ҚЎЛЛАШ БЎЙИЧА ЙЎРИҚНОМА
МЕГОСИН
MEGOSINE
Препаратнинг савдо номи: Мегосин
Таъсир этувчи модда (ХПН): мегосин (2,2’–{[(7,7′,8,8’–тетрагидро–1,1′,6,6’–тетрагидрокси–5,5’–диизопропил–3,3’–диметил–7,7′-диоксо)–2,2’–бинафтил]–8,8’–метилен-имино}-этансульфокислотасининг динатрийли тузи).
Дори шакли: ректал суппозиторийлар.
Таркиби:
1 ректал суппозиторий қуйидагиларни сақлайди:
фаол модда: мегасин – 0.01 г.
ёрдамчи моддалар: суппозиторий учун ёғли асос [Суппорин М (ВФМ 42-173-98) ёки ПМ-10 (ВФМ 42 Уз-0220-2003)].
Таърифи: яшил тусли оч сариқ рангдан яшил тусли тўқ сариқ ранггача бўлган конуссимон шаклли ва ўзига ҳос ҳидга эга суппозиторийлар.
Фармакотерапевтик гурухи: Вирусларга қарши восита. Интерферон индуктори.
АТХ коди: J05AХ
Фармакологик хусусиятлари
Мегосин оддий герпес вирусини кўпайиши ва ривожланишини тўхтатишда юқори самарадорлик намоён этади. Мегосиннинг вирусларга қарши фаоллиги унинг бевосита вирулицид таъсири билан ҳам организмнинг турли аъзо ва тўқималари томонидан эндоген интерферонни ҳосил бўлинишини индукциялаш қобилияти билан ҳам белгиланади.
Мегосиннинг асосий таъсир механизми унинг организмда α- ва γ-интерфероннинг юқори титрларини ҳосил қилиши билан белгиланади. Маҳаллий ва тизимли иммунитетини рағбатлантирувчи таъсир кўрсатади.
Мегосин ректал равишда қўлланганда шиллиқ қават орқали сўрилиб, атрофдаги тўқималар, лимфа тизимига ўтиб, тизимли таъсирни намоён қилади. Шунингдек, шиллиқ қават ҳужайралариқисманда қисман фиксацияси туфайли маҳаллий таъсир ҳам кўрсатади.
Қўлланилиши
Мегосин ректал суппозиторийлари катталарда тери ва шиллиқ қаватларнинг вирусли касалликлари: оддий пуфакли ва ўраб олувчи темираткида, генитал герпес, сурункали цервицит, бачадон бўйни эрозиясини даволаш учун қўллаш мумкин.
Мегосин ректал суппозиторийларни қўлланиши касалликнинг дастлабки шиш, гиперемия, якка герпетик пуфакчалар ёки оддий герпесни қайталанишида ҳам, қайталашини бартараф этиш бўйича профилактик мақсадларда ҳам самаралироқ. Даволаш самараси қичишиш ва патологик жараённи бутунлай бартараф этилиши билан намоён бўлади.
Қўллаш усули ва дозалар
1 суппозиторийдан кунига 1 ёки 2 марта (эрталаб, кечқурун) касалликнинг характери ва кечишига караб, 7-10 кун давомида буюрилади.
Ножўя таъсирлари
Қайд этилмаган.
Қўллаш мумкин бўлмаган ҳолатлар
Фаол моддасига ва препаратнинг компонентларига нисбатан шахсий юқори сезувчанликда қўллаш мумкин эмас.
Маҳсус кўрсатмалар
Препарат болалар ололмайдиган жойида сақлансин ва яроқлилик муддати ўтгач ишлатилмасин.
Дозани ошириб юборилиши
Препаратни дозани ошириб юборилиш ҳоллари кузатилмаган.
Чиқарилиш шакли
Ректал суппозиторийлар 0,01 г № 10.
Сақлаш шароити.
Қуруқ, салқин, ёруқликдан ҳимояланган жойда ва 12-150С дан юқори бўлмаган ҳароратда сақлансин.
Яроқлилик муддати
2 йил.
Дорихоналардан бериш тартиби
Рецепт бўйича.