ҚЎЛЛАШ БЎЙИЧА ЙЎРИҚНОМА
АВИРОЛ С NPH
AVIROL C NPH
Препаратнинг савдо номи: Авирол С NPH
Таъсир этувчи модда (ХПН): мажмуавий препарат
Дори шакли: капсулалар.
Таркиби:
бир капсула қуйидагиларни сақлайди:
фаол моддалар: парацетамол – 180 мг, римантадин гидрохлориди – 25 мг, аскорбин кислотаси – 150 мг, лоратадин – 1,5 мг, рутин – 10 мг, кальций карбонат – 11,2 мг;
ёрдамчи моддалар: кальций стеарати, картошкали крахмал, лактоза.
Таърифи: цилиндр шаклли, учлари ярим сферик бўлган, №0 қаттиқ желатин капсулалар.
Капсула ичидагиси – оч сариқ рангли бироз яшил ёки оч сариқ тусли кукун. Сақланганида аралашма бироз қумоқ-қумоқ бўлиши мумкин.
Фармакотерапевтик гуруҳи: ЎРК симптомларини бартараф қилиш учун восита.
Код АТХ: N02BE51
Фармакологик хусусиятлари
Вирусларга қарши мажмуавий таркибга эга препарат. Препаратнинг фармакологик фаоллиги унинг компонентларини мажмуавий таъсири билан боғлик.
Препарат вирусларга қарши, интерфероноген, иситмани туширувчи, яллиғланишга қарши, оғриқни қолдирувчи, антигистамин, ангиопротектор таъсир кўрсатади.
Парацетамол иситмани туширувчи, оғриқни қолдирувчи ва яллиғланишга қарши таъсирга эга, шамоллаш касалликларида кузатиладиган оғриқ синдромини, томоқ оғриғини, мушак ва бўғим оғриқларини камайтиради, тананинг юқори ҳароратни пасайтиради. Асосан МНТ ЦОГ-1 ва ЦОГ-2 ни сусайтиради. Периферик тўқималарда простагландинларнинг синтезини блокловчи таъсирини бўлмаганлиги сабабли, сув-туз алмашинувига (Na+ ва сувни тутилиши) ва меъда-ичак шиллиқ қаватига таъсир қилмайди.
Римантадин – вирусларга қарши восита, адамантан ҳосиласи. А гриппи вирусининг турли штаммларига, Herpes simplex ни I ва II тури вирусларига, кана энцефалити (марказий Европа ва Россиянинг баҳорги-кузги Flaviviridae оиласи арбовируслари гуруҳига тегишли) вирусларга нисбатан фаол. Антитоксик ва иммуномодуляция қилувчи таъсир кўрсатади.
Специфик репродукциянинг эрта босқичини (вирус ҳужайрага кирганидан кейин ва РНК ни бошланғич транскрипциясигача) бостиради: альфа ва гамма интерферонларни ишлаб чиқарилишини индукция қилади, лимфоцитларнинг – табиий киллерлари, (NK-ҳужайраларни) Т- ва В-лимфоцитларнинг функционал фаоллигини оширади. Кучсиз асос бўлиб, вирус заррачалари ҳужайрага кирганидан кейин уларни ўраб олувчи мембранага эга бўлган вакуолалар эндосомаларининг рН ни оширади. Бу вакуолаларда ацидификациясини олдини олиниши вирус қобиғини эндосомаларнинг мембраналари билан қўшилишини блоклайди ва шундай қилиб, вирус генетик материалини ҳужайра цитоплазмасига ўтишини олдини олади. Римантадин шунингдек вирус заррачаларининг ҳужайрадан чиқишини сусайтиради, яъни вирус геномининг транскрипциясини узади.
Аскорбин кислотаси – оксидланиш-қайтарилиш жараёнларини, углеводлар алмашинувини, қоннинг ивишини, тўқималар регенерациясини бошқарилишида иштирок этади, қон томирларнинг ўтказувчанлигини камайтиради. Антиагрегант ва яққол антиоксидант хусусиятларга эга. Ҳужайралараро модданинг коллоид ҳолатини ва капиллярларнинг меъёрий ўтказувчанлигини (гиалуронидазани сусайтиради) тутиб туради. Жигарнинг нафас ферментларини фаоллашуви ҳисобига унинг дезинтоксикацион ва оқсил ҳосил қилиш функциясини кучайтиради, протромбин синтезини оширади.
Иммунологик реакцияларни бошқаради (антителалар, комплементнинг С3-компоненти интерферон синтезини фаоллаштиради), фагоцитозга ёрдам беради, организмнинг инфекцияларга қаршилигини оширади. Гистаминнинг ажралиб чиқишини тормозлайди ва деградациясини тезлаштиради, простагландинлар ва бошқа яллиғланиш медиаторларининг синтезини ҳосил бўлишини ва аллергик реакцияларни сусайтиради.
