ҚЎЛЛАШ БЎЙИЧА ЙЎРИҚНОМА

ЭЛИГАРД

ELIGARD

Қайд этиш рақами: Б-250-95 № 14613

Препаратнинг савдо номи: Элигард

Таъсир этувчи модда (ХПН): лейпрорелин (leuprorelin)

Дори шакли: тери остига юбориш учун эритма тайёрлаш учун лиофилизат эритувчи билан комплектда.

Таркиби:

1 А шприц қуйидагиларни сақлайди:

фаол модда: йўқ

ёрдамчи моддалар:

қуйидагилардан иборат бўлган эритма:

1 Б шприц қуйидагиларни сақлайди:

фаол модда: лейпрорелин ацетати^*

7,5 мг ли доза:                      10,6 мг

22,5 мг ли доза:                    29,2 мг

45 мг доза:                             59,2 мг

ёрдамчи моддалар: йўқ

^*Лейпрорелин ацетатини ортиқча миқдори шприц ва игнадаги йўқотишларини компенсациялайди.

Эритиб тайёрланган эритма (юбориладиган доза) 7,5 мг, 22,5 мг ёки 45 мг лейпрорелин ацетатини сақлайди.

Таърифи:

А шприц (эритувчи)

7,5 мг ли доза: Оч-сариқдан жигарранг тусли оч-сариқ ранглигача бўлган тиниқ, кўринмайдиган ёт заррачали, қовушқоқ суюқлик. Ҳаво пуфакчалари бўлишига йўл қўйилади.

22,5 мг ва 45 мг ли дозалари: Рангсиздан оч-сариқ ранглигача бўлган, тиниқ, кўринмайдиган ёт заррачали, қовушқоқ суюқлик. Ҳаво пуфакчалари бўлишига йўл қўйилади.

Б шприц (лейпрорелин ацетати лиофилизати)

Оқдан деярли оқ ранглигача бўлган, кўринарли ёт заррачаларсиз лиофилизат.

Эритиб тайёрланган эритма

7,5 мг ли доза: оч-сариқдан жигарранг тусли оч-сариқ ранглигача бўлган, кўринмайдиган ёт заррачали, қовушқоқ суюқлик,. Ҳаво пуфакчалари бўлишига йўл қўйилади.

22,5 мг ва 45 мг ли дозалари: рангсиздан оч-сариқ ранглигача бўлган, кўринмайдиган ёт заррачали, қовушқоқ суюқлик,. Ҳаво пуфакчалари бўлишига йўл қўйилади.

Фармакотерапевтик гуруҳи: ўсмаларга қарши восита, гонадотропин-рилизинг гормонининг аналоги.

АТХ коди: L02A E02

Фармакологик хусусиятлари

Фармакодинамикаси

Лейпрорелин табиий гонадотропин-рилизинг-гормонининг (ГнРГ) пептид бўлмаган синтетик аналоги бўлиб, у узоқ муддат қўлланганида гипофизар гонодотропиннинг секрециясини ингибиция қилади ва эркакларда тестикуляр стероидогенезни сусайтиради. Аналог табиий гормонга нисбатан юқори самарага эга ва даволаш тўхтатилганида таъсири қайтувчандир.

Лейпрорелинни буюриш аввал қонда айланиб юрувчи лютеинловчи гормон (ЛГ) ва фолликулани рағбатлантирувчи гормон (ФРГ) миқдорини ошишига олиб келади, бунинг натижасида эркакларда стероид гонадалар, тестостерон ва дигидротестостероннинг миқдори вақтинча ошади. Лейпрорелинни узоқ вақт қўлланганда ЛГ ва ФРГ миқдори камаяди. Эркакларда тестостерон миқдори даволаш бошланганидан кейин 3-5 ҳафта давомида кастрацион даражасигача (≤50 нг/дл) камаяди. 6 ой даволангандан кейин тестостероннинг қондаги ўртача миқдори 7,5 мг ли доза учун 6,1 (±0,4) нг/дл ни; 22,5 мг ли доза учун 10,1 (±0,7) нг/дл ни ва 45 мг ли доза учун 10,4 (±0,53) нг/дл ни ташкил қилади. Бу қийматлар билатерал орхиэктомия бажарилганидан кейинги тестестероннинг даражаси билан бир хил бўлган.

