ҚЎЛЛАШ БЎЙИЧА МАЪЛУМОТ: ИСТЕЪМОЛЧИ УЧУН МАЪЛУМОТ

Манинил^® 5

5 мг, таблеткалар

Катталарда қўллаш учун

Таъсир қилувчи модда: глибенкламид

Ушбу илова-варақада қуйидаги маълумотлар сақланади:

1. Манинил^® 5 ўзи нима ва у нима учун қўлланади?
2. Манинил^® 5 ни қабул қилишдан олдин Сиз нималарга эътибор беришингиз керак?
3. Манинил^® 5 ни қандай қабул қилиш керак?
4. Қандай ножўя таъсирлари бўлиши мумкин?
5. Манинил^® 5 ни қандай сақлаш керак?
6. Бошқа маълумотлар

1. МАНИНИЛ^® 5 ЎЗИ НИМА ВА У НИМА УЧУН ҚЎЛЛАНАДИ?

1.1. Моддалар гуруҳи, кўрсатилишлар ёки таъсири гуруҳи

Манинил^® 5 – бу инсулинга қарам бўлмаган қандли диабети (2-нчи тур қандли диабети) бўлган катталарни даволаш учун дори воситасидир.

1.2. Қўлланиш соҳаси

Манинил^® 5 препарати қандли диабети (2-нчи тур қандли диабети) бўлган катта пациентларда қонда ошган қанд миқдорини пасайтириш учун, агар диабетли беморлар учун тавсия этилган парҳезга қатъий риоя қилиш, ошиқча вазнни камайтириш ва жисмоний фаоллик йўли билан қондаги қанд миқдорини етарли даражада тўғрилашга эришилмаган ҳолларда қўлланади.

Манинил^® 5 ни ягона дори воситаси сифатида (монотерапия) ёки метформин билан мажмуада қўллаш мумкин.

2. МАНИНИЛ^® 5 ПРЕПАРАТИНИ ҚАБУЛ ҚИЛИШДАН ОЛДИН СИЗ НИМАГА ЭЪТИБОР БЕРИШИНГИЗ КЕРАК?

Манинил^® 5 ни қуйидагиларда қабул қилиш мумкин эмас

• агар Сизда глибенкламидга юқори сезувчанлик (аллергия) бўлса
• агар Сизда понсо 4R га ёки Манинил^® 5 препаратининг бошқа компонентларидан бирига юқори сезувчанлик (аллергия) бўлса
• агар Сизда сульфанилмочевинанинг бошқа препаратларига, сульфонамидларга, сульфонамиднинг ҳосилалари бўлган диуретикларга ва пробенецидга юқори сезувчанлик (аллергия) бўлса – бундай ҳолларда кесишган реакциялар бўлиши мумкин
• инсулин билан даволашни талаб қиладиган қандли диабетнинг қуйидаги ҳолларида: инсулинга қарам қандли диабет (1-нчи тур қандли диабети), қандли диабетдаги модда алмашинувини назорат қилиб бўлмайдиган бузилиши, масалан, диабетик кетоацидоз (қонда кислотали маҳсулотларнинг миқдорини ошиши), кома бўлишидан олдинги (прекома) ва кома ҳолати, ҳамда меъда ости бези олиб ташланганидан кейинги ҳолат
• агар инсулинга қарам бўлмаган қандли диабетни (2-нчи тур қандли диабет) Манинил^® 5 билан даволаш самара бермаса
• жигар фаолиятини оғир бузилишларида
• буйрак фаолиятини пасайишининг оғир шаклларида
• ҳомиладорлик ва эмизиш даврида қўллаш мумкин эмас.

Манинил^® 5 препаратини қабул қилишда алоҳида эҳтиёткорлик талаб қилинади.

• агар Сизда жигар ёки буйрак фаолияти чекланган бўлса ёки қалқонсимон бези, гипофиз ёки буйрак усти бези пўстлоғининг фаолияти пасайган бўлса
• агар Сизда овқат қабул қилишда узоқ муддатли танаффус ёки овқатда углеводларни етишмовчилиги бўлса
• агар Сизда одатдаги бўлмаган жисмоний зўриқиш бўлса
• агар Сиз кекса ёшда бўлсангиз
• агар Сизда ич кетиши ёки қусиш бўлса.

Бу омиллар ва айниқса уларнинг қўшилиши гипогликемия (қонда қанд миқдорини тушиб кетиши) ривожланишини юқори хавфини туғдиради – шунингдек 4 бўлим «Қандай ножўя таъсирлари бўлиши мумкин?» га қаранг.

