📜 Инструкция по применению Эксфорж
💊 Состав препарата Эксфорж
✅ Применение препарата Эксфорж
📅 Условия хранения Эксфорж
⏳ Срок годности Эксфорж

ҚЎЛЛАШ БЎЙИЧА ЙЎРИҚНОМА

ЭКСФОРЖ

EXFORGE®

 

Препаратнинг савдо номи: Эксфорж

Таъсир этувчи моддалар (ХПН): амлодипин бесилати ва валсартан

Дори шакли: плёнка қобиқ билан қопланган таблеткалар

Таркиби:

1 таблетка қуйидагиларни сақлайди:

фаол моддалар: 5 мг амлодипинга қайта ҳисоблаганда 6,94 мг амлодипин бесилати ва
80 мг валсартан ёки 5 мг амлодипинга қайта ҳисоблаганда 6,94 мг амлодипин бесилати ва 160 мг валсартан ёки 10 мг амлодипинга қайта ҳисоблаганда 13,87 мг амлодипин бесилати ва 160 мг валсартан;

ёрдамчи моддалар: микрокристалл целлюлоза, кросповидон, магний стеарати, сувсиз коллоид кремний диоксиди, полиэтиленгликоль (макрогол) 4000, тальк, гипромеллоза, титан диоксиди (Е 171), темир II оксиди (Е 172), темир III оксиди (Е 172) (фақат 10/160 мг доза учун).

Таърифи:

таблеткалар 5 мг/80 мг: тўқ-сариқ, думалоқ шаклли, плёнка қобиқ билан қопланган, четлари қия, бир томонида ”NVR“ ва бошқа томонида –  “NV“ ёзуви бор;

таблеткалар 5 мг/160 мг: тўқ-сариқ, овал, плёнка қобиқ билан қопланган, четлари қия, бир томонида ”NVR“ ва бошқа томонида – “ЕСЕ“ ёзуви бор;

таблеткалар10 мг/160 мг: оч-сариқ, овал, плёнка қобиқ билан қопланган, четлари қия, бир томонида ”NVR“ ва бошқа томонида – “UIC“ ёзуви бор.

Фармакотерапевтик гуруҳи: ангиотензин II ингибиторларининг мажмуавий препаратлари.

АТХ коди: C09D B01

Фармакологик хусусиятлари

Фармакодинамикаси

Эксфорж эссенциал гипертензияси бўлган пациентларда артериал босимнинг назоратини қўшимча механизмлари бўлган икки антигипертензив компонентлар сақлайди: амлодипин кальций антагонистлари синфига, валсартан эса – ангиотензин II антагонистлари синфига киради. Бу икки ингредиентларнинг мажмуаси, алоҳида хар бир компонентга қараганда каттароқ даражада артериал босимни пасайтириб, аддитив антигипертензив самарага эга.

Амлодипин

Амлодипин юрак ва қон томирларнинг силлиқ мушакларига кальций ионларини мембрана орқали киришини сусайтиради. Амлодипиннинг антигипертензив таъсир механизми қон томирларнинг силлиқ мушакларига бевосита бўшаштирувчи таъсири билан боғлиқ, бу периферик қон томирлар қаршилигини камайишига сабаб бўлади ва артериал босимни пасайишига олиб келади. Экспериментал маълумотлар амлодипинни дигидропиридинли ва нодигидропиридинли боғланиш жойлари билан боғланишини тасдиқлайди. Юрак мушаги ва қон томирларнинг силлиқ мушакларини қисқарувчанлик жараёнлари хужайрадан ташқари кальцийни бу хужайраларга специфик ион каналлари орқали киришига боғлиқ.

Эссенциал гипертензияси бўлган пациентларга терапевтик дозалар юборилганидан кейин амлодипин вазодилатацияни чақиради, бу ётган ва турган ҳолатларда артериал босимни пасайишини чақиради. Давомли дозалашда артериал босимни бундай пасайиши юрак қисқаришлари тезлигини ёки плазмадани катехоламинларнинг даражаларини аҳамиятли ўзгаришлари билан бирга кечмайди.

Самара ёшлар ва кекса пациентларда плазмадаги концентрациялари билан корреляция қилади.

Буйрак фаолияти нормал бўлган пациентларда амлодипиннинг терапевтик дозалари буйрак қон томирларининг қаршилигини пасайишига ва гломеруляр фильтрациянинг даражасини ошишига, шунингдек фильтрланаётган фракцияни ёки протеинурияни ўзгаришисиз плазмани буйрак бўйлаб самарали оқишига олиб келади.

Амлодипин билан даволанган, юрак қоринчалари фаолияти нормал бўлган пациентларда тинчлик ва юкламада юрак фаолиятининг гемодинамикасини ўзгаришлари, умуман dp/dt ёки юрак чап қоринчаси ва диастолик босим ёки хажмга аҳамиятли таъсирсиз, юрак индексини бироз ошишини кўрсатади. Гемодинамик текширишларда амлодипин интакт хайвонлар ва одамларда, ҳатто бета-блокаторлар билан юборилганида ҳам, манфий инотроп самара кўрсатмаган.

Амлодипин соғлом хайвонлар ёки одамда синус-бўлмача тугунини ёки бўлмача-қоринча ўтказучанлик фаолиятини ўзгартирмайди. Эссенциал гипертензияси ёки стенокардияси бўлган пациентларда амлодипин бета-блокаторлар билан мажмуада қўлланган клиник тадқиқотларда, электрокардиограмма кўрсаткичларини ўзгаришлари аниқланмаган.

Сурункали стабил стенокардияси, вазоспастик стенокардияси ва ишемик касаллиги бўлган пациентларда амлодипинни ангиографик тасдиқланган ижобий клиник самаралари кузатилган.