Фармакокинетикаси

Биринчи инъекциядан кейин 4-8 соат ўтгач, қон зардобида аниқланадиган лейпрорелин концентрациясининг ўртача миқдори (С_max) лейпрорелин 7,5 мг, 22,5 мг ва 45 мг дозаларда қўлланганида мувофиқ равишда 25,3 нг/дл, 127 нг/дл ва 82 нг/дл гача ошади.

Зардобдаги лейпрорелиннинг даражасини бирламчи ошишдан (7,5 мг ли доза учун плато фазаси 2 кундан 28 кунгача; 22,5 мг ли доза учун 3 кундан 84 кунгача, 45 мг ли доза учун 3 кундан 168 кунгачани ташкил қилади) кейин нисбатан турғун қолган (0,2-2 нг/мл). Такрорий инъекцияларда моддани тўпланиши ҳақида маълумотлар йўқ.

Плазма оқсиллари билан боғланиши – 43%-49% ни ташкил қилади.

1 мг лейпрорелин ацетати соғлом кўнгилли эркакларга, вена ичига юборилганида, икки камерали моделни қўлланганида якуний ярим чиқарилиш даври тахминан 3 соат бўлиб, ўртача клиренси соатига 8,34 л ни ташкил қилади.

Элигард препаратини чиқарилиши бўйича тадқиқотлар ўтказилмаган.

Қўлланилиши

Простата безининг гормонга боғлиқ раки.

Қўллаш мумкин бўлмаган ҳолатлар

Лейпрорелин, ГнРГ нинг бошқа агонистлари ёки дори шаклига кирувчи ҳар қандай ёрдамчи моддаларга юқори сезувчанлик.

Хирургик кастрация.

Аёллар ва болаларда қўллаш мумкин эмас.

Қўллаш усули ва дозалари

Элигард 7,5 мг ли дозада бир ойда бир марта, 22,5 мг ли дозада уч ойда бир марта ва 45 мг ли дозада олти ойда бир марта тери ости инъекцияси кўринишида буюрилади. Аввал тайёрлаб қўйилган иккита стерил шприцларнинг ичидагиси Элигард препаратини бевосита тери остига юборилишидан олдин аралаштирилиши лозим. Юборилган эритма кўрсатилган муддат давомида лейпрорелинни доимий ажралиб чиқишини таъминловчи препаратнинг депосини ҳосил қилади. Даволаш узоқ муддатлидир. Ремиссия бошланганида ёки ҳолат яхшиланганида даволашни тўхтатиш тавсия этилмайди. Элигард простатанинг юқори хавфли тарқалган ўсмаси ва маҳаллий-тарқалган ўсмаси бўлган пациентларда нур билан даволаш билан бирга адъювант ёки адъювант бўлмаган даволаш сифатида ҳам ишлатилиши мумкин.

Инъекция жойини мунтазам ўзгартириш керак. Препаратни артерия ёки венага тушишидан сақланиш керак.

Пациентларнин алоҳида популяцияси учун  дозага тузатиш киритиш

Элигардни жигар ва буйрак етишмовчилиги бўлган беморларда қўллаш бўйича клиник маълумотлар йўқ.

Юбориш учун эритмани тайёрлаш бўйича тавсиялар

Тери остига юбориш учун эритмани нотўғри тайёрлашда клиник самарадорликни йўқ бўлиши ҳолатлари кузатилиши мумкин.

Ишлатишдан олдин ўрам музлатгичдан олинади ва хона ҳароратида ўрамнинг ҳарорати хона ҳароратига етгунигача сақланади.