• агар Сиз айрим дори воситаларини, айниқса марказий нерв тизимига таъсир қилувчи препаратлар ёки артериал босимини пасайтирадиган препаратларни (b-адренорецепторларнинг блокатори, клонидин, гуанетидин, резерпин) қабул қилаётган бўлсангиз ёки, агар Сизда нерв тизимининг айрим касалликлари (автоном нейропатия) бўлса, унда гипогликемиянинг даракчи – белгилари ниқобланган бўлиши мумкин ва Сизда буни ҳис қилиш бузилган бўлиши мумкин. Бундай ҳолларда қондаги қанд миқдорини тушиб кетганини ўз вақтида сезмаслик мумкин.
• агар Сиз алкоголни бир марта қабул қилган бўлсангиз ёки мунтазам қабул қилсансиз, чунки у Манинил^® 5 таъсирини кутилмаган даражада кучайтириши (оқибати – қондаги қанд миқдорини тушиши) ёки сусайтириши (оқибати – қондаги қанд миқдорини ошиши) мумкин
• агар Сиз сурги воситаларини доимо қабул қилсангиз, чунки улар қондаги қанднинг миқдорини тўғрилашни қийинлашишига олиб келиши мумкин
• маълум вазиятларда, масалан, агар Сиз шифокор белгилаб берган даволаш режасига риоя қилмасангиз ёки Манинил^® 5 нинг қандни пасайтирувчи таъсири ҳали етарли бўлмаса ёки алоҳида стресс ҳолати пайдо бўлса, қондаги қанднинг миқдори ҳаддан зиёд ошиши мумкин. Унинг ошишини белгилари: кучли чанқаш ҳисси, оғизни қуриши, тез-тез сийиш, терининг қичишиши ва/ёки қуруқлиги, терининг замбуруғли касалликлари ёки инфекциялари, шунингдек ишлаш қобилиятини пасайиши бўлиши мумкин.
• агар Сиз ғайриоддий стресс вазиятларда бўлсангиз (масалан, жароҳат, операция, иситма билан кечувчи инфекцион касалликлар), унда модда алмашинувининг ҳолати ёмонлашиши ва унинг оқибати сифатида қондаги қанднинг миқдори ошиши мумкин; бу кўринишлар шундай яққол бўлиши мумкинки, ҳатто қондаги қанднинг тўғрилашни яхшилаш учун, вақтинча инсулин билан даволанишга ўтиш талаб қилиниши мумкин.
• агар Манинил^® 5 препарати билан даволаниш вақтида бошқа касалликлар пайдо бўлса, дарҳол даволовчи шифокорингиз билан маслаҳатлашинг. Шифокор ўзгарганида (масалан, касалхонада бўлиш, жароҳат, таътилда касал бўлиб қолиш) Ўзингизнинг янги шифокорингизга сиз қандли диабет билан хасталигингизни хабар қилинг.
• агар Сизда қизил қон таначаларининг организмда глюкоза-6-фосфатдегидрогеназа етишмовчилиги деб номланадиган специфик касаллиги бўлса, чунки глибенкламидни қабул қилиш Сизда қизил қон таначаларини шикастланишини чақириши мумкин (гемолитик анемия).

Модда алмашинувини меъёрлашишига эришиш учун (яъни катта силжишларсиз қонда қанд кўрсатгичларини меъёрлаштириш), Сиз шифокор томонидан белгилаб берилган даволаш режасига қатъий риоя қилишингиз керак. Диабет билан хасталанганлар учун ишлаб чиқилган парҳезга риоя қилиш, жисмоний фаоллик ва агар лозим бўлса, вазнни пасайтириш ҳам, Манинил^® 5 ни мунтазам қабул қилиш каби муҳимдир. Шифокор тайинлаган текширувга келиш муддатига риоя қилиш ҳам муҳимдир. Хусусан, қон ва сийдикдаги қандни текшириш керак, Сизнинг шифокорингиз тавсия этиладиган қўшимча текширишларни ҳам ўтказади (HbA_1C ва/ёки фруктозаминга, шунингдек қоннинг бошқа кўрсатгичларини, масалан, қондаги ёғларнинг миқдори).

Таблеткаларни мустақил мунтазам қабул қилаолмайдиган ҳолатдаги пациентларда, дорини қабул қилишни таъминлашни, беморни парвариш қилаётган шахсга юклатиш лозим.