Валсартан

Валсартан ичга қўллаш учун мўлжалланган ангиотензин II рецепторларининг фаол ва специфик антагонисти ҳисобланади. У кам тарқалган ва ангиотензин II нинг самараларига жавобгар бўлган кичик тур АТ1 рецепторларига танлаб таъсир қилади. Валсартан томонидан АТ1-рецепторларининг блокадаси оқибатида ангиотензин II нинг юқори даражалари эркин АТ2-рецепторларини рағбатлантираолмайди, бу АТ1-рецепторларининг самараларини тенглаштиради. Валсартан АТ1-рецепторларига нисбатан агонистни бирон-бир қисман фаоллигига эга эмас ва АТ2-рецепторларига нисбатан АТ1-рецепторлари билан анча катта (тахминан 20000 марта) яқинликка эга.

Валсартан ангиотензин I ни ангиотензин II га айлантирадиган ва брадикининни парчалайдиган, шунингдек киназа II номи билан маълум бўлган ААФ ни сусайтиради. Валсартан ААФ ингибитори билан солиштирилган клиник тадқиқотларда, қуруқ йўтал холларининг тез-тезлиги валсартан билан даволанган пациентларда, ААФ ингибиторини қабул қилган пациентларга қараганда аҳамиятли кам (Р<0,05) бўлган (мувофиқ 7,9% билан солиштирганда 2,6%). Илгари ААФ ингибитори билан даволанган пациентларда қуруқ йўтал ривожланган, валсартан билан даволашда бу асорат 19,5% ҳолларда, тиазидли диуретик билан даволашда эса – 19% ҳолларда, айни вақтда эса ААФ ингибиторлари билан даволанган пациентлар гуруҳида йўтал 68,5% холларда кузатилган (Р<0,05). Валсартан юрак-томир тизимининг фаолиятини бошқарилишида муҳим роль ўйновчи бошқа гормонларнинг рецепторлари ёки кальций каналлари билан ўзаро таъсирга киришмайди ва блокламайди.

Артериал гипертензияси бўлган пациентларга валсартанни буюриш, пульснинг тез-тезлигига таъсир қилмасдан, артериал босимни пасайишига олиб келади.

Препаратнинг бир марталик дозаси ичга буюрилганидан кейин кўпчилик пациентларда антигипертензив фаолликни бошланиши 2 соат чегараларида аниқланади, артериал босимни максимал пасайишига эса 4-6 соатлар чегарасида эришилади.

Бир марталик доза қабул қилинганидан кейин антигипертензив самара 24 соатдан кўпроқ сақланади. Препаратни мунтазам қўллаш шароитида максимал терапевтик самарага одатда 2-4 ҳафта давомида эришилади ва давомли даволаш давомида эришилган даражада тутиб турилади. Валсартанни бирдан бекор қилиш артериал гипертензияни қайталанишига ёки бошқа ножўя клиник кўринишларга олиб келмайди.

Сурункали юрак етишмовчилиги (NYHA II-IV синфи) бўлган пациентларда госпитализация даражасини ахамиятли пасайтириши аниқланган. ААФ ингибиторларини ёки бета-блокаторларни қабул қилмаган пациентларда аҳамиятлироқ самарага эришилган. Шунингдек чап қоринча патологияси ёки миокард инфарктидан кейинги чап қоринча дисфункцияси бўлган клиник турғун пациентларда, валсартанни юрак-қон томир ўлимини пасайтириши ҳам аниқланган.

Валсартан/амлодипин

Икки плацебо-назоратланган тадқиқотларда артериал гипертензияси бўлган 1400 дан кўпроқ пациентлар Эксфоржни суткада 1 марта қабул қилганлар. Препаратнинг якка дозасини антигипертензив самараси тахминан 24 соат давом этган.

Эксфорж (амлодипин бесилати/валсартан)  гипертензияси ва диастолик босими ≥ 95 ммHg ва <110 ммHg бўлган пациентларда икки плацебо-назоратланган тадқиқотларда ўрганилган. Тадқиқотнинг биринчи босқичида (бошланғич артериал босим 153/99 ммHg) Эксфорж 5/80 мг, 5/160 мг ва 5/320 мг дозаларда артериал босимни плацебо учун 7/7 ммHg билан солиштирганда 20-23/14-16 ммHg га пасайтирган. Тадқиқотнинг иккинчи босқичида (бошланғич артериал босим 157/99 ммHg) Эксфорж 10/160 мг ва 10/320 мг дозаларда артериал босимни плацебо учун 13/9 ммHg билан солиштирганда 28/18-19 ммHg га пасайтирган.

Кўп марказли, рандомизацияланган, икки томонлама яширин, фаол назоратланган тадқиқотларда параллел гурухларда артериал босимни нормаллашиши, фақат 10 мг амлодипин қўллашни давом эттираётган пациентлардаги 67% билан солиштирганда,
10 мг/160 мг амлодипин/валсартан қўлланган 75% пациентларда аниқланган (синовнинг охирида диастолик босим < 90 ммHg гача келиши билан). 160 мг валсартанни қўшиш, фақат 10 мг амлодипин қўлланган пациентлар билан солиштирганда систолик/диастолик босимни 2,9/2,1 ммHg га қўшимча пасайишини сабаби бўлган.

Эксфорж диастолик босими ≥110 ммHg ва <120 ммHg бўлган эссенциал гипертензияси бўлган 130 пациентларда фаол назоратланган тадқиқотларда ўрганилган. Бу тадқиқотда (бошланғич артериал босим 171/113 ммHg) Эксфоржни 5 мг/160 мг дан 10 мг/160 мг гача дозалаш тартибида, лизинаприл/гидрохлортиазидни 10 мг/12,5 мг дан  20 мг/12,5 мг гача дозалаш тартиби қўлланганидаги 32/28 ммHg билан солиштирганда, доимий артериал босимни 36/29 ммHg га пасайтирган.

Икки узоқ муддатли тадқиқотларда Эксфоржнинг самарасини бир йилдан кўпроқ сақланиши исботланган. Препаратни бирдан бекор қилиш, артериал босимни тез ошишига олиб келмаган.

Артериал босими амлодипин билан адекват назоратланган пациентларда, тўғри келмайдиган шишларда мажмуавий даволаш, шишлар камайганида артериал босимни ўхшаш назоратини таъминлаши мумкин.

