ҚЎЛЛАШ БЎЙИЧА ЙЎРИҚНОМА

ФЛЕМОКЛАВ СОЛЮТАБ®

FLEMOCLAV SOLUTAB®

Савдо номи: Флемоклав Солютаб®

ХПН ёки гуруҳлаш номи: амоксициллин+клавуланат кислотаси

Дори шакли: дисперсияланувчи таблеткалар

Таркиби:

Бир таблетка қуйидагиларни сақлайди:

Фаол модда: амоксициллин (амоксициллин тригидрати кўринишида) – 875 мг; клавуланат кислотаси (клавуланат калий кўринишида) – 125 мг.

Ёрдамчи моддалар: дисперс целлюлоза, микрокристалл целлюлоза, кросповидон, ванилин, мандарин ҳушбўйи, лимон ҳушбўйи, сахарин, магний стеарати.

Таърифи: узунчоқ шаклли, оқдан сариқ ранглигача, рискасиз, “425” маркировкасига ва фирма логотипининг график қисмига эга бўлган дисперсияланувчи таблеткалар. Жигарранг нуқтали доғлари бўлишига йўл қўйилади.

Фармакотерапевтик гуруҳи: антибиотик – ярим синтетик пенициллин + бета-лактамаза ингибитори.

АТХ коди: J01CR02.

Фармакологик хусусиятлари

Фармакодинамикаси

Кенг таъсир доирасига эга антибиотик, амоксициллин ва бета-лактамаза ингибитори – клавуланат кислотасидан иборат мажмуавий препаратдир.

Амоксициллин бактерицид таъсир кўрсатади, бактерияларнинг хужайра деворида пептидогликан синтезини сусайтиради. Граммусбат ва грамманфий микроорганизмларга (шу жумладан, кўпгина плазмид ва баъзи хромосом бета-лактамаза ишлаб чиқарувчи штаммларга) нисбатан фаол. Препаратнинг таркибига кирувчи клавуланат кислотаси бета-лактамазаларнинг II, III, IV ва V турларини сусайтиради, Enterobacter spp., Pseudomonas aeruginosa, Serratia spp., Acinetobacter spp. ишлаб чиқарувчи I тур бета-лактамазага нисбатан фаол эмас. Клавуланат кислотаси пенициллиназаларга нисбатан юқори яқинликка эга, шу туфайли фермент билан турғун комплекс ҳосил қилади, у амоксициллинни бета-лактамаза таъсири остида ферментатив деградациясини олдини олади ва унинг таъсир доирасини кенгайтиради.

Таъсир доираси

Граммусбат бактериялар

Аэроблар: Streptococcus spp., Staphylococcus spp. (метициллинга чидамли штаммлардан ташқари), Enterococcus spp., Corynebacterium spp., Bacillus anthracis, Listeria monocytogenes; 

Анаэроблар: Clostridium spp. (Clostridium difficile дан ташқари), Peptococcus spp., Peptostreptococcus spp.; 

Грамманфий бактериялар

Аэроблар: Escherichia coli, Klebsiellа spp., Proteus spp., Yersinia enterocolitica, Salmonella spp., Shigella spp., Haemophilus influenzae, Haemophilus duсreyi, Neisseria gonorrhoeae, Neisseria meningitides, Bordetella pertussis, Moraxella catarrhalis, Gardnerella vaginalis, Brucella spp., Pasteurella multocida, Vibrio cholerae, Helicobacter pylori; 

Анаэроблар: Bacteroides spp., шу жумладан Bacteroides fragilis, Fusobacterium spp.

Фармакокинетикаси

Фламоклав Солютаб® 875/125 мг (амоксициллин/клавуланат кислотаси) дозада бир марта қабул қилинганидан кейин амоксициллиннинг плазмадаги максимал концентрациясига (tmax) 1,5 соатдан кейин эришилади ва 12 мкг/мл (Cmax) ни ташкил этади, клавуланат кислотасининг – 3 мкг/мл ни ташкил этиб, 1 соатдан кейин эришилади. Амоксициллин ва клавуланат кислотасининг ФЭЧМ (“фармакокинетик эгри чизиқ остидаги майдон” кўрсаткичи) мувофиқ равишда 33 мкг соат/л ва 6 мкг соат/л ни ташкил этади. Перорал қўлланилганида амоксициллиннинг сўрилиши 90% га етади, клавуланат кислотасининг мутлоқ биокираолишлиги ўртача 60% ни ташкил этади.