Агар юқорида таърифланган хавф омиллари Сизга тааллуқли бўлса, илтимос, бу ҳақида ўз шифокорингизга хабар беринг; у Манинил^® 5 дозасини ёки ҳамма даволаш режасини қайта кўриб чиқиши ва, зарурати бўлганида, унга тузатишлар киритиши мумкин.

Болалар

Бу дори воситасини болаларни даволаш учун қўллаш мумкин эмас, чунки бунинг учун ҳозирча етарли илмий тажриба йўқ.

Кекса одамлар

Кексароқ ёшли одамларда, хусусан, давом этиши чўзилган гипогликемик реакция хавфи бор. Агар Сиз шу ёш гуруҳига тааллуқли бўлсангиз, унда ушбу дори воситаси Сизга алоҳида синчковлик билан буюрилиши ва – айниқса Сизни даволашни бошида – қондаги қанд миқдорини тез-тез текшириш билан бирга олиб борилиши керак.

Агар Манинил^® 5 препарати бошқа дори воситалари билан қўлланса

Агар Сиз бошқа дори воситаларини қабул қилаётган /қўллаётган бўлсангиз ёки яқинда қабул қилган/ қўллаган бўлсангиз – ҳатто, агар гап рецептсиз бериладиан препаратлар устида кетса ҳам, илтимос, бу ҳақида ўз шифокорингиз ёки дорихона ходимига хабар беринг.

Манинил^® 5 қуйидаги таъсирларга олиб келади:

Таъсирини кучайиши ва эҳтимол ножўя самараларини кучайиши:

Қондаги қанд миқдорини пасайиши (гипогликемия) препаратнинг таъсири, агар Сиз қуйидаги дори воситаларини бир вақтда қабул қилсангиз яққол кучайиши сифатида намоён бўлиши мумкин:

• бошқа диабетга қарши препаратлар, шу жумладан – инсулин
• қон босимини пасайтириш учун дори воситалари (ААФИ-ангиотензинга айлантирувчи фермент ингибиторлари, b-адреноблокаторлар)
• юрак ритмини бузилишини даволаш учун препаратлар (дизопирамид)
• стенокардияни даволаш учун препаратлар (пергексилин)
• қондаги ёғларнинг ошган миқдорини пасайтириш учун препаратлар (клофибрат)
• сийдик кислотаси миқдорини пасайтирувчи дори воситалари (пробенецид)
• кайфиятни яхшиловчи воситалар (флуоксетин, МАО ингибиторлари)
• қон ивишини пасайтирувчи препаратлар (кумарин ҳосилалари)
• анальгетиклар ва ревматизмга қарши воситалар (салицилатлар, пиразолон ҳосилалари)
• инфекцион касалликларни даволаш учун дори воситалари (хлорамфеникол антибиотиклар, хинолон ҳосилалари, тетрациклин қатори препаратлари, сульфонамидлар каби антибиотиклар)
• замбуруғли касалликларни даволаш учун препаратлар (миконазол)
• туберкулёзни даволаш учун воситалар (парааминосалицил кислотаси)
• мушак массасини ошириш учун препаратлар (анаболик стероидлар)
• эркакларнинг жинсий гормонлари
• иштаҳани пасайтирувчи воситалар (фенфлурамин)
• инфузиялар кўринишидаги юқори дозаларда юбориладиган қон оқимини яхшилаш учун воситалар (пентоксифиллин)
• онкологик касалликларни даволаш учун айрим дори воситалари (циклофосфамид)
• аллергияни даволаш учун препаратлар (тритоквалин)

Таъсирини сусайиши:

Қондаги қанд миқдорини ошиши (гипергликемия) Манинил^® 5 таъсири, агар Сиз қуйидаги дори воситаларини бир вақтда қабул қилаётган бўлсангиз яққол сусайиши сифатида намоён бўлиши мумкин:

