ҚЎЛЛАШ БЎЙИЧА ЙЎРИҚНОМА
ДОКСЦЕФ
DOXCEF
(Цефподоксим проксетил АҚШ Ф. суспензия/ичга қабул қилиш учун таблеткалар)
Препаратнинг савдо номи: Доксцеф
Таъсир этувчи модда (ХПН): цефподоксим проксетил
Дори шакли: ичга қабул қилиш учун таблеткалар; суспензия.
Таркиби:
Доксцеф 100 ва Доксцеф 200
Бир плёнка қобиқ билан қопланган таблетка қуйидагиларни сақлайди:
фаол модда: 100 мг ёки 200 мг цефподоксимга эквивалент бўлган цефподоксим проксетили АҚШ Ф.;
ёрдамчи моддалар: кальций кармаллози, лактоза моногидрати, гидроксипропилцеллюлоза, натрий лаурилсульфати, магний стеарати, оқ опадрай 03А28718#, тозаланган сув.
Доксцеф 50 ва Доксцеф 100
Ҳар 5 мл тайёрланган суспензия қуйидагиларни сақлайди:
фаол модда: 50 мг ёки 100 мг цефподоксимга эквивалент бўлган цефподоксим проксетили АҚШ Ф.
ёрдамчи моддалар: микрокристалл целлюлоза, натрий карбоксиметилцеллюлоза, кремний, коллоид сувсиз крахмал, гидроксипропилцеллюлоза, натрий бензоати, сувсиз лимон кислотаси, аспартам, қуруқ сунъий банан тамли тўлдирувчи, темир (II) оксиди бўёвчиси, сахароза.
Фармакотерапевтик гуруҳи: антибиотик (цефалоспоринлар гуруҳи).
АТХ коди: J01DA33
Фармакологик хусусиятлари
Фармакодинамикаси
Доксцеф – бу цефподоксим проксетил бўлиб, у цефподоксимнинг фаол метаболитининг олд препарати ҳисобланади. Цефподоксим – бу цефалоспоринлар гуруҳининг учинчи авлодига мансуб кенг таъсир доирали ярим синтетик антибиотикдир.
Цефподоксим микроорганизмларнинг хужайра девори синтезини сусайтириб, кенг бактерицид таъсир кўрсатади. In vitro шароитдаги текширувлар граммусбат ва грамманфий микроорганизмларнинг цефподоксимга сезгирлигини кўрсатган. Цефподоксим пенициллинга чидамли бета-лактамаза энзимини ишлаб чиқарадиган микроорганизмлар борлигида барқарордир.
Антимикроб таъсир доираси: цефподоксимга чидамли граммусбат организмлар: Staphylococcus aureus, Staphylococcus pyogenes, Staphylococcus pneumonia, метициллинга чидамли стафилококклардан ташқари, грамманфий аэроблар: Escherichia coli, Haemophilus influenzae, Klebsiella pneumoniae, Moraxella catarrhalis, Neisseria gonorrhoeae, Proteus mirabilis.
Граммусбат организмлар, шу жумладан Streptococcus agalactiae, Streptococcus Species (C, F, G гурух) ва граммусбат аэроблар, шу жумладан Enterobacteriae, H.parainfluenzae, K. oxytocease, P.vulgaris, Providencia rettgeri га қарши минимал ингибирловчи концентрацияси 2 мг/л ни ташкил қилади. Шундай бўлса ҳам, бу организмларни даволашда хавфсизлиги ва самарадорлигини ўрганиш керак. Цефподоксим Enterococcus, Pseudomonas ва Enterobacter ларнинг кўпчилик штаммларига қарши самарадордир.