Амоксициллиннинг тахминан 17-20% ва клавуланат кислотасининг 22% қон плазмасидаги оқсиллар билан боғланади. Иккита фаол субстанциянинг умумий клиренси соатига 25 л ни ташкил этади, амоксициллиннинг ярим чиқарилиш даври (t1/2) – 1,1 соатни, клавуланат кислотасининг ярим чиқарилиш даври – 0,9 соатни ташкил этади. Амоксициллиннинг тахминан 60-80% ва клавуланат кислотасининг 30-50%, препарат қабул қилинганидан кейин биринчи 6 соат давомида буйрак орқали чиқарилади. Амоксициллин асосан ўзгармаган шаклда, оз миқдори бета-лактам ҳалқасини ва гидролизланиши йўли билан метаболизмга учрайдиган фаол бўлмаган метаболитлари (асосийлари – пенициллин ва пенамальд кислотаси) ҳосил бўлади. Клавуланат кислотаси гидролизланиш йўли билан, кейинчалик декарбоксилланиш билан жадал метаболизмга учрайди.

Қўлланилиши

Препаратга сезгир микроорганизмлар чақирган инфекцион-яллиғланиш касалликлари:

• юқори нафас йўллари ва ЛОР-аъзоларининг (шу жумладан, ўрта отит, синусит, тонзиллит, фарингит);
• қуйи нафас йўлларининг (шу жумладан, сурункали бронхитни, ўпканинг сурункали обструктив касаллигини зўрайиши, шифохонадан ташқари пневмония);
• тери ва юмшоқ тўқималарнинг инфекцияси;
• суяк ва бўғимларнинг инфекциялари (шу жумладан, остеомиелит);
• сийдик чиқариш тизими инфекциялари (шу жумладан, цистит, пиелонефрит);
• акушерлик ва гинекологик инфекцияларни даволашда қўлланади.

Қўллаш мумкин бўлмаган ҳолатлар

• амоксициллин, клавуланат кислотаси ва препаратнинг бошқа компонентларига ўта юқори сезувчанлик;
• бошқа бета-лактам антибиотикларга (пенициллинлар ва цефалоспоринлар) ўта юқори сезувчанлик;
• сариқликни мавжудлиги ёки анамнезида амоксициллин/клавуланат кислотасини қабул қилганда жигар дисфункцияси;
• буйрак калавалари фильтрацияси минутига ≤30 мл бўлган буйрак етишмовчилиги;
• тана вазни 40 кг дан кам бўлган 12 ёшгача бўлган болалар;
• инфекцион мононуклеоз;
• лимфолейкозда қўллаш мумкин эмас.

Эҳтиёткорлик билан: оғир жигар етишмовчилиги, меъда-ичак йўллари касалликлари (шу жумладан, анамнезида пенициллинларни қабул қилиш билан боғлиқ колит), сурункали буйрак етишмовчилиги.

Ҳомиладорлик ва лактация

Ҳомиладор аёллар томонидан қўлланганида амоксициллин/клавуланат кислотасини ҳомилага ва янги туғилган чақалоққа нохуш таъсири аниқланмаган. Ҳомиладорликнинг II ва III уч ойлигида даволашдан кутиладиган хавф/фойда нисбатини шифокор томонидан баҳолангандан кейингина қўллаш мумкин. Ҳомиладорлокнинг I уч ойлигида препаратни қўллашдан сақланиш керак.

Препаратнинг иккала компоненти гемато-плацентар тўсиғи орқали ўтади ва кўкрак сути билан ажралади. Препарат эмизиш даврида қўлланилиши мумкин.

Болада сенсибилизация ривожланган, диарея ёки шиллиқ қаватлар кандидози пайдо бўлган ҳолларда эмизишни тўхтатиш керак.

Қўллаш усули ва дозалари

Диспептик симптомларни олдини олиш учун Фемоклав Солютаб® овқат қабул қилишни бошида буюрилади. Таблеткани бутунлигича, бир стакан сув билан ёки ярим стакан сувда (камида 30 мл) эритиб, қўллашдан олдин яхшилаб аралаштириб қабул қилинади.

Даволаш давомийлиги инфекциянинг оғирлигига боғлиқ ва алоҳида зарурати бўлмаганида 14 кундан ошмаслиги керак.

Катталар ва 12 ёшдан ошган болалар, шунингдек тана вазни 40 кг дан юқори бўлган 12 ёшгача бўлган болалар

Фемоклав Солютаб® 875 мг/125 мг дозада суткада 2 марта буюрилади.