• гипогликемияни бартараф қилувчи воситалар (глюкагон)
• қон босимини пасайтирувчи воситалар (b-адреноблокаторлар, диазоксид)
• сийдик ҳайдовчи препаратлар (диуретиклар)
• яллиғланишга қарши воситалар (кортикостероидлар)
• қондаги ёғларнинг ошган миқдорини пасайтирувчи препаратлар (никотинатлар)
• қалқонсимон бези гормонлари
• айрим кўз касалликларини (катарактани) даволаш учун дори воситалари (ацетазоламид)
• ухлатувчи воситалар (барбитуратлар)
• юрак қисқаришлари сонини оширувчи дори воситалари (симптомиметиклар)
• тиришиш хуружлари ёки шизофренияни даволаш учун препаратлар (фенитоин, фенотиазин ҳосилалари)
• туберкулёзни даволаш учун воситалар (изониазид, рифампицин)
• аёлларнинг жинсий гормонлари (гестагенлар, эстрогенлар)

Бошқа бўлиши мумкин бўлган ўзаро таъсирлари:

• Агар Сиз қон босимини пасайтириш учун айрим дори воситаларини (b-адреноблокаторлар, клонидин, гуанетдин ёки резерпин) қабул қилаётган бўлсангиз, унда Сизнинг гипогликемиянинг даракчи белгиларини сезиш бузилиши мумкин.
• Меъда ёки ўн икки бармоқ ичак ярасини даволаш учун (Н₂-рецепторларнинг блокаторлари) ёки қон босимини пасайтириш учун (клонидин ёки резерпин) дори воситалари, қандни пасайтирувчи таъсирини сусайтириши ҳам, кучайтириши ҳам мумкин.
• Айрим инфекцион касалликларни даволаш учун дори воситалари (пентамидин) алоҳида ҳолларда қондаги қанд миқдорини оғир тушишига ёки кўтарилишига олиб келиши мумкин.
• Қон ивишини сусайтирувчи препаратларнинг (кумарин ҳосилалари) таъсири кучайиши ёки сусайиши мумкин.

Манинил^® 5 ни овқат маҳсулотлари ва ичимликлар билан бирга қабул қилиш

Манинил^® 5 билан даволанишда Сизга алкогол қабул қилишдан сақланиш керак, чунки у препаратнинг қандни пасайтирувчи таъсирини кучайтириши ёки сусайтириши мумкин.

Ҳомиладорлик ва эмизиш даври

Ҳомиладорлик

Манинил^® 5 ни ҳомиладорликда қабул қилиш мумкин эмас. Ичга қабул қилиш учун диабетга қарши дори воситалари қондаги қанднинг миқдорини инсулин каби ишончли бошқара олмасликлари туфайли, улар ҳомиладорликда диабетни даволаш учун яроқсиздир. Ҳомиладорлик вақтида инсулинга қарам бўлмаган қандли диабетни (2-нчи тур қандли диабетни) даволашда инсулин танлов препарати бўлиб ҳисобланади.

Режалаштирилган ҳомиладорлик юз бергунича, иложи борича, диабетга қарши таблетка шаклидаги воситаларни бекор қилиш ва уларни инсулинга алмаштириш керак.

Агар Сиз ҳомиладор бўлсангиз ёки ҳомиладорликни режалаштираётган бўлсангиз, унда албатта шифокор билан маслаҳатлашинг. Ҳомиладорлик вақтида қондаги қанд миқдори устидан аниқ назорат ўрнатиш алоҳида муҳим аҳамиятга эга.

Эмизиш даври

Манинил^® 5 ни она сутига ўтиши номаълум бўлганлиги туфайли, эмизиш даврида бу препаратни қабул қилиш мумкин эмас. Бунинг ўрнига Сиздаги диабетни инсулин билан даволаш ёки Сиз эмизишни тўхтатишингиз керак.

Ҳар қандай дори воситасини қўллашдан олдин ўз шифокорингиз ёки дорихона ходими билан маслаҳатлашинг.

Кўча ҳаракатида иштирок этиш ва машиналарга хизмат кўрсатиш қобилияти

Агар Сизда қондаги қанд ҳаддан зиёд пасайган ёки ҳаддан зиёд ошган ёки кўришни бузилиши бўлса, бу Сизнинг диққатни жамлаш ва реакция қобилиятингизни пасайтириши мумкин. Илтимос, Сиз ўзингизни ёки бошқа шахсларни барча вазиятларда хавфга дучор қилишингиз мумкинлигини ёдда тутинг (масалан, автомобиль ҳайдаш ёки машиналарга хизмат кўрсатиш).

Автомобилни ҳайдашни мақсадга мувофиқлиги ҳақида, агар Сизда:

– тез-тез гипогликемия ҳоллари бўлса

– гипогликемиянинг даракчи – белгилари сусайган ёки бўлмаса Сиз ўз шифокорингиз билан маслаҳатлашингиз керак.

