ҚЎЛЛАШ БЎЙИЧА ЙЎРИҚНОМА
ФАРБУТИН®
FARBUTIN®
Препаратнинг савдо номи: Фарбутин®
Таъсир этувчи модда (ХПН): рифабутин
Дори шакли: капсула
Таркиби:
1 капсула қуйидагиларни сақлайди:
фаол модда: рифабутин – 150 мг;
ёрдамчи моддалар: микрокристалл целлюлоза – 120,0 мг; натрий лаурилсульфати – 7,5 мг; коллоид кремний диоксиди (аэросил) 6,25 мг; магний стеарати – 6,25 мг; қаттиқ желатин капсулалар (қаттиқ желатин капсулаларнинг таркиби: желатин 100% гача, тозаланган сув – 14-15%, метилпарагидроксибензоат – 0,8%, темир III-оксиди буёвчиси – 1,9%, пропилпарагидроксибензоат – 0,2%, титан диоксиди – 0,3%.
Таърифи: жигарранг рангли, ўлчами №0 бўлган, қаттиқ желатин капсулалар. Капсуланинг ичидагиси: қизил-бинафша рангли кукун.
Фармакотерапевтик гуруҳи: антибиотик – рифампицин.
АТХ коди: J04AB04
Фармакологик хусусиятлари
Рифабутин – рифампицинлар гуруҳига мансуб кенг таъсир доирали яримсинтетик антибиотикдир. Таъсир механизми ДНКга боғлиқ РНК-полимеразани ингибиция қилиниши ҳисобига аминокислоталарнинг синтезини сусайтириши билан боғлиқ. Рифабутин кислотага чидамли бактериялар, шу жумладан атипик ва полирезистент микобактерияларга нисбатан юқори фаолликка эга. Рифабутин М.tuberculosis (рифампицинга ҳам сезувчан, ҳам резистент штаммлари) га нисбатан фаол. Бундан ташқари, рифабутин атипик микобактериялар, шу жумладан М.avium intracellulare complex (MAC) га нисбатан ҳам фаол.
Фармакокинетикаси
Рифабутин МИЙ дан тез сўрилади. Плазмада препарат максимал концентрацияси ичга қабул қилгандан сўнг тахминан 2-4 соатдан кейин эришилади. Плазмадаги препаратнинг концентрацияси M.tuberculosis учун қабул қилган вақтдан бошлаб 30 соатгача минимал ингибиция қилувчи концентрациядан юқори концентрацияда тутиб туради. Рифабутиннинг фармакокинетикаси тўғри чизиқли хусусиятга эга, бунда максимал концентрация қиймати 0,4-0,7 мкг/мл диапазонда аниқланади. Рифабутин турли аъзоларга кенг тақсимланади. Хусусан, одамнинг ўпка тўқимасидаги рифабутиннинг концентрацияси ичга қабул қилгандан сўнг 24 соатдан кейин плазмадаги препаратнинг концентрациясидан 5-10 марта ортиқ бўлган. Рифабутин ҳужайралар ичига яққол кириш хусусиятига эга, бу хужайра ичида жойлашган микобактерияларга нисбатан юқори самарадорликни таъминлайди. Рифабутин ва унинг метаболитлари асосан сийдик билан чиқарилади. Рифабутинни ярим чиқарилиш даври одамда тахминан 35-40 соатни ташкил этади.
Қўлланилиши
M.tuberculosis, М.avium intracellulare complex (MAC), M.xenopi микобактериялари, бошқа атипик бактериялар (шу жумладан, иммунтанқислиги бўлган пациентларда) чақирган инфекцияни (ҳам маҳаллий, ҳам тарқоқ шакллари) даволаш; иммунодепрессияси бўлган пациентларда MAC инфекциясини олдини олиш. Рифабутин қайта ташхис қўйилган ўпка туберкулёзида ҳам, М. tuberculosis ни рифампицинга резистент штаммлари чақирган полирезистент сурункали ўпка туберкулёзи бўлган ҳолларда ҳам кўрсатилган. Микобактериал инфекцияларни умумий қабул қилинган даволаш принципларига мувофиқ рифабутинни доимо рифамицин оиласига мансуб бўлмаган бошқа антимикобактериал препаратлар билан мажмуада буюриш керак.
Қўллаш усули ва дозалари
Рифабутин овқат истеъмол қилишдан қатьий назар ичга суткада бир марта буюрилади. Ўпкани сурункали полирезистент туберкулёзида: 300-450 мг (2-3 капсула) экишнинг манфий жавоби олинган вақтдан бошлаб 6 ойгача муддат давомида қабул қилинади. Қайта ташхис қўйилган ўпка туберкулёзида: 150 мг (1 капсула) 6 ой давомида қабул қилинади. Иммунодепрессияси бўлган пациентларда MAC инфекциясини олдини олиш учун рифабутин монотерапия сифатида 300 мг суткалик дозада (2 капсула) буюрилади. Рифабутин бошқа препаратлар билан мажмуада: нотуберкулёз микобактериал инфекцияда манфий экиш жавоби олинган вақтдан бошлаб 6 ойгача муддат давомида 450-600 мг суткалик дозада (3-4 капсула) буюрилади. Буйраклар фаолияти яққол бузилган (КК 30 мл/мин дан паст) пациентларга дозасини 50% га пасайтириш кўрсатилган. Кекса ёшдаги пациентлар учун дозага тузатиш талаб қилинмайди.
Ножўя таъсирлари
Камайиб бориш тез-тезлик бўйича келтирилган, энг кўп ривожланадиган ножўя самаралар қуйидагилар билан боғлиқ:
- овқат ҳазм қилиш тизими: кўнгил айниши, қусиш, “жигар” ферментларининг даражасини ошиши, сариқлик;
- қон ва лимфа тизими: лейкопения, тромбоцитопения ва анемия;
- скелет-мушак тизими: артралгия ва миалгия.