Фармакокинетикаси

Тўғри пропорционаллик

Валсартан ва амлодипин фармакокинетикани тўғри пропорционалликни намоён қилади.

Амлодипин

Сўрилиши. Амлодипин терапевтик дозаларда ичга қўлланганидан кейин, унинг плазмадаги чўққи концентрациясига 6-12 соат давомида эришилади. Ҳисобланган мутлоқ биокираолишлиги 64% дан 80% гачани ташкил қилади. Овқат амлодипиннинг биокираолишлигига аҳамиятсиз таъсир қилади.

Тақсимланиши. Тақсимланиш хажми тахминан 21 л/кг ни ташкил қилади. Амлодипиннинг in vitro шароитдаги текширишларида эссенциал гипертензияси бўлган пациентларда айланиб юрувчи препаратнинг тахминан 97,5% плазма оқсиллари билан боғланиши исботланган.

Биотрансформацияси. Амлодипин жигарда жадал (тахминан 90%) нофаол метаболитларигача метаболизмга учрайди.

Чиқарилиши. Амлодипинни плазмадан чиқарилиши тахминан 30-50 соат ярим чиқарилиш даври билан икки фазали. Плазмадаги мувозанат даражаларига 7-8 кун давомида доимо юборилганидан кейин эришилади. Бошланғич амлодипинни 10% ва амлодипиннинг метаболитларини 60% сийдик билан чиқарилади.

Валсартан

Сўрилиши. Валсартан ичга қабул қилинганидан кейин, валсартаннинг плазмадаги чўққи концентрациясига 2-4 соат давомида эришилади. Препаратнинг мутлоқ биокираолишлигини ўртача кўрсаткичи 23% ни ташкил қилади. Валсартаннинг фармакокинетик эгри чизиғи пастга тушувчи мультиэкспоненциал характерга эга (ярим чиқарилиш вақти Т1/2ά < 1 соат ва Т1/2β тахминан 9 соат). AUC (плазмадаги концентрация-вақт) кўрсатилишича овқат валсартаннинг экспозициясини бўйича тахминан 40% га, плазмадаги концентрациясини чўққиси (Сmax) эса – 50% га пасайтиради, гарчи қўлланганидан кейин 8 соат ўтгач плазмадаги валсартаннинг концентрацияси, препаратни оч қоринга қабул қилган гурухлар ва препаратни овқатдан кейин қабул қилган пациентлар гурухлар учун бир хил бўлган. AUC ни пасайиши терапевтик самарасини клиник аҳамиятли пасайиши билан бирга кечмайди, шунинг учун валсартанни овқат қабул қилишдан қатъий назар қабул қилиш мумкин.

Тақсимланиши. Вена ичига юборилганидан кейин валсартанни тақсимланишининг мувозанат хажми тахминан 17 л ни ташкил қилади, бу валсартанни тўқималарда жадал бўлмаган тақсимланишини кўрсатади. Валсартан плазма оқсиллари билан, асосан зардоб альбумини билан мустаҳкам боғланади.

Биотрансформацияси. Валсартан аҳамиятли даражада трансформация қилмайди, чунки дозанинг фақат 20% метаболитларига ўтади. Плазмада паст концентрацияларда (валсартаннинг AUC дан 10% дан камроқ) гидроксиметаболити аниқланган, у фармакологик фаол эмас.

Чиқарилиши. Валсартан асосан ўзгармаган ҳолда ахлат билан (дозанинг тахминан 83%) ва сийдик билан (дозанинг тахминан 13%) чиқарилади. Вена ичига юборилганидан кейин валсартаннинг плазмадаги клиренси тахминан соатига 2 л, унинг буйрак клиренси эса – тахминан соатига 0,62 л (умумий клиренсидан тахминан 30%) ташкил қилади. Валсартаннинг ярим чиқарилиш даври – 6 соат.

Валсартан/Амлодипин

Эксфорж перорал қабул қилинганидан кейин плазмадаги валсартан ва амлодипиннинг чўққи концентрацияларига мувофиқ 3 ва 6-8 соатларда эришилади. Эксфоржни сўрилиш тезлиги ва даражаси валсартан ва амлодипиннинг биокираолишлигига эквивалент.

Буйрак етишмовчилиги

Буйрак фаолиятини бузилиши амлодипиннинг фармакокинетикасига аҳамиятли таъсир қилмайди. Буйрак фаолиятини турли даражали бузилишлари бўлган пациентларда, буйрак фаолиятининг ҳолати (креатинин клиренси бўйича ўлчанади) ва экспозицияси (AUC бўйича аниқланади) орасида реал корреляция йўқ. Шунинг учун буйрак фаолиятини кучсиз ва ўртача бузилишлари бўлган пациентлар одатда бошланғич дозани қабул қиладилар.

Жигар фаолиятини бузилиши

Жигар етишмовчилиги бўлган пациентларда амлодипиннинг клиренси пасаяди, бу AUC ни тахминан 40-60% га ошишига олиб келади. Жигарнинг кучсиз ва ўртача сурункали касалликлари бўлган пациентларда валсартаннинг экспозицияси (AUC қийматлари бўйича аниқланган) соғлом кўнгиллилардагидан ўртача икки марта юқори (ёш, жинс ва тана вазни бўйича танлаб олинган). Жигар касалликлари бўлган пациентларда препарат қўлланганида эҳтиёткорликка риоя қилиш керак.

Қўлланилиши

Монопрепарат билан артериал босими бошқарилмайдиган пациентлардаги эссенциал гипертензияни даволашда қўлланади.

Қўллаш усули ва дозалари

Амлодипин ёки валсартан монопрепаратлари билан артериал босими ноадекват бошқариладиган пациентлар, Эксфорж препарати билан мажмуавий даволашга ўтказилишлари мумкин. Тавсия этилган доза – суткада 1 таблеткани ташкил этади. Эксфоржни сув билан бирга қабул қилиш тавсия этилади.