Манинил^® 5 препаратининг муҳим аҳамиятга эга бўлган айрим бошқа компонентлари ҳақида маълумотлар

Ушбу дори воситасида лактоза сақланади. Шунинг учун, агар Сизга қанднинг айрим турларини ўзлаштираолмаслик билан азият чекишингиз маълум бўлса, Манинил^® 5 ни фақат ўз шифокорингиз билан маслаҳатлашгандан кейин қабул қилинг.

3. МАНИНИЛ^® 5 НИ ҚАНДАЙ ҚАБУЛ ҚИЛИНАДИ?

Манинил^® 5 ни доимо аниқ шифокор кўрсатмаси бўйича қабул қилинг. Агар Сизда қандайдир шубҳалар бўлса, илтимос, ўз шифокорингиз ёки дорихона ходими билан маслаҳатлашинг.

3.1. Дозалаш

Доза – шунингдек бошқа қандни пасайтирувчи препаратлардан ўтишда, Сизнинг шифокорингиз диабети бўлган беморлар учун ишлаб чиқилган Сизнинг овқатланишингиз ва Сизнинг қон ва сийдикдаги қанд миқдорининг кўрсаткичларини ҳисобга олган ҳолда белгилайди.

Сиз учун тутиб турувчи дозани шахсий равишда аниқлаш учун таъсир этувчи моддаси
1 мг, шунингдек 1,75 ва 3,5 мг глибенкламид сақловчи қобиқ билан қопланган таблеткалар мавжуд.

Умумий қабул қилинган доза ташкил қилади:

Биринчи буюриш:

Даволашни аста-секин ва иложи борича суткада 1/2 (1 гача) Манинил^® 5 таблеткасини (2,5-5 мг глибенкламидга тўғри келади) ташкил этувчи энг кичик дозалардан бошлаш керак:

Агар бу дозада қондаги қанднинг миқдорини етарли пасайишига эришилмаса, унда Сизнинг шифокорингиз аста-секин, бир неча кундан тахминан бир ҳафтагача бўлган интерваллар билан уни суткада Манинил^® 5 3 таблеткасини (15 мг глибенкламидга тўғри келади) ташкил этувчи керакли суткалик дозагача оширади.

Бошқа қандни пасайтирувчи препаратлардан ўтиш:

Агар Сизни бошқа перорал (ичга қабул қилиш учун мўлжалланган) диабетга қарши препаратлардан Манинил^® 5 га ўтказсалар, унда бошланғич доза суткада 1/2 (1 гача) Манинил^® 5 таблеткани (2,5-5 мг глибенкламидга тўғри келади) ташкил қилиши керак.

Дозани танлаш:

Агар Сиз кекса ёшда, ҳолсизланган бўлсангиз ёки Сизнинг вазнингиз нормадан паст бўлса, ёки Сизда буйрак ёки жигар фаолиятини бузилиши бўлса, ёки Сиз бошқа сабабларга кўра гипогликемияга мойил бўлсангиз, унда уни ривожланиш хавфини камайтириш учун, даволашни бошида ва унинг бутун даври давомида Сиз препаратнинг пастроқ дозаларини қабул қилишингиз керак. Айрим вазиятларда, масалан Сизнинг танангиз вазни ёки ҳаётингизни тарзи ўзгарганида, дозага мувофиқ тузатишлар киритиш керак.

Бошқа қандни пасайтирувчи дори воситалари билан мажмуаси:

Айрим вазиятларда Сизга глитазон гуруҳидан бўлган (розиглитазон, пиоглитазон) препаратлари қўшимча буюрилиши мумкин.

Манинил^® 5 ни шунингдек шахсий инсулинни чиқарилишини рағбатлантирмайдиган (гуармел ёки акарбоза) бошқа диабетга қарши препаратлар билан мажмуада қўллаш мумкин.

Агар Сизда ўз инсулинингизни ишлаб чиқарилиши пасайса (инсулинни ишлаб чиқарувчи хужайраларнинг қувватсизланиши натижасида даволашнинг бошланаётган иккиламчи самарасизлиги), инсулин билан комбинацияланган даволашни синаб кўриш мумкин. Бироқ, Сизда организмнинг ўз инсулинини чиқишини бутунлай тўхтатишида, биргина инсулин билан даволаш кўрсатилган (инсулин билан монотерапия).