Фармакокинетикаси
Цефподоксим даволаш соҳасида (100-400 мг) тўғри чизиқли фармакокинетикани намоён қилади. Ичга қабул қилинганидан сўнг препаратнинг тахминан 50% тизимли сўрилади. Овқат қабул қилиш 200 мг препарат қабул қилинганидан сўнг АUC, оч қоринга қабул қилгандагига қараганда 21-33% га юқори бўлган. In vitro шароитда цефподоксим минимал метаболизмни намоён қилган. Цефподоксимнинг протеин билан боғланиш ҳажми зардобда 22-33% ва плазмада 21-29% ни ташкил қилади. Плазмадаги чўққи концентрацияси (Сmax) 200 мг бир марталик дозани қабул қилинганидан 2-3 соатдан кейин 2,1-3 мг/л ни ташкил қилади. Кекса ва буйрак етишмовчилиги бўлган пациентларда Сmax
4 мг/л ни ташкил қилади. Цефподоксим организмда, шу жумладан тери қопламлари, бодомсимон безлар ва ўпкаларда яхши тақсимланади. Жигар циррози бўлган пациентларда сўрилиши пасаяди, чиқарилиши эса ўзгармайди. Ўртача ва оғир даражали буйрак етишмовчилигида препаратнинг чиқарилишини пасайиши кузатилади. Цефподоксим асосан сийдик билан чиқарилади. Сийдик билан чиқарилиш даврини узайиши препаратнинг дозасига боғлиқ. Буйрак етишмовчилигининг (креатинин клиренси <50 мл/мин) ўртача ва оғир даражасида цефподоксимни чиқарилиши пасайган. Агар кекса пациентларда буйрак фаолиятини бузилиши бўлмаса, уларда дозага тузатиш киритиш талаб қилинмайди.
Қўлланилиши
Сезгир микроорганизмлар чақирган қуйидаги инфекцияларда қўлланади:
- қуйи нафас йўлларининг инфекциялари – пневмония, сурункали бронхитни зўрайиши;
- жинсий йўл билан юқадиган касалликлар: ўткир асоратланмаган уретрал ёки цеврикал гонорея, аёллардаги ўткир асоратланмаган ано-ректал инфекциялар;
- тери ва унинг тузилмаларининг инфекциялари: тери ва тери тузилмаларининг асоратланмаган инфекциялари;
- юқори нафас йўлларининг инфекциялари: ўткир отитлар, фарингитлар ва/ёки тонзиллитлар;
- сийдик йўлларининг инфекциялари: сийдик йўлларининг асоратланмаган инфекциялари (циститлар).
Қўллаш усули ва дозалар
Таблеткалар ва орал суспензияси овқат пайитида қабул қилинади.
Катталар ва ўсмирлар (12 ёш ва ундан катта)
| Инфекция тури | Умумий суткалик доза | Қабул қилишлар тез-тезлиги | Даволаш давомийлиги |
| Фарингитлар ва/ёки тонзиллитлар | 200 мг | 100 мг ҳар 12 соатда | 5-10 кун |
| Ўткир пневмония | 400 мг | 200 мг ҳар 12 соатда | 14 кун |
| Сурункали бронхит-ни зўрайиши | 400 мг | 200 мг ҳар 12 соатда | 10 кун |
| Асоратланмаган гонорея (эркаклар ва аёллар) ва ректал гонококкли инфек-циялар (аёллар) | 200 мг | Бир марталик доза | |
| Тери ва тери тузилмалари | 800 мг | 400 мг ҳар 12 соатда | 7-14 кун |
| Ўткир максиляр синуситлар | 400 мг | 200 мг ҳар 12 соатда | 10 кун |
| Сийдик йўлларининг асоратланмаган инфекциялари | 200 мг | 100 мг ҳар 12 соатда | 7 кун |
6 ойдан катта ва 12 ёшгача болаларга тана вазнига 8-10 мг/кг иккита алоҳида дозаларда қабул қилиш буюрилади.
Буйрак фаолиятини бузилиши бўлган пациентлар. Оғир буйрак етишмовчилиги бўлган пациентларда (креатинин клиренси <30 мл/мин) препаратни қабул қилиш оралиғи 24 соатгача оширилиши керак. Гемодиализда бўлган пациентларда препаратни қабул қилиш тез-тезлиги гемодиализдан сўнг ҳафтада 3 мартани ташкил қилиши керак.
