ҚЎЛЛАШ БЎЙИЧА ЙЎРИҚНОМА

СЫВОРОТКА ПРОТИВОДИФТЕРИЙНАЯ ЛОШАДИНАЯ ОЧИЩЕННАЯ КОНЦЕНТРИРОВАННАЯ

Дори препаратининг номи: Сыворотка противодифтерийная лошадиная очищенная концентрированная

Халқаро патентланмаган номи: Дифтерия антитоксини

Дори шакли: мушак ичига ва тери остига юбориш учун эритма.

Препарат тозаланган ва пептик ҳазм қилиш ва тузни фракциялаш усули билан концентрацияланган, антитоксин антитела сақловчи дифтерия анатоксини билан гипериммунланган  отлар қони зардобининг оқсил фракциясидир.

Таркиби. 1 мл зардоб камида 1500 халқаро антитоксик фаоллик бирлигини (ХБ) сақлайди.

Таърифи. Тиниқ ёки бироз товланувчи рангсиз ёки сарғиш тусли чўкмасиз суюқликдир.

Тозаланган, 1:100 нисбатда суюлтирилган от зардоби билан комплектда чиқарилади,

у тиниқ, рангсиз чўкмасиз суюқликдир.

Иммунологик ҳусусиятлари. Препаратнинг таркибидаги антителалар дифтерия  экзотоксинини нейтраллайди.

Фармакотерапевтик гуруҳи. ТИБП­зардоб.

АТХ коди: [J06АА01]

Қўлланилиши. Дифтерия билан касалланган беморларни даволаш учун

Қўллаш мумкин бўлмаган ҳолатлар. Дифтерияга қарши зардобни қўллашда клиник мумкин бўлмаган холатлар мавжуд эмас.

Қўллаш усули ва дозалаш тартиби. Зардобнинг бир марталик дозаси: локал шаклларида 10000-20000 ХБ ни, хиқилдоқ дифтериясида 40000-50000 ХБ ни, субтоксик шаклида – 40000-50000 ХБ ни, I даражадаги токсикликда – 50000-70000 ХБ ни, II даражадаги токсикликда ­ 60000-80000 ХБ ни, геморрагик шаклида 100000-120000 ХБ ни ташкил қилади.

Самараси бўлмаса, зардобни юборишни худди шу дозаларда 12­24 соатдан сўнг такрорлаш мумкин.

Зардоб мушак ичига ва тери остига юборилади. Одатда, препаратнинг бир жойга юборилаётган максимал ҳажми 10 мл дан ошмаслиги керак.

Зардобни биринчи марта юборишдан олдин мажбурий тарзда, от зардобининг оқсилларига сезувчанликни аниқлаш учун 1:100 нисбатда суюлтирилган тозаланган от зардоби (ампула қизил ранг билан белгиланган) билан тери синамаси қўйилади. 1:100 нисбатда суюлтирилган тозаланган от зардоби 0,1 мл ҳажмда билакнинг букиладиган юзасига тери ичига юборилади. Реакцияни ҳисобга олишни 20 минутдан сўнг ўтказилади. Агар юборилган жойда пайдо бўладиган шиш ва (ёки) қизаришнинг диаметри 1 см дан кам бўлса, синама манфий ҳисобланади. Агарда шиш ва (ёки) қизариш 1 см диаметр ва ундан ортиқ бўлса, синама мусбат ҳисобланади.

Манфий тери синамасида дифтерияга қарши зардобни (ампула кўк ёки қора ранг билан белгиланган) 0,1 мл ҳажмда елканинг учдан бир бўлагининг ўрта қисмига тери остига юборилади.

Маҳаллий ёки умумий реакция бўлмаса (45±15) минутдан сўнг (36±1)^оС ҳароратгача қиздирилган дифтерияга қарши зардобнинг буюрилган дозаси соннинг олд-ташқи юзасининг юқори қисмига ёки думбага мушак ичига юборилади. Зардоб олган бемор бир соат давомида шифокорнинг назорати остида бўлиши керак.

Мусбат тери ички синамасида препаратни фақат зарур кўрсатмаларга мувофиқ, шифокорнинг кузатуви остида ва махсус эҳтиёткорлик билан юборилади. Дастлаб 0,5 мл, 2 мл, 5 мл дозаларда суюлтирилган дифтерияга қарши зардоб 20 минутли интервал билан тери остига юборилади (суюлтирилган зардоб бевосита ишлатишдан олдин, дифтерияга қарши зардобнинг 0,1 мл га 9,9 мл натрий хлоридининг 0,9% стерил эритмаси қўшиб тайёрланади). Бу дозаларга реакция бўлмаса, дифтерияга қарши зардобнинг 0,1 мл тери остига юборилади. Реакция бўлмаса 30 минутдан сўнг зардобнинг буюрилган ҳамма қолган миқдори мушак ичига юборилади. Юқорида кўрсатилган дозалардан бирига мусбат реакция бўлган ҳолларда, дифтерияга қарши зардоб юборилмайди ёки адреналин гидрохлоридининг 0,1% эритмаси ёки 0,2% ли норадреналин гидротартратининг эритмаси билан шприцни тайёрлаб олган ҳолда, наркоз остида юборилади.