Бир марталик дозани бир хил вақт интервалида, энг афзали ҳар 12 соатда қабул қилинади. 

Буйрак фаолиятини бузилиши бўлган пациентларда клавуланат кислотаси ва амоксициллинни буйрак орқали чиқарилиши секинлашади. Фемоклав Солютаб® 875 мг/125 мг дозада фақат калавалар фильтрацияси минутига >30 мл бўлгандагина қўллаш мумкин. Бунда дозага тузатиш киритиш талаб этилмайди.

Жигар фаолиятини бузилиши бўлган пациентларда Фемоклав Солютаб® эҳтиёткорлик билан буюрилиши керак. Жигар фаолиятини доимо назорат қилиш керак.

Тана вазни 40 кг гача бўлган 12 ёшдан кичик болаларга Фемоклав Солютаб® пастроқ дозаларда буюрилади: 125/31,25 мг; 250/62,5 мг; 500/125 мг.

Ножўя таъсири

Инфекциялар:

Тез-тез эмас (≥1/1000, <1/100): бактериал ёки замбуруғли суперинфекциялар (узоқ муддат даволаганда ёки такрорий даволаш курсларида).

Қон тизими ва қон яратиш аъзолари томонидан:

Кам ҳолларда (≥1/10000, <1/1000): тромбоцитоз, гемолитик анемия.

Жуда кам ҳолларда (<1/10000): лейкопения, гранулоцитопения, тромбоцитопения, панцитопения, анемия, протромбин вақтини ва қон кетиш вақтини узайиши. Ушбу нохуш реакциялар қайтувчандир ва даволаш тўхтатилганидан кейин йўқ бўлади.

Аллергик реакциялар:

Тез-тез (≥1/100, <1/10): тери тошмалари ва қичишиш; даволаш бошланганидан кейин 5-11 кунлари пайдо бўладиган қизамиқсимон экзантема. Препаратни қабул қилган заҳоти эшакемини пайдо бўлиши юқори даражадаги эҳтимолликда аллергик реакциянинг пайдо бўлиши ҳисобланади ва препаратни бекор қилишни талаб этади.

Кам ҳолларда (≥1/10000, <1/1000): буллёз ёки эксфолиатив дерматит (кўп шаклли экссудатив эритема, Стивенс-Джонсон синдроми, токсик эпидермал некролиз), анафилактик шок; бошқа аллергик реакциялар – дори иситмаси, эозинофилия, ангионевротик шиш (Квинке шиши), ҳалқумни шиши, зардоб касаллиги, гемолитик анемия, аллергик васкулит, интерстициал нефрит.

Нерв тизими томонидан:

Кам ҳолларда (≥1/10000, <1/1000): бош айланиши, бош оғриғи, тиришишлар (буйрак фаолиятини бузилиши ёки препаратнинг дозасини ошириб юборилиши ҳолларида).

Жуда кам ҳолларда (<1/10000): гиперфаоллик, безовталик (ваҳима), уйқусизлик, онгни чалкашиши, тажовузкор хулқ.

Юрак-қон томир тизими томонидан:

Кам ҳолларда (≥1/10000, <1/1000): васкулит.

Овқат-ҳазм қилиш тизими томонидан реакциялар:

Тез-тез (≥1/100, <1/10): қоринда оғриқ, кўнгил айниши (кўпинча дозани ошириб юборилганда), қусиш, метеоризм, диарея (асосан овқат-ҳазм қилиш тизими томонидан реакциялар ўтувчан характерга эга ва кам ҳолларда яққол бўлади; препаратни овқатланишни бошида қабул қилиб, уларнинг жадаллигини камайтириш мумкин); сохтамембраноз колит (препаратни қабул қилиш фонида ёки даволаш тўхтатилганидан кейин 5 хафта давомида оғир ва турғун диарея пайдо бўлган ҳолларда) кўпчилик ҳолларда Cljstridium difficile нинг токсин ишлаб чиқарувчи штаммлари томонидан чақирилади.

Кам ҳолларда (≥1/10000, <1/1000): ичак кандидози, геморрагик колит, тиш эмалининг юза қаватини рангини ўзгариши.

Гепатобилиар тизими томонидан:

Тез-тез (≥1/100, <1/10): жигар ферментлари фаоллигини бироз ошиши.

