиши мумкин. Кам ҳолларда уйқучанлик ёки уйқусизлик, бош айланиши, ичак спазми, кўнгил айниши, қусиш, қабзият, метеоризм, жуда кам ҳолларда – ичак ўтказмаслиги кузатилади.
Қўллаш мумкин бўлмаган ҳолатлар
Ичак тутулиши; ўткир дизентерия; кенг таъсир доирали антибиотикларни қабул қилиш оқибатида пайдо бўлган ўткир ярали колит ва сохтамембраноз колит; ҳомиладорлик, лактация даври, 5 ёшгача бўлган болалар; препаратга юқори сезувчанликда қўллаш мумкин эмас.
Дориларнинг ўзаро таъсири
Лоперамнинг бошқа дори воситалари билан клиник ахамиятли ўзаро таъсири аниқланмаган.
Махсус кўрсатмалар
Препарат 2 сутка давомида қўлланганидан кейин самараси бўлмаса, ташхисни аниқлаш ва инфекцион генезли диареяни истисно қилиш керак.
Жигар фаолиятини бузилиши бўлган беморларга препарат эҳтиёткорлик билан буюрилади.
Агар даволашда қабзият ёки қоринни дам бўлиши ривожланса, препаратни бекор қилиш керак. Жигар фаолиятини бузилиши бўлган пациентларда марказий нерв тизимининг токсик шикастланиши белгиларини синчиклаб назорат қилиш керак.
Даволаш даврида йўқотилган суюқлик ва электролитларни тўлдириш керак. Уйқучанлик ёки бош айланиши пайдо бўлган ҳолда транспорт воситаларини бошқариш ва механизмлар билан ишлашдан сақланиш керак.
Препаратани болалар ололмайдиган жойда сақлансин ва уни яроқлилик муддати ўтгач қўлланилмасин.
Дозани ошириб юборилиши
Симптомлари: ступор ҳолати, ҳаракат координациясини бузилиши, уйқучанлик, миоз, мушаклар тонусини ошиши, илеус.
Даволаш: антидот сифатида налоксон қўлланади. Бемор камида 48 соат давомида шифокорнинг назорати остида бўлиши керак.
Чиқарилиш шакли
10 та капсуладан ПВХ/алюмин фольга контур уяли ўрамда.
Контур-уяли ўрамлар қўллаш бўйича йўриқномаси билан бирга картон қутига жойланган.
Сақлаш шароити
Қуруқ, ёруғликдан ҳимояланган жойда, 250С дан юқори бўлмаган ҳароратда сақлансин.
Яроқлилик муддати
2 йил.
Дорихоналардан бериш тартиби
Рецептсиз.