📜 Инструкция по применению Дўлана меваси
💊 Состав препарата Дўлана меваси
✅ Применение препарата Дўлана меваси
📅 Условия хранения Дўлана меваси
⏳ Срок годности Дўлана меваси

ДЎЛАНА МЕВАСИ

FRUCTUS CRATAEGI

Савдо номи: Дўлана меваси

Раъногулдошлар (Rosaceae) оиласига мансуб, ёввойи ўсувчи ва маданийлаштирилган буталар ёки унча катта бўлмаган дарахтлар – турли хил дўланаларнинг (Crataegus): тўқ- қизил дўлана (Crataegus sanguinea Pall.), текисланган дўлана (С.laevigata (Poir. DC), тиканли дўлана (С.oxyacantha sensu Pojark), Корольков дўланаси (С.Korolkovii., Henry), олтой дўланаси (С. Altaica (Lond.) Lange)), сариқ дўлана (С. Chlorocarca Lenne et C. Koch), даурия дўланаси (С. Dahurica Koehne ex Schneid.), ёлғиз уруғчали дўлана (С. Monogina Jacq.), олмония дўланаси (С.almanniensis Cin.), беш уруғчали дўлана (С.pentagyna Waldst.et Kit.), шарқий балтиқ дўланаси (С.orientobaltica Cin.), қайрилган косачабаргли дўлана (С. Curvisepala Lindm), курзам дўланаси (С.x curonica Cin.), даугава дўланаси (С.x dunensis Cin.) нинг тўлиқ пишиб етилган даврида йиғилган ва қуритилган мевалари.

Дори шакли: доривор ўсимлик хом ашёси.

Таркибида: флавоноидлар, тритерпен кислотаси, холин, ацетилхолин, фитостеринларни сақлайди.

Фармакотерапевтик гуруҳи: Кардиотониклар

 

Фармакологик хусусиятлари

Дўлана мевалари юрак мушакларининг кисқаришини кучайтиради ва унинг кўзғалувчанлигини пасайтиради, юрак ва мия қон томирларида қон айланишини яхшилайди, миокардни юрак гликозидларининг таъсирига сезувчанлигини оширади.

Қўлланилиши

Юрак фаолиятининг функционал бузилишларини, ангионеврозларни, липилловчи аритмия ва пароксизмал тахикардияни (енгил шаклларида, антиаритмик препаратлар билан даволашга  қўшимча) даволашда қўлланилади.

Қўллаш усули ва дозаси

Ичга буюрилади, дамлама кўринишида қўлланилади. Уни тайёрлаш учун 1 ош қошиқ ёки устидан 200 мл (1 стакан) қайноқ сув қуйилади, қопқоғи ёпилади ва 15 минут давомида сув ҳаммомида қиздирилади, сўнг 45 минут давомида совутилади, докадан ўтказилади ва қолган ҳом-ашё сиқилади. Олинган дамлама ҳажми қайнатилган сув билан 200 мл гача етказилади. Дамламани салқин жойда 2 сутка сақлаш мумкин. Овқатланишдан 30 минут олдин, 1 ош қошиқдан кунига 2-3 марта ичилади.

 

Ножўя таъсирлари

Аниқланмаган.

 

Қўллаш мумкин бўлмаган ҳолатлар

Препаратга бўлган юқори сезувчанликда қўллаш мумкин эмас.

Махсус кўрсатмалар

Препаратни болалар ололмайдиган жойда сақлансин ва уни яроқлилик муддати ўтгач ишлатилмасин.

 

Дозани ошириб юборилиши

Аниқланмаган.

 

Чиқарилиш шакли

Қутилар ва пакетлар. 50 г, 100 г дан қутиларга жойлаштирилган пакетларда ва 2 г ли фильтр-пакетлар №25 ёки №50 қутиларда.

 

Сақлаш шароити

Қуруқ, ёруғликдан ҳимояланган жойда, 25ºС дан юқори бўлмаган ҳароратда сақлансин.

 

Яроқлилик муддати

2 йил.

Дорихоналардан бериш тартиби

Рецептсиз.

ИМЕЮТСЯ ПРОТИВОКАЗАНИЯ. НЕОБХОДИМО ОЗНАКОМИТЬСЯ С ИНСТРУКЦИЕЙ
ПО ПРИМЕНЕНИЮ ИЛИ ПОЛУЧИТЬ КОНСУЛЬТАЦИЮ СПЕЦИАЛИСТА

Лекарственные средства, информация о которых представлена на сайте, могут иметь противопоказания к их применению и использованию. Перед использованием необходимо ознакомиться с инструкцией по применению или получить консультацию у специалистов.