Аввал пациентни препаратни юбориш учун тайёрлаш тавсия этилади, сўнгра қуйида кўрсатилган тавсияларга мувофиқ эритмани тайёрлашга ўтилади.

Ўрамни ишлатишдан тахминан 30 минут олдин музлатгичдан олинади ва хона ҳароратида ушланади.

Музлатгичдан олингандан кейин, препарат оригинал ўрамда, хона ҳароратида (25°С дан юқори бўлмаган) 4 ҳафтагача сақланади.

1-босқич. Қутидан иккита контур уяли ўрамларни олинг ва уларни очинг, алюмин фольганинг ҳоли бўлган четларидан тортиб, уяли ўрамларни ичидагисини чиқаринг. (1.1- ва 1.2-расм) ва тоза юзага қўйинг. Намни ютувчи пакетларни ташлаб юборинг.

2-босқич. В шприцни олинг ва ундан чегараловчи мослама билан бирга кўк рангли калта поршенни ажратиб олинг (чегараловчидан поршенни бураб ажратманг) (2-расм).

Б шприцдан қисқа кўк рангли поршен ажралмагунича шприцларнинг ичидагисини аралаштирманг.

3-босқич. Б шприц учун оқ поршенни олинг ва қолган кул ранг чегараловчи мослама томонидан Б шприцни ўрнатинг (3-расм, 1-босқич), поршенни чегараловчигача соат стрелкаси бўйлаб айлантиринг (3-расм, 2-босқич).

4-босқич. Б шприцдан резинкали кулранг қалпоқчани ечинг ва шприцни олиб қўйин (4-расм).

5-босқич. А шприцни олинг ва уни вертикал ҳолатда ушлаб туриб, эритувчини оқишидан сақланиш учун, А шприцдан тиниқ қалпоқчани ечиб олинг (5-расм).

6-босқич. Иккала шприцни бирлаштиринг, А шприцни тегидан ва В шприцни А шприцга соат стрелкаси бўйлаб тўлиқ фиксация бўлгунича айлантиринг (6a, 6b-расм).

Шприцларни хаддан ташқари зич бураб қотирманг.

7-босқич. Бирлаштирилган шприцларни шундай айлантиринки, Б шприц пастда бўлсин ва А шприцнинг поршенига А шприцнинг ичидаги модда (эритувчи) Б шприцга (лейпопрелин ацетат кукунини сақловчи) тўлиқ ўтгунига қадар босинг, шприцларни вертикал ушланг. (7-расм).

8-босқич. Шприцларни қатъий горизантал ҳолатда ушлаб туриб, иккала шприцнинг ичидаги моддани яхшилаб аралаштиринг, бир хил массали қовушқоқ эритма ҳосил бўлгунга қадар шприцлар поршенини навбатма-навбат эҳтиёткорлик билан босинг (тахминин 60 марта, бу тахминан 60 секунд вақтни олади) (8-расм). Тизимни эгилишига йўл қўйманг (бу оқиб кетишига сабаб бўлиши мумкин, чунки шприцлар етарли даражада зич беркитилмаган бўлиши мумкин).

Яхшилаб аралаштирилгандан кейин қўлланишга тайёр бўлган аралашма рангсиз ёки оч сарғиш бўлиши керак (оқ ёки оч сарғиш тус кузатилиши мумкин).

Муҳим: эритмани тайёрлангандан кейин дарҳол ишлатиш зарур, чунки унинг қовушқоқлиги вақт ўтиши билан ошиб боради. Тайёр бўлган маҳсулотни музлатиш ман этилади.

Ёдда тутинг: препаратни йўриқномада кўрсатилгани каби аралаштириш керак; чайқатиш яхши аралашишини таъминламайди.

9-босқич. Шприцларни вертикал ушланг, Б шприц – пастда бўлсин. Шприцлар мустаҳкам маҳкамланган бўлиши керак. А шприц поршенига босиб ва Б шприцнинг поршенини бироз тортиб, ичидаги барча моддани В шприцга ўтказинг (9-расм).