Барча муолажалар алоҳида стерил шприцлар билан ўтказилади, очилган ампула стерил салфетка билан ёпилади, (20±2)^оС ҳароратда кўпи билан 1 соат сақланади.

1:100 нисбатда суюлтирилган тозаланган от зардобининг очилган ампуласини сақлаб бўлмайди.

Қўллашдаги эҳтиёткорлик чоралари

1. Дифтерияга қарши зардоб юборилганда шокни юз бериши мумкинлигини ҳисобга олиб, препарат юборилганидан кейин 1 соат давомида ҳар бир эмланганлар устидан тиббий кузатувни таъминлаш керак. Эмлаш ўтказиладиган жойлар шокка қарши воситалар билан таъминланган бўлиши керак.

Дифтерияга қарши зардобни олган шахслар, зардоб касаллиги учун характерли бўлган белгилар пайдо бўлган ҳолларда, дарҳол тиббий ёрдам учун мурожаат қилишлари кераклиги тўғрисида огоҳлантирилган бўлишлари керак.

2. Препаратни юборишдан олдин мажбурий тарзда, ёт оқсилларга сезувчанликни аниқлаш учун 1:100 нисбатда суюлтирилган тозаланган от зардоби билан тери синамаси қўйилади.
3. Бутунлиги бузилган, ёрлиғи бўлмаган, физик хусусиятлари ўзгарган (рангининг,тиниқлигининг ўзгариши, парчаланмайдиган қумоқлар борлиги), яроқлилик муддати ўтган, нотўғри сақланган ампуладаги препарат қўллашга яроқли эмас.

Доза ошириб юборилишининг симптомлари, доза ошириб юборилганида ёрдам кўрсатиш чоралари. Аниқланмаган.

Дори препаратини қўллашда бўлиши мумкин бўлган ножўя таъсирлар

Зардобни юборилиши анафилактик шок ва дарҳол юзага келувчи турли аллергик реакцияларни, шунингдек эрта (2-6 суткада) ва кейин (2 ҳафтада) юзага келувчи, давомийлиги бир неча соатдан бир неча ҳафтагача бўлган зардоб касаллиги симптомларининг мажмуасини  (ҳароратни ошиши, терида тошмаларни пайдо бўлиши, артралгия) ривожланишига олиб келиши мумкин.

Бошқа дори воситалари ва (ёки) озиқ­овқат махсулотлари билан ўзаро таъсири.

Аниқланмаган.

Ҳомиладорлик ва эмизиш даврида қўлланиши.

Ушбу тиббий препаратни ҳомиладорлик ва эмизиш даврида қўллаш ҳавфсизлиги клиник тадқиқотлар жараёнида текширилмаган.

Дори препаратини транспорт воситаларини, механизмларни бошқариш қобилиятига таъсири ҳақида маълумотлар. Мавжуд эмас.

Чиқарилиш шакли. Дифтерияга қарши тозаланган концентрланган от зардоби, мушак ичиги ва тери остига юбориш учун эритма ­10000 ХБ дан ампулаларда. 1:100 нисбатда суюлтирилган тозаланган от зардоби, тери ичига юбориш учун эритма­ 1 мл дан ампулаларда.

Комплектда чиқарилади. Комплект 1 ампула дифтерияга қарши тозаланган концентрланган от зардоби (ампула кўк ёки қора ранг билан белгиланган) ва 1 ампула 1:100 нисбатда суюлтирилган тозаланган от зардоби (ампула қизил ранг билан белгиланган) дан ташкил топган.

5 комплектдан  ампула пичоғи ёки ампула скарификатори ва қўллаш бўйича йўриқномаси билан бирга картон қутида.

Ўйиқчаси, синдириш халқаси ёки очиш нуқтаси бўлган ампулаларга ампула пичоғи ёки ампула скарификатори қўйилмайди.

Бериш тартиби. Даволаш-профилактика муассасалари учун

Сақлаш шароити. Препарат СП 3.3.2.1248-03 га мувофиқ, 2 дан 8^оС гача бўлган ҳароратда, болалар олаолмайдиган жойда сақланади. Музлатишга йўл қўйилмайди.

Ташиш шароити. Препарат СП 3.3.2.1248-03 га мувофиқ, 2 дан 8⁰С гача бўлган ҳароратда ташилади. Музлатишга йўл қўйилмайди.

Яроқлилик муддати. 2 йил. Яроқлилик муддати тугаганидан сўнг препарат қўллашга яроқсиз.