Валсартан ва амлодипинни алоҳида қабул қилаётган пациентларни, компонентларнинг худди шундай дозаларини сақловчи Эксфоржга ўтказиш мумкин.

Артериал босимни керакли даражасига эришиш учун бир неча препаратларни қўллаш керак бўлган пациентларга, Эксфоржни биринчи қатор даволаш сифатида буюриш мумкин. Эссенциал гипертензияни даволаш учун биринчи қатор даволаш сифатида Эксфоржни танлашда, препаратни қўллашдан хавф/фойда нисбатини баҳолаш керак.

Суткалик доза – 1 таблетка Эксфорж 5 мг/80 мг, ёки 1 таблетка Эксфорж 5 мг/160 мг ёки 1 таблетка Эксфорж 10 мг/160 мгни ташкил этади. Доза 1 ёки 2 ҳафта даволашдан кейин максимал 10 мг/160 мг гача оширилиши мумкин.

Препаратнинг компонентларини максимал йўл қўйиладиган дозалари – амлодипинни сақланиши бўйича 10 мг, валсартанни сақланиши бўйича 320 мг.

Пациентларнинг алоҳида гуруҳлари

Буйрак фаолиятини бузилиши

Енгилдан то ўртача оғирлик даражасидаги буйрак фаолиятини бузилиши бўлган пациентлар учун дозага тузатиш киритиш талаб қилинмайди.

Жигар фаолиятини бузилиши

Жигар фаолиятини бузилиши ёки ўт чиқариш йўлларининг обструкцияси бўлган пациентларда Эксфорж препаратини эҳтиёткорлик билан қўллаш керак. Амлодипиннинг минимал дозасидан бошлашни кўриб чиқиш керак. Эксфорж препаратининг минимал дозаси 5 мг амлодипин сақлайди.

Педиатрик популяция (18 ёшгача)

Хафвсизлиги ва самарадорлиги бўйича маълумотлар етарли бўлмаганлиги туфайли, Эксфорж препаратини 18 ёшгача бўлган пациентларда қўллаш тавсия этилмайди.

Кекса ёшдаги пациентлар (65 ёш ва ундан катта)

Мажмуанинг иккала компоненти бир хил дозада кексалар (65 ёш ва ундан катталар) томонидан ҳам, ёшроқ пациентлар томонидан ҳам қўлланилганда яхши ўзлаштирилганлиги туфайли, кекса пациентлар учун бошланғич дозага тузатиш киритиш талаб қилинмайди. Амлодипиннинг минимал дозасидан бошлашни кўриб чиқиш керак. Эксфорж препаратининг минимал дозаси 5 мг амлодипин сақлайди.

Ножўя таъсирлари

Қуйида келтирилган ножўя реакциялари аъзолар, тизимлар ва пайдо бўлишини тез-тезлиги бўйича таснифланади, бунда энг тарқалганлари биринчи кўрсатилган. Ножўя реакциялар пайдо бўлиш тез-тезлигини баҳолашда қуйидаги мезонлар ишлатилган: жуда тез-тез (≥1/10), тез-тез (≥1/100, <1/10), тез-тез эмас (≥1/1000, <1/100), кам ҳолларда (≥1/10000, <1/1000), жуда кам (<1/10000), шу жумладан алоҳида хабарлар. Ҳар бир тез-тезлик учун гурухда ножўя реакциялар жиддийлигини камайиб бориши тартибида жойлашган.

Инфекциялар

Тез-тез

 

Назофарингит, гриппсимон симптомлар

Иммун тизими томонидан бузилишлар

Кам ҳолларда

 

Ўта юқори сезувчанлик

Кўриш аъзолари томонидан бузилишлар

Кам ҳолларда

 

Кўришни бузилиши

Рухият томонидан бузилишлар

Кам ҳолларда

 

Қўзғалиш

Нерв тизими томонидан бузилишлар

Тез-тез

Тез-тез эмас

 

Бош оғриғи

Бош айланиши, уйқучанлик, постурал бош айланиши, парастезия

Эшитиш аъзоси томонидан

Тез-тез эмас

Кам ҳолларда

 

Вертиго

Қулоқларда шовқин

Юрак томонидан бузилишлар

Тез-тез эмас

Кам ҳолларда

 

Тахикардия, юракни тез уриши

Хушдан кетиш

Томирлар томонидан бузилишлар

Тез-тез эмас

Кам ҳолларда

 

Ортостатик гипотензия

Артериал гипотензия

Нафас тизими томонидан бузилишлар

Тез-тез эмас

 

Йўтал, томоқ ва халқумда оғриқ

Гастроинтестинал бузилишлар

Тез-тез эмас

 

Диарея, кўнгил айниши, қорин оғриғи, қабзият, оғизни қуриши

Тери ва тери ости тўқималари томонидан бузилишлар

Тез-тез эмас

Кам ҳолларда

 

 

Тошмалар, эритема

Кўп терлаш, экзантема, қичишиш

Суяк-мушак тизими томонидан бузилишлар

Тез-тез эмас

Кам ҳолларда

 

Бўғимларни шиши, белда оғриқ, артралгия

Мушак тиришишлари, оғирлик хисси

Буйрак ва сийдик чиқариш тизими томонидан бузилишлар

Кам ҳолларда

 

 

Сийишни тезлашиши, сийдикни чиқишини кўпайиши, мочевина азотини кўпайиши

Репродуктив тизимининг бузилишлари

Кам ҳолларда

 

Эректил фаолиятни бузилиши

Умумий бузилишлар

Кам ҳолларда

 

Шишлар, енгил шиш, юзни шиши, оёқларнинг шиши, толиқиш, оқиб келишлар, астения, “иссиқ” оқиб келишлар

Компонентлари бўйича қўшимча маълумот

Эксфорж хатто агар клиник синовларда бундай реакциялар кузатилмаган бўлса ҳам, компонентлардан бири учун илгари аниқланган ножўя реакцияларни чақириши мумкин.