Ёдда тутинг: ҳавода битта катта ёки майда ҳаво пуфакчаларни бўлишига йўл қўйилади. Илтимос, Б шприцдаги пуфакчаларни, бу босқичда олиб ташлашга ҳаракат қилманг, чунки бу маҳсулотни йўқотилишига олиб келиши мумкин.

10-босқич. А шприцнинг поршенига босишни давом эттириб, шприцни орқага айлантиринг (10 расм). Шприцнинг ичидагисини оқмаяптганлигига ишонч ҳосил қилинг. Чунки Сиз оқиб кетиш ҳолатида нинани мустаҳкамлай олмайсиз.

11-босқич. Б шприцни вертикал ҳолатда ушланг. Стерил игна билан ўрамни очинг (қоғозли этикеткани тортиб) ва игнани олинг. Б шприцни асосига игна картриджини қўйинг ва игнани соат стрелкаси бўйлаб айлантириб, эҳтиёткорлик билан бирлаштиринг (11-расм). Куч билан тортманг.

12-босқич. Инъекциядан олдин игнанинг ҳимоя қалпоқчасини ечинг (12-расм).

Муҳим: препаратни юборгунга қадар ҳимоя мосламасини ҳаракатга келтирманг.

13-босқич. Юборишни бошлашдан олдин Б шприцдан катта ҳаво пуфакчаларини олиб ташланг. Препаратни тери остига юборманг. Илтимос, Б шприц ичидаги препаратнинг барчаси юборилганлигига ишонч ҳосил қилинг.

14-босқич. Инъекциядан сўнг қуйида баён этилган иккита усулдан бирортаси билан игнани ҳимоя мосламасини зудлик билан фаоллаштиринг.

1-усул

Ясси юзада ёпиш

Шприцни игнаси билан ясси юзага ҳимоя мосламаси ричагини пастга қаратиб қўйинг ва ричагни босиб, ҳимоя механизмини фаоллаштиринг (14.1a-расм). Сўнгра ричагни аввалги ҳолатга, игнанинг учи тўлиқ ёпилгунга қадар айлантиринг. Ричаг охириги ҳолатига ўтказилгани ва игнанинг учи тўлиқ ёпилганлигига ишонч ҳосил қилинг (ўзига хос шақ этган товуш чиқгунича) (14.1б-расм).

2-усул

Қўл билан ёпиш

Катта бармоқни ричагга қўйинг игнанинг учи йўналиши бўйлаб, игнани учи тўлиқ ёпилгунига қадар ричагни бироз босиб, олдинги охирги ҳолатига ўтказинг (14.2a-2б-расм).

Ричаг охирги ҳолатига ўтганига ва игнанинг учи тўлиқ ёпилганига ишонч ҳосил қилинг. (ўзига хос шақ этган товуш чиқунига қадар) (14.2б-расм).

15-босқич. Игнани ва шприцни ўткир предметлар учун мўлжалланган тегишли контейнерга дарҳол солинг.

Ножўя таъсири

Элигард препаратини қабул қилиш оқибатида юз берган нохуш ҳолатлар, асосан гормонлар даражасини ошиши ва камайишини чақирувчи лейпрорелиннинг специфик фармакологик таъсири билан боғлиқдир. Энг кенг тарқалган ножўя самаралари: қизиб кетиш, ҳолсизлик, кўнгил айниши ва ҳолсизлик, препаратни юбориш жойида маҳаллий таъсирланиш ҳисобланади. Кучсиз ёки ўртача қизиб кетиш ҳислари тахминан 58% пациентда кузатилган.