Агар Сиз Манинил^® 5 нинг таъсири ҳаддан ташқари кучли ёки ҳаддан ташқари кучсиз деб ҳисобласангиз, илтимос, шифокорга мурожаат қилинг.

3.2. Қўллаш усули

Таблеткаларни овқатдан олдин, чайнамасдан, етарли миқдордаги суюқлик билан (яхшиси – бир стакан сув) бирга қабул қилинг. 2 таблеткагача бўлган суткалик дозада буюрилганда, уларни эрталабки нонуштадан олдин қабул қилинг.

Манинил^® 5 нинг 2 таблеткадан ортиқ суткалик дозаси буюрилганда, барча миқдорини икки қабулга тақсимлаш (эрталаб ва кечқурун) тавсия қилинади, бунда каттароқ дозани эрталабки нонушта олдидан қабул қилиш керак.

Дорини қабул қилиш бўйича илтимос, ўз шифокорингизнинг кўрсатмаларига амал қилинг.

Препаратни ҳар гал бир вақтда қабул қилиш муҳимдир.

Таблеткаларни бўлиш бўйича кўрсатма:

Таблеткани бўлиш учун йўлини юқорига қилган ҳолда икки қўлнинг бош ва кўрсаткич бармоқлари орасида тутиб, катта бармоқлар билан бўлиш учун йўли бўйлаб пастга босиб, таблетка икки бўлакка синдирилади.

3.3. Қўллаш давомийлиги

Препаратни қўллаш давомийлиги масаласини Сизнинг даволовчи шифокорингиз ҳал қилади.

3.4. Агар Сиз Манинил^® 5 ни керагидан ортиқ миқдорда қабул қилган бўлсангиз

Манинил^® 5 дозасини яққол бир марталик ошириб юборилиши, ва бироз ошиқ дозаларни узоқ муддат давомида қабул қилиш ҳам, маълум вазиятларда ҳаёт учун хавфли бўлган оғир давомли гипогликемияга олиб келиши мумкин. Гипогликемия белгилари 4 бўлим “Қандай ножўя таъсирлар бўлиши мумкин”да таърифланган.

Енгил даражали гипогликемияни Сизнинг ўзингиз қанд, қанднинг миқдори кўп бўлган овқат ёки ичимликларни қабул қилиш билан йўқотишингиз мумкин. Шунинг учун Сизда 20 грамм қанд доимо бўлиши керак. Агар ўзингиз гипогликемияни дарҳол йўқота олмасангиз, унда зудлик билан шифокорни/тез ёрдамни чақириш керак.

3.5. Агар Сиз Манинил^® 5 ни қабул қилишни унутган бўлсангиз

Ҳеч қачон навбатдаги қабул қилиш вақтида Манинил^® 5 ни қўшимча миқдорини қабул қилманг, уни кўрсатмаларга мувофиқ қабул қилишни давом эттиринг.

3.6. Агар Сиз Манинил^® 5 ни қабул қилишни тўхтатган бўлсангиз

Ўз ҳолича даволашни тўхтатиш ёки дозани ёки диабети бўлган беморлар учун ишлаб чиқилган парҳезни ўзгартириш мумкин эмас. Агар ниманидир ўзгартириш керак бўлса, унда бошида албатта Ўз шифокорингиз билан маслаҳатлашинг.

Ушбу дори воситасини қўллаш бўйича кейинчалик саволлар туғилса, Ўз шифокорингиз ёки дорихона ходими билан маслаҳатлашинг.

4. ҚАНДАЙ НОЖЎЯ ТАЪСИРЛАРИ БЎЛИШИ МУМКИН?

Барча дори воситалари каби Манинил^® 5 ҳам ножўя таъсирларга эга бўлиши мумкин, бироқ улар ҳар бир пациентда ҳам бўлмаслиги мумкин.

Ножўя таъсирларини баҳолашда асос қилиб, тез-тезлиги бўйича қуйидаги маълумотлар олинади:

Сиз эътиборингизни қаратишингиз керак бўлган аҳамиятли ножўя таъсирлари ёки симптомлари ва бундаги зарур бўлган чоралар

Агар сизда қуйида келтирилган ножўя самаралардан биронтаси бўлса, ҳар қандай ҳолда ҳам Манинил^® 5 қабул қилманг ва, иложи борича тезроқ ўз шифокорингизга мурожаат қилинг.

Тез-тез

Модда алмашинуви ва овқатланишни бузилишлари

• Гипогликемия глибенкламид билан даволашнинг энг кўп учрайдиган нохуш самарасидир.