Амлодипин

Амлодипин билан монотерапиядаги клиник синовларда аниқланган, ўрганилган препарат билан сабаб-оқибат алоқасидан қатъий назар, қўшимча ножўя реакциялари қуйидаги жадвалда келтирилган.

Амлодипиннинг клиник синовлари кенг доира вариациялар шароитида ўтказилганлиги туфайли, препаратни клиник синовларида кузатилган ножўя реакциялари ҳақидаги маълумотлар, бошқа препарат клиник синовларини маълумотлари билан бевосита қиёслаш мумкин эмас ва амалиётда кузатилган маълумотларга мувофиқ келмаслиги мумкин.

Амлодипин билан монотерапиядаги ножўя реакциялар ҳақидаги маълумотлар

Кўриш томонидан бузилишлар
Тез-тез эмас

 

Диплопия
Қон ва лимфатик тизими томонидан бузилишлар
Жуда кам ҳолларда Тромбоцитопения, лейкоцитопения
Иммун тизими томонидан бузилишлар
Жуда кам ҳолларда Аллергик реакциялар
Метаболизм ва овқатланиш томонидан бузилишлар
Жуда кам ҳолларда Гипергликемия
Рухий бузилишлар
Тез-тез эмас Уйқусизлик, кайфиятни ўзгаришлари
Нерв тизими томонидан бузилишлар
Тез-тез эмас Тремор, гипоестезия, дисгвезия
Жуда кам ҳолларда Периферик невропатия, гипертония
Кардиологик бузилишлар
Жуда кам ҳолларда Аритмия, брадикардия, юрак бўлмачаларининг фибрилляцияси, юрак қоринчаси тахикардияси, миокард инфаркти
Томирли бузилишлар
Жуда кам ҳолларда Васкулит
Нафас, кўкрак қафаси ва кўкс оралиғи аъзолари томонидан бузилишлар
Тез-тез эмас Хансираш, ринит
Меъда-ичак йўллари томонидан бузилишлар
Тез-тез эмас Қусиш, диспепсия
Жуда кам ҳолларда Панкреатит, гастрит, милкларнинг гиперплазияси
Гепатобилиар тизими томонидан
Жуда кам ҳолларда Гепатит, сариқлик
Тери ва тери ости тўқималари томонидан
Тез-тез эмас Алопеция, пурпура, тери рангини ўзгариши, фотосенсибилизация
Жуда кам ҳолларда Ангионевротик шиш, эшакеми, кўп шаклли эритема, Стивенс-Джонсон синдроми
Суяк-мушак тизими ва бириктирувчи тўқима томонидан бузилишлар
Тез-тез эмас Миалгия
Буйрак ва сийдик чиқариш тизими томонидан бузилишлар
Тез-тез эмас Сийишни бузилиши, никтурия
Репродуктив тизими ва сут безлари томонидан бузилишлар
Тез-тез эмас Гинекомастия
Умумий бузилишлар ва юборилган жойнинг холати
Тез-тез эмас Оғриқ, лоҳаслик, кўкракда оғриқ
Текширишларнинг маълумотлари бўйича бузилишлар
Тез-тез эмас Тана вазнини камайиши, тана вазнини ошиши
Жуда кам ҳолларда Жигар ферментларини ошиши (кўпинча холестаз оқибатида)

Валсартан

Валсартан билан клиник синовларда, ўрганилаётган препарат билан сабаб-оқибат боғланишидан қатъий назар, аниқланган қўшимча ножўя кўринишлар қуйидаги жадвалда келтирилган.

Пост-маркетинг тадқиқотларда қайд қилинган ва лаборатория кўрсатгичлари бўйича барча ножўя реакциялар учун, ножўя реакцияларнинг бирон-бир тез-тезлигининг кўрсатишни иложи йўқ ва демак, бундай реакциялар “номаълум” тез-тезлик билан кўрсатилади.

Валсартан билан монотерапиядаги препаратга ножўя реакциялар

Қон ва лимфатик тизими томонидан бузилишлар
Номаълум Гемоглобинни пасайиши, гематокритни пасайиши, нейтропения, тромбоцитопения
Иммун тизими томонидан бузилишлар
Номаълум Ўта юқори сезувчанлик, шу жумладан зардоб касаллиги
Метаболизм ва овқатланиш томонидан бузилишлар
Номаълум Қон зардобида калийнинг даражасини ошиши
Томирли бузилишлар
Номаълум Васкулит
Гепатобилиар тизими томонидан бузилишлар
Номаълум Жигар фаолиятининг кўрсатгичларини ошиши, шу жумладан қон зардобидаги билирубинни ошиши
Тери ва тери ости тўқималари томонидан бузилишлар
Номаълум Ангионевротик шиш, буллёз дерматит
Суяк-мушак тизими ва бириктирувчи тўқима томонидан бузилишлар
Номаълум Миалгия
Буйрак ва сийдик чиқариш йўллари томонидан бузилишлар
Тез тез эмас Буйрак етишмовчилиги ва буйрак фаолиятини ёмонлашиши, қон зардобида креатининнинг даражасини ошиши

Текширилаётган препарат билан уларни сабаб боғланишидан қатъий назар, гипертония касаллиги бўлган пациентларда клиник синовлар вақтида шунингдек, қуйидаги ножўя реакциялар ҳам кузатилган: уйқусизлик, либидони пасайиши, фарингит, ринит, синусит, юқори нафас йўлларининг инфекциялари, вирусли инфекциялар.

Қўллаш мумкин бўлмаган ҳолатлар

Амлодипинга, валсартанга ёки ёрдамчи моддалардан биронтасига юқори сезувчанлик.

Ангиотензин рецепторларининг антагонистларини, шу жумладан валсартанни ёки ангиотензинга-айлантирувчи фермент (ААФ) ингибиторларини аликсирен билан II тур қандли диабети бўлган пациентларда бир вақтда қўллаш мумкин эмас.