Лоратадин – гистамин Н1-рецепторларининг узоқ таъсирли юқори фаол блокатори. Семиз ҳужайралардан гистамин ва С4 лейкотриеннинг ажралиб чиқишини бостиради. Аллергияга қарши, қичишишга қарши, экссудацияга қарши таъсирга эга. Капиллярларнинг ўтказувчанлигини камайтиради, тўқималарнинг шишиши ривожланишини олдини олади, силлиқ мушакларнинг спазмларини йўқотади.
Кальций карбонати – қон томирларнинг юқори ўтказувчанлиги ва мўртлиги ривожланишини олдини олади, қонинг меъёрий ивишига ёрдам беради, нерв импулсьларининг ўтказилиш жараёнларини амалга оширилишда, скелет ва силлиқ мушакларнинг қисқаришларида ва юрак функциясининг бошқарилишида иштирок этади.
Рутин – ангиопротектор ҳисобланади. Гриппда геморрагик жараёнлар билан боғлик бўлган қон томирларнинг юқори ўтказувчанлиги ва мўртлигини ривожланишини олдини олади, шунингдек капилляр қон айланишини тиклайди. Рутин аскорбин кислотаси билан бирга оксидланиш-қайтарилиш жараёнларида иштирок этади, антиоксидант хусусиятларга эга, оксидланишни олдини олади ва аскорбин кислотасини тўқималарда тўпланишига ёрдам беради. Иккала компонент қон томирлар деворини мустаҳкамлайди (ҳужайралараро модданинг ҳосил бўлишига ёрдам беради ва гиалуронидазанинг фаоллигини пасайтиради), капиллярларнинг ўтказувчанлиги ва мўртлигини камайтиради.
Препарат умуман вирусларга қарши, интерфероноген, иситмани туширувчи, яллиғланишга қарши, оғриқни қолдирувчи, антигистамин, ангиопротектор таъсир кўрсатади.
Қўлланилиши
Катталар ва 12 ёшдан ошган болаларда грипп, ЎРВИ, нафас йўлларининг вирусли шикастланишлари оқибатидаги иситмали ҳолатларни этиотроп ва симптоматик даволашда қўлланади.
Қўллаш усули ва дозалари
Ичга буюрилади, овқатдан кейин, сув билан бирга қабул қилинади.
Катталар ва 12 ёшдан катта бўлган болаларга 2 капсуладан кунига 2-3 марта 3-5 кун давомида, касалликнинг белгилари йўқолгунича буюрилади.
Тавсия қилинган даволаш даври давомида терапевтик самара бўлмаса, пациент препаратни қабул қилишни тўхтатиши ва шифокорга мурожаат қилиши керак.
Ножўя таъсирлари
Марказий нерв тизими томонидан: кам ҳолларда – бош оғриғи, юқори толиқиш, юқори қўзғалувчанлик, бош айланиши, тремор, гиперкинезия.
Овқат хазм қилиш йўллари томонидан: 7 кундан кўпроқ қабул қилинганида меъда ва ўн икки бармоқ ичакнинг шикастланиши, диспепсия, оғизни қуриши, кўнгил айниши, анорексия, метеоризм, диарея кузатилиши мумкин.
Қон яратиш тизими томонидан: 7 кундан кўпроқ қабул қилинганида – агранулоцитоз, лейкопения, тромбоцитопения, нейтропения, анемия.
Аллергик реакциялар: кам ҳолларда – тери тошмаси, қичишиш, эшакеми кузатилиши мумкин.
Қўллаш мумкин бўлмаган ҳолатлар
– ҳомиладорлик;
– лактация даври;
– 12 ёшгача бўлган болалар;
– препаратнинг компонентларига ўта юқори сезувчанликда қўллаш мумкин эмас.
Дориларнинг ўзаро таъсири
Препаратни бошқа дори воситалари билан бирга қўллаш имкониятини шифокор индивидуал равишда белгилайди.
Парацетамол ва аскорбин кислотаси римантадиннинг максимал концентрациясини (С max) мувофиқ 11% ва 10% га пасайтиради.
Циметидин римантадиннинг клиренcини 18% га камайтиради.
Парацетамол урикозурик препаратларнинг самарадорлигини камайтиради. Жигардаги микросомол оксидланиш индукторлари (фенитоин, этанол, барбитуратлар, рифампицин, фенилбутазон, трициклик антидепрессантлар), этанол ва гепатотоксик препаратлар парацетамолнинг гидроксил гурухи кўшилган метаболитларининг ишлаб чиқарилишини оширади, бу хатто дозани бироз ошириб юборилишида ҳам оғир интоксикацияларни ривожланиши мумкинлигини билан белгилайди. Барбитуратларларни узоқ қўллаш фонида парацетамолнинг самарадорлиги пасаяди. Парацетамол, шунингдек НЯҚВ бирга узоқ муддат қўлланганида нефропатияни ва буйрак капилляр некрозини, буйрак етишмовчилигининг терминал босқичигача бўлган ривожланиши хавфини оширади. Дифлунисал парацетамолнинг плазмадаги концентрациясини 50% га оширади, бу гепатотоксикликнинг ривожланишини хавфи билан кечади. Микросомол оксидланиш ингибиторлари билан бир вақтда қўлланганида (шу жумладан циметидин билан) парацетамолнинг гепатотоксик таъсирини хавфи пасаяди.