Қуйидаги ножўя ҳолатлар простата безининг тарқалган ўсмаси бўлган пациентларда ўтказилган Элигард препаратининг клиник тадқиқотлари вақтда аниқланган. Қуйида келтирилган ножўя реакциялар тез-тезлиги, қуйидаги чегарага мувофиқ равишда баён этилган: жуда тез-тез (>1/10), тез-тез (>1/100, <1/10); тез-тез эмас (>1/1000, <1/100); кам ҳолларда (>1/10000, <1/1000); жуда кам ҳолларда (>1/10000), номаълум (мавжуд маълумотларга асосланиб баҳолаб бўлмайди).

1-жадвал: Элигард препаратининг клиник тадқиқотлари жараёнидаги ножўя ҳолатлар

Лейпрорелин ацетатини қабул қилингандаги бошқа нохуш ҳолатларга қуйидагилар киради; периферик шиш, ўпка эмболияси, пальпитация, миалгия, мушак кучсизлиги, эт увишиши, бош айланиши, қичишиш, амнезия ва кўришни бузилиши. Қисқа муддатли ва давомли таъсир қилувчи ГнРГ антагонистлари қабул қилингандан кейин гипофизар апоплексия чақирган инфарктни юз бериши тўғрисида кам маълумотлар тушган. Шунингдек, глюкозага толерантликни ўзгаришлари билан бир қаторда тромбоцитопения ва лейкопенияни юз бериш ҳолатлари ҳам аниқланган.

Элигард препарати юборилганидан кейин маҳаллий реакциялар, тери остига юбориладиган бошқа препаратларни юборилганига ўхшаш бўлган.

Умуман олганда препаратни юборгандан кейинги маҳаллий реакциялар кучсиз характерга эга ва қисқа муддатли ҳисобланади.

Суяклар зичлигни ўзгариши

Орхиэктамия ёки ГнРГ аналоглари билан даволашдан кейин эркакларда суяклар зичлигини камайиши адабиётларда аниқланган. Лейпрорелин билан узоқ муддатли даволашда остеопороз симптомларини кучайишига олиб келиш мумкин деб эҳтимол қилиш мумкин, бу синишлар хавфини оширади.

Касалликнинг симптомлари ва белгиларини кучайиши

Лейпрорелин ацетати билан даволаш касаллик симптомларини даволашни бирини хафталари давомида кучайишига олиб келиши мумкин. Умуртқа поғонаси метастазалари ва/ёки ўт, сийдик йўллари обструкцияси ёки гемотурия, неврологик асоратлар билан бирга, ҳолсизлик ва/ёки оёқ ва қўл бармоқларини парестезияси каби симптомлар ёки сийдик чиқарилишини бузилиш симптомларини ёмонлашуви келиб чиқиши мумкин.

Дозани ошириб юборилиши

Одамларда дозани ошириб юборилиши ҳақида маълумотлар йўқ. Дозани ошириб юборилиши ҳолларида беморга симптоматик даволашни буюриш керак.

Бошқа дори воситалари билан ўзаро таъсири ва ўзаро таъсирнинг бошқа турлари

Элигард препаратини бошқа препаратлар билан фармакокинетик ўзаро таъсирини ўрганиш бўйича тадқиқотлар ўтказилмаган. Элигардни бошқа дори препаратлари билан ўзаро таъсири ҳақида хабар берилмаган.

Махсус кўрсатмалар

Тери остига юбориш учун эритма нотўғри тайёрланганда клиник самарадорлиги кузатилмаслиги мумкин.

Элигардни ўсмаларга қарши даволаш тажрибасига эга бўлган шифокор кузатуви остида қўллаш керак.

Элигард препарати билан даволашга жавобни клиник параметрларга ва қон зардобида простата-махсус антиген (ПМА) концентрациясини аниқланишига қараб назорат қилиш лозим. Клиник тадқиқотларининг натижалари, тестестероннинг концентрациясини орхиэктамиясиз бўлган кўпчилик пациентларда даволашни биринчи 3 кунида ошишини сўнгра эса 3-4 ҳафта давомида медикаментоз кастрация даражасигача камайишини кўрсатди. Кейинчалик дори воситаси билан даволаш давом эттирилганда ушбу кўрсаткичлар ўзгармаган ҳолатда қолади. Агар даволашга нисбатан пациентдаги жавоб етарли бўлмаса, қон зардобида тестестероннинг концентрацияси кастрация даражасига эришилгани ёки шу даражада қолганига ишонч ҳосил қилиш керак.

