ҚЎЛЛАШ БЎЙИЧА ЙЎРИҚНОМА
АМПИОКС-НАТРИЙ
AMPIOX-NATRIUM
Препаратнинг савдо номи: Ампиокс-натрий
Таъсир этувчи моддалар (ХПН): ампициллин+оксациллин (2:1 нисбатда).
Дори шакли: инъекцион эритма тайёрлаш учун кукун.
Таркиби:
1 флакон қуйидагиларни сақлайди:
ампициллиннинг натрийли тузи, ампициллинга эквивалент – 0,3335 г;
оксациллиннинг натрийли тузи, оксациллинга эквивалент – 0,1665 г.
Таърифи: сарғиш тусли, оқ рангли кукун ёки ғоваксимон ҳидсиз масса, гигроскопик.
Фармакотерапевтик гуруҳи: Антибиотик (пенициллинлар гуруҳи).
АТХ коди: J01CR50
Фармакологик хусусиятлари
Препарат ампициллин ва оксациллин спектрларини бирлаштирувчи кенг антибактериал таъсир доирасига эга. Граммусбат (Staphylococcus spp., Streptococcus spp., С. diphtheriae, Clostridium) ва грамманфий (Е.coli, Рг. mirabilis, Н.influenzae, К.pneumoniae, N.meningitidis ва бошқалар) микроорганизмларга нисбатан фаол.
Препаратда оксациллиннинг натрийли тузини борлиги туфайли, у пенициллиназани ҳосил қилувчи стафилококкларга нисбатан фаол.
Ps.aeruginosa, Pr.vulgaris, Pr.rettgeri, Pr.morgonii нинг кўпчилик штаммлари препаратнинг таъсирига чидамли.
Препаратнинг қондаги максимал концентрацияси (Сmax) мушак ичига (м/и) юборилгандан кейин 30 минут – 1 соатдан сўнг аниқланади. Вена ичига (в/и) юборилганида қонда препаратни м/и юбориш усулида кузатиладиган концентрациясидан юқорироқ концентрацияси тез ҳосил бўлади. Препарат организмдан буйраклар орқали, қисман ўт-сафро билан чиқарилади.
Такрорий юборишларда у беморнинг организмида тўпланмайди, бу уни узоқ муддат қўллаш имкониятини беради.
Қўлланилиши
Препарат нафас йўллари ва ўпка инфекцияларида (бронхит, пневмония ва бошқаларда), ангина, холангит, холецистит, пиелит, пиелонефрит, цистит, инфекцияланган жароҳатлар, тери инфекциялари, сепсис, эндокардит, туғруқдан кейинги инфекцияларда буюрилади. Аниқланмаган антибиотикограммада ва кўзғатувчи ажратиб чиқарилмаганда, куйиш касаллигида, буйрак инфекцияларида буюрилади.
Жарроҳлик операцияларда операциядан кейинги йирингли асоратларни олдини олиш ва янги туғилган чақалоқларда инфекцияларни олдини олиш ва даволаш учун қўлланилади. Препарат гонококкларнинг бензилпенициллинга чидамли штаммлари чақирган ҳолларда гонореяни даволашда қўлланади.
Қўллаш усули ва дозалари
Препарат м/и ёки в/и (оқим билан ёки томчилаб) юборилади.
Парентерал юборилганда препаратнинг катталар учун бир марталик дозаси 0,5-1 г ни, суткалик дозаси 2-4 г ни ташкил қилади. Янги туғилган чақалоқларга, чала туғилган ва 1 ёшгача бўлган болаларга препарат 100-200 мг/кг суткалик дозада буюрилади. 1 ёшдан 7 ёшгача бўлган болаларга – 100 мг/кг, 7 ёшдан 14 ёшгача – 50 мг/кг, 14 ёшдан катталарга-катталар учун дозаси буюрилади. Суткалик дозани 3-4 қабулда 6-8 соат интервал билан юборилади. Даволаниш муддати 5-7 кундан 3 ҳафтагача. Инфекцияни оғир кечишида доза 1,5–2 марта оширилиши мумкин.
М/и юбориш учун эритмалар, флакон ичидаги 0,5 г препаратга 2 мл инъекция учун сув қўшиб ex tempore тайёрланади.
