ҚЎЛЛАШ БЎЙИЧА ЙЎРИҚНОМА

БРОНХИРЕМ

BRONСHIREM

Препаратнинг савдо номи: Бронхирем

Таъсир этувчи модда (ХПН): Амброксол гидрохлориди

Чиқарилиш шакли: Сироп, 40 мл, 50 мл, 80 мл, 90 мл, 100 мл ва 125 мл дан флаконларда.

Таркиби 5 мг сироп сақлайди:

фаол модда: амброксол гидрохлориди – 15 мг.

ёрдамчи моддалар: пропиленгликол, этил спирти, қанд, нипагин, нипазол, қулупнай ҳидли овқат ароматик эссенцияси, тозаланган сув.

Фармакотерапевтик гуруҳи: Балғам кўчирувчи воситалар.

Фармакологик хусусиятлари

Яққол балғам кўчирувчи таъсирга эга муколитик перпарат. Препарат бронхларнинг шиллиқ қаватининг сероз ҳужайраларини рағбатлантириши ҳисобига балғамни суюлтиради. Балғамнинг қовушқоқлигини пасайиши балғамдаги мукополисахаридларнинг деполимеризацияси натижасида юз беради. Мукополисахаридларнинг деполимеризацияси, энг аввало уларнинг молекуласидаги дисульфид боғларни узилиши билан боғлиқ. Амброксол хилпилловчи эпителийнинг ҳаракат фаоллигини кучайтиради, мукоцилиар траспортни оширади, балғамнинг сероз ва шиллиқ компонентларининг нисбатини меъёрлаштиради. Гидролизловчи ферментларни фаоллаштириб ва Кларк хужайраларидан лизосомаларни ажралиб чиқишини кучайтириб, балғамнинг қовушқоқлигини пасайтиради. Нафас йўлларидан балғамни чиқарилишини енгиллаштиради. Амброксол альвеолаларда сурфактант синтези ва секрециясини ошириш йўли билан ўпкаларни пренатал ривожланишини рағбатлантиради. Сурфактантнинг синтези нафас тизимининг сурункали касалликлари натижасида пасаяди. Бундан ташқари, сирт фаоллигига эга фосфолипидлар ва яллиғланиш оқсиллари орасида ҳосил бўладиган боғлар туфайли сурфактантнинг хусусиятлари ўзгаради. Сурфактант ҳосил бўлишини ошиши ҳисобига препарат яллиғланишга қарши таъсир кўрсатади, антиоксидант хусусиятларга эга ва маҳаллий иммунитетни оширади. Амброксолнинг таъсири 30 минут давомида намоён бўлади ва 6-12 соат давомида сақланиб туради.

Фармакокинетикаси

Ичга қабул қилинганидан кейин амброксол меъда-ичак йўлларидан амалда тўлиқ сўрилади. Қон плазмасидаги максимал концентрациясига (С_max) тахминан 0,3-0,5 соатдан кейин эришилади. Биокираолишлиги 70-80% ни ташкил қилади. Препаратнинг кумуляцияси аниқланмаган.

Плазма оқсиллари билан боғланиши тахминан 90%. Тўқималарга тез киради ва энг юқори концентрацияси ўпкада аниқланади. Гематоэнцефалик тўсиқ (ГЭТ) ва йўлдош тўсиғи орқали ўтади ва кўкрак сути билан чиқарилади.

Жигарда конъюгация йўли билан фармакологик нофаол метаболитларни ҳосил қилиб метаболизмга учрайди.

Плазмадан ярим чиқарилиш даври (Т_1/2) – 7-12 соат. Буйраклар орқали препаратнинг тахминан 90% чиқарилади.

Қўлланилиши

Нафас йўлларининг қовушқоқ балғамни ажралиб чиқиши билан кечувчи ўткир ва сурункали касалликларини (ўткир ва сурункали бронхит, обструктив бронхит, пневмония, балғамнинг ажралиб чиқиши бузилган бронхиал астма, бронхоэктатик касаллик, шунингдек бурун-томоқ бўшлиғи яллиғланишида шиллиқни суюлишини яхшилаш учун) муколитик даволашда қўлланади.

Қўллаш усули ва дозалари

Препаратни овқатдан кейин ичга қабул қилиш лозим. Даволаш вақтида кўп миқдорда суюқлик (шарбат, чой, сув) истеъмол қилиш керак, чунки у препаратнинг муколитик самарасини кучайтиради.

Бошқа кўрсатмалар бўлмаганида қуйида келтирилган дозалаш тавсия қилинади.

2 ёшгача бўлган болаларга 2,5 мл (1/2 чой қошиқ) дан кунига 2 марта;

2 дан 5 ёшгача 2,5 мл (1/2 чой қошиқ) дан кунига 3 марта;

5 дан 12 ёшгача 5 мл (1 чой қошиқ) дан кунига 2-3 марта буюрилади;

12 ёшдан ошган болалар ва катталарга биринчи 2-3 кунлари 10 мл (2 чой қошиқ) дан кунига 2 марта, сўнгра худди шундай ёки 5 мл (1 чой қошиқ) дан кунига 3 марта буюриб давом эттирилади.