Элигард ҳам бошқа – ГнРГ агонистлари препаратлари каби, даволашнинг биринчи ҳафтаси давомида тестостерон, дигидротестостерон ва нордон фосфотазанинг қон зардобидаги концентрациясини қисқа вақтга ошишини чақиради, шу боисдан пациентларда симптомлар кучайиши ёки суякларда оғриқ, неврологик бузилишлар, гематурия, сийдик чиқариш йўлининг обструкцияси ёки инфравезикал обструкция каби янги симптомлар пайдо бўлиши мумкин. Бу симптомлар одатда даволаш давом эттирилганида ўтиб кетади. ГнРГ агонистлари қўлланганида орқа миянинг компрессияси ҳоллари ҳақида ҳам хабар берилган. Зарурати бўлганида ушбу асоратларни стандарт даволашни ўтказиш керак.

Хирургик йўл билан кастрация ўтказилгандан кейин, Элигард препаратини қўллаш қон зардобида тестестеронни кейинчалик янада пасайишига олиб келади.

Умуртқа поғонаси ва/ёки бош мияда метастазлари бўлган пациентлар, шунингдек сийдик йўлларининг обструкцияси бўлган пациентларни даволашнинг биринчи бир неча ҳафтаси давомида синчковлик билан кузатиш керак.

Элигард билан даволашни бошлашдан уч кун олдин мувофиқ антиандрогенни қўшимча равишда буюриш ва даволашнинг биринчи икки ёки уч ҳафтаси давомида уни қабул қилишни давом эттириш тестостерон миқдорини бошланғич ошиш оқибатларини олдини олади.

ГнРГ агонистлари қўлланганда шунингдек, сийдик йўлларни обструкцияси ва орқа мия компрессиясини юз бериш ҳоллари ҳақида хабар берилган, бу, ҳам фатал асоратлар билан, ҳам уларсиз фалажларга олиб келиши мумкин. Орқа миянинг компрессияси ҳолларида ёки буйрак етишмовчилиги ривожланганда стандарт терапиядан сақланиш лозим.

Пациентларнинг маълум бир фоизида ўсмалар гормонал терапияга чидамли ҳисобданади. Тестостеронни ишлаб чиқарилишини сусайтирилишига қарамай, клиник кўрсаткичларни яхшиланишини йўқлиги, Элигард препарати билан кейинги даволашда самарадорликни йўқлиги сифатида ташхис қилинади.

Антиандроген даволаш остеопорозни пайдо бўлиши натижасида суякларни синиш хавфини оширади. Тестостероннинг давомли танқислигидан ташқари, остеопороз ривожланишига кексалик ёши, чекиш, алкоголни истеъмол қилиш, ортиқча тана вазни ва етарли бўлмаган жисмоний юкламалар таъсир қилиши мумкин.

Препаратни пострегистрацион даврида қўллаш давомида гипофизар апоплексияни (кам ҳолларда) (гипофиз инфарктидан кейин келиб чиқадиган клиник синдром) келиб чиқиш ҳолатлари ҳақида хабарлар келиб тушган, ГнРГ препарати – агонистларни қабул қилгандан кейин симптомлар кўпгина пациентларда биринчи дозани қабул қилгандан кейин 2 ҳафтадан сўнг, айримларда биринчи соат давомида пайдо бўлган. Ушбу ҳолатда гипофизар апоплексия бош оғриғи, қусиш, кўришни бузилиши, офтальмоплегия, руҳий ҳолатни ўзгариши ва юрак-қон томир етишмовчилиги каби симптомлар ҳолида намоён бўлади ва зудлик билан тиббий ёрдам кўрсатишни талаб этади.