В/и оқим билан юбориш учун препарат (бир марталик дозаси) инъекция учун сув ёки натрий хлоридининг изотоник эритмасини 10-15 мл да эритилади ва 2-3 минут давомида аста-секин юборилади.
В/и томчилаб юбориш учун препарат (катталар учун бир марталик дозаси) натрий хлоридининг изотоник эритмасида ёки 5-10% ли 100-200 мл глюкоза эритмасида эритилади ва минутига 60-80 томчи тезликда юборилади, болаларга томчилаб юборилганда, эритувчи сифатида 5-10% ли глюкоза эритмаси ишлатилади (ёшига қараб 30-100 мл). Препарат в/и 5-7 кун давомида, кейинчалик м/и (зарурат бўлганида) юборишга ўтилади.
Эритмалар тайёрланганидан сўнг дарҳол ишлатилади, уларга бошқа дориларни қўшиш мумкин эмас.
Ножўя таъсирлари
Тери тошмалари, эшакеми, Квинке шиши ва бошқалар кўринишида намоён бўлувчи аллергик реакциялар бўлиши мумкин, кам ҳолларда анафилактик шок ривожланиши мумкин.
Аллергик реакциялар пайдо бўлганда препаратни юборишни тўхтатиш ва десенсибилизацияловчи даволашни ўтказиш керак.
Анафилактик шокнинг белгилари пайдо бўлганида беморни бу ҳолатдан чиқариш учун шошилинч чораларни кўриш керак: адреналинни, юрак-томир (корглюкон, строфантин, эуфиллин ва бошқалар), гормонал (гидрокортизон ёки преднизолон) препаратларини ва десенсибилизацияловчи воситаларни (пипольфен, супрастин) юбориш керак, зарурати бўлганида ўпканинг сунъий вентиляцияси ўтказилади.
В/и юборишда флебит ёки перифлебит ривожланиши, м/и юборилганда инъекция жойида оғриқ бўлиши мумкин.
Қўллаш мумкин бўлмаган ҳолатлар
Анамнезида пенициллин гуруҳи препаратларига юқори сезувчанлик реакциялари бўлган беморлар тўғрисида маълумотлар мавжуд бўлганда қўллаш мумкин эмас.
Дориларнинг ўзаро таъсири
Пробенецид ампиокс билан бир вақтда қўлланганда, охиргининг найчалар секрециясини пасайтиради, бунинг натижасида қон плазмасида препаратнинг концентрацияси ошади ва токсик таъсирини ривожланиш хавфи кучаяди. Ампиоксни перорал эстроген сақловчи препаратлар билан бир вақтда қўлланганда, эҳтимол эстрогенларни жигарда циркуляциясини сусайиши ҳисобига уларнинг самарадорлигини пасайиши аниқланади.
Препарат перорал антикоагулянтларнинг таъсирини кучайтиради.
Махсус кўрсатмалар
Препарат билан даволаш жараёнида буйрак, жигар функциясини ва периферик қон манзарасини мунтазам назорат қилиш керак. Буйрак функциясини бузилиши бўлган пациентларда дозалаш тартибини креатинин клиренси билан мувофиқ равишда тузатиш талаб қилинади.
Препарат ҳомиладорликда фақат ҳаётий кўрсатмалар бўйича қўлланади. Препарат кўкрак сути билан паст концентрацияларда чиқарилади. Лактация даврида препаратни қўллаш зарурати бўлганида, эмизишни тўхтатиш ҳақидаги масалани ҳал қилиш керак.
Буйрак етишмовчилиги бўлган беморларда катта дозаларда қўлланганда, марказий нерв тизимига (МНТ) заҳарли таъсири намоён бўлиши мумкин.
Бронхиал астма, пичанли иситма ва бошқа аллергик касалликларда препарат десенсибилизиция қилувчи воситалари билан бир вақтда буюрилганда эҳтиёткорлик билан қўллаш керак.
Препарат болалар ололмайдиган жойда сақлансин ва яроқлилик муддати ўтгач ишлатилмасин.
Сақлаш шароити
Қуруқ , ёруғликдан ҳимояланган жойда, 250С дан юқори бўлмаган ҳароратда сақлансин.
Яроқлилик муддати
2 йил.
Дорихоналардан бериш тартиби
Рецепт бўйича.