Даволаш давомийлиги касалликнинг оғирлигига боғлиқ ва уни даволовчи шифокор белгилайди. Шифокорнинг тавсиясисиз препаратни 4-5 кундан ортиқ қабул қилиш мумкин эмас.

Ножўя таъсирлари

Препарат одатда яхши ўзлаштирилади.

Марказий нерв тизими томонидан: бош оғриғи.

Овқат ҳазм қилиш йўллари томонидан: оғизни қуриши, кўнгил айниши, қусиш, гастралгия, диарея, қабзият.

Нафас тизими томонидан: ринорея, нафас йўлларининг шиллиқ қаватини қуруқлиги.

Аллергик реакциялар: тери тошмаси, эшакеми, ангионевротик шиш, алоҳида ҳолларда аллергик контакт дерматит, жуда кам ҳолларда – анафилактик турдаги ўткир оғир реакциялари (анафилактик шок).

Бошқалар: ҳолсизлик, сийишни қийинлашиши.

Қўллаш мумкин бўлмаган ҳолатлар

• амброксолга ва препаратнинг бошқа компонентларига юқори сезувчанлик;
• ҳомиладорлик (I уч ойлиги) даври;
• лактация даври;
• меъда ва 12-бармоқ ичак яра касаллиги;
• йўталга қарши препаратлар билан бир вақтда қабул қилиш мумкин эмас.

Дориларнинг ўзаро таъсири

Препаратни ва антибактериал воситаларни (амоксициллин, цефуроксим, доксициклин, эритромицин) бир вақтда қабул қилиш антибиотикларни ўпка тўқимасига киришига ёрдам беради. Туғруқ фаолиятини сусайтирувчи препаратлар билан мутаносиб.

Препарат йўталга қарши препаратлар билан мажмуавий қўлланганида йўтал рефлексини бостириши туфайли, суюлтирилган секрет хавфли димланиши мумкин. Шунинг учун йўталга қарши воситаларни қабул қилиш фақат даволовчи шифокор кўрсатмасига кўра ўтказилиши керак.

Кардионоселектив β-адреноблокаторларни қўлланиши, бронхоспазм туфайли балғамни ажралиб чиқишини ёмонлаштириши мумкин.

Махсус кўрсатмалар

Бронхларнинг моторикаси бузилган ва секрет миқдори ошган ҳолларда (масалан, хавфли киприксимон эпителий синдромида), бронхларда шиллиқни тўпланиб қолиш хавфи туфайли, сиропни фақат даволовчи шифокор маслаҳатидан сўнг ва шифокор назорати остида қабул қилиш мумкин.

Буйраклар ёки жигар фаолиятини оғир бузилишида препаратни қабул қилиш орасидаги интервални ошириш керак. Қандли диабети бўлган беморларга сиропни буюрилганда 1 ўлчов қошиғи (5 мл) 1,75 г сорбитол сақлашини, бу эса 0,15 НБ мувофиқ келишини ҳисобга олиш керак.

Сиропни эмизиш вақтида ва ҳомиладорликнинг биринчи III уч ойлигида қабул қилиш мумкин эмас. Ҳомиладорликнинг II ва III ойликларида амброксолни фақат даволовчи шифокор тавсияси бўйича қабул қилиш мумкин.

Препарат автотранспортни бошқариш ва бошқа механизмларга хизмат кўрсатиш қобилиятига таъсир қилмайди.

Аллергик реакцияларни биринчи белгилари пайдо бўлганида препаратни қабул қилишни бекор қилиш керак.

Препаратнинг навбатдаги дозасини қабул қилиниши ўтказиб юборилган холларда, кейинги қабул қилишда препаратнинг дозасини оширмаслик керак.

Препарат болалар олаолмайдиган жойда сақлансин ва яроқлилик муддати ўтганидан кейин ишлатилмасин.

Дозани ошириб юборилиши

Симптомлари: ҳозирги вақтгача препаратнинг дозаси ошириб юборилганида заҳарланиш ҳоллари кузатилмаган. Аммо баъзида: қисқа муддатли безовталик, ич кетиши доза кучли ошириб юборилганида артериал босимни пасайиши, қусиш, кўп сўлак ажралиши кузатилиши мумкин

Даволаш: бундай ҳолларда, айниқса дозани кучли ошириб юборилганида шифокорга мурожаат қилиш ва унинг тавсияси бўйича меъдани ювиш, ёғ сақловчи маҳсулотларни қабул қилиш, гемодинамик кўрсаткичларни назорат қилиш, зарурати бўлганда симптоматик даволашни ўтказиш керак.

Сақлаш шароити

Ёруғликдан ҳимояланган жойда, 25⁰С дан юкори бўлмаган ҳароратда.

Яроқлилик муддати

2 йил.

Дорихоналардан бериш тартиби

Рецептсиз.