Маълум шароитларда унинг кечиши давомли характерга эга бўлиши ва кома билан (онгни чуқур йўқотилиши) кечувчи оғир гипогликемияга олиб келиши мумкин. Гипогликемияни жуда ниқобланган кечишида, нервларни шикастланишида (автоном нейропатия) ёки қон босимини пасайтириш учун айрим воситаларни бир вақтда қабул қилишда (2 бўлимга қаранг «Агар Манинил^® 5 препарати бошқа дори воситалари билан қабул қилинса»), гипогликемиянинг типик даракчи-симптомлари сусайиши ёки бўлмаслиги мумкин; бундай ҳолларда уни аниқлаш қийинроқ бўлади.

Гипогликемия қандай пайдо бўлиши мумкин?

Қондаги қанд даражасини тушишини мумкин бўлган сабаблари 2 бўлимда «Манинил^® 5 ни қабул қилишда махсус эҳтиёткорлик талаб қилинади» таърифланган.

Сиз гипогликемияни қандай аниқлашингиз мумкин?

Гипогликемия қондаги қанд миқдорини тахминан 50 мг/дл дан пастга тушиб кетиши билан характерланади. Қуйидаги белгилар Сизда қонда қанд даражасини ҳаддан зиёд тушиб кетганига, Сизнинг ёки атрофингиздагиларнинг эътиборини қаратиши мумкин:

• тўсатдан тер чиқиб кетиши, юрак уриши, қалтираш, очлик ҳисси, безовталик, оғиз соҳасида «жимирлаш», оқариб кетиш, бош оғриғи, уйқучанлик, уйқуни бузилиши, қўрқишлик, ҳаракатдаги қатъиятсизлик, ўткинчи неврологик тушиб қолишлар (масалан, нутқ ва кўришни бузилиши, фалаж кўринишлари ёки сезувчанликни бузилиши).

Агар гипогликемия ривожланиб борса, Сиз ўз ҳолатингизни назорат қила олмай қолишингиз ва хушдан кетишингиз мумкин. Бундай ҳолларда, кўпроқ тери нам ва совуқ бўлиб қолади ва тиришишларга мойиллик пайдо бўлади.

Қонда қанд даражаси пасайганида (гипогликемияда) нима қилиш керак?

Гипогликемиянинг чоралари 3.4. бўлимда «Агар Сиз керагидан ортиқ миқдорда Манинил^® 5 препаратини қабул қилган бўлсангиз» таърифланган.

Агар Сизда гипогликемия юз берса, дарҳол ўз шифокорингизга мурожаат қилинг; у Манинил^® 5 препарати билан даволашга тузатишлар киритиш кераклиги ёки керак эмаслигини ҳал қилади.

Баъзида:

Тери ва унинг қўшимчалари томонидан бузилишлар

• Терини қичишиши
• Эшакеми
• Тери тошмалари (тугунли эритема, морбиллиформ ёки макулопапулёз экзантема)
• Ёруғликка сезувчанликни ошиши
• Терига қон қуйилиши

Бу кўринишлар юқори сезувчанликнинг ўтувчан реакцияларидир, бироқ жуда кам ҳолларда улар, бўғилиш ва ҳатто шоккача бўлган қон босимини тушиши билан кечувчи, ҳаёт учун хавфли ҳолатларга ўтиб кетиши мумкин.

Кам

Қон тизими ва лимфа тизими томонидан бузилишлар

• Қон пластинкалари сонини камайиши (у терига қон қуйилишлари билан намоён бўлади).

Жуда кам

Жигар ва ўт пуфаги фаолиятини бузилишлари

• Жигар ферментлари кўрсаткичларини ошиши, жигарнинг «дорили» яллиғланиши (дориларни қабул қилиш билан чақирилган), эҳтимол жигар тўқимаси томонидан юқори сезувчанлик реакциялари билан боғлиқ бўлган сариқлик.

Жигар фаолиятининг бу бузилишлари Манинил^® 5 бекор қилинганидан сўнг, яна ортга қайтиши мумкин, бироқ улар шунингдек ҳаёт учун хавф туғдирувчи жигар етишмовчилигига ҳам олиб келиши мумкин.

Тери ва унинг қўшимчалари томонидан бузилишлар

• Тери тошмаси, бўғимлардаги оғриқлар, иситмалаш, сийдикда оқсилни пайдо бўлиши ва сариқлик билан кечувчи юқори сезувчанликнинг умумий реакциялари.
• Ҳаёт учун хавф туғдирувчи қон томирларни аллергик яллиғланиши.