Дориларнинг ўзаро таъсири

Амлодипин

Амлодипин билан монотерапияда қуйидаги препаратлар билан клиник аҳамиятли ўзаро таъсири аниқланмаган: тиазидли диуретиклар, бета-блокаторлар, ААФ ингибиторлари, давомли таъсирли нитратлар, сублингвал нитроглицерин, дигоксин, варфарин, аторвастатин, силденафил, маалокс (алюминий гидроксиди гели, магний гидроксиди, симетикон), циметидин, НЯҚВ, антибиотиклар, перорал гипогликемик воситалар.

Симвастатин: Амлодипиннинг 10 мг ва симвастатиннинг 80 мг кўп марталик дозаларини бирга юбориш, бир симвастатинни юбориш билан солиштирганда, симвастатиннинг экспозициясини 77% ошишига олиб келган. Амлодипин қабул қилаётган пациентларда симвастатиннинг дозасини 20 мг гача чеклаш тавсия этилади.

CYP3A4 ингибиторлари: Дилтиаземнинг 180 мг суткалик ва амлодипиннинг 5 мг дозаларини гипертония касаллиги бўлган кекса пациентларга бирга юбориш, амлодипиннинг тизимли экспозициясини 1,6 марта ошишига олиб келган. Шунга қарамасдан, CYP3A4 нинг кучли ингибиторлари (масалан, кетоконазол, итраконазол, ритонавир), қон плазмасидаги амлодипиннинг концентрациясини, дилтиаземга қараганда каттароқ даражада ошириши мумкин. Шунинг учун, амлодипин CYP3A4 ингибиторлари билан бирга қўлланганида эҳтиёткорлик кўрсатиш керак.

Грейпфрут шарбати: грейпфрут шарбати билан бирга қўлланилганда CYP3A4 ни ингибиция қилиниши туфайли, амлодипиннинг экспозицияси ошиши мумкин. Шунга қарамасдан, 240 мл грейпфрут шарбатини 10 мг амлодипиннинг бир марталик перорал дозаси билан бирга қўлланилганда 20 нафар соғлом кўнгиллиларда амлодипиннинг фармакокинетикасига аҳамиятли даражада таъсир кўрсатмаган.

CYP3A4 индукторлари: CYP3A4 индукторларини амлодипинга нисбатан миқдорий самаралари ҳақида маълумотлдар йўқ. Амлодипин CYP3A4 индукторлари билан бир вақтда қўлланганида пациентларни адекват клиник самарага нисбатан назорат қилиш керак.

Литий: Литий ААФ ингибиторлари ёки ангиотензин II рецепторларининг антагонистлари билан бирга қўлланганида литийнинг зардобдаги концентрациясини ва токсиклиги кўринишларини қайтувчан ошиши ҳақида хабар берилган. Демак, бирга қўлланганида литийнинг зардобдаги концентрацияларини синчиклаб мониторинг қилиш тавсия этилади. Хатто диуретик қўлланганида, литийнинг токсиклигини хавфи Эксфорж препарати билан эҳтимол ошиши мумкин.

Валсартан

Ангиотензин рецепторларининг антагонистлари, ААФ ингибиторлари ёки аликсирен томонидан ренин-ангиотензин тизимини (РАТ) иккиланган блокадаси: ангиотензин рецепторларининг антагонистларини, шу жумладан валсартанни РАТ га таъсир қилувчи бошқа моддалар билан бир вақтда қўллаш, монотерапия билан солиштирганда гипотензиялар, гиперкалиемиялар ва буйрак фаолиятини ўзгаришлари холлари миқдорини ошиши билан боғлиқ. Эксфорж ва РАТ га таъсир қилувчи бошқа моддаларни қабул қилаётган беморларда артериал босим, буйрак фаолияти ва электролитлар даражасини назорат қилиш керак.

Оғир буйрак етишмовчилиги (креатинин клиренси <30 мл/минут) бўлган беморларда ангиотензин рецепторларининг антагонистлари, шу жумладан валсартан ёки ААФ ингибиторларини аликсирен билан бир вақтда қўллашдан сақланиш керак.

Валсартан билан монотерапияда қуйидаги препаратлар билан клиник аҳамиятли ўзаро таъсири аниқланмаган: циметидин, варфарин, фуросемид, дигоксин, атенолол, индометацин, гидрохлортиазид, амлодипин, глибенкламид.

Калийли қўшимчалар, калийни тежовчи диуретиклар, калий сақловчи тузлар ўрнини босувчи ёки калийнинг даражасини ошириши мумкин бўлган бошқа препаратлар (гепарин ва бошқалар) бир вақтда қўлланганида, эҳтиёткорлик талаб қилинади. Калийнинг миқдори даражаларини тез-тез назорат қилишни кўзда тутиш керак.

Ностероид яллиғланишга қарши воситалар (НЯҚВ), шу жумладан циклооксигеназа-2 нинг (ЦОГ 2 ингибиторлари) селектив ингибиторлари: ангиотензин II антагонистлари НЯҚВ билан бир вақтда юборилганида, антигипертензив самарасини сусайиши кузатилиши мумкин. Бундан ташқари, суюқликнинг хажми пасайган (шу жумладан диуретиклар билан даволашда бўлган пациентларда) ёки буйрак фаолиятини бузилиши бўлган кекса ёшли пациентларда ангиотензин II антагонистлари ва НЯҚВ ни бир вақтда қўллаш, буйрак фаолиятини ёмонлашишини юқори хавфига олиб келиши мумкин. Шундай қилиб, бир вақтда НЯҚВ қабул қилаётган валсартан билан даволанаётган пациентларда, бошида ёки даволаш ўзгартирилганида буйрак фаолиятини назоратини ўтказиш тавсия этилади.

Ташувчилар: одам жигари тўқимасида in vitro шароитда тадқиқотлар натижаси валсартанни жигар қамраб олиш ОАТ1В1 транспортёри субстрати ва жигардан оқиб чиқиш MRP2 транспартёри субстрати ҳисобланади. Қамраб олиш транспартёри ингибиторлари (рифампицин, циклоспорин) ёки оқиб чиқиш транспартёрини (ритонавир) бир вақтда буюриш, валсартиннинг тизимли таъсирини ошириши мумкин.

