ҚЎЛЛАШ БЎЙИЧА ЙЎРИҚНОМА

ДИМАКС

DIMAX

Препаратнинг савдо номи: Димакс

Таъсир этувчи моддалар (ХПН): диклофенак, парацетамол

Дори шакли: таблетка

Таърифи:

1 таблетка қуйидагиларни сақлайди:

фаол моддалар: парацетамол BP – 500 мг, диклофенак натрий BP – 50 мг;

ёрдамчи моддалар: маккажўхори крахмали, микрокристалл целлюлоза, кросповидон, повидон  PVPK-30, тозаланган сув, коллоид кремний диоксиди, магний стеарати.

Таърифи: капсула шаклидаги, икки томонлама қавариқ, бир томонида бўлиш учун ўйиқча ва бошқа томони силлиқ, оқдан хира-оқ ранггача бўлган қобиқ билан қопланмаган таблеткалар.

Фармакотерапевтик гуруҳи: ностероид яллиғланишга қарши ва оғриқ қолдирувчи восита.

АТХ коди: М01ВХ

Фармакологик хусусиятлари

Димакс таблеткалари парацетамол ва диклофенак натрий сақлайди. Парацетамол (ацетаминофен, N-ацетил-р-аминофенол) оғриқни қолдирувчи ва иситмани туширувчи хусусиятларга эга фенацетиннинг фаол метаболити ҳисобланади. Диклофенак натрий фенилалкан кислотаси ва аминобензоат кислотаси ҳосилалари бирикмаларига структур жиҳатдаш ўхшаш бўлган фенилсирка кислотасининг ҳосиласидир. У оғриқни қолдирувчи ва яллиғланишга қарши таъсирларга эга.

Фармакодинамикаси

Парацетамол аспиринга ўхшаш оғриқни қолдирувчи ва иситмани туширувчи самараларга эга. Шунга қарамасдан, у фақат кучсиз яллиғланишга қарши самарага эга. Таъсир механизми простагландинлар синтезини ингибиция қилишга боғлиқ. Простагландинлар синтезини ингибиция қилиниши, иситмани туширувчи самарадорлигини тушунтириб, бош мияда нопропорционал яққолликда бўлиши мумкин деган тахмин билдирилган. У енгилдан ўртача оғриқ ва иситмани енгиллаштиришни таъминлайди.

Диклофенак натрик ностероид бирикма бўлиб, яққол ревматизмга қарши, яллиғланишга қарши ва оғриқ қолдирувчи хусусиятларга эга. Бошқа НЯҚВ лар билан бўлгани каби унинг простагландинлар синтезини ингибиция қилиш хусусияти яллиғланишга қарши самарага жалб этилиши мумкин. Ревматик касалликларда диклофенакнинг яллиғланишга қарши ва оғриқни қолдирувчи хусусиятлари тинч ҳолатдаги оғриқ, ҳаракатдаги оғриқ, эрталабки танглик ва бўғимларни шиши каби белгилар ва симптомларни енгиллашиши, шунингдек функцияни яхшиланиши билан характерланувчи клиник жавоб чақиради.

Фармакокинетикаси

Парацетамол меъда-ичак йўлларидан тўлиқ ва тез сўрилади. У асосан организм суюқликларида бир текис тақсимланади. У глюкороконъюгация ёки сульфатация йўли билан жигарда кенг метаболизмга учрайди. Парацетамол жигарда сийдик билан ажраладиган токсик бўлмаган бирикма ҳосил бўлиши билан глутатион билан тез бирикади. Плазмадаги ярим парчаланиш даври 2 соатдан 3 соатгачани ташкил қилади.

Диклофенак ичга қабул қилингандан кейин тўлиқ сўрилади. Парҳезга риоя қилаётганларда қон плазмасидаги ўртача чўққи концентрациясига таблетка қабул қилгандан кейин 2 соат ўтгач эришилади. Перорал юборилгандан кейин фаол модданинг тахминан ярми жигар орқали биринчи марта ўтиши давомида метаболизмга учрайди. Диклофенак плазма оқсиллари билан 99,7% боғланади. Қон плазмасидаги ярим парчаланишнинг терминал даври 1 соатдан 2 соатгачани ташкил қилади. Диклофенак синовиал суюқликка ўтади, у ердаги максимал концентрациясига перорал юборилгандан кейин 2 соатдан 4 соатгача вақтдан сўнг эришилади. Синовиал суюқликдан чиқарилиш учун ярим парчаланишнинг тахминий даври 3 соатдан 6 соатгачани ташкил қилади. Бу клиник самаранинг давомийлиги плазмадан ярим чиқарилишнинг қисқа даври ҳисобига чиқарилишидан узоқроқ бўлишини тушунтириши мумкин. Диклофенакнинг биотрансформацияси кейинчалик глюкуронизация билан гидроксилизацияни ўз ичига олади. Юборилган дозанинг тахминан 60% метаболитлари кўринишида сийдик билан чиқарилади. 1% дан камроғи ўзгармаган модда кўринишида чиқарилади. Дозанинг қолган қисми метаболитлари кўринишида сафро орқали ахлат билан чиқарилади.

Қўлланилиши

Димакс таблеткалари қуйидаги ҳолатларда қўлланади:

• ўткир суяк-мушак оғриқлари ва оғир оғриқли ҳолатлар
• таянч-ҳаракат аппарати ва бўғимлар билан боғлиқ оғриқ ва яллиғланиш
• иситма билан боғлиқ ўртачадан кучлигача оғриқ.

Қўллаш усули ва дозалари

Катталар ва 12 ёшдан ошган болалар: бир таблеткадан кунига 2 мартадан 3 мартагача овқатдан кейин ёки шифокор кўрсатмаси бўйича қабул қилинади.

Ножўя таъсирлари

Меъда-ичак йўллари томонидан бузилишлар, нефротик синдром, эпигастрал соҳада оғриқ, кўнгил айниши, қусиш, диарея, гепатит, тошма, қичишиш, ҳансираш, бронхоспазм, давомли қон кетиш.

Потенциал ўлимга олиб келувчи: меъда-ичак йўлларидан қон кетиши ёки перфорация, кам ҳолларда қон дискразияси ёки анафилаксия, ўткир буйрак етишмовчилиги.

Қўллаш мумкин бўлмаган ҳолатлар

Димакс препаратини анамнези аспирин ва бошқа НЯҚВ бўлган пациентлар, меъда ёки ўн икки бармоқ ичакнинг ўткир порфирияси, меъда-ичакдан қон кетиши ёки перфорация, ҳомиладорликнинг охирги уч ойлиги, оғир жигар, буйрак ёки юрак етишмовчилиги, дилофенак, аспирин ёки бошқа НЯҚВ астма, эшакеми ёки аллергик типдаги бошқа реакциялар чақирган пациентларда қўллаш мумкин эмас.

12 ёшгача бщлган болаларда ыщллаш мумкин эмас.

Дориларнинг ўзаро таъсири

Диклофенак калий тежовчи диуретикларнинг таъсирини кучайтириши мумкин. Бу шунингдек қон плазмасида салицилатларнинг концентрациясини камайиши ва литий, дигоксин ва метотрексатнинг даражасини ошишига олиб келиши мумкин.

Махсус кўрсатмалар

Буйрак ёки жигар етишмовчилиги, артериал гипертензия, юрак етишмовчилиги, бронхоспазми бўлган беморларда, диуретиклар қабул қилаётган пациентларда ва кекса одамларда Димакс таблеткаларини эҳтиёткорлик билан қўллаш керак. Кекса пациентлар НЯҚП-ассоциацияланган жиддий юрак-қон томир, меъда-ичак йўллари ва/ёки буйрак томонидан ножўя реакциялар ривожланишига хавфига кўпроқ дучордирлар. Нохуш самараларни олдини олиш учун пациентларни назорат қилиш керак. Диклофенак маълумки, буйрак экскрементларида аҳамиятли даражада мавжуд бўлади ва шу туфайли бу препаратга ножўя реакция хавфи буйрак функциясини етишмовчилиги бўлган пациентларда юқори бўлади. Кекса пациентлар буйрак функциясини етишмовчилигига кўпроқ мойилдирлар. Шунинг учун уларда буйрак функциясини мониторинги фойдали бўлиши мумкин.

Препарат болалар ололмайдиган жойда сақлансин ва яроқлилик муддати ўтгач қўлланилмасин.

Чиқарилиш шакли

10 таблеткадан алюмин фольга ва ПВХ блистерларда.

Ҳар бири 10 таблеткадан 10 блистердан қўллаш бўйича йўриқномаси билан картон қутида.

Сақлаш шароити

Қуруқ жойда, 25°С дан юқори бўлмаган ҳароратда сақлансин.

Яроқлилик муддати

4 йил.

Дорихоналардан бериш тартиби

Рецепт бўйича.