Тери реакциялари пайдо бўлганида дарҳол ўз шифокорингизга мурожаат қилинг!

Қон тизими ва лимфа тизими томонидан бузилишлар

• Қизил ва оқ қон таначалари сонини камайиши
• Барча қон хужайраларининг сонини камайиши
• Камқонлик (гемолитик анемия)

Қон манзарасининг кўрсатилган ўзгаришлари Манинил^® 5 бекор қилинганидан сўнг, умуман ортга қайтади, бироқ жуда кам ҳолларда улар ҳаёт учун хавф туғдириши мумкин.

Бошқа бўлиши мумкин бўлган ножўя таъсирлари

Тез-тез

Овқатланиш ва модда алмашинувининг бошқа бузилишлари

• Тана вазнини ошиши.

Баъзида

Меъда-ичак йўллари томонидан шикоятлар

• Кўнгил айниши
• Меъдада тиқилиш ҳисси
• Меъдада тўлиш ҳисси
• Қусиш
• Қоринда оғриқ
• Ич кетиши
• Кекириш
• Оғизда металл таъми

Бу шикоятлар баъзан ўткинчи бўлади ва умуман Манинил^® 5 ни бекор қилишни талаб этмайди.

Жуда кам

• Кучсиз сийдик ҳайдовчи таъсир
• Сийдикда оқсилларни ўткинчи пайдо бўлиши
• Қонда натрий миқдорини камайиши
• Қон айланишини бузилиши ва ҳансираш билан ифодаланадиган алкоголь истеъмол қилгандан кейин пайдо бўладиган ўткир ўзлаштира олмаслик реакцияси
• Глибенкламид (сульфонамидлар, сульфонамид ҳосилалари ва пробенецид) каби дори воситаларига бир вақтдаги кесишган аллергия.

Кўз томонидан бузилишлар

• Кўришни ўткинчи бузилишлари, хусусан даволашни бошида. Улар қондаги қанд даражасини ўзгариши туфайли пайдо бўлади.

Понсо R4 аллергик реакциялар чақириши мумкин.

Агар келтирилган ножўя самаралардан биронтаси Сизни сезиларли безовта қилса ёки Сиз ушбу қўллаш бўйича маълумотда келтирилмаган ножўя таъсирларни ўзингизда пайдо бўлганини сезсангиз, ўз шифокорингиз ёки дорихона ходимига улар ҳақида хабар беринг.

5. МАНИНИЛ^® 5 ПРЕПАРАТНИ ҚАНДАЙ САҚЛАШ КЕРАК?

Дори воситасини болалар олаолмайдиган жойда сақлаш керак !

Ўрамида ва йиғма картон қутидаги «годен до» да кўрсатилган яроқлилик муддати ўтганидан кейин, Сизга ушбу дори воситасини ишлатиш мумкин эмас. Яроқлилик муддатини ўтиш санаси ойнинг охирги куни ҳисобланади.

Сақлаш шароити

30^оС дан юқори бўлмаган ҳароратда сақлансин.

Яроқлилик муддати

3 йил.

6. БОШҚА МАЪЛУМОТЛАР

Манинил^® 5 препаратида нима сақланади:

Таъсир этувчи модда:

бир таблеткада 5 мг глибенкламид сақланади.

Бошқа компонентлари:

Лактоза моногидрати, картошка крахмали, желатин, тальк, магний стеарати [ўсимлик] Ph. Eur., понсо 4R (Е 124).

Манинил^® 5 препарати қандай кўринишга эга ва ўрам ичидагиси:

Пушти, яссипараллел, четлари қия ва бир томонида бўлиш учун йўли бўлган таблеткалар.

Таблеткалар икки тенг бўлакларга бўлиниши мумкин.

Таблеткалар учун бирламчи ўрам сифатида сильфонли полиэтилен тиқин билан беркитилган найсимон рангсиз шиша флаконлар, шунингдек тиниқ, қаттиқ ПВХ-плёнка ва қаттиқ алюмин фольгадан тайёрланган блистерлар ишлатилади. Иккиламчи ўрам сифатида букланадиган қутилар ишлатилади.

Манинил^® 5 120 таблеткалардан ўрамларда чиқарилади.

Дорихоналардан шифокор рецепти бўйича берилади.