Махсус кўрсатмалар

Организмида натрий ва/ёки айланаётган қон хажмини танқислиги бўлган пациентлар

Ангиотензин-рецепторларининг блокаторларини қабул қилаётган, асоратланмаган артериал гипертензияси бўлган пациентларда хаддан зиёд гипотензия кузатилган. Ренин-ангиотензин тизими фаоллашган пациентларда (натрий ва/ёки айланаётган қон хажми паст бўлган ва диуретикларнинг юқори дозаларини қабул қилаётган), симптоматик гипотензия пайдо бўлиши мумкин. Эксфоржни қўллашдан олдин бундай ҳолатни мувофиқлаштириш ёки даволашни бошида синчков тиббий кузатув тавсия этилади. Эксфорж қўлланганида артериал гипотензия пайдо бўлганида, пациентни чалқанча ётқизиш ва агар керак бўлса, вена ичига физиологик эритманинг инфузиясини ўтказиш лозим. Артериал босим барқарорлашганидан кейин даволаш давом эттирилиши мумкин.

Гипергликемия

Калийли қўшимчалар, калий тежовчи диуретиклар, калий сақловчи тузлар ўрнини босувчилар, ёки калийнинг даражасини ошириши мумкин бўлган бошқа препаратлар (гепарин ва бошқалар) билан бир вақтда даволашни эхтиёткорлик билан ўтказиш керак, шунингдек қон зардобида калийнинг миқдорини кўпроқ назорат қилишни кўзда тутиш керак.

Бета-блокаторларни бекор қилиш

Амлодипин бета-блокатор эмас ва шунинг учун бета-блокаторларни бирдан бекор қилиш хавфидан ҳимоя қилмайди, шунинг учун бета-блокаторнинг дозасини аста-секин бекор қилиш керак.

Буйрак артериясининг стенози

Буйрак артериясининг бир томонлама ёки икки томонлама стенози бўлган пациентларда Эксфоржни қўллаш бўйича маълумотлар йўқ.

Буйракни кўчириб ўтказиш

Яқинда буйрак кўчириб ўтказилишини ўтказган пациентларда Эксфоржни қўллашнинг хавфсизлигини тажрибаси йўқ.

Жигар фаолиятини бузилиши

Валсартан асосан ўзгармаган ҳолда сафро билан чиқарилади, амлодипин эса жигарда жадал метаболизмга учрайди. Жигар фаолиятини бузилиши ёки ўт қопини обструктив бузилишлари бўлган пациентларда Эксфорж қўлланганида алоҳида эҳтиёткорлик керак.

Буйрак фаолиятини бузилиши

Буйрак фаолиятини кучсиз ва ўртача бузилишлари бўлган пациентлар учун Эксфоржнинг дозасига тузатиш киритиш зарурати йўқ. Буйрак фаолиятини оғир бузилишлари (креатинин клиренси минутига 10 мл/ дан кам) бўлган пациентлар учун препаратни қўллаш бўйича маълумотлар йўқ, шунинг учун эҳтиёт бўлиш тавсия этилади.

Оғир буйрак етишмовчилиги (креатинин клиренси <30 мл/минут) бўлган пациентларда ангиотензин рецепторларининг антагонистларини, шу жумладан валсартанни, ёки ААФ ингибиторларини аликсирен билан бир вақтда қўллашдан сақланиш керак.

Аорта ва митрал клапан клапан стенози, обструктив гипертрофик кардиомиопатия.

Бошқа вазодилататролар билан даволашдаги каби, аорта стенози ёки митрал клапан стенози бўлган пациентларда ёки обструктив гипертрофик кардиомиопатияда алохида эхтиёткорликка риоя қилиш керак.

Ностабил стенокардияда препаратни эҳтиёткорлик билан қўллаш керак.

Ангионевротик шиш

Валсартан қабул қилган пациентларда нафас йўлларининг обструкциясига ва/ёки юз, лаблар, томоқ ва/ёки тилни шишига олиб келувчи халқум ва товуш ёриқларининг шишини ўз ичига олувчи, ангионевротик шиш ҳақида хабарлар бор. Бу пациентлардан айримларининг анамнезида бошқа препаратлар, шу жумладан ААФ ингибиторлари чақирган ангионевротик шиш ривожланиши ҳақида кўрсатмалар бор. Ангионевротик шиш ривожланаётган пациентларда Эксфоржни дархол бекор қилиш керак ва бу препаратни қайта буюриш мумкин эмас.

Юрак етишмовчилиги бўлган/ўтказилган миокард инфарктидан кейинги пациентлар

Умуман кальций каналларининг блокаторларини, шу жумладан амлодипин, жиддий димланган юрак етишмовчилиги (Нью-Йорк кардиологик ассоциацияси (NYНA) таснифи бўйича III-IV функционал синфи) бўлган пациентларда эхтиёткорлик билан ишлатиш керак. Буйрак фаолияти ренин-ангиотензин-альдостерон тизимининг фаоллигига боғлиқ бўлган пациентларда (масалан, оғир димланган юрак етишмовчилиги), ангиотензинга-айлантирувчи фермент ингибиторлари ёки ангиотензин рецепторларининг антагонистлари билан даволаш, олигурия ва/ёки прогрессив азотемия ва кам ҳолларда ўткир буйрак етишмовчилиги ва/ёки  ўлим билан боғлиқ бўлган. Юрак етишмовчилиги бўлган ёки ўтказилган миокард инфарктидан кейинги пациентларни баҳолаш, доимо буйрак фаолиятини баҳолашни ўз ичига олиши керак.

Ўткир миокард инфаркти бўлган пациентлар

Стенокардияни ёмонлашиши ва ўткир миокард инфаркти амлодипиннинг бошланғич дозасини қабул қилгандан ёки уни оширгандан кейин ривожланиши мумкин, айниқса коронар артерияларнинг оғир обструктив касалликлари бўлган пациентларда.

Ренин-ангиотензин тизимини (РАТ) иккиланган блокадаси.