Кам ҳолларда (≥1/10000, <1/1000): гепатит ва холестатик сариқлик. Жигар фаолиятини бузилиши симптомлари даволаш вақтида ёки даволаш тугатилиши биланоқ пайдо бўлади, лекин айрим ҳолларда улар препарат қабул қилиш тўхтатилганидан кейин бир неча хафта ўтгач намоён бўлиши мумкин; кўпинча эркакларда ва 60 ёшдан ошган пациентларда кузатилади; болаларда жуда кам ҳолларда (<1/10000) кузатилади. Нохуш реакцияларни пайдо бўлиши эҳтимоли препаратни 14 кундан ортиқ қўллаганда ошади. Жигар фаолиятини бузилиши одатда, қайтувчандир, аммо баъзида оғир даражали бўлиши мумкин ва жуда кам ҳолларда (<1/10000) (фақат оғир ёндош касаллиги бўлган пациентларда ёки потенциал гепатотоксик препаратларни бир вақтда қабул қилинганда) ўлимга олиб келиши мумкин.

Сийдик-жинсий тизим томонидан:

Тез-тез эмас (≥1/1000, <1/100): қичишиш, ачишиш ва қиндан ажралмалар;

Кам ҳолларда (≥1/10000, <1/1000): интерстициал нефрит.

Дозани ошириб юборилиши

Симптомлари: кўнгил айниши, сув ва электролит мувозанатини бузилиши билан кечувчи қусиш ва диарея.

Даволаш

Фаоллаштирилган кўмир ва осмодиуретиклар буюрилади. Сув ва электролит мувозанатини тутиб туриш керак. Тиришишларда диазепам буюрилади. Бошқа симптомлар симптоматик даволанади. Оғир буйрак етишмовчилиги ҳолларида гемодиализ ўтказилиши керак.

Бошқа дори препаратлари билан ўзаро таъсири

Бошқа антимикроб препаратлар

Баъзи бактериостатик препаратлар (масалан, хлорамфеникол, сульфаниламидлар ва бошқалар) билан бирга қўлланилганда in vitro шароитда амоксициллин/клавуланат кислотаси билан антагонизм аниқланган.

Дисульфирам

Амоксициллин/клавуланат кислотасини дисульфирам билан бир вақтда қўллаш мумкин эмас.

Амоксициллинни буйрак орқали чиқарилишини тормозловчи дори воситалари

Пробенецид, фенилбутазон, оксифенбутазон ва камроқ даражада ацетилсалицил кислотаси, индометацин ва сульфинпиразонни бир вақтда қабул қилиш, препаратнинг концентрациясини ошишига ва қон плазмасида ва сафрода амоксициллинни узоқроқ бўлишига олиб келади. Бунда клавуланат кислотасини чиқарилиши бузилмайди.

Антацидлар, глюкозамин, сурги дори воситалари, аминогликозидлар сўрилишини секинлаштиради ва камайтиради; аскорбин кислотаси амоксициллинни сўрилишини оширади.

Аллопуринол

Аллопуринол ва амоксициллинни буюриш тери тошмаси ривожланиши хавфини ошириши мумкин.

Сульфасалазин

Аминопенициллинлар қон зардобида сульфасалазиннинг концентрациясини камайтириши мумкин.

Метотрексат

Амоксициллин метотрексатнинг буйрак клиренсини камайтириши мумкин, бу унинг токсик таъсир хавфини ошишига олиб келиши мумкин. Амоксициллин билан бир вақтда қабул қилинганида қон зардобида метотрексатнинг концентрациясини мониторингини ўтказиш керак.

Дигоксин

Амоксициллин/клавуланат кислотасини қабул қилиш фонида дигоксинни сўрилиши ошиши мумкин.

Антикоагулянтлар

Билвосита антикоагулянтлар билан бир вақтда қабул қилинганида қон кетиши хавфи ошиши мумкин.

Гормонал контрацептивлар

Амоксициллинни қабул қилиш фонида кам ҳолларда перорал контрацептивларнинг самарадорлигини пасайиши аниқланган, шунинг учун пациентларга контрацепциянинг гормонал бўлмаган усулларидан фойдаланишни тавсия этиш лозим.