Гипергликемия ва диабет: ГнРГ агонистлари препаратларини қабул қилган эркакларда гипергликемия ва диабетни ривожаланишининг юқори хавфи аниқланган. Гипергликемия қандли диабетни ривожланиши ҳақида ва диабет билан касалланган пациентларда гликемик назоратни ёмонлашишидан далолат бериши мумкин. ГнРГ агонистлари препаратларини қабул қилаётган пациентларда қонда глюкоза ва/ёки гликирланган гемоглобин (HbAlc) даражасининг мониторингини даврий равишда ўтказиш лозим, шунингдек, гипергликемия ёки диабетни зарур замонавий даволаш усулларини танлашни амалга ошириш лозим.

Юрак-қон томир тизими касалликлари: ГнРГ агонистлари препаратини қабул қилаётган эркакларда миокард инфаркти, тўсатдан юрак билан боғлиқ ўлим ва инсультни ривожланишини юқори хавфи ҳақида хабар берилган. Бундай хавф кўрсаткичларининг умумлашган нисбатлари доирасида етарли миқдордаги натижалар билан тасдиқланган, шунинг учун уни простата бези раки бўлган пациентлар учун даволаш усулини танлаш ҳақидаги қарорни қабул қилганда юрак-қон томир касалликларини ривожланиш хавфи билан бирга диққат билан баҳолаш керак. ГнРГ агонисти препаратларини қабул қилаётган пациентлар қон томир касалликларини ривожланишидан далолат берувчи симптомлар ва белгилари пайдо бўлиш юзасидан текширувлардан ўтишлари керак, шунингдек клиник амалиётининг замонавий принципларига асосланган даволанишлари керак.

Автомобилни хайдаш ва механизмларни бошқариш қобилиятига таъсири

Препаратнинг кучли толиқиш, бош айланиши, кўришни бузилиши каби баъзи ножўя таъсирлари автомобилни бошқариш ва диққатни юқори жамлаш ва психомотор реакцияларнинг тезлигини талаб қилувчи потенциал хавфли фаолият турларини бажариш қобилиятига салбий таъсир қилиши мумкин.

Чиқарилиш шакли

Олдиндан тўлдирилган полипропилен икки стерил шприц, бирида (Б шприц) тери остига юбориш учун эритма тайёрлаш учун лейпрорелин ацетати лиофилизати (7,5 мг ли доза учун 10,6 мг; 22,5 мг ли доза учун 29,2 мг; 45 мг ли доза учун 59,2 мг) сақлайди, бошқасида (А шприц) – эритувчи (7,5 мг ли доза учун 343 мг; 22,5 мг ли доза учун 457 мг; 45 мг ли доза учун 434 мг). Икки шприц ичидагиси мажмуавий тизим ҳисобланади.

А шприц Б шприц учун поршень ва нам ютувчи пакетча ламинирланган алюмин фольга билан қопланган полиэфир контур уяли ўрамга жойланган.

Б шприц инъекцион игнаси билан тиниқ пластик пеналда ва нам ютувчи пакетча ламинирланган алюмин фольга билан қопланган контур уяли ўрамга жойланган.

А шприц Б шприц учун поршень билан комплектда ва нам ютувчи пакетча билан бир контур уяли ўрамдан ва Б шприц инъекцион игна билан комплектда ва нам ютувчи пакетча ҳамда йўриқномаси билан бир картон қутида.

Сақлаш шароити

2^оС дан 8 ^оС гача бўлган ҳароратда, оригинал ўрамида сақлансин.

Болалар олаолмайдиган жойда сақлансин.

Яроқлилик муддати

2 йил.

Ўрамида кўрсатилган яроқлилик муддати ўтганидан сўнг препарат қўлланмасин.

Тайёр эритма 25^оС ҳароратда 30 минут давомида кимёвий ва физик турғун.

Дорихоналардан бериш тартиби

Рецепт бўйича.