ҚЎЛЛАШ БЎЙИЧА ЙЎРИҚНОМА

КЛАЗИН^®

KLAZIN^®

Препаратнинг савдо номи: Клазин^®

Таъсир этувчи модда (ХПН): поликрезулен (рolicresulen)

Дори шакли: вагинал суппозиторийлар

Таркиби:

Бир суппозиторий қуйидагиларни сақлайди:

фаол модда: поликрелузен ёки полиметилен-мета-крезолсульфон кислотаси – 90 мг;

ёрдамчи моддалар: полиэтиленгликоль 1500, полиэтиленгликоль 4000, тозаланган сув.

Таърифи: оқдан оч-қизил-жигарранг ранглигача, торпедасимон шаклли суппозиторийлар.

Фармакотерапевтик гуруҳи: асосан акушерлик ва гинекологияда қўлланадиган восита.

АТХ коди: G01AX03

Фармакологик хусусиятлари

Препарат антибактериал, трихомонацид, замбуруғларга қарши ва қон тўхтатувчи самарага эга, тўқималарнинг эпителизациясини тезлаштиради.

Фармакодинамикаси

Клазин суппозиторийлари қинда кислотали муҳит ҳосил қилади, некрозга учраган тўқималарни, шикастланган ва патологик ҳужайраларнинг қуюқлашиб кейинги кўчишига ёрдам беради. Соғлом бўлмаган ҳужайралар кўчганида, шиллиқ парданинг соғлом эпителшиал қавати шикастланмайди, бу эпителизацияни кучайтиради. Шунингдек, рН омил буруштирувчи ва қон томирларни торайтирувчи таъсир кўрсатади, бу қон тўхтатувчи самарага олиб келади.

Клазин суппозиторийлари қуйидагиларга фаол таъсир кўрсатади: граммусбат ва грамманфий бактериялар, замбуруғлар, анаэроб бактериялар, трихомонадалар ва монилиазалар (кандидоз) ва баъзи вируслар. Препарат қиннинг бактериал флорасини нормаллаштиради. Препарат сут кислотали бактерияларига таъсир кўрсатмайди.

Қўлланилиши

Қуйидагиларни маҳаллий даволаш учун:

• бачадон бўйни ва қин эрозиялари;
• қин ва бачадон бўйнининг яллиғланиш касалликлари;
• турли қин инфекцияларидаги цервицит (қин ажралмаларини кучайиши);
• генитал қичишишлар;
• пессарийлар ишлатилиши натижасида жинсий аъзоларда пайдо бўлган яралар;
• қин микрофлорасини нормаллаштиришда қўлланади.

Клазин ни қўлланилиши чандиқлар пайдо бўлишини чақирмайди.

Даволаш ўсма ва бошқа махсус жараёнлар истисно қилинганидан сўнг шифокор назорати остида ўтказилади.

Препаратни кекса ёшдаги одамларда клиник синовлари ўтказилгани ҳақида маълумотлар мавжуд эмас.

Қўллаш усули ва дозалари

Клазин вагинал суппозиторийлари икки кунда бир марта қўлланади. Каутеризация қилинганидан сўнг суппозиторийлар икки кунда бир марталик интервал билан қўлланади. Суппозиторийларни бевосита уйқудан олдин ётган ҳолатда қўллаган маъқул. Ички кийимларни асраш учун гигиеник тагликларни ишлатинг. Қўллашдан олдин суппозиторийлар сув билан намланган бўлиши мумкин.

Гигиена қоидаларига риоя қилиш ва қўллашда Сизга қулайлик бўлиши учун ўрамча етарли миқдорда бармоқ қопчалари жойлаштирилган.

Ножўя таъсирлари

Препарат кам ҳолларда бекор қилинганидан сўнг йўқолувчан аллергик реакциялар (таъсирланиш, ачишиш ва оғриқ) чақиради.

Қўллаш мумкин бўлмаган ҳолатлар

Ҳомиладорлик даврида бачадон бўйни эрозиясини даволаш учун буюрилмайди, зарурати бўлганида қин атрофи соҳаларини даволашга буюриш мумкин.

Лактация даврида препаратни қўллаш мумкин эмас.

Болаларда қўлланмасин.

Дориларнинг ўзаро таъсири

Икки ва ундан ортиқ препаратлар қўлланганида препаратларнинг мутаносиблиги бўйича шифокор билан маслаҳатлашиш керак. Ишқорий реакциялари мавжуд препаратлар билан бир вақтда қабул қилинмасин, чунки шиллиқ қават пўстлоғида экзотермик реакциялар ва кучаювчи кимёвий куйиш кузатилади.

Махсус кўрсатмалар

• сиртга қўллаш учун препарат, ичга қўлланмасин;
• препарат кучли жароҳатни битирувчи самарага эга ва шунинг учун даволашда некрозга учраган тўқималарни кўп кўчиши организмнинг нормал ҳолати ҳисобланади;
• препарат маҳаллий қўлланганда токсиклик, тератогенлик ва мутагенлик таъсирини чақирмайди. Ҳозирги вақтгача препаратга резистентлик кузатилмаган;
• препаратни кўзларга тушишидан сақланиш керак;
• даволаш даврида жинсий алоқалардан сақланиш керак;
• гигиенани сақлаш мақсадида таъсирланишни чақирувчи совун ишлатилмасин;
• ҳайз кўриш даврида препарат бекор қилинади.

Автотранспорт ва потенциал хавфли механизмларни боқариш қобилиятига дори воситасини таъсир қилиш хусусияти

Аниқланмаган.

Препарат болалар ололмайдиган жойда сақлансин ва яроқлилик муддати ўтгач ишлатилмасин.

Дозани ошириб юборилиши

Аниқланмаган

Чиқарилиш шакли

6 суппозиторийдан поливинилхлорид (ПВХ) уяли ўрамда.

Бир марта қўллаш учун 6 тиббий полиэтилен бармоқ қопчалар, картон қути ичида рус ва ўзбек тиллирдаги қўллаш бўйича йўриқнома жойлаштирилган.

Сақлаш шароити

Ёруғликдан ҳимояланган жойда, 25^оС дан юқори бўлмаган ҳароратда сақлансин.

Яроқлилик муддати

3 йил.

Дорихоналардан бериш тартиби

Рецепт бўйича.