Махсус кўрсатмалар

Пенициллинларга ўта юқори сезувчанлиги бўлган пациентларда анафилактик реакциялар (кўпинча – анамнезида ўта юқори сезувчанлик мавжудлигида) пайдо бўлиши мумкин. Бундай ҳолларда Флемоклав Солютаб® билан даволашни дарҳол тўхтатиш ва бошқа мос келувчи даволаш билан алмаштирилиши керак. Анафилактик шокни даволаш учун адреналинни, глюкокортикостероидларни дарҳол юбориш ва нафас етишмовчилигини бартараф этиш талаб этилиши мумкин.

Бошқа пенициллинлар ёки цефалоспоринлар билан кесишган чидамлилик ва ўта юқори сезувчанлик бўлиши мумкин. Кенг таъсир доирасига эга бошқа антибиотикларни қўллаганда бўлгани каби замбуруғли (хусусан – кандидоз) ёки бактериал генезли суперинфекциялар, айниқса сурункали касалликлари ва/ёки иммун тизимининг фаолиятини бузилиши бўлган пациентларда пайдо бўлиши мумкин. Суперинфекция ривожланган ҳолларда препарат бекор қилинади ва/ёки мувофиқлаштирувчи даволаш буюрилади.

Қусиш ва/ёки диарея билан кечувчи меъда-ичак йўллари томонидан оғир даражали бузилишлари бўлган пациентларга юқорида санаб ўтилган симптомлар бартараф этилгунча Флемоклав Солютаб® ни буюриш мақсадга мувофиқ эмас, чунки препаратни меъда-ичак йўлларидан сўрилиши бузилиши мумкин.

Оғир ва турғун диареяни пайдо бўлиши сохтамембраноз колитни ривожланиши билан боғлиқ бўлиши мумкин, бундай ҳолларда препарат бекор қилинади ва зарур даволаш буюрилади. Геморрагик колит ривожланган ҳолларда ҳам препаратни дарҳол бекор қилиш ва мувофиқлаштирувчи даволашни буюриш лозим. Бундай ҳолларда ичак перистальтикасини сусайтирувчи препаратларни қўллаш мумкин эмас.

Бир тадқиқотда ҳомила пардаларини муддатидан аввал ёрилиши бўлган аёлларда амоксициллин/клавуланат кислотасини профилактик қабул қилиш янги туғилган чақалоқларда некрозланувчи энтероколит ривожланиши хавфини оширган.

Флемоклав Солютаб® ни 875/125 мг дозада фақат буйрак калавалари фильтрацияси тезлиги минутига >30 мл бўлгандагина буюриш мумкин.

Жигар фаолиятини бузилиши бўлган пациентларга амоксициллин/клавуланат кислотаси мажмуаси эҳтиёткорлик билан ва доимий тиббий кузатув остида буюрилиши керак. Флемоклав Солютаб® ни жигар фаолиятини баҳоламасдан 14 кундан ортиқ қўллаш мумкин эмас. Препаратни узоқ муддат қўллаганда периферик қон, буйрак ва жигар фаолиятининг кўрсаткичларини мунтазам назоратини олиб бориш керак.

Препаратни қабул қилиш фонида баъзида протромбин вақтини узайиши аниқланади, шунинг учун антикоагулянтларни амоксициллин/клавуланат кислотаси билан бирга қабул қилаётган пациентларда ушбу кўрсаткични мунтазам назорат қилиш керак.

Сийдикда амоксициллиннинг юқори концентрацияси туфайли, у сийдик катетери деворида чўкмага тушиши мумкин, шунинг учун бундай пациентларда катетерларни вақти-вақти билан алмаштириш керак. Жадаллаштирилган диурез амоксициллинни чиқарилишини тезлаштиради ва унинг плазмадаги концентрациясини камайтиради.

Сийдикда қанд миқдорини ферментатив бўлмаган аниқлаш усуллари, шунингдек уробилиногенни аниқлаш сохтамусбат натижалар бериши мумкин.

Даволаш фонида тиришишлар пайдо бўлганида препарат бекор қилинади. Флемоклав Солютаб® 875/125 мг бир таблеткаси 25 мг калий сақлайди.

Чиқарилиш шакли

875 мг + 125 мг дисперсияланувчи 7 таблеткалардан блистерда, 2 блистердан қўллаш бўйича йўриқномаси билан картон қутига жойланади.

Сақлаш шароити

25оС дан юқори бўлмаган ҳароратда сақлансин.

Болалар олаолмайдиган жойда сақлансин.

Яроқлилик муддати

2 йил. Ўрамида кўрсатилган яроқлилик муддати ўтгач ишлатилмасин.

Дорихоналардан бериш тартиби

Рецепт бўйича.