Аскорбин кислотаси қонда бензилпенициллин ва тетрациклинларнинг концентрациясини оширади; суткада 1 г дозада этинилэстрадиолнинг (шу жумладан перорал контрацептивларнинг таркибига кирувчи) биокиришаолишлигини оширади. Гепарин ва билвосита антикоагулянтларнинг самарасини камайтиради. Салицилатлар ва қисқа таъсирга эга сульфаниламидлар билан даволанганда кристаллурия ривожланиши хавфини оширади, буйраклар орқали кислоталарнинг чиқарилишини секинлаштиради, ишқорий реакцияга эга дори воситаларининг чиқарилишини (шу жумладан алколоидларни) оширади. Этанолнинг умумий клиренсини оширади, у ўз навбатида аскорбин кислотасининг организмдаги концентрациясини камайтиради. Бир вақтда қўлланганида изопреналиннинг хронотроп таъсирини камайтиради. Барбитуратлар ва примидон аскорбин кислотасининг сийдик билан чиқарилишини оширади. Фенотиазин ҳосилалари- нейролептикларнинг терапевтик таъсирини, амфетаминнинг ва трициклик антидепрессантларнинг найчаларда қайта сўрилишини камайтиради. СYP ЗA4 (шу жумладан кетоконаназол), СYP 2D6 ингибиторлари (шу жумладан циметидин) лоратадиннинг қондаги концентрациясини оширади. Микросомал оксидланиш индукторлари (фенитоин, этанол, барбатуратлар, рифампицин, фенилбутазон, трициклик антидепрессантлар) лоратадиннинг самарадорлигини камайтиради.
Махсус кўрсатмалар
Қўллашнинг давомийлиги 5 кундан кўп бўлмаслиги керак. Узоқ муддат қўлланганида (7 кундан кўп) сурункали йўлдош касалликларини зўрайиши мумкин, артериал гипертензияси бўлган кекса пациентларда геморрагик инсультни ривожланиш хавфи ошади (римантадиннинг таъсири ҳисобига). Қабул қилинганида алкоголли гепатози бўлган беморларда жигарнинг шикастланишини ривожланиш хавфи ошади. Даволаш фонида глюкоза ва сийдик кислотасини плазмадаги миқдорини аниқлашда (парацетамол) лаборатория текшириш натижаларини ўзгариши юз беради.
Аскорбин кислотасини кортикостероид гормонларнинг синтезига рағбатлантирувчи таъсири туфайли буйрак усти безлари функциясини ва артериал босимни (АБ) назорат қилиш керак.
Аскорбин кислотаси тикловчи сифатида турли лаборатория тестларининг (қондаги, глюкоза, билирубин миқдорини, жигар трансаминазалари ва ЛДГ фаоллигини) натижаларини ўзгартириши мумкин.
Метастазланувчи ўсмалар бўлганида қўлланмайди. Даволаниш вақтида пациент алкоголни истеъмол қилишдан сақланиш лозим (меъда-ичак йўлларидан қон кетиши хавфини ошиши).
Даволаниш вақтида пациент автотранспортни ҳайдаш ва диққатни юқори жамлашни ва тезкор психомотор реакцияларни талаб қилувчи потенциал хавфли фаолият турлари билан шуғулланишида (препарат римантадин сақлайди) эҳтиёткорликка риоя қилиш керак.
Препаратни болалар ололмайдиган жойда сақлансин ва ўрамда курсатилган яроқлилик муддати ўтгач ишлатилмасин лозим.
Дозани ошириб юборилиши
Симптомлари: биринчи 24 соатда оқариш, кўнгил айниши, қусиш ва эпигастрал соҳада оғриқ, тремор, уйқучанлик, тахикардия, қонда билирубинни ошиши, модда алмашинувини бузилиши, йўлдош сурункали касалликларнинг зўрайиши кузатилиши мумкин.
Даволаш: қусиш рефлексини чақириш, меъдани ювиш, адсорбентларни қабул қилиш, симптоматик даволаш. Дарҳол шифокорга мурожаат қилиш керак.
Чиқарилиш шакли
10 капсуладан контур уяли ўрамда. 1, 2, 3 контур уяли ўрамдан қўллаш бўйича йуриқномаси билан қутида.
Сақлаш шароити
Қуруқ, ёруғликдан ҳимояланган жойда, 15ºС дан 25ºС гача бўлган хараротда сақлансин.
Яроқлилик муддати
2 йил.
Дорихоналардан бериш тартиби
Рецептсиз.
Ишлаб чиқарувчи:
Дори воситаларини сифати бўйича эътирозлар (таклифлар) ни қабул қилувчи ташкилот номи ва манзили
«NIKA PHARM» ШХЖ,
Ўзбекистон Республикаси, Тошкент ш., Сайрам 7-тор кўчаси, 48-А уй.
Тел: +(99871)1508704; Факс: +(99871) 150 84 48. www.nikapharm.uz