Кам ҳолларда: сохтамембраноз колит, астения, иситма, диспепсия, ҳиқичоқ тутиш, метеоризм, уйқусизлик, миозит, гепатит, гриппсимон синдром, гемолиз, кўкрак қафасида оғриқ, тери рангини ўзгариши, ишқорий фосфатаза, аланинаминотрансфераза, аспартатаминотрансферазанинг фаоллигини ошиши; тошма ва эозинофилия, бронхоспазм, шок, қайтувчан увеит каби бошқа индивидуал юқори сезувчанлик реакциялари (оғирлик даражаси енгилдан оғир даражагача ўзгариши мумкин) кузатилади.
Қўллаш мумкин бўлмаган холатлар
Анамнезида рифабутин ёки бошқа рифамицин (масалан, рифампицинга) га юқори сезувчанлик. Ҳомиладорлар, эмизикли аёллар ва болаларда препаратни қўллаш бўйича клиник тажриба етарли бўлмаганлиги сабабли, бу гуруҳдаги беморларда рифабутинни қўллаш мумкин эмас.
Дориларнинг ўзаро таъсири
Рифабутин CYP3A изоферментларини индукция қилиниши ва шу билан бу ферментлар томонидан метаболизмга учрайдиган дори воситаларнинг фармакокинетикасига таъсир қилиши мумкинлиги кўрсатилган. Шу сабабли рифабутин билан даволашда перорал контрацептивлар самарасиз бўлиши мумкин, ва пациент бошқа контрацепция воситаларидан фойдананиши керак. Рифабутин диданозин ва изониазиднинг фармакокинетикасига таъсир қилмайди. Этамбутол, теофиллин, сульфонамидлар, пиразинамид, флуконазол ва зальцитабин билан аҳамиятли даражадаги ўзаро таъсир қилиш эҳтимоли кам, бироқ флуконазол плазмада рифабутиннинг концентрациясини ошириши мумкин. Рифабутин кларитромицин билан бирга буюрилганда плазмада рифабутиннинг концентрацияси ошиши мумкин. Рифабутин изониазид, пиразинамид ва айниқса протионамид билан бирга қўлланганида -уларнинг антимикроб фаоллиги аҳамиятли даражада ошади. CYP3A изоферментларининг индуктори бўлиб, жигарда дори воситаларнинг метаболизмини тезлаштиради (дозасини ошириш талаб қилинади). Плазмада итраконазол, кларитромицин ва секвинавирнинг концентрациясини пасайтиради.
CYP3A изоферментларининг ингибиторлари плазмада рифабутиннинг концентрациясини ошириши мумкин. Делавирдин ва ритонавир билан бир вақтда буюриш тавсия этилмайди. Нелфинавир билан бирга қабул қилинганида, рифабутиннинг дозасини 2 марта камайтириш керак.
Рифабутин рифампициннинг аналоги ҳисобланади, бироқ у жигарнинг микросомал ферментларини камроқ даражада индукция қилади, шунинг учун рифампицинга тегишли баъзи ўзаро таъсирлар рифабутин учун ҳам тўғри келиши мумкин.
Махсус кўрсатмалар
Оғир даражадаги жигар етишмовчилиги бўлган пациентларга рифабутин буюрилганида эҳтиёткорликка риоя қилиш керак. Жигар фаолиятини аҳамиятсиз даражада бузилиши ва/ёки буйраклар фаолиятини аҳамиятсиз ёки ўртача даражада бузилиши бўлган пациентларга дозага тузатиш киритиш талаб қилинмайди. Даволаш вақтида периферик қондаги лейкоцитлар, тромбоцитларнинг миқдори ва “жигар” ферментлари фаоллигини вақти-вақти билан назорат қилиш тавсия этилади.
Автомобилни бошқариш ва техник ускуналардан фойдаланиш қобилиятига рифабутинни таъсири ҳақида маълумотлар мавжуд эмас.
Рифабутин қабул қилаётган пациентлар контакт линзаларини тақишлари мумкин эмас. Рифабутин кларитромицин билан бирга буюрилганида рифабутиннинг суткалик дозасини 300 мг гача камайтириш керак. Рифабутин кларитромицин (ёки бошқа макролидлар) ва/ёки флуконазол (ёки ўхшаш бирикмалар) билан мажмуада буюрилган ҳолларда, увеитни ривожланиш эҳтимоли борлиги сабабли пациентларни диққат билан кузатиш кўрсатилган. Увеит ривожланган ҳолда офтальмологни маслаҳати, зарурат бўлган ҳолларда рифабутинни вақтинчалик бекор қилиш кўрсатилган. Рифабутин сийдик, тери ва секрецияланадиган суюқликларга қизил-тўқ сариқ ранг бериши мумкин.
Препарат болалар ололмайдиган жойда сақлансин ва яроқлилик муддати ўтгач ишлатилмасин.
Дозани ошириб юборилиши
Симптомлари: ножўя самараларни кучайиши.
Даволаш: меъдани ювиш, диуретиклар, симптоматик даволаш.
Чиқарилиш шакли
1, 3, 5, 10 контур уяли ўрам 10 капсуладан қўллаш бўйича йўриқнома билан бирга картон қутида.
Сақлаш шароити
Қуруқ, ёруғликдан ҳимояланган жойда, 25°С дан юқори бўлмаган ҳароратда сақлансин.
Яроқлилик муддати
2 йил.
Дорихоналардан бериш тартиби
Шифокор рецепти бўйича.