Буйрак етишмовчилигида, ҳомиладорликда, бета-лактам ва пенициллинларга сезувчанликда ҳомиладорлик эҳтиёткорлик билан қўлланади.
Ножўя таъсирларми
Марказий нерв тизими томонидан ва сезги аъзолари томонидан: бош оғриғи, бош айланиши, тиришишлар, қулоқларда шовқин, парестезиялар;
Меъда-ичак йўллари томонидан: диарея, кўнгил айниши, қусиш, қориндаги оғриқ, сохта мембраноз колит;
Аллергик ва иммунопатологик реакциялар: тошма, қичишиш, иситма ёки қалтираш, анафилаксия, бронхоспазм, зардоб касаллиги, аллергик пневмонит, эшакеми, кўп шаклли эритема, Стивенс-Джонсон синдроми, токсик эридермал некролиз, ангионевротик шиш, пурпура;
Лаборатория кўрсаткичлари томонидан: тромбоцитоз, гемоглобинни пасайиши, тромбопения, лейкопения, эозинофилия, агранулоцитознинг ва гемолитик анемиянинг якка ҳоллари, нейтропения, айниқса узоқ вақт қўлланганда, қон плазмасида мочевина ва креатинин даражасини аҳамиятсиз ошиши, трансаминазалар, ишқорий фосфатазанинг фаоллигини ва/ёки билирубин кўрсаткичларини ўткинчи ошиши.
Бошқалар: кандидоз, вагинит, кўп терлаш, юзга қон қуйилиши.
Маҳаллий реакциялар: оғриқ, инфильтрат, инъекция жойида сезувчанлик, в/и юборилгандан кейин тромбофлебит.
Қўллаш мумкин бўлмаган ҳолатлар
Цефподоксим ёки цефалоспорин қатори антибиотикларига ўта юқори сезувчанлик.
Дориларнинг ўзаро таъсири
Аминогликозидларни кўпчилик грамманфий микроорганизмларга нисбатан ўзаро самарасини кучайтиради. Ностероид яллиғланишга қарши воситалар ва бошқа тромбоцитлар агрегациясини ингибитори қон кетишини эҳтимолини оширади, ҳалқали диуретиклар ва нефротоксик препаратлар буйрак фаолиятини бузилишини ривожланиш хавфини оширади. Пробеницид билан ўзаро таъсир қилмайди. Микробларга қарши воситалар билан фармацевтик номутаносиб.
Махсус кўрсатмалар
Ҳомиладорликда ва эмизиш даврида, буйрак етишмовчилигида қўлланганида алоҳида эҳтиёткорликка риоя қилиш керак.
Автомобилни ва бошқа механизмларни бошқариш қобилиятига таъсири: таъсир қилмайди.
Препарат болалар ололмайдиган жойда саклансин ва яроқлилик муддати ўтгандан кейин ишлатилмасин.
Чиқарилиш шакли
Доксцеф 100/200: 10 таблетка ўрамда.
Доксцеф 50/100: 50 мг 75 мл ли флаконда, бир флакон ўлчов қопқоқчаси ва дозаловчи пластик шприц ва қўллаш бўйича йўриқномаси билан картон қутида;
100 мг флаконда, бир флакон ўлчов қопқоқчаси ва дозаловчи пластик шприц ва қўллаш бўйича йўриқномаси билан картон қутида;
Сақлаш шароити
Таблеткалар:
+25ºС дан юқори бўлмаган ҳароратда, қуруқ ва ёруғликдан ҳимояланган жойда.
Қуруқ кукун:
Зич ёпилган контейнерда, 25ºС дан юқори бўлмаган ҳароратда.
Тайёрланган суспензия:
Совутгичда +2+8ºС ҳароратда, кўпи билан 14 кун давомида.
Яроқлилик муддати
Доксцеф 100: 36 ой.
Доксцеф 200: 24 ой.
Доксцеф 50: флакон 75 мл: 24 ой.
Доксцеф 100: флакон 150 мл: 24 ой.
Дорихоналардан бериш тартиби
Рецепт бўйича.