Ангиотензин рецепторларининг антагонистларини, шу жумладан валсартанни ААФ ингибиторлари ёки аликсирен каби РАТ ни блокловчи бошқа воситалар билан бирга қўллаш вақтида эҳтиёткорликка риоя қилиш керак.

Ҳомиладорлик ёки эмизиш даврида қўлланиши

Ангиотензин II антагонистларининг таъсир механизмини ҳисобга олиб, ҳомила учун хавфни истисно қилиб бўлмайди. Ҳомиладор аёллар томонидан II ва III уч ойликда ангиотензинга-айлантирувчи фермент (ААФ) ингибиторларини (ренин-ангиотензин-альдостерон (РААТ) тизимига таъсир қилувчи препаратларнинг специфик синфи) қўллаш, ҳомилани шикастланиши ва нобуд бўлишига сабаб бўлиши мумкинлиги ҳақида хабар берилган.

Бундан ташқари, бор бўлган ретроспектив маълумотлар асосида ААФИ ни I уч ойлигида қўллашни ҳомилада туғма нуқсонларни ривожланишини потенциал хавфи билан боғлайдилар. Агар ҳомиладор аёл билмасдан валсартан қабул қилган бўлса, спонтан бола ташлашлар, камсувлик ва янги туғилган чақалоқларда буйрак фаолиятини бузилишлари ҳақида хабар берилган. РААТ га бевосита таъсир қилувчи хар қандай препарат каби, Эксфорж ҳомиладорликда ёки ҳомиладорликни режалаштираётган аёлларда қўлланмайди.

РААТ га таъсир қилувчи хар қандай препаратларни буюраётган шифокорлар, ҳомиладорликни режалаштираётган аёлни, бу препаратлар қабул қилинганида келажакдаги болага потенциал хавф ҳақида огохлантириши керак. Агар даволаш жараёнида ҳомиладорлик аниқланса, Эксфоржни қабул қилишни тўхтатиш керак.

Валсартан ва/ёки амлодипинни  кўкрак сутига ўтиши номаълум, шунинг учун препаратни эмизиш даврида қўллаш тавсия этилмайди. Агар препарат билан даволаш она учун зарур бўлса, эмизишни тўхтатиш керак.

Болалар

Бу препарат билан 18 ёшгача бўлган болаларни даволашни текширишлари ўтказилмаган. Шунинг учун тўлиқроқ хажмда маълумот олинмагунигача, Эксфоржни болаларни даволаш учун қўллаш тавсия этилмайди.

Автотранспортни бошқариш ёки бошқа механизмлар билан ишлашда реакция тезлигига таъсир қилиш қобилияти

Автотранспортни бошқариш ва потенциал хавфли механизмлар билан ишлашга препаратни таъсири бўйича текширишлар ўтказилмаган. Лекин препарат қабул қилгандан кейин бош айланиши ёки кучсизлик ҳисси пайдо бўлган пациентлар, автотранспортни бошқариш ва потенциал хавфли механизмлар билан ишлашдан сақланишлари керак.

Препарат болалар ололмайдиган жойда сақлансин ва яроқлилик муддати ўтгач қўлланилмасин.

Дозани ошириб юборилиши

Ҳозирги вақтда Эксфорж препаратини дозасини ошириб юборилишининг ўрганишни тажрибаси йўқ. Валсартаннинг дозасини ошириб юборилишининг асосий симптоми, эҳтимол, бош айланиши билан кечувчи яққол артериал гипотензиядир. Амлодипиннинг дозасини ошириб юборилиши ўсиб борувчи периферик вазодилятацияга ва эҳтимол рефлектор тахикардияга олиб келиши мумкин. Хатто шок ва ўлим билан якунланувчи аҳамиятли ва потенциал давомли тизимли гипотензия ҳақида хабар берилган.

Агар препарат яқинда қабул қилинган бўлса, қусишни чақириш ва меъдани ювиш керак. Қабул қилинганидан кейин дархол ёки икки соат давомида фаоллаштирилган кўмирни қўлланганида амлодипинни сўрилиши аҳамиятли пасаяди.

Эксфоржнинг дозасини ошириб юборилиши чақирган клиник аҳамиятли гипотензия, юрак-қон томир тизимининг ҳолатини фаол тутиб туришни, шу жумладан юрак ва нафас фаолиятини тез-тез назорат қилишни, оёқларни кўтаришни, айланаётган қон хажмига ва сийишга эътибор беришни, талаб қилади. Томирлар тонусини ва артериал босимни тиклаш учун, уни қўллаш учун қарши кўрсатмалар бўлмаса, томирларни торайтирувчи препарат ишлатилиши мумкин. Кальций каналларининг турғун блокадасини оқибати бўлган артериал босимни турғун пасайишида, кальций глюконатни вена ичига юбориш мақсадга мувофиқ бўлиши мумкин.

Кальций каналларининг блокадаси асоратларини йўқотиш учун, кальций глюконатини вена ичига юбориш фойдали бўлиши мумкин.

Валсалтан ҳам, амлодипин ҳам гемодиализ ёрдамида чиқарилишининг эҳтимоли кам.

Чиқарилиш шакли

14 ёки 28 таблеткадан ўрамда.

Сақлаш шароити

30оС дан юқори бўлмаган ҳароратда, оригинал ўрамида, намликдан ҳимояланган жойда сақлансин.

Яроқлилик муддати

3 йил.

Дорихоналардан бериш тартиби

Рецепт бўйича.

ИМЕЮТСЯ ПРОТИВОКАЗАНИЯ. НЕОБХОДИМО ОЗНАКОМИТЬСЯ С ИНСТРУКЦИЕЙ
ПО ПРИМЕНЕНИЮ ИЛИ ПОЛУЧИТЬ КОНСУЛЬТАЦИЮ СПЕЦИАЛИСТА

Лекарственные средства, информация о которых представлена на сайте, могут иметь противопоказания к их применению и использованию. Перед использованием необходимо ознакомиться с инструкцией по применению или получить консультацию у специалистов.