ҚЎЛЛАШ БЎЙИЧА ЙЎРИҚНОМА

ГЛИЯТОН

GLIYATON

Препаратнинг савдо номи: Глиятон

Таъсир этувчи модда (ХПН): холин альфосцерати

Дори шакли: инъекция учун эритма

Таркиби:

1 мл эритма қуйидагиларни сақлайди:

фаол модда: 100% моддага қайта ҳисобланганда 250 мг холин альфосцерати;

ёрдамчи модда: инъекция учун сув.

Таърифи: тиниқ рангсиз суюқлик.

Фармакотерапевтик гуруҳи: Нерв тизимига таъсир этувчи воситалар. Парасимпатомиметиклар. Холин альфосцерати.

АТХ коди: N07AX02.

Фармакологик хусусиятлари

Фармакодинамикаси

Холин альфосцерати асосан марказий нерв тизими (МНТ) таъсир қилувчи марказий холиномиметиклар гуруҳига мансуб воситадир. Холин альфосцерати холинни ташувчи ва фосфодитилхолиннинг ўтмишдош моддаси сифатида психоорганик инволюцион синдромининг патоген омиллари ичида алоҳида аҳамиятга эга бўлган, биокимёвий шикастланишларни бартараф этиш ва тузатиш потенциал қобилиятига эга, яъни пасайган холинергик тонусни ва нерв ҳужайралари қобиқларининг ўзгарган фосфолипид таркибига таъсир қилиши мумкин. Препаратнинг таркибига 40,5% метаболик ҳимояланган холин киради. Метаболик ҳимоя холинни бош миядан ажралиб чиқишини таъминлайди. Холин альфосцерати хотира функцияси ва миянинг билиш, англаш хусусиятларига, шунингдек миянинг инволюцио патологиясини ривожланиши оқибатидаги ёмонлашган эмоционал ҳолат ва ҳулқ-атвор кўрсаткичларига ижобий таъсир кўрсатади.

Таъсир механизми холин альфосцератини организмга тушганида, ферментлар иштирокида холинга ва глицерофосфатга парчаланишига асосланган: холин – нерв қўзғалишининг асосий медиаторларидан бири бўлган ацетилхолинни биосинтезида иштирок этади; глицерофосфат нейрон мембранасидаги фосфолипидлар (фосфодитилхолиннинг) ўтмишдоши ҳисобланади. Шундай қилиб, холин альфосцерати холинергик нейронларда нерв импульсларини ўтказилишини яхшилайди; нейронал мембраналарни пластиклигига ва рецепторларнинг фаолиятига ижобий таъсир қилади. Холин альфосцерати церебрал қон оқимини яхшилайди, бош мияда метаболик жараёнларни тезлаштиради, бош мия ретикуляр формациясини структурасини фаоллаштиради ва бош мия жароҳатланганида онгни тиклайди.

Фармакокинетикаси

Холин альфосцерати юборилганда, юборилган дозанинг ўртача 88% сўрилади. Препарат асосан мияда (препаратнинг қондаги концентрациясининг 45%), ўпкада ва жигарда тўпланади. Препаратни элиминацияси асосан ўпкалар орқали, углерод икки оксиди (СО₂) кўринишида рўй беради. Препаратнинг фақат 15% сийдик ва сафро билан чиқарилади.

Қўлланилиши

Асосан ўзак даражасидаги шикастланиши билан кечувчи бош миянинг оғир жароҳатини ўткир даври (онгни бузилиши, кома ҳолати, ўчоқли яримшар симптоматикаси, мия ўзагини шикастланиш симптомлари).

Дегенератив-инволюцион мияни психоорганик синдромлари ёки иккиламчи цереброваскуляр етишмовчилиги оқибатлари, яъни кекса ёшдаги одамларда хотирани бузилиши, онгни чалкашиши, дезориентация, мотивацияни ва ташаббус кўрсатишни пасайиши, диққатни жамлаш қобилиятини пасайиши билан характерланувчи ақлий фаолиятни бирламчи ва иккиламчи бузилишлари, эмоционал ва ҳулқий соҳада ўзгаришлар: эмоционал беқарорлик, жиззакилик, атроф-муҳитга лоқайдлик; кекса ёшдаги одамларда сохтамеланхолияда қўлланилади.

Қўллаш усули ва дозалари

Глиятонни ўткир ҳолатларда мушак ичига ёки вена ичига 15-20 кун давомида суткада 1 г (1 ампула) дан секин юборилади. Беморнинг ҳолати барқарорлашганидан кейин холин альфоцератини перорал шаклларини қўллаш мумкин.

Ножўя таъсирлари

Препарат одатда, ҳатто узоқ қўлланганда ҳам яхши ўзлаштирилади.

Кўнгил айниши (улар асосан иккиламчи допаминергик фаолликни натижаси ҳисобланади), жуда кам ҳолларда абдоминал оғриқ ва қисқа муддатли онгни чалкашиши бўлиши мумкин. Бундай ҳолларда препаратнинг дозасини камайтириш кеарк.

Қўллаш мумкин бўлмаган ҳолатлар

Препаратга маълум бўлган ўта юқори ссзувчанлик.

Дориларнинг ўзаро таъсири

Препаратни бошқа дори воситалари билан клиник аҳамиятли ўзаро таъсирлари аниқланмаган.

Махсус кўрсатмалар

Ҳомиладорлик ёки эмизиш даврида қўлланиши

Препаратни ҳомиладорлик ёки эмизиш даврида қўллаш мумкин эмас.

Болалар. Глиятоннни  болаларда қўллаш тажрибаси йўқ.

Автотранспортни бошқаришда ёки бошқа механизмлар билан ишлашда реакция тезлигига таъсир этиш хусусияти. Препарат автотранспортни бошқаришга ва бошқа механизмлар билан ишлашга таъсир қилмайди.

Препарат болалар ололмайдиган жойда сақлансин ва яроқлилик муддати ўтганидан сўнг қўлланмасин.

Дозани ошириб юборилиши

Кўнгил айниши билан намоён бўлиши мумкин бўлган, Глиятоннинг дозасини ошириб юборилганида препаратнинг дозасини  камайтириш лозим. Даволаш симптоматик.

Чиқарилиш шакли

4 мл дан ампулада. 5 ампуладан блистерда. 1 ёки 2 блистердан қутида.

Сақлаш шароити

Ёруғликдан ҳимояланаган жойда, 25^оС дан юқори бўлмаган ҳароратда сақлансин.

Яроқлилик муддати

2 йил.

Дорихоналардан бериш тартиби